Video
Read full review
2021-10-08
1075 views
嗰日去開石硤尾,唔知食啲乜嘢好,就諗起以前學校附近嘅南山村冬菇亭, 諗住去睇吓以前嗰間嗱喳麵喺唔喺度。去到發現冬菇亭啲舖頭好多已經收咗鋪，咁我行咗一個圈，就揀咗呢間粥店。呢間粥店個Menu得好少嘢食 — 有粥有腸粉有炒粉麵有油炸鬼嗰啲. 咁我就揀咗皮蛋粥同埋炒米粉. 落咗單之後, 先聽到原來呢度啲粢飯係好出名嘅, 本來想跟住叫, 但係嗰個人已經叫咗最後一舊, 咁我唯有下次先食啦！隔左冇耐啲嘢食就嚟啦⋯⋯皮蛋粥啲皮蛋份量好多，我諗有一隻咁多。不過皮蛋還皮蛋, 粥還粥。應該係煮熱咗啲粥，先加啲皮蛋落去。味道OK，但唔係特別好食!炒米粉都好斷下，味道都一般OK，加啲辣椒醬就都OK。整體冇乜特別，但係環境好有懷舊情調，諗返起以前讀書時候嘅情況，氣氛比食物更重要!
去到發現冬菇亭啲舖頭好多已經收咗鋪，咁我行咗一個圈，就揀咗呢間粥店。
呢間粥店個Menu得好少嘢食 — 有粥有腸粉有炒粉麵有油炸鬼嗰啲. 咁我就揀咗皮蛋粥同埋炒米粉. 落咗單之後, 先聽到原來呢度啲粢飯係好出名嘅, 本來想跟住叫, 但係嗰個人已經叫咗最後一舊, 咁我唯有下次先食啦！
隔左冇耐啲嘢食就嚟啦⋯⋯
皮蛋粥啲皮蛋份量好多，我諗有一隻咁多。不過皮蛋還皮蛋, 粥還粥。應該係煮熱咗啲粥，先加啲皮蛋落去。味道OK，但唔係特別好食!
炒米粉都好斷下，味道都一般OK，加啲辣椒醬就都OK。
皮蛋粥+炒米粉
$30
75 views
0 likes
0 comments
整體冇乜特別，但係環境好有懷舊情調，諗返起以前讀書時候嘅情況，氣氛比食物更重要!
Post
