南대門3號

Open Now

Now Closed

已經第二次黎食，第一次係同3個朋友一齊黎，大家都覺得好好味！！我個人係真係念念不忘想再黎食！3款前菜都好味！泡菜好有住家風味！呢個我覺得係必點！啲面好q，好韓國味第一次食炒血腸都好味，好香香料味辣牛肉湯就普普通通啦，啲牛肉好鞋🫠第一次飲紅桑子酒，似紅酒但易入口好多，同埋飲到果香味，我平時係絕對唔飲紅酒的，但呢隻接受到👍🏻整體黎講都好鐘意，絕對會再返轉頭👍🏻👍🏻其實食落就係普通家庭式既感覺，同埋可能就返香港人，真係唔辣😂咁‘’思鄉‘’果陣，就多一個選擇啦！

每次夜晚經過韓國街，喺呢個十字路口都見到好多人喺呢間南大門3號等位食飯，於是今日約咗朋友一齊去試吓食。今日lunch time時間過去，一開頭冇咩人，但唔洗一陣餐廳就滿座。海鮮豆腐湯熱辣辣既湯加左一個超滑既豆腐磚，配飯食係一流，入面仲有新鮮既蜆，夠晒鮮。辣炒年糕拉麵又有炒年糕又有拉麵，混埋一齊食估吾到又幾搭。水冷麵我地叫左兩樣都係辣，要叫多水冷麵過下冷河，啲麵幾好咬口，加左韓國芥末同醋食，好岩食完辣野凍冰冰食。

《南大門3號》香港有唔少餐廳都係韓國人經營同主理~ 今次到訪既南大門3號就由店員到廚房都講緊韓文😂 同其他韓國餐廳一樣，一坐低就會擺低幾款小菜~ 下午時段唔算多人， 不過就keep住都有其他客人入餐廳~ 睇嚟餐廳口碑都唔錯！▪️▪️▪️▪️▪️▪️▪️▪️▪️▪️▪️🔸鐵板泡菜炒豬肉 （$138）🐷泡菜同豬肉既配搭本身就好夾~ 豬肉份量實惠，調味亦都唔會太過，算係水準之作！韓國野通常都會偏辣，不過今次就冇呢個問題！ 連唔太食得辣嘅小編都完全接受到！🔸鐵板牛肉飯 （$89）🐮牛肉調味濃郁，配合飯食一流~ 除咗份量合理之外，另外用既菜同牛肉都唔會好重雪味！🔸炸醬麵 （$85）炸醬麵算係幾正宗！醬汁同麵水準唔錯~ 唔會有燶燶地嘅味！ 麵都算幾彈牙！食完都唔會好口乾！😍▪️▪️▪️▪️▪️▪️▪️▪️▪️▪️▪️*設有加一服務費▪️▪️▪️▪️▪️▪️▪️▪️▪️▪️▪️今次幫襯📍: 尖沙咀金巴利道65-67號太平洋大廈地下3號▪️▪️▪️▪️▪️▪️▪️▪️▪️▪️▪️#波比出沒尖沙咀 #尖沙咀美食 #Koreanfood #韓國菜 #hkfoodie #hkblogger #foodie #hkfoodblogger #hkinfluencer #hkkol #hkf

呢排成日都出尖沙咀食飯🤣一諗唔到食咩嘅時候都係決定食返我最愛嘅韓國菜💖唔知大家記唔記得上次我食嗰間燒肉有個好熱情嘅大叔🤣我諗佢應該係幾間韓國菜嘅老闆🙈因為燒肉隔離就有間食道地韓國菜嘅餐廳，然而佢又出現喺門口🤣佢再一次好熱情咁招呼咗我入去食😂😂😂呢間餐館食嘅都係傳統韓國料理，例如泡菜湯、雪濃湯、炒年糕、炒牛肉粉絲等～而且所有店員都係唔識中文🤣要用餐紙寫號碼點餐🤣🌟辣芝士炒年糕🧀 $98 (3.75/5)呢個係我食親韓國菜必點嘅菜式🤤想講呢個年糕芝士份量真係超級慷慨🥰差唔多成碟野都俾芝士覆蓋住🤣而且芝士係好拉絲🤣每夾起一舊年糕都拉到超高，好邪惡😈😈年糕算係微辣，唔食得辣嘅都食到！而且佢煮得好煙韌🤤好正！佢仲有好多舊魚糕，連埋啲芝士一齊食好好味😋🌟清燉牛肋骨湯🍲 $110 (3.85/5)平時食韓國菜都好少食呢啲😳我哋唔想全部都咁重口味所以就試下呢個湯～點知好有驚喜！上枱仲係滾緊🤣勁多泡泡🤣本身好驚清燉會好淡冇乜味，點知佢呢個牛肉味好重！每一啖都有淡淡的牛肉味，而且湯好清甜，唔會有味精味🥰仲要牛肋骨份量好多，大大舊仲有好多肉😋超足料！凍冰冰食就一流啦💖食完暖笠笠！🌟鐵板泡菜炒豬肉🥘 $138

之前同朋友慶祝生日，咁啱經過尖沙咀好多韓國餐廳嗰條街度，見到呢間餐廳大部份店員都係韓國人，於是就同朋友入咗去食咗個quick dinner😛🐮辣牛肉湯晚市嘅韓式湯類本身已經跟咗一碗白飯，牛肉湯裏面亦都有唔少韓式粉絲，對兩個女仔來講份量相對有啲大😆味道方面亦都唔會過辣，調味適中😂推薦澱粉愛好者一試泡菜煎餅泡菜煎餅外皮煎到非常香脆，中間保留到軟熟嘅口感，夾雜埋唔少嘅泡菜🥰口感層次豐富，餐廳亦都另外提供左一碟韓式醬油，不過煎餅本身味道都好充足我哋就冇沾到～🍜韓式水冷麵水冷麵上枱嘅時候已經附送左黃芥辣同埋一支白醋，另外餐廳亦都好貼心咁將水冷麵剪開咗😉食嘅時候都好方便，味道同韓國食到嘅都幾接近，但印象中韓國嗰款係有啲碎冰喺裏面嘅，如果湯底可以再凍啲就perfect啦😙

🇰🇷好耐無食過韓國野，每次想食韓國野都會諗超韓國街，因為比較集中同多選擇🔸辣冷伴麵天氣潮濕焗焗地，食返啲凍野岩哂😍蕎麥面煙煙韌韌，掛住啲辣汁好惹味，辣度固定左，唔食得辣既千祈唔好嗌，因為會越食越辣🤣辣得黎仲帶重蒜味，面頭既牛肉偏乾同硬🔸紫菜包飯口味得一種，入面既材料有好多，雞蛋、腸仔、青瓜、醃蘿蔔、紅蘿蔔同牛蒡，味道好清新，口感豐富爽脆😆🔸海鮮煎蔥餅份量都幾大🙈煎餅厚薄均勻，成塊剪到好乾身脆口，配料有魷魚、蝦米同小元貝，味道唔會好咸，點左個汁就另一種風味🔸前菜有泡菜、大荳芽同茄子，食完唔夠可以再加添架🥰

放工心血來潮想食韓國嘢🇰🇷，喺尖沙咀返工就最方便不過，因為成條街都係韓國餐廳。今日想食料理類，而唔係烤肉，所以就揀咗「南大門3號」。門口有個韓國叔叔熱情招客，餐廳面積好細，得大約廿幾個座位，而且滿座就有少少迫。不過正正因為咁，小店真係有啲似首爾嘅店😜。呢度嘅三款前菜分別係泡菜、芽菜同埋茄子。🌶泡菜夠辣夠酸、好開胃；相反大荳芽就麻麻，因為無乜味。🍆茄子幾正，肉嫩多汁，而且呢款係比較少見嘅前菜。我哋兩個人嗌咗三碟嘢，估唔到份量咁多，食完呢餐都經已飽到食唔落甜品🙈！雪濃牛骨湯($110)，湯品味道同韓國當地食到嘅好類近，🦴牛骨湯煮至奶白色，唔油膩、無添加味精，整體偏清淡，先至係正宗口味。🐮湯入面有唔少牛肉，另外仲加入咗麵線，再加上原來鍋物配送一碗白飯🍚，可算係飽上加飽！不過如果麵線換上粉絲更佳。鐵板烤醬醃牛肋骨($168)，🥩牛肋骨有好多件，堆到成座山咁，啱晒食肉獸。牛肋肉肉質軟腍，就算連住骨嗰啲都好易食。雖然話係醬醃，不過調味一啲都唔重口味，並無蓋過牛肉本身嘅肉香，而且用鐵板上就令佢多一份燒烤嘅香氣🔥。水冷麵($92)，雖然天氣凍，但無阻我對水冷麵嘅熱愛❄️🍜。蕎麥麵條口感煙韌，即使配料只得

好耐無食韓國野，呢晚突然間超級想食炒年糕，於是去左尖沙咀既“韓國街”覓食啦～❤️行經南大門3號店，見到韓國老闆係度招客，見佢又有我想食既野，二話不說就入左去了。😆韓國菜最緊要就係前菜😎呢度一樣有提供。泡菜，醬茄子，黃豆芽。泡菜偏酸，可能因為我中意無咁酸既，所以覺得一般，但係醬茄子非常好味，軟淋帶有大醬香氣，好食。先黎一份我日思夜想既炸醬麵🤩🔥！份量不少，但麵質略為淋左小小，但醬汁非常好食，同我在韓國食到的味道是一樣的❤️❤️❤️大滿足。芝士炒年糕又係好正！勁多芝士鋪面，年糕軟硬適中有咬口！魚片比較薄身，如果用厚小小既魚片會更好。其實整體係唔錯的，唯獨調味可能為左配合香港人口味，我覺得一d都唔辣😮‍💨，少了點刺激呀。🥴最後係朋友最期待的石鍋拌飯。呢個真係失望🥲，雖然上菜時仲係滾燙的，但真係勁勁勁多油呀😩，同埋無拌飯既靈魂-菠菜。同埋個拌飯醬又係唔辣😮‍💨，唔係微辣咁簡單，係直頭唔辣。總括黎講雖然呢度係一間朝國人開既餐廳，但佢更加係一間適合香港人既餐廳，因為乜都唔辣/只有微微辣🤣。怕辣既朋友如果想食韓國菜又怕太辣食唔到，可以黎試下呢間。😛 對我黎講食物味道係唔錯既，但少了點辣硬係覺得爭咁dd。🫣🤟

好耐冇去尖沙咀食，近排有朋友去左韓國，但我冇得去，所以想搵韓國野食過下癮🤣今次黎到尖沙咀呢條「韓國街」，見到呢間南大門3號都坐滿哂幾多人食，所以就揀左呢間黎食～侍應大部分都係韓國人😍但佢地都可用簡單英文溝通幫我地落單/賣單👍🏻我地叫左三樣平時係韓國餐廳都常見既菜式，包括紫菜包飯、海鮮煎餅同埋鐵板烤醬醃牛肋骨～叫咗嘢食之後仲有四碟小菜，今次有泡菜、醃青瓜及白蘿蔔、粉絲同埋芽菜～泡菜係醃大白菜，辣度比較一般餐廳既辣啲🌶🌶青瓜同白蘿蔔絲都係甜甜酸酸，甜度多啲、酸度少啲👍🏻呢兩樣伴菜食落都好清爽開胃！芽菜味道清新，主要係食其他濃味食物可以清下喉嚨～粉絲有少少醬油味，調味適中，口感Q彈，好正宗既韓式粉絲😋紫菜包飯餡料有腸仔、蛋、青瓜、胡蘿蔔絲、酸黃瓜，仲有淡淡既麻油香味！我好中意佢既配料比飯既份量多，足料之餘唔會食完飽哂食唔落其他菜式👍🏻海鮮煎餅一上枱已經香噴噴煎餅外層煎得非常香脆，即使放凍左都唔會腍哂😝內裡有啲長蔥，口感則有啲似煙韌既蔥油餅海鮮方面亦有唔少元貝、魷魚、八爪魚、紅椒仲有魚露，蘸少少令煎餅更加惹味🤤鐵板烤醬醃牛肋骨一上菜已經覺得好大份 而且勁多肉！烤醬醃左既牛肋骨肉全部都好入味有烤

尖沙咀嘅韓國街應該都唔使小編再介紹，嗰度好多唔同款式嘅韓國餐廳同埋小食店，去到嗰度真係好似返咗韓國一轉🇰🇷，南大門呢間餐廳度有四間分店，其中三間係韓式料理小食，一開始有幾款前菜小食，有韓式粉絲、大豆芽菜，成間舖幾店員都係韓國人，都識得少少英文，暫時溝通到🤣辣炒年糕拉麵味道甜辣，有啲偏甜，食耐咗會有啲辣辣地，湯底濃郁。海鮮煎餅裏面嘅魷魚彈牙，好香口脆口，亦都唔會好油膩，價錢稍微偏貴

尖沙咀韓國街選擇多到眼花撩亂😵‍💫，老闆係門口講起韓文介紹，相信韓國人主理應該比較正宗😬 個人本身麻麻韓國野，韓式海鮮煎餅和鍋物好多檯都叫左🤤，鍋物都係仲係滾緊上菜，不過自己偏好試鐵板🤭❥鐵板牛仔骨雖然上菜無想像中煎到吱吱聲，但牛仔骨算熱，唔會韌偏嫩滑，牛味濃郁😁。份量十足，一個女仔一定食唔晒🥹，2 人份計性價比就高啲😅❥ 韓式海鮮煎餅呢個都係巨大😲，足夠2 個人食。絕對唔係厚身食麵粉。而係海鮮足料，有元貝、魷魚、青紅椒，軟硬適中，邊位比較脆😋 𝓞𝓿𝓮𝓻𝓪𝓵𝓵❀抵食： ⁷ ⁄ ₁ ₀✿美味： ⁸ ⁄ ₁ ₀❀回頭： ⁷ ⁄ ₁ ₀✿人均：$ ₁ ₀ ₀ - ₂ ₀ ₀

金巴利道又名韓國街，集合多間韓式美食餐館🇰🇷今次到訪嘅「南대門3號」正正係其中一間💕由韓國人主理，體驗正宗平民韓式料理❣️.正於午市時間，門口有熱情韓國店員招徠👋🏻想食咩寫係紙仔再遞俾店員，唔怕語言溝通問題😌點菜後無幾耐就送上韓式前菜，有泡菜、涼拌芽菜、涼拌茄子🥢.🍴海鮮辣豆腐湯💰$85經典韓式料理🇰🇷熱騰騰湯底配以豆腐、雞蛋、蜆、蝦，配料與湯比例五五比，非常豐富😚湯頭入口充滿海鮮鮮甜且帶辣香，嫩豆腐更入口即融🤤當然唔少得將白湯撈入湯中，飯粒吸滿湯汁再一口吃掉，超滿足☺️.🍴鐵板烤雞肉蓋飯💰$89將雞肉、椰菜、洋蔥、紅蘿蔔絲，加入韓式辣醬炒香🔥雞肉相當入味，唔好以為紅卜卜會好辣，其實甜辣味比較多😙份量都幾多下，送飯一流😆.🍴海鮮煎蔥餅💰$143大大塊煎餅金黃香脆😛入口先脆後煙靭，內裡夾雜八爪魚、魷魚、香蔥等配料，蘸埋魚露增添鹹香😙.平時睇韓劇嘅韓式料理，呢度正正可以食到😋正宗地道，直頭同韓國食到一樣🤓

♡♡♡📍南대門3號 (尖沙咀)尖沙咀金巴利道65-67號太平洋大廈地下3號無論外在定係內在都好有韓國小店嘅感覺😝，入邊嘅店員大部份都係韓國人，感覺1秒去咗韓國咁🤣！ Menu簡單易明，有晒相片落單都唔怕！另外上菜嘅速度超快！大概等咗一陣間就已經有🤤！ 而且仲會有小菜提供，真係超韓呀～舖頭長期坐爆，感覺都相當有人氣🤟🏻~🍽雜菜炒粉絲(牛肉）成碟嘅雜菜炒粉絲都好有韓國嘅感覺😹！就好似置身喺韓國當中，無論賣相定味道都好有韓式嘅味道，當中雜菜同埋牛肉嘅份量亦都啱啱好，粉絲亦都好入味🤤！🍽辣芝士炒年糕覺得每次去韓國餐廳就一定要試吓嘅，呢度嘅辣芝士炒年糕嘅辣度係有相當嘅份量🤣，十足十係韓國一樣🤣～都係接受得到既辣度！而且炒年糕既味道相當之吸引🤩，煙煙韌韌好正！另外仲會有埋魚糕，呢兩樣嘢真係超夾呀😻😻！🍽雪濃牛骨湯之前每次去韓國嘅時候都會一定會食雪濃湯🤤🤤🤟🏻！店員啱啱拎雪濃牛骨湯出嚟嘅時候真係超滾！而且雪濃牛骨湯另外再配多個白飯加埋一齊食，真係勁滋味😆！而且牛肉亦都相當亦都相當軟林🤤，勁易咬🤣！而且濃湯入邊仲會有麵條喺入邊，真係好豐富呀🤩！

因為上次食過佢地南大門bbq店，見到佢地舖隔離個間都係同一間店，不過主打食韓式小菜既#南大門3號，做返個簡單review，大家參考下海鮮豆腐湯$ 85 呢個豆腐湯包一個飯，湯底味道鹹辣得來帶點蜆肉嘅鮮味，仲有大大嚿嘅滑豆腐，同返Mix埋一齊食勁送飯，仲有隻生雞蛋同少少配菜，例如翠玉瓜洋蔥等等，同朋友食完個湯個人即刻暖晒辣芝士炒年糕$ 98 辣炒年糕一向係韓國街頭小食最受歡迎之一，同埋小編自己都鍾意食啲煙靭嘢，仲有芝士，點會唔食先🙈年糕煙靭配埋拉絲芝士咁邪惡、仲有啲辣tim鐵板泡菜炒豬肉$ 138泡菜豬肉份量夠兩個女仔食，味道鹹香之餘仲帶啲，洋蔥嘅甜味同韓式大醬嘅味道，豬肉肥瘦適中，應該係用咗五花腩，配埋泡菜一齊食，好有口感

最近迷上咗韓國菜，所以約朋友到韓國街搵食👀 呢間小店由韓國人主理，提供多款傳統嘅韓式料理，價錢十分親民化，每人平均都唔洗一百，而且食物質素都幾高，經過可以試試！石鍋拌飯絕對係冬天必點之選！牛肉、蘿蔔絲、翠玉瓜、大豆芽、紫菜、牛蒡、蛋黃樣樣有齊！份量十足，飯粒飽滿，下面仲有脆卜卜嘅飯焦，撈埋個韓式辣醬真係好好食呀～ 建議可以額外加點生菜，包住個飯食令到成個層次昇華咗🤪鐵板烤牛肉味道香濃，油脂四溢，肉質肥美，啖啖肉唔嚡口，配上大量蔬菜一齊炒感覺更加健康🥬 淨係呢碟菜已經足夠食幾碗白飯😎 另外私心推介牛肉雜菜炒粉絲，麵條Q彈，帶點煙韌，配料滿滿而且整體食落都唔覺得油膩，正😄