南대門3號

Open Now

Now Closed

今晚想食韓國野不過韓國街好多都執咗所以我地求其去咗一間係韓國人開嘅餐廳試下應該實冇死因為本身唔太肚餓所以我地order咗3樣野食第一樣應該係一定會order嘅泡菜煎餅味道就其實冇咩特别不過覺得中間位可以煎得脆dd另一樣又係好中規中距嘅韓式牛肉石鍋飯算做得ok有飯焦而且一上枱好熱味道都冇咩可以挑剔反而最後呢碟係有d驚喜係牛肉炒粉絲炒得好有獲氣味道都幾出色不過如果可以少dd油會好d但味道係3碟中最好味嘅

南대門3號 (尖沙咀) 朋友介紹試吓呢間屹立韓國街11年嘅小店，裝修幾新同舒適，平日都坐滿食客。嘢食份量全部都大份夾抵食，岩哂同朋友share 🤣⭐️三款開胃前菜 （Free)⭐️ 海鮮煎餅 ($143) 海鮮煎餅真係做得好出色😝 超大份煎餅入面海鮮同蔬菜餡超足料！煎至金黃色，表面脆香而內裡鮮嫩，有剛出爐嘅鑊氣✨脆皮嘅煎餅口感十足，配埋醬油食，大滿足 💕⭐️ 面豉大醬湯 +飯 ($85) 🍲湯底用上韓國傳統嘅大醬釀製而成，帶有濃郁嘅豆醬味道，再加入鮮甜嘅蜆肉、豆腐同蔬菜，濃厚嘅大醬湯散發出撲鼻而來嘅香氣，鹹度適中，亦係比較健康嘅選擇👍🏻⭐️ 鐵板烤牛肉蓋飯 ($89)呢個性價比好高！滿滿嘅薄片牛肉喺鐵板上慢慢烤熱，軟軟嘅肉質鮮嫩多汁，加埋滋味嘅獨特醬汁，令牛肉更顯鮮味。高麗菜嘅份量同牛肉一樣多，做到好好嘅平衡，滿足得嚟唔會太膩 😚💰HKD 130 p.p for Dinner

今日放工約左老公去尖沙咀買野然後突然好想食韓國野行左入去呢間舖入到去枱上面有疊紙 係比客人填寫想要嘅食物NumberOrder 完後就有三碟小食放上枱啲小食係蔬菜黎 甜甜酸酸又有少少辣好開胃🔸泡菜豆腐湯我老公好鍾意食辣 所以叫咗呢個泡菜湯原來呢個湯係石鍋上嘅所以熱辣辣上 唔會驚啲湯凍咗不過個人覺得偏太辣佢攞黎撈飯都可以嘅好似無咁辣咁🔸海鮮煎餅 好大塊 完全食唔晒煎到好薄 好脆 但真係好普通啲料唔係好多得個大字又未到好好食或者下次點泡菜會好啲掛🔸紫菜包飯呢個我覺得好失色 好乾 而且平時韓國紫菜包飯通常會有一浸麻油味佢呢個居然無🥺好可惜

尖沙咀金巴利道真的有如香港小韓國一樣整條街都是韓國菜小店我們進了其中一間 地道又好吃 價錢又不貴牆上小王子霓虹燈裝飾讓人想起釜山甘川洞各種前菜吃完都可以再添加 外籍職員好友善鐵板炒豬血腸豬血腸是我最愛的韓國小吃 裡面包著韓式粉絲和豬血 辣炒過更香更好吃 下面還有年糕和粉絲 份量好足鐵板八爪魚飯好多椰菜和翠肉瓜 味道清甜有減辣的感覺八爪魚每條都好粗好有嚼勁 惹味好下飯海鮮豆腐湯最近天氣又冷又濕 最適合吃這種湯材料多到爆 滿滿的豆腐 蝦 蜆 雞蛋和蔬菜豆腐好嫩滑 吃完這個湯飯全身都暖了

今日黎到尖沙咀「韓國街」，梗係嚟食韓國嘢啦！南大門開咗好多間分店，今日嚟咗三號呢間～店入面好有韓國嘅氣氛，店員會講韓文，亦都播住韓文歌～-上菜速度好快！一落完單就送咗前菜嚟，附上嘅前菜有泡菜、魚糕同芽菜，嚟食韓國嘢當然要有泡菜啦！主食方面嗌咗炸醬麵、芝士辣炒年糕同大醬湯，炸醬麵果然係要堂食！外賣嘅炸醬麵會扁埋一舊，同呢度堂食嘅炸醬麵絕對冇得比！芝士辣炒年糕煙靭有咬口，芝士嘅拉絲亦都好正！但就有啲辣，唔係好食到🤣大醬湯都唔錯，比較似豆腐鍋。飲品方面就嗌咗提子汁。

金巴利道同天文臺道向來都有唔少韓國餐廳，前排有日收工就同朋友嚟咗呢度食韓國菜，行咗一陣仲睇緊食邊間好，見到呢間小店裏面坐咗好多人，有咁多客心諗都應該唔會伏得去邊。海鮮辣豆腐湯 ($85) : 豆腐質地柔軟嫩滑，味道又正又辣食完出哂汗。鐵板辣魷魚飯 ($95) : 份量比相像中多，魷魚質量好好，口感柔軟爽彈，唔似平時食開嗰啲肉質咁實，味道有點辣配返跟餐嘅白飯食就可以。石鍋伴飯 ($92) : 上枱時出晒煙非常熱，伴飯配料非常多，有紫菜、雞蛋、牛肉、蘿蔔絲、翠玉瓜等等，而石鍋飯最關鍵嘅飯焦亦非常香脆，最後用埋辣豆腐湯做湯飯咁食，無論口感同味道都超級正。

今日突然好想食韓國海鮮煎餅响我猶豫不決嘅時候有個真.oopa行出舖 就咁就俾佢吸引左先叫個心心念念嘅海鮮煎餅一叫完 即係黎左三碟小食全部都甜甜酸酸嘅蔬菜 好開胃然後上個海鮮煎餅 勁大塊 又勁足料 每食一啖都有料响入面師傅煎到好薄 個邊邊好脆 唔會食到成口粉然後order左泡菜豆腐湯因為佢係跟石鍋上 所以全程熱辣辣送飯一流！最後叫左個紫菜包飯好多配料响入面 蛋，青瓜絲，腸仔醃蘿蔔等再加上芝麻同少少芝麻油 香得黎又唔好油淋淋真係一嚿接一嚿咁食📍南대門3號 (尖沙咀)尖沙咀金巴利道65-67號太平洋大廈地下3號舖

最近香港天氣凍，朋友想食熱辣辣的韓國泡菜湯，所以去尖沙咀韓國街找了一間韓國餐廳試試。下單後餐廳會送上麥茶及三款爽口開胃的韓式小菜。泡菜湯 $85泡菜湯以韓國石鍋裝著上菜，熱辣辣。泡菜湯選用醃製的時間比較長的泡菜，令到泡菜湯的味道更加濃厚，酸酸辣辣的，朋友表示是令人懷念的韓國味道。泡菜湯更有不少豆腐及豬肉，味道十分下飯。雜菜炒粉絲（牛肉） $90炒粉絲配菜豐富，除了牛肉之外，有大量蔬菜，加上煙韌又彈牙的韓國粉絲及韓式調味料，每樣材料都入味，口感又有不同變化。海鮮煎蔥餅 $143海鮮煎蔥餅大大份，用料足，做到外脆內軟的口感，很香口，每一啖都可以食到很多海鮮及香蔥，是令人滿足的味道。餐廳有可愛的小裝飾，牆身有一句說話：「안일 네가 오후 4시에 온다면 나는 3시부터 행복해 질거야」，意思是指如果你下午 4點會前來，我從下午 3 點就會開始覺得很幸福，是令人會心微笑的說話。食物味道有韓國地道風味，想食韓國菜的時候，這是一間不錯的選擇。

超級不推❌ 趕客的韓國餐廳😖野食就唔多講了 都比較一般泡菜湯 係酸到飲唔到🫣海鮮煎餅 幾好食煎到好香脆又有口感炒年糕辛辣麵 中規中矩 無得別但想講講既係態度餐廳本身位置不多枱與枱之間真係條罅隙真係肥dd都過唔到😖我同隔離枱個女仔 想出入厠所 都真係要護住d碟 如果唔係 身體絕對會掃走隔離枱既碟咁明白餐廳想開多幾枱做多d生意既😅但食到中途每10分鐘到走埋黎問我d野食仲要唔要 唔要就收走佢但其實我地仲食緊😅最後仲出埋絕招俾張單我地叫我地俾左錢先😅埋完單 走時睇下咩好多人等位嗎？點解要咁趕呢？又唔係wo🤣原來純粹餐廳自己既做法🫣再睇下openrice發現好多人都有一樣既經歷真心如一個人食個快餐講緊既係真係快餐 一上枱即食 non stop咁食係冇咩所謂但如想同朋友傾下計 呢到真係超級唔推介❌其實尖沙咀真係有好多韓國餐廳可以選擇喔

同朋友行下尖沙咀，行到附近入咗韓國街，想食下韓國嘢！見到其中一間小店，有韓國人店員，價錢又親民，二話不說就坐低！小店分兩邊，一邊韓燒，另一邊食韓國料理。下午茶lunch time關係，揀咗幾樣嘢。寫低想食咩落張紙仔度，店員就會幫你落單。//海鮮煎餅//非常足料大份，兩個人仔食唔晒。煎餅好薄身，師傅將佢剪到好香脆，另外有少少芝麻，所以更加香口。如果鍾意食辣嘅朋友可以試吓泡菜味應該相信更加好食。//海鮮豆腐鍋//天氣凍，就更加想食鍋，上枱嘅時候熱辣辣，個人都即刻暖啲。入邊嘅海鮮好足料有蝦蜆，但係我最鍾意嘅都係件豆腐！香濃嘅豆腐味，加上奶奶地嘅泡菜，就好似食咗個小型嘅邊爐咁！同朋友講笑，食齋嘅話，泡菜同豆腐一定係首選，絕對係減肥恩物。//飯卷//叫得韓國嘢，一定會食飯卷！初初諗住兩個人一定食得晒，點知牛肉飯卷都係大大碟。入邊有青瓜 黃瓜 紅蘿蔔 雞蛋同埋腸仔，紫菜帶有麻油香，味道非常勁似屋企自家整☺️。兩個人食到飽飽，埋單都唔使$350元，呢個價錢食到韓國嘢，都算係幾抵。

🌶️嘩，嚟到這間餐廳，首先俾那盆韓式小菜炒到開胃，泡菜嗰陣爽口開胃，曬味正宗得滯，食完小菜已經心思思想掃底盤！🥢首先實試牛仔骨，佢嗰燒焦香味，吸引到隔離桌都望過嚟，腍滑牛肉伴隨埋啲牛油脂嘅香氣，撻實一口好實在，食到我拍吓桌，正！接住來個炒粉絲，秘製醬汁嘅味道令人回味無窮，口感又滑又Juicy，雖然唔係主角，但偷咗場嘅光輝。跟住，個鐵板辣炒八爪魚蓋飯就真係夠晒霸氣，辣醬嗰下甘香，八爪魚爽彈得滯，攪埋個飯，一嘴辣嘴香，食到我諗住直頭屯個家搬過嚟算啦。🍚至於牛骨湯，牛味香濃加上啲湯底清甜，飲一啖暖笠笠，啲麵又啱啱好，落胃咁滿足，真正嘅冬天暖湯。冇得輸，今日食得夠心水，次次食韓飯，都搵唔到可以同呢度抗衡，絕對係我心目中嘅食客之選！🤤喺尖沙嘴呢個美食戰場裡，呢間韓國餐廳好似綻放嘅花，散發緊令人驚喜嘅味道。這裡，係愛食韓菜食客嘅樂土啊！

繼續喺韓國街搵食 今次係南大門三號其實呢條街一路行會見到好幾間南大門我見呢間啱啱有位唔洗等就入去估計同一號二號店係一樣（？）我地兩個人叫左兩樣野食本身諗住食住先 一陣再加野但發覺大份到食唔完 三個人share會比較好前菜有三款 都係爽口嘅蔬菜 翠肉瓜最好食炆牛肋骨成個鍋放滿晒大大件嘅牛肋骨 炆得好軟好腍好入味 少少甜唔會太濃味紅蘿蔔白蘿蔔係成個煲嘅精髓 吸晒牛肉汁好正泡菜煎餅多人share會好啲 份量大到pizza咁煎得好香脆 煎餅入面嘅泡菜幾爽口如果夜晚嚟食 叫個막걸리配煎餅都幾好feel

尖沙咀韓國街眾多韓式餐廳選擇，今日lunch就試咗呢間南大門3號，係正街頭好方便🥳餐廳由韓國人主理，裝潢簡約舒適，好有家的感覺～落單後奉上三款自家製韓式前菜，首推韓國泡菜，味道酸酸甜甜，爽口清脆，夠晒開胃！🔹石鍋拌飯以石鍋呈上，除咗可以保持熱度，仲可以製出香脆飯焦。將紫菜、雞蛋、牛肉、翠玉瓜、蘿蔔絲等食材拌勻，香濃又滋味！🔹雜菜炒粉絲牛肉好有韓國住家風味嘅一道菜式～韓國粉絲特別用番薯製作，食落口感煙韌又彈牙，牛肉以韓國醬油醃製，夠晒香濃入味。加入雜菜同炒，健康得來層次感十足！🔹雪濃牛骨湯經長時間熬煮後湯底呈乳白色，飲落清甜同時帶濃郁牛肉香，香嫩又可口～配以大蔥及軟滑麵線增加口感，飽肚之選！南대門3號✨📍尖沙咀金巴利道65-67號太平洋大廈地下3號舖

知媽媽鍾意食韓國嘢 今晚就帶佢去試吓呢間地道啲韓國嘢唔一定係食炸雞嘅 😉睇餐牌好似幾抵食咁韓國人主理 成間鋪都係講韓文落單係用紙仔同筆落 交比店員就得就有3細碟前菜基本嘅泡菜 大豆芽 同西芹腸仔 🔹️年糕餃子湯想食清清哋 所以揀咗呢道菜牛骨湯底之餘仲有啲牛肉粒份量好夠2位女士食用3大粒餃子 同好多年糕 🔹️紫菜包飯一碟有9大件 件件都足料有蛋 腸仔 紅蘿蔔絲 青瓜 醃蘿蔔 仲帶好重嘅麻油味 我一個人食咗6件 😆😆🔹️鐵板烤豬肉蓋飯啲豬肉連埋大量泡菜一齊炒 啲味夾埋好出泡菜本身酸酸地 有助減少豬肉嘅肥膩感

小店位於尖沙咀金巴利道，主打多款傳統韓國料理，店內環境唔大，座位較窄，平日晚上好full，不過勝在價錢親民而且味道正宗，心思思想食韓國嘢嘅話呢度都係個唔錯嘅選擇！食物方面除咗有最常見嘅炒粉麵飯同湯物之外，亦有唔同鐵板炒系列美食，出面比較少見！全部上枱時熱辣辣，咋咋聲，好吸引、牛肉係唯一款唔辣嘅，牛味突出，帶點咬口，雜菜份量好足，健康又美味🐮另外有豬肉同雞肉，個人更喜歡後者，咬落啖啖肉，唔乾柴，而且大細切到啱啱好、豬肉肥瘦均勻，比其他兩款更大塊，帶微微辣，適合配飯～ 前菜可以無限添加，亦有茶飲提供，幫助解膩👍🏻