鳴門魚湯麵亭 (Closed)

好正既一間烏冬店，身為烏冬fans既我真係好想日日黎食丫！❤️今次我地兩個人黎食，分別叫左石鍋吉列豬扒讚岐烏冬同石鍋燒雞扒讚岐烏冬👍🏻我個石鍋吉列豬扒烏冬就配左鮮茄湯底，塊吉列豬扒熱辣辣，勁脆，仲要勁大塊，d肉汁仲保留到，唔會好乾柴！🤤我朋友個石鍋燒雞扒烏冬就配左咖喱湯底，個湯底好濃郁，烏冬好入味！個燒雞扒勁正，勁juicy，未食就咁聞都已經爆香！食落去更加唔使講，超正💓如果要我揀一款推介，我會大大力推介呢個石鍋燒雞扒烏冬！佢地既石鍋讚岐烏冬可自由選配鮮茄、咖喱、豬骨或地獄湯底，所以啱晒唔同人既口味，肯定揀到一款啱自己胃口😉

服務員態度麻麻。點左咖喱芝士豬扒飯，等左20分鐘問ok未，佢話要等多陣。見到周圍客人遲過我入黎落order都已經有得食。結果半個鐘先有得食。😓很失望。咖喱味道係ok 但塊豬扒唔夠鬆。。。

<鳴門魚湯麵亭>🍽 石鍋溫泉玉子芝士豬軟骨飯💰78- 份量很足，很多飯和芝士，很飽肚😚- 豬軟骨肉雖然不多，但很嫩，而且調味也調得很好- 芝士鋪滿整個石鍋飯，而且還可以拉絲😍🧀- 雖然很邪惡，但絕對會再去多次食呢碗飯🔥.🌟食物質素：9/10🌟性價比：9/10🌟餐廳環境：6/10🌟服務態度：6.5/10

係附近自修室温書，見肚餓落去行下揾野食就揾到呢間了我哋6點入到店內得2個人，以為麻麻地先咁少人食。我地叫左兩樣野食。第一個係北海道牛油帶子拉麵粒帶子好大粒個湯底略咸，面嘅軟硬度適中，我中意食辣所以落埋七果粉同拉麵胡椒，令個拉面更好食。仲有白芝麻可以自己隨喜好加落去，芝麻好香亦都好脆！第二個係石鍋溫泉玉子芝士豬軟骨飯面頭有一層好厚嘅芝士，將隻蛋整爆撈埋啲芝士一齊食超正。食物温度非常熱，一定係即叫即整嘅！豬軟骨非常入味同埋唔算太咸價錢都算合理！食食下望下後面，原來已經坐滿左人了！好彩早入黎！

呢間小店好耐之前已經想食,因為次次經過都見到好多人食，六點黎到，入面得2個人，但七點就差唔多滿座。嗌咗2樣野，第一個係石鍋溫泉玉子芝士豬軟骨飯，呢個真係好好食，好驚喜！上面鋪上滿滿的芝士同一個流心蛋，吉穿佢同啲芝士撈埋一齊，真係好正，豬軟骨軟硬啱啱好，推薦～第二樣係北海道牛油帶子拉麵，本身對呢個拉麵有好大期待，但點知都幾普通，而且有啲鹹，同價錢相比係有啲失望，但麵既軟硬啱啱好，下次應該會再嗌飯！唯一唔好就係，位置太逼，要對住人地屎忽食

個人平時好少踏足何文田呢個地方，不過今日就喺朋友既介紹之下黎試下呢間鳴門魚湯麵亭山長水遠黎試到底有咩咁特別呢？就係佢地既魚湯石碢烏東喇個烏東用石碢裝住，送黎既時候個湯唔只係熱咁簡單，係滾熱辣。食既時候太心急好易就辣親自己，就算食到尾都仲係熱辣辣湯方面都值得一提—魚湯唔係好多地方有，同豬骨湯比起上黎少左油膩咁口感，多左一份清甜惟一要數唔好既地方就係鋪頭比較細，人同人之間坐得好近，我自己就喺食完想走既時候，一個轉身，手肘就唔小心打左落旁邊既人度。好彩對方大量冇怪我😅有機會經過可以試下呢間石碢烏東呀

勝利道食午餐唔容易搵位置，今日午餐人唔太多，等一陣就有位。朋友極力推介石鍋芝士焗豬軟骨飯，雖然天氣咁熱，但遇啱好肚餓，就叫呢個飯啦！大大碗飯，豬軟骨份量充足，仲有隻溫泉蛋，焗過的芝士燶燶地香味十足，芝士仲可以拉絲。朋友冇介紹錯，果然好好味，價錢唔貴，真係大大碗抵食又好食。最難得係附送細樽裝汽水，識飲~~梗係飲芬達橙汁!

平時中午的時候已經人山人海，晚市就不需要排隊。所以今晚就來到試一下吧！由於食物即叫即做，所以等待的時間也會比較長，大約8至10分鐘。我叫了一個韓燒牛仔骨飯，味道不錯，份量都蠻多，配上沙律醬格外開胃😋😋😋

一年只有幾天可以同同事外出午膳，內心早已認定要食嗚門，因為印象中實在太好味！最後得償所願😍豬骨湯腩肉拉麵🍜拉麵軟硬適中，湯底唔會太濃（清清地），但味道好夠，腩肉非常軟又入味，係成個拉麵既靈魂。有隻半流心蛋，配料都好齊，很道地日式拉麵🍜同事食的咖哩芝士豬扒飯亦好好味⋯不過我掛住食⋯忘記影相了🤣小食推薦芝士魚餅，濃滑既流心芝士涵，好香好濃，軟綿綿好好味😋炸芝麻雞翼，香脆可口，完全唔油膩，好味道！燒鰻魚串，非常香濃軟滑既鰻魚，完全無骨，入口即溶。比起鰻魚專門店有過之而無不及，超班水準😘小巷中隱藏美食💕絕對值得再幫襯～食完飽飽所有煩惱一掃而空🤗午餐送汽水，仲要送樽裝🥰特別好飲！

天氣轉涼，最啱食啲熱辣辣嘅野，就去左何文田食石鍋烏冬。係旺角東站行過去好近，大約十分鐘就到。叫左一個小食同烏冬。坐係吧枱隠約見到入面一個個火光熊熊嘅爐頭燒緊客人嘅石鍋烏冬🔥🔥玉子明太子燒上面有燒到燶燶地嘅沙律醬，明太子就唔多，個蛋都幾厚，味道甜甜地。石鍋牛肉烏冬就揀左咖哩湯底，上枱等左5分鐘無咁滾先食到😂好香咖哩味，唔會太咸，魚嘅味道好淡，因為已經俾咖哩味蓋過。烏冬好彈牙，好好食，唔係外面果種普通嘅麵，就算浸係湯度耐左都唔會’淋’晒。

朋友介紹話尼間日本野幾好食，於是就去左試下。因為係夜晚食飯時間去，間鋪又唔係好大，都幾逼幾多人下，不過好彩咁岩唔洗等位。但係如果係想坐耐少少同朋友食住野傾下計既話，就唔多建議黎尼間野食野啦，因為真係唔係坐得好舒服。雖然尼間鋪好似係出名石鍋讚歧烏冬，不過戈日咁岩好想食拉麵，就試左啲平時唔會點叫既火灸牛舌柚子風拉麵。啲牛舌真係幾大塊，不過唔知係咪我可能第一次食跟湯上既牛舌，個口感比我想像中唔同。我以為會係好似燒雞腎阿，或者燒鴨舌戈種好脆口既質地，不過個牛舌又幾好食咖喎，係個質地我有少少覺得新奇咁樣。但係尼個拉麵既另一樣野，就令我有少少保留啦，就係「柚子風」尼三個字。食左成碗野睇番張單，先知佢係咩柚子風，食戈陣完全感覺唔到有咩柚子味。定係「柚子味」同「柚子風」係有分別，我就唔係好清楚啦。不過尼電拉麵就算冇左個柚子風都已經好好食啦。

每次都會點熱騰騰的鮟康魚湯烏東，「之前」食又好味又鮮，要成一舊水也覺值得。雖然份量不大，魚也不多但總要朝聖一番，但……但……最近一次真係冇曬感覺。D湯似槳胡咁、又冇乜味。好失望，食左多年的店要拜拜了。要另覓店了……

I ordered cheese pork cutlet curry rice cuz it looked really good in the picture. But what came was different from what I was expecting 😔 In the picture, it looked like I was going to get curry rice topped with a cheese pork cutlet and a sunny side up egg, but what I got was a runny side down mess. The egg was so watery; it was like an attempt to make an onsen egg that bursted in the process. Food presentation is important, but everyone knows that taste is more important. So I tried the egg and

午飯時間，好想食拉麵，首次到這間日式拉麵店，叫咗個蔥燒牛肉拉麵，白色魚湯湯底，有水準，牛肉有咬口，半個溏心蛋，五十元有找價錢包一杯熱香綠茶，飲品只有綠茶，汽水，並沒提供奶茶咖啡，店內座位不多，又未至於坐得焗促，幾張方枱，近窗口有長枱，可一邊食邊望街景，另一張長枱就放在另一邊，對住廚房，整體環境坐得舒適，伙計的服務尚可，因座位不多，礙於舖面面積細，人流多好難避免要在門外排隊等位，食品水準至上，人流多有道理。

HP一直對湯烏冬都有情意結💏熱辣辣既湯融入左烏冬裡面🍜喺冬天時 除左好味 仲有一份感動💝.今次呢間餐廳標榜用鮟鱇魚做湯底🐟淨係睇介紹已經好吸睛👀而舖外及舖內既食客數目同樣推動我地去試H先生叫左個石鍋鮟鱇魚湯安格斯牛肉讚崎烏冬魚湯真係落足料 👍🏻鮮味十足 仲要起膠 😺飲落以至食完成餐後都唔覺口渴 🤗證明都唔係重味精😏石鍋上枱保持住溫度🔥烏冬非常彈牙 煙韌無比 唯一失望既係牛肉分量好少☹️☹️得三片 唔係大片 只係一細塊😖的確好有牛味 但真係唔夠喉😔粟米粒新鮮 清甜😋🥰有心理準備主要係飲湯食烏冬🤔