南樂園

Open Now

Now Closed

我們於13/9（五）早上九點到達，人流不多，都有幾多枱。我們叫了一個粢飯、一碟炸兩及2杯豆漿。店員還問我們粢飯要不要一開二👍🏻❶豆漿（$10x2）：清甜，仲飲到少少「腐竹」可能係豆漿層薄膜🤣❷粢飯（$26）：皮薄餡靚，一分錢一分貨，飯比出面嘅少啲，餡就多，又有油炸鬼，又有榨菜同肉鬆👍🏻❸炸兩（$15）：大約有13塊左右，新鮮吃腸粉皮軟，油炸鬼脆脆之前暑假close左，而家開番，係正品香樓對面，小店風味嘅早餐值得再去

早起的鳥兒有蟲吃🤣由於小女子樓下冇呢類嘅嘢食，難得又早起又出開呢頭，諗都唔洗諗就去食呢間！小妹食後總結: 平靚正☺️以前係呢頭返學都耐唔耐幫襯吓，而家遠離咗呢區…. 冇得成日幫襯，但個種味道仍然依舊👍🏻🌱艇仔粥: 粥底綿兼帶有少少腐竹香，配料一d都冇揸流攤，份量足🌱炸兩: 雖然油炸鬼就遜色咗少少但勝在皮薄又夠滑，都好食！如果油炸鬼脆返d 就完美😋😋😋記得多醬呀～～～

相信曾經係石硤尾讀書，甚至係讀城大嘅學生，都一定有一段南山邨食飯既回憶。而南樂園，就係好多學生經常去既地方，只少開左20幾年。環境係戶外大排檔，夏天食會比較熱，但就會有一種風味。怕熱既人，建議冬天先黎食一碗熱粥，格外溫暖。叫左一碗豬紅艇仔粥，牛肉粥，炒面，同牛肉腸。粥身煮到好綿，粥底味道濃，感覺到係真材實料咁慢慢熬出味道。豬紅係彈牙果隻，唔係一咬就碎果款。艇仔粥既肉碎同牛肉粥既肉碎係一樣既，不過艇仔粥會多埋幾條魷魚。炒面係凍既，應該一次炒起一大堆，每次裝一份出黎。 唔會話好突出，就係兒時既炒面味道。

呢間粥店係南山邨既冬菇亭之前睇報道佢好有心做粥，所以好吸引叫左艇仔粥，好足料，粥好綿，但又唔會好快岀水老闆介紹要試下佢地個黐飯，本身無諗住叫因為好飽估唔到真係有驚喜！材料同飯既比例剛剛好，餸多，飯又唔硬，下次都想再食！

不嬲最憎食粥，𠵱間隱身舊式公屋嘅大排檔令我改觀。艇仔粥熱辣辣，材料豐富鮮甜，最緊要係粥底米香十足，濃淡適中，唔會杰撻撻劣版潮州粥咁，又唔會稀到水咁，幾驚喜。炸兩唔係脆卜卜嗰啲，少少淋，但腸粉同油炸鬼本身出色，唔油膩又香口，救得返。最正係 醬同芝麻都任加，自己溝到最啱心水，𠵱樣都值得加分！反而炒麵同叉燒腸無乜特別，可skip。整體來講十分值得嚟，樓面招呼周到，價錢仲時光倒流咁，夫復何求！

唔係住呢度，但一早聽聞呢度好好味，今早專登搭車去試下。。。外觀是懷舊嘅熟食檔，但原來真的很有內涵😍1. 炸兩-在枱上有各式各樣嘅醬料，可以自行去配搭，味道出色，家人吃了後又encore。2. 炒麵-遇上啱啱炒起熱辣辣，加上滿滿胡椒粉味道，不用浸粥食已經好好食。3. 牛肉腸粉-足料嘅牛肉腸粉4. 艇仔粥-全場最驚喜就係佢粥底，完全不用自行加任何調味料，已經好夠味，係兒時嘅味道。5. 粢飯-飯薄餡多，個人意見認為出色過某間大王米芝連嘅粢飯。總結：原本抱住現今很少呢種粥檔嘅情懷去，但真係驚喜無限。。店員亦很熱情禮貌，環境在這些舊區是已經很乾淨，祝願店主老闆生意興隆，希望未來繼續做落去，真係唔希望有日會無了咁好食嘅嘢😋

對石峽尾這個地方有很多感受，小時候很常來因為祖母家就在這邊；長大了更會因為在旁邊的大學讀書不時會來吃東西，但是這家專吃粥品的老店卻跟一位老朋友來吃，有時候還是會回來這裡吃一下懷舊的味道皮蛋瘦肉粥 $22炸腸粉 $13糯米飯 $13簡單來一碗皮蛋瘦肉粥，粥底綿密，有淡淡的米香；皮蛋跟瘦肉份量十足，皮蛋香醇但不算是流心，瘦肉絲有調味夠鹹香，豐富整碗粥的味道～這裡的炸両（炸腸粉）做得不錯，即蒸的腸粉皮軟糯滑溜，中間的油條仍保有香脆口感，再按個人喜好添加甜醬麻醬，最佳comfort food是也！會來這店的主因是老朋友強烈推薦的糯米飯，同是也是店家的招牌和最受歡迎的食品～ 跟外邊吃到的不同是這個糯米飯只有花生跟甜豉油，看似簡單但做到糯米飯口感煙靭軟糯不會有生硬飯粒，而甜豉油的份量令糯米飯不會過鹹，香脆的花生增加口感，簡簡單單的已經令人回味店家位於石峽尾南山邨的冬菇亭大排檔內，沒有華麗裝潢也沒有冷氣，簡單的在路的兩旁放幾張圓形摺檯跟摺櫈，完全是買少見少的懷舊老店了！傳統家庭式的粥品店，味道也許談不上好味道但人情味是一直大家很懷念，始終這種滿有兒時回憶的已經越來越少了，有時候未必在那個地區成長，不

走到 #南山邨 ，不是為了打卡📷而是為了到 #冬菇亭 食懷舊粥店✨ 南樂園✨今時今日，老闆堅持日日自家新鮮製作👏🏻粥品，油器，粢飯，腸粉，糯米飯等等，✅為的就是讓街坊食到原味道🔎皮蛋艇仔粥，炸両， #牛肉腸 ， #炒麵 ， #豆漿可惜肚皮有限，🔎唯有外賣 #糉 ， #粢飯 ， #糯米飯 ，番屋企再食過❤️糯米飯口感煙靭軟糯，加點油同甜豉油，配上脆花生，簡簡單單已經令人回味😋僅餘殘存的懷舊小店，食的是情懷，食的是人情味，絶對值得大家走一趟

🥣🥣🥣早前見到有介紹傳統懷舊屋邨，人情味粥鋪既小故事，有機會即刻去南山邨試下粥鋪經營幾十年，粥品食物唔會差，環境的確好有懷舊味道皮蛋瘦肉粥($24)粥底味道唔錯唔太咸，皮蛋同瘦肉都足料，皮蛋大約都應該有一隻，但又未算好突出油炸鬼($10)油炸鬼加分位係勝在熱焫焫，好脆，但唔算好油，岩岩好餈飯($25)好大舊，同埋餡料好足，一啖可以食到哂所有餡料，用既油炸鬼唔韌，所以都算易進食，食一個當一餐都係唔錯選擇👍🏻👍🏻糯米飯($15)糯米飯只有花生，同淋上豉熟油，唔中意花生既朋友就真係唔好選擇，淋上豉熟油還好，未算好咸或好油

橫睇掂睇呢一間都係一間不折不扣的粥品店，常不知一坐低見到老闆多口問吓佢呢度有乜野招牌食物佢竟然係話栥飯糯米飯同稯，估佢唔到之一就係竟然無提及粥品腸粉炒麵嗰D，估佢唔到之二就係栥飯糯米飯同稯都係超重型之選，結果揀了豆漿栥飯呢兩樣最合適。栥飯比想像之中大件，兩個人Share就差唔多，熱辣辣，好多肉鬆同炸菜，兩者再加埋個糯米飯Mix得好Balance，真心讚，如果連入面條油炸鬼都脆就真係無敵，不過世事邊有咁完美，之但係衣家就算油炸鬼唔脆都已經好好食。杯豆漿一飲落去就知道係好野，臨走時問老闆原來係自家製，老闆果然無介紹錯。

石峽尾南山邨的 南樂園 粥店 在屋邨的冬菇亭已有幾十年歷史。星期日很墟冚！ 或許，住在香港也真夠命苦！哪裡略為出名，哪裡就要搶！星期日上午 11 點，差不多全部嘢都已缺了。這裡最出名的粢飯，晨早已沽清，糯米飯，粽，豆漿，也都賣光了。我剛好趕得及叫咗一碗艇仔粥，然後，所有粥都賣光了。艇仔粥 $24。炸兩 $15。屬市價，不特别貴，也不算便宜。炸兩，冇特别。粥，比較特别，綿，是我幾十年前兒時吃過的質感。當然，估計也有點味精，但不太强勁，魷魚絲也有嚼勁，不過冇味，這是必然的。祗吃了這兩項，並不特别標青。其他的，有緣的話，下次再試。

位於冬菇亭嘅粥鋪夏天嚟應該會熱死啲幫手姐姐邊吹水互寸邊做野鐘意依隻街坊嘅親切感覺企理乾淨過好多地方了皮蛋瘦肉粥 $22正常 足料 無投訴 炒麵 腸粉 粢飯薄身嘅粢飯唔會太飽 食多樣嘢就啱啱好調味比較甜

這間小店在屋村內已經屹立幾十年，不是沒有道理。齋腸粉，不要以為是平平無奇，但加上了甜醬、麻醬和豉油，可以講得上是天上美食。這家的腸粉，做得10分好，粉皮嫩滑。此外早餐本人還喜歡加上豆漿，簡直就是完美的配搭。這裏的豆漿還可以挑選無糖的，就更健康了。

嗰日去開石硤尾,唔知食啲乜嘢好,就諗起以前學校附近嘅南山村冬菇亭, 諗住去睇吓以前嗰間嗱喳麵喺唔喺度。去到發現冬菇亭啲舖頭好多已經收咗鋪，咁我行咗一個圈，就揀咗呢間粥店。呢間粥店個Menu得好少嘢食 — 有粥有腸粉有炒粉麵有油炸鬼嗰啲. 咁我就揀咗皮蛋粥同埋炒米粉. 落咗單之後, 先聽到原來呢度啲粢飯係好出名嘅, 本來想跟住叫, 但係嗰個人已經叫咗最後一舊, 咁我唯有下次先食啦！隔左冇耐啲嘢食就嚟啦⋯⋯皮蛋粥啲皮蛋份量好多，我諗有一隻咁多。不過皮蛋還皮蛋, 粥還粥。應該係煮熱咗啲粥，先加啲皮蛋落去。味道OK，但唔係特別好食!炒米粉都好斷下，味道都一般OK，加啲辣椒醬就都OK。整體冇乜特別，但係環境好有懷舊情調，諗返起以前讀書時候嘅情況，氣氛比食物更重要!

我自細響呢條村長大，我認為自己唔係一個無理取鬧既人，筷子長期係咁樣既，新冠肺炎期間，店家唔願意提供水浸洗餐具，客觀陳述事實，大家自己考慮。反正我個人就唔會再去。