南國小喫 (Closed)

話說今日行過銅鑼灣，見到呢間《南國》賣台式外賣飯盒，其中有個台式滷肉飯望落去個樣幾吸引，諗起老婆鍾意食就買一個返屋企試下，由於唔係立即食所以就叫左服務員個汁分開另外一盒，返到屋企發現個汁同肉既份量少得可憐！根本唔夠（送）飯！（圖中就係所有既汁）雖然個汁味道係唔差，但因為唔夠汁，所以有半個飯都係無味，只係食緊白飯！本身個飯係配酸菜（帶辣味）但老婆唔鍾意食，所以拎走了！如果可以多番啲汁，個飯應該唔錯！可惜！