nana's green tea

Open Now

Now Closed

熱愛抹茶，一見到呢間日本抹茶名店就入左去！簡潔木系裝潢，天花有特殊嘅金屬板，有種扭紋效果，好特別！👉🏻海老蕃茄豆乳意大利飯 $148共五大隻蝦，好彈牙！蕃茄粒粒配上滑順嘅豆乳，creamy感滿滿！配有麵豉湯，個湯好濃郁！👉🏻抹茶牛奶 $45茶味香醇，無得輸，入口順滑奶香，每一啖都有抹茶嘅層次感！👉🏻抹茶生朱古力芭菲 $98賣相靚，打卡一流，抹茶雪糕嘅清香，加上香滑嘅生朱古力，仲有白玉同脆片等餡料，鮮忌廉嘅軟滑，口感極為豐富！

每去日本都必去這間店、行街街發現原來係日本果間 就去試一下、味道同日本一樣份量也很足、必讚嘅係服務雖然係講中文有啲搞笑、但整體裝修都好日本風、定會再來 值得推介一下。

炎炎夏日，雪糕簡直是必需消暑良品，於黃竹坑站新地標商場 THE SOUTHSIDE吃完晚餐後，就來到日本過江龍茶室 nana’s green tea淺嚐飯後甜品。去年登陸啟德AIRSIDE成為人龍店，一直人氣高企，以「現代茶室」為設計概念，以茶入饌製作一系列茶飲、甜點及和風料理。由即日起至8月31日新推出夏季期間限定仲夏柚香系列，包括柚子蕨餅芭菲、柚子薄荷梳打及柚子白玉軟雪糕一系列甜點。除了堂食之外，可以外賣自取，免收加一服務費。柚子白玉軟雪糕 $45最新限定款將雲呢拿軟雪糕綴以酸甜平衡的日本國產柚子醬和煙韌軟糯的白玉丸子，充滿清新果香氣息，將炎夏的悶熱氛圍一掃而空。抹茶軟雪糕抹茶朱古力蛋糕 $45精選自與日本京都的百年茶農「山政小山園」合作調配的抹茶，蛋糕體質地扎實綿密，茶香更突出，散發抹茶的微瀝回甘而不苦澀。日本店銷量冠軍的經典糕點「忌廉蛋卷」，總共有抹茶、焙茶及抹茶紅豆三款口味選擇。抹茶紅豆忌廉蛋卷 $53抹茶與紅豆向來都是甜點絕配，選用北海道忌廉及牛奶製作，茶色翠綠的抹茶蛋糕揉合大粒甘甜的紅豆，甜度不高。焙茶忌廉蛋卷 $48卷蛋質感細緻軟綿，帶有含蓄焙煎茶香，融合柔滑奶香的忌廉

昨晚食完晚飯去黃竹坑SOUTHSIDE 的nana’green tea之前在Airside 試過他的抺茶芭菲，今次試試他的雪糕抺茶。我因為要0糖綠茶，自己飲不覺得苦。但朋友試一啖，話我好似飲苦茶🥹。所以我問侍應加咗一點糖水🤣。這個是我自己的過失🤣🤣。不過他的抹茶粉殘留在冰上。如果可以溝得勻循一點再落冰就更加好啦。😅我朋友就試了焙茶啫喱，佢就覺得味道尚可以。而我今次叫嘅抺茶雪糕加咗朱古力碎粉，我認為如果不加朱古力碎粉味道可能會更加純正。今次就冇食到佢嘅正餐，其實正餐都好豐富，我覺得佢有正餐有蛋糕有雪糕有綠茶🍵非常好

之前在AIRSIDE已經光顧過一次覺得好好味！最近仲進駐美食沙漠的黃竹坑～同同事行過見到推出了nana's summer系列超級吸引，唔駛多講即刻要試！主食點了「挽雞肉半熟玉子丼 」及「壽喜燒牛肉丼」，以半熟玉子拌著挽雞肉感覺清身又健康。壽喜燒牛肉丼除了滿滿的牛肉，仲有菇類及豆腐。細食的我唔敢食哂成個飯，因為要留肚俾是日主角：「柚子蕨餅芭菲」！柚子蕨餅超少見，加上酸酸甜甜的柚子雪葩，仲有軟雪糕上面都淋上了柚子醬，真係好清新！同事話想試埋「抹茶軟雪糕抹茶朱古力蛋糕」，軟雪糕仲可以試埋抹茶朱古力蛋糕，啱哂咩都想試既朋友仔！下次放工行過想試埋柚子系列的軟雪糕！店員話係期間限定～

今日我去咗nana green tea，試咗兩款美食，真係好滿意！😋首先，試咗「海老蕃茄豆乳意大利飯配味噌湯」🍤🍅🍚。呢道意大利飯真係好有驚喜，豆乳同蕃茄嘅配搭好creamy，唔會太膩，反而好清新。蝦肉新鮮彈牙，每一啖都充滿海鮮味。配埋味噌湯，好暖胃，湯底濃郁但唔會過鹹，飲完感覺好舒服。🥣之後我就試咗「抹茶生朱古力芭菲」🍵🍫。呢個甜品真係靚到唔捨得食！抹茶雪糕同生朱古力融合得啱啱好，抹茶嘅微苦同朱古力嘅甜味互相輝映。底層仲有啲抹茶凍，口感好滑，唔會太甜膩，加上脆脆嘅餅乾碎，真係一流！🍨總括嚟講，nana green tea嘅食物質素真係高，無論係鹹食定甜品都好出色。價錢算係中等，但絕對物有所值。💰如果鐘意日式fusion嘅朋友，一定要去試下！👍希望大家都可以嚟試吓，唔會失望嘅！🙌

帶小朋友到黃竹坑上課，適逢新商場soft opening，當然要順道打下卡。沒有research商場有咩餐廳，只是到食肆較多一層四圍望望，見到呢間餐廳有點人氣，又不至於要排隊，既有熱食，又要甜點，啱晒我同小朋友2人世界了。點了一份番茄蝦烏冬，蝦汁頗濃，又有真蝦味，口感creamy，烏冬口感彈牙適合香港人口味。食完正餐，點了一份綠茶卷，雖然綠茶味不算濃郁，但甜度適宜中間既cream亦恰到好處不太膩。服務方面要讚一讚，餐廳新開張都睇得出每位店員好忙又想盡善盡美。員工都好落力去招呼客人包括我同小朋友，本來要求了high chair又唔啱用，店員又主動幫我轉booster。最驚訝看到店員主動幫啲客人斟水，因為佢個set up係明顯想客人自己出去斟水的。另外仲有位店員叔叔請小朋友食雪糕，整個體驗都很好喔。

自問是抹茶控，之前見在airside有開店奈何太遠冇去過，在京都的時候也有見過，茶友們普遍沒有正面的評價 。當日south side 新開張，心想再給一次機會希望好吃，分別叫了一個抹茶芭菲及抹茶卷。因為每人需要點一樣食物 。店員把抹茶卷送來的時候，已經見到表面粗糙，果然用叉子切下去時有些部份已經裂開 ，完全沒有彈性 。裏面的忌廉是挺香的，抹茶方面沒有太多茶味 。抹茶芭菲上面的抹茶生巧好甜，雪糕茶味很淡很淡 。然後吃下去有粟米片，之後便吃不下去交給男朋友了 。實在無言。