鳴門魚湯麵亭 (Closed)

晏就好肚餓，是但喺附近搵間食日本麵嘅鋪食下。入到去見有新推介有嗰特盛醬油叉燒拉麵，睇圖幾大份幾靚仔，又好肚餓，就決定要佢啦。不過等咗30分鐘先有嘢食，碗麵同圖片當然完全唔同啦，圖就排到靚靚仔仔，現實就8片叉燒求其疊住放喺碗，仲要啲肉質好差，十分柴口，啲麵就係普通來貨嘅幼麵，配菜就幾條木耳及紫菜，最後仲有隻蛋，都係基本嘢。售價$108餐飲要另叫，同時冇咩選擇得啲汽水，總結係極度不推薦，以後唔會再嚟~🥱

平平地想食個午餐就係到食咗個拉麵午市套餐價位都係$55-80包一罐罐裝飲品🔥今次試咗L3炭燒豚腩肉拉麵面可以叫生d👍🏻👍🏻👍🏻面底同湯底雖然係普通平價拉麵個隻但係個炭燒豚肉好好食熱辣辣份量都足夠（個面底再多少少會更好~）推介：⭐⭐⭐⭐其實餐廳主打應該係魚湯下次試下先！🔥

今日幫亞女攞藥，所以同老公特登揸車去勝利道！咁啱標位門前就係鳴門！本來想食勝利小廚但係執咗笠諗都唔使諗衝入去啦！見到餐牌有個安格斯安康魚湯烏冬百幾蚊都唔平，但係真心想試就order左！嚟到超失望！因為原來係片片牛肉！安格斯仲以為係一粒粒ga😩!而且湯底一啲味都冇！唔好話魚味！賣相應該飯會好食啲！另外叫咗雞翼so far so good!但性價比一啲都唔高！而且店舖只收現金！呢個年代通常都係用信用卡or 電子交易！呢一點比較唔方便！而且間舖頭有陣噏味🥺坐得唔係幾舒服，食完要逃走！

沿勝利道步行，看到這店舖嘅食物比較有興趣，就諗住試一試。起初正正常常，由於限聚令關係，我們一行5人需要分開坐。在點餐後，店員主動要求我們看看單據是否正確，細看之下，發現他們下漏單，便向他們提出，誰知被店員凶言惡向食物來到時，石鍋魚湯是滾著出來的，本以為這樣不錯，我們叫了三款，三款都各自有問題「安格斯」牛肉食到一半已經成碗湯油淋淋；招牌鮟康魚湯去到尾係係晒湯嘅，唔係飲晒，係蒸發晒，搞到啲烏冬痴底，本來諗住臨尾試吓啲湯，無得試之外，仲要食痴底烏冬；就算有湯剩，痴底係一定會發生嘅。但唔好以為叫冷麵就無事，啲醬汁味道相當奇異，食到尾會有意想不到嘅感受。總體而言，如標題所述，完。（雖然有圖有真相，但味道、態度嘅嘢，唔知點用圖表達，另外蒸乾晒所有湯，除非全程拍片，否則沒有可信性，所以是次評論只有文字表達）

其實本身都無刻意想介紹呢一間拉麵🍜，之但係近期經常遊走何文田區，找一個人快閃搵食，呢度都係一個好選擇。最吸引嘅係定價，講緊嘅只係💲4️⃣8️⃣就有一碗拉麵🍜➕仲送樽裝汽水🥤，仲要免收加一😆，講求平靚正就真係算不錯。.其實呢間日式店開業至今都好多年，分店亦喺唔同地區，雖然規模同人氣時上時落，但屹立到而家都算係咁😌———————————————————————————🍜香蔥牛肉拉麵💬雖然唔係主打嘅鮟鱇魚湯底，不過都一樣好味，香濃唔口渴，香蔥牛肉份量多，連埋配料同雞蛋🥚，已經好豐富

After the lesson, I came here for my lunch. I am so disappointed with  this udon 魚湯安格斯牛肉讚岐烏冬 $72 Angus Beef Sanuki Udon with Fish Soup in Stone Pot $72As the stone pot was too hot, so Angus Beef were overcooked and they were too tough.The soup is normal. I cant believe that corn grain could be put inside the ramen魚湯黑豚讚岐烏冬 $70 Pork Sanuki Udon with Fish Soup in Stone Pot $70 Can you see the difference of 2 udon? Except difference of meat, they are the same!!! Lunch Menu

韓燒牛仔骨飯（$68）🍚雖然我係出面食飯都會盡量避免食啲好狼狽既野食，但就係比餐牌張相吸引住，有我鐘意食既牛仔骨同埋加咗沙律醬既飯，所以就毫不猶豫咁嗌咗。如果真係好食，犧牲食相又如何！果然！係冇令我失望！牛仔骨唔會燒到過老過韌，唔會好難咬開，好易做到骨肉分離，唔會食到好狼狽。最驚喜係個飯底，可能有燒過下，個飯底有一陣焦香味，係類似煲仔飯個種炭香味。飯底亦都係比較乾身既質感，配合埋沙律醬，就岩岩好

住係附近落街食野去旺角或何文田區都方便今日放假行過見無平時咁多人，唔使等位就黎食鋪面裝修都OK，不過就唔會係坐得舒服果隻，有D迫，總之係食即走身唔使叫你走都會自己即走，迫到一個點，同後面張枱貼住背，係會一郁就掂到後面位人兄叫左個鍋燒烏冬，唔記得左個名再另外點左個燒豚肉燒豚肉好普通，肉身好鞋同乾，汁既調味亦唔見得好入味 鍋燒烏冬個湯無咩特別，烏冬挺身面質唔錯D店員待應服務態度唔太OK上菜速度慢店開左好多年，有一班既定既客維持到而家，不過水準真係參差左D不過呢個價錢，唔算貴亦唔會平，旺角區大把選擇又迫又住得唔舒服食物又唔算得上好好食不過不失，一試無妨，不會翻兜果種

呢家天氣開始轉涼，某日行過旺角，見到呢間日式烏冬好想試吓喎🥰鮟鱇魚🐟湯烏冬牛肉，$108，好期待呀，之前係日本食過鮟鱇魚🐟壽司🍣。點知呢呢個鮟鱇魚湯🐟好普通😣，唔太值$108，唔係太岩我口味呢，魚湯，我以為係好淡味嘅家庭式，呢個湯太似中湯，而且覺得味道偏鹹。食落有點怪怪地，鹹嘅湯配烏冬🧐唔係我想嘅食法。講真有點兒失望囉😕⋯⋯ 牛肉都好普通，份量唔算多。另外呢我哋仲叫咗一個豬骨湯底嘅牛肉烏冬呢個呢價錢，相對上就平好多只係$78，豬骨湯好味好多。呢個唔錯，起碼個湯同個烏冬成件事好夾好配合啊😍所以呢如果下次再嚟我哋都淨係會叫返豬骨湯🥰

上次黎勝利道睇下可愛既貓貓狗狗，發現左依間鮟鱇魚湯既專門店，覺得好特別，再加上最近食壽司都試過鮟鱇魚肝，印象良好，覺得會好有鮮味！試左石鍋安格斯牛肉鮟鱇魚湯，味道鮮甜，但係特覺得偏中式，有點似食魚湯米線個種湯，我相信魚湯迷應該會好鍾意，我係好怕腥既，但係唔覺得有腥味，再加上可以落白芝麻、蒜片、一味粉、拉麵調味粉，口感都幾多元化，牛肉就幾瘦既，無咩肥肉，烏冬好彈牙，幾正！另外叫左豬骨湯牛肉石鍋烏冬，其實豬骨湯都煮得幾好，唔叫烏冬配拉麵都一樣會好夾，牛肉就普通肥牛，無安格斯咁高級，多啲肥肉，一分錢一分貨，食完唔會好口渴，似乎係用真料！兩個烏冬都簡左石鍋，因為真係好吸引，一上菜既時候仲沸騰更！下次可以試拉麵或者飯類！後記：睇到comment, 話店員服務態度一般，幸運地，我又唔覺得有問題。

天氣涼涼地就想食一碗熱辣辣的魚湯烏冬🍜 今晚光臨勝利道鳴門魚湯麵亭, 細細的店舖約坐30多人. 基本上我不需要看餐牌, 因為我每次必食石鍋鮟鱇魚湯讚岐烏冬🤭 湯底是非常濃郁奶白色魚湯, 沒有腥味, 必是主角🌟 還有配料粟米, 海帶&半隻雞蛋作點綴, 我每次必會食到見鍋底😬石鍋招牌鮟鱇魚湯烏冬所謂招牌就是鮟鱇魚件, 魚皮較煙韌, 因它屬於深海魚, 魚肉偏硬, 不是滑捋捋魚片. 進食時小心魚骨, 適合愛吃魚類, 懂得吐骨人仕石鍋魚湯野菌蟹棒湯烏冬基本上魚湯系列, 湯底是一樣的, 只是餸菜不同, 而這碗是切條野菌＆蟹棒不是說笑, 整鍋魚湯被我喝光了🤗溫馨提示: 因為廚師將石鍋直接放在明火烹煮, 當服務員送上石鍋烏冬時, 不要手碰石鍋, 是超熱! 超熱! 超熱! 另外, 進食時也不能急進, 緊記吹吹 才可放入口腔內, 以免燙傷!

疫情前每次幫襯都要排隊，難得疫情期間，比較少人來食，好耐冇來！這間店舖需小，但食物質素唔錯，無論湯底，烏冬，拉麵，石鍋飯.......都是值得嚐嚐！因為我住附近，疫症前都來過數次，食物質素依然保持水準！我見好多評論都是寫同一個問題，要講的是入面啲員工，通常裏面有兩位姐姐接待，要說的是那位比較肥那位姐姐，唔知點解佢可以生存咁耐，佢啲服務態度做咗咁耐都係咁，每次order食物，她的態度必定很差，粗聲粗氣回應，埋單收錢，從來無說聲多謝，今時今日呢啲服務態度點得架！佢應該可反省吓

雖然天氣開始熱，但都無阻食熱辣辣魚湯烏冬既心情。呢間餐廳已經成日都黎，算係何文田地段人氣食市，Lunch Set 好抵食叫左個人氣石鍋魚湯安格斯牛肉讚崎烏冬送汽水，一人份量好夠飽烏冬煙煙un un 好彈牙，最正係個魚湯仲有半隻半熟蛋同埋牛肉每次都食清光先夠滿足

好耐冇過嚟勝利道，想食個烏冬飲個湯。跟住佢門口都有人等外賣， 裏面就唔太多人，小貓三幾隻。以前住喺呢頭附近得閒都會落嚟呢間食，貪佢個湯夠入味，但係我就冇印象呢度姐姐d態度原來係咁樣嘅，我晏晝嚟食，成間舖頭加埋都冇10個人，有兩個樓面阿姐，問多一句都好似踩親佢條尾咁。我叫左個豚肉烏冬，我鐘意佢個烏冬，有d咬口，個豚肉都ok，不過隻蛋唔係咁吸引，不過個湯都夠甜。雖然員工態度唔掂，但係個魚湯依舊係唔錯嘅。

第二次光顧，第一次已經領教過差服務態度係點，所以今次希望買外賣少啲壞感覺；但係明顯衰到迫我留言，要受氣，點好味都係假。再encore 芝士豬軟骨，真係好啱我口味，肉多、汁多，芝士份量可以多返啲，飯算多。上次堂食係玻璃樽裝可口可樂，今次外賣用個比正常細嘅紙杯裝，我喺等外賣嘅二十分鐘期間，望到兩位亞遮又除口罩抹汗同時鼻涕，最後我都係唔敢飲掉咗。我發現我唔係唯一一個批評喱間野嘅服務，可能嗰兩位樓面亞遮係老闆掛，唔係點可以一直幫手趕客，可能客多唔休做，奉旨趕咁啲。