Nathanhouse (Closed)

經朋友介紹一間奧海城既一西餐廳，係二期穿過大食代美食廣場，就會到見餐廳。餐廳裝修好別緻，部分位置都係梳化，坐得好舒服，見餐廳仲有露天座位，如果秋天坐出面應該仲舒服。前菜北海道帆立貝，無論係賣相同味道都相當出色，個雲吞皮好特別，炸到剛剛好，好似當薯片咁食。個湯係薑汁西洋菜湯，有少少薑味，但一啲都唔辣，呢個配搭好新穎。另外，要提一提佢個甜品，為呢個晚餐點綴，薰衣草奶凍，第一次食都有淡淡薰衣草味道嘅甜品，印象非常深刻。當晚食完我即刻推薦朋友嚟食。

Nathan house真係超多人，如果本身無book位，應該都好難等到walk-in.今次預早book咗，所以喺門口唔洗點等就可以入去。叫咗蕉糖北海道帆立貝、三文魚籽、青芥末枝豆蓉做前菜。成道菜嘅造型都好特別，唔止外觀夠藝術感，味道亦都好好，帆立貝夠鮮仲有好香嘅芥末味。餐湯係薑汁西洋菜濃湯配香脆煙肉。個湯好香濃，有些微薑汁調味，飲完個身有啲暖。主菜係法式香草雜果仁、烤羊西冷伴雞心豆蓉。羊西冷無咩羊騷味，煎得都軟硬適中，啲薯蓉好好食，重奶香味，成道菜水準幾高。甜品係薰衣草奶凍配士多啤梨凍湯。個甜品有意外驚喜，個奶凍份量比想像中大，超級香薰衣草味，好想encore, 士多啤梨凍湯甜度適中，同奶凍交替食好夾。

估唔到戲院旁邊有間咁有情調既西餐館我地獲安排坐係露天位氣氛一流可惜後尾開始落雨好彩店員反應好快幫我地轉室內前菜焦糖北海道帆立貝、三文魚籽、青芥末枝豆蓉好靚！😍😍😍 另外覺得廚師用料好有心思，北海道帆立貝用咗焦糖燒過，更加鮮甜，配搭大大粒三文魚籽同青芥末醬，味道好豐富，底下係薄薄一層餅底，增加左層次感，好滿意個前菜餐湯薑汁西洋菜濃湯 香脆煙肉西洋菜濃湯飲過，但薑汁真係第一次，本身驚怪怪地但飲落真係好有驚喜，薑汁中和左西洋菜味，令到味道更加協調，同埋都幾開胃主菜朋友叫左法式香草雜果仁、烤羊西冷伴雞心豆蓉我就試燒M5牛肉伴慢煮牛面頰牛面頰口感柔軟，m5牛肉就燒得香口惹味，配好香嘅紫薯蓉甜品最後甜品都相當有驚喜，竟然係薰衣草奶凍配士多啤梨凍湯！店員話要飲一啖士多啤梨凍湯，清一清味道，先品嚐奶凍，薰衣草奶凍味道清香，甜而不膩，真係要試下

焦糖北海道帆立貝，三文魚籽，青芥末枝豆蓉帆立貝燒得夠Juicy，配上三文魚子以及青芥末枝豆蓉，非常清新。青芥末枝豆蓉味道非常好，較特別。配埋個雲吞皮一流。薯汁西洋菜濃湯，香脆煙肉西洋菜濃湯，飲落去第一啖薑汁味好重，非常特別，配麵包一啲都唔漏，煙肉好大塊，但係我覺得煙肉碎上會好啲烤M5牛臀肉蓋伴慢煮牛面頰同一個碟上面有兩種牛，一個係慢煮嘅牛面頰，非常之Tender，好好味！m5牛臀肉肉味濃，但係就有少少overcooked薰衣草奶凍，士多啤梨凍湯士多啤梨凍湯清新，不過有好多冰，下次建議走冰！薰衣草奶凍好大兜，以為自己食緊豆花咁大碗🤭🤭好抵食！薰衣草味非常濃烈，好似點緊香薰咁😆😆呢度美中不足嘅係佢嘅位置不起眼，我諗到有好多細節位都可以再微調，希望佢可以吸引更多食客！

平時睇戲都會留意到呢間餐廳，成日同👨🏻話要黎試吓，今日適逢放工唔想煮飯嘅日子，一於揀咗呢間餐廳解決我哋嘅晚餐🤭叫左個tasting menu～焦糖北海道帆立貝，呢道前菜好吸引！帆立貝用焦糖煎到個面少少脆，上面配三文魚籽嘅鹹鮮味，同埋超清新嘅青芥末枝豆蓉，味道配襯得非常之搭～薯汁西洋菜濃湯，好多西餐廳晚市套餐可能會配忌廉蘑菇湯又或者係南瓜濃湯，西洋菜濃湯係一個非常清新嘅選擇，帶少少薑味，配上香脆多士同埋煙肉主菜煎封真鯛+醬油虎蝦, 非常惹味，配上野菌松露意大利飯餅，個餅面同底都煎左，脆脆地口感不錯甜品係士多啤梨凍湯同薰衣草奶凍，先飲個士多啤梨汁，之後再食Panna Cotta～士多啤梨汁超甜，如果冇冰會正啲，咁好味嘅士多啤梨汁本應該可以一啖食哂，不過有敏感牙齒嘅我就唔得了😆第一次食薰衣草味嘅奶凍！第一下覺得有啲似食緊香薰，但食食吓有幾好食😋好特別呢間餐廳值得更多人留意！而且店員服務態度非常好。如果我哋冇揸車，都會飲返兩杯🥂

前一日就過openrice訂座📱, 餐廳位置比較隱蔽， 位置喺戲院旁邊，大食代門口，餐廳門口真係要行到去先見到！我用商場隱世餐廳來形容！餐廳有大露台提供outdoor用餐🌅，如果天氣好，outdoor都唔錯餐飲主打西餐，有生蠔🦪，紅白酒🍾供應，都算多完化點了芝士拼盤🧀呢個小食，如果愛芝士的你，不容錯過！ 有三款芝士，有兩款鹹火腿🥓，加埋少少沙律菜🥬，醒胃之選慢煮36小時和牛面頰🐮$158肉質好滑，慢煮保留肉汁，唔錯香辣黑白蒜片意粉$88🍝好香蒜片味，雖然冇乜配料，但真係好香！但烤雞胸牛油果🥑鬆餅$98跟餅有三個醬汁，牛油果蓉🥑，蕃茄蓉🍅，沙律醬，加醬汁同個餅一齊食，味道好夾！鬆脆比利時窩夫心🧇，鮮果🍓，特選朱古力雪糕🍨$88賣相同餐牌有點出入，但整體美味，窩夫很脆配埋雪糕口感十分好！服務出色，雖然餐廳滿座，但服務仍然貼心！ 三五知己，傾計一流！

餐廳外表好吸引，格局佈置有氣氛。 餐前送上幾款麵包，微熱，味道唔錯。食物擺盤都幾有心思。 甜品做得好靚。醉鵝肝伴脆米通 鵝肝極之細滑，入口溶化，米通硬脆，口感上有強烈的衝擊     龍蝦湯餐廳用的碟令我著迷，充滿視覺享受。湯中有爽口的龍蝦肉，鮮味十足      自製手打意大利麵，煙海鰻魚自製的意大利麵口感煙韌，海鰻恰到好處的油脂，配上煙燻的香氣更加吸引           雪葩酸酸地配上底層的冧酒，係晚餐中段作refresh 的作用。  香煎甘鯛魚炒雜菜魚鱗是甘鯛魚最不可錯過的部分，炸畢後豎直的魚鱗，酥脆無比, 肉質綿密。        

係時候出返啲好西post 幫大家醫下個肚今次介紹嘅係 我同MY BOSS 慶祝求婚紀念日山長水遠 為左可以無限encore生蠔環境氣氛都好有mood嘅 Nathanhouse絕對推薦大家情人節/紀念日去食啊🥳Dinner Set for two 都只係$468當然食 #生蠔 (#oyster) 就要額外俾錢叫😍頭嗰半打就係$188 送一杯白酒其後嗰啲生蠔無限追加都只係$9/1隻生蠔嘅質素正常 冇話特別重嘅海水味我一個人都食咗15隻 中意食嘅朋友可以一試🦪喺晚餐入邊可以揀兩個前菜同埋主菜個人認為烤豬腩肉幾好食 必叫👍🏻至於主菜方面可以加$78 有 #黑安格斯肉眼扒成個餐裏面我最鍾意嘅就係是日精選甜品個 #拿破崙 簡直係冇得頂 層次分明食落外脆內軟 朱古力濃度岩岩好 超正😋

經過奧海城俾我發現一間好隱蔽嘅西餐廳 佢個位置喺food court入邊 戲院隔離 咁都比我搵到 既然同佢咁有緣梗係要試吓有main menu 同lunch menu 叫左個set lunch 香煎澳洲盲曹魚柳 條魚好明顯係新鮮嘅 咬落去有咬口 仲有時蔬 有肉有菜好健康 仲配咗個沙律 好有誠意有雞胸恰旦 好清新 餐飲叫咗杯熱mocha 飲完好滿足 唔會太甜係一杯好好飲嘅朱古力咖啡 順帶一提呢度環境寬敞坐得好舒服 基本上$100左右食個lunch 真係非常之超值 邊度搵呀

今日同同事喺奧海城食lunch，喺門口睇佢個餐牌，見到價錢都唔貴，同望到入面環境都唔錯，所以揀咗佢餐廳入面地方都好寬躺，枱與枱之間都有一定距離，店員仲會安排客人分散去坐，真係好抵讚佢嘅午餐餐牌選擇都幾多，每個餐都跟個餐湯同嘢飲，仲可以加錢加小食同埋甜品今日嘅餐湯係蕃茄湯，蕃茄湯入面仲有啲茄肉，酸酸甜甜好醒胃我叫咗烤澳洲肉眼扒，開薯仔同野菜，佢嘅醬汁係紅酒汁，牛扒叫五成熟，切開見佢煮得啱啱好，入面仲粉嫩，牛味都唔錯，重點係佢個紅酒汁，令到牛扒味道提升店員仲推介我哋春卷：估唔到$23有五大條，春卷啱啱炸起，超級脆口最後仲叫咗份甜品share，佢嘅甜品日日都唔同，今日呢個就係朱古力蛋糕，味道唔苦啱晒我嘅口味下次要約同事再嚟食過

過完春節中菜吃的多了，今天想轉下口味吃西餐，與朋友相約來到大角咀海庭道18號奧海城二期一樓NATHANHOUSE。環境闊落，裝修以歐陸風格為主，並加入花卉元素，打造年輕悠閒空間。餐廳主打西餐，各色扒類及多國海鮮菜式，他家的生蠔有為出色。 午餐有多款set，我要份烤澳洲肉眼扒配有燒薯仔、蔬菜，擺盤精緻，牛扒五成熟剛好，肉質嫩腍，口感豐富而有層次。西西里焗豬扒飯配有菠蘿、鮮茄、雞蛋芝士等，用料十足、肉質鮮嫩，好好味。跟餐有餐湯，沙律和現磨咖啡，都非常有水準。餐廳擁有海景，私密度高，服務超好，性價比高，以後還會光臨。

// #Throwback 𝙩𝙤 𝙖𝙣 𝙐𝙣𝙥𝙡𝙚𝙖𝙨𝙖𝙣𝙩 𝘿𝙞𝙣𝙞𝙣𝙜 𝙀𝙭𝙥𝙚𝙧𝙞𝙚𝙣𝙘𝙚 𝙖𝙩 𝙉𝙖𝙩𝙝𝙖𝙣𝙝𝙤𝙪𝙨𝙚 🚫 //-With numerous touted recommendations and posts online, thought it’d be astonishing to dine in at 𝐍𝐚𝐭𝐡𝐚𝐧𝐡𝐨𝐮𝐬𝐞 with their Christmas Festive Menu at their outdoor area. Turns out to be revealing layers of disappointment and dissatisfaction throughout the whole dining experience.✖️Not only 𝐜𝐨𝐦𝐩𝐥𝐚𝐢𝐧𝐢𝐧𝐠 𝐚𝐛𝐨𝐮𝐭 𝐭𝐡𝐨𝐬𝐞 𝐮𝐦𝐩𝐭𝐞𝐞𝐧 𝐮𝐧𝐩𝐫𝐨𝐟𝐞𝐬𝐬𝐢𝐨𝐧𝐚𝐥 𝐦𝐢𝐬𝐭𝐚𝐤𝐞𝐬 𝐦𝐚𝐝𝐞 𝐟𝐫𝐨𝐦 𝐭𝐡𝐞 𝐬𝐭𝐚𝐟𝐟𝐬, but also the dining ambience and the food quality; all summed up as

奧海城foodcourt隔離有間西餐，裝修都幾靚，叫左份魚柳試下，雖然位於奧海城，難得價錢唔太貴，不過不足係食物份量較少，同埋餐廳侍應都唔太足夠，可能要等比較長嘅時間

朋友生日，本來想同佢食一餐豐富晚餐，見到呢間餐廳既好評同餐牌幾好，所以揀左呢間，點知！最後大失所望⋯⋯首先訂位同確認訂位時都冇講話1月1號只提供節日餐牌，$598每位，main 揀和牛小排仲要另加$128，追加餐酒要另加$138一位，比起佢平時既menu價錢，差左一段距離見到之前啲食評話好食都諗住可以試下，難得幾個朋友生日聚會，點左2杯特飲都話今日冇得提供，成個menu 得一款特飲有首先上左個意大利雲吞，好硬跟著係生蠔，生蠔上面有啲果凍，果凍好甜，又突出唔到生蠔既鮮味，唔識欣賞唔點生蠔可以選擇海膽同火腿，味道係成餐最好食嘅跟著係湯，一般得黎有啲燶味跟著係雪葩，又係一般跟著main 既3個選擇我哋都有揀，份量極少，食物唔熱，味道一般，龍蝦果香多士，係龍蝦下面有一塊普通多士，多士仲要唔脆，質素真係茶餐廳都好過佢；和牛小排只有幾舊仔，又係唔係特別出色；魚淡而無味加上唔熱，真係唔係咁好食最後係雪糕，超級超級超級一般餐酒都係一般 我哋5位食了$3775，重點係完全無食飽同無享受到高質美食，如果唔係約哂甘多個人，一定會即刻走，性價比極低，唔會再去，好失望⋯⋯⋯⋯⋯⋯

今日嚟到呢間餐廳要求左要坐outdoor👍🏻環境都唔差嘅。但係惡夢就開始喇…咁我哋照叫咗個set dinner再另外加咗佢啲生蠔。先講佢啲生蠔 好多蠔殼碎 味道有啲都正常嘅 唔建議叫啦。 前菜頭盤都係非常之難食嘅 有個唔知雲吞加啲湯 我屋企樓下麵檔仲好食 雲吞皮好厚 仲要係凍凍地嘅舊雲吞 個湯就清水咁 另外個海膽配左舊黑色又冧晒嘅脆脆 唔知佢想點 係得個湯正常不過得兩啖🤡哈哈 主菜就簡直係離譜 龍蝦肉多士 原來係龍蝦西多士 有塊冧晒嘅西多士係底再加啲朱古力醬 搭隻冇乜味嘅龍蝦 非常神奇 側邊有啲甜甜地嘅南瓜蓉 件事係錯晒 我同朋友食到就皺晒眉頭 另外個主菜就一嚿蒸魚配啲牛油煮嘅薏米 你冇聽錯係薏米 再加啲炸咗嘅羽衣甘藍 成碟嘢都係唔知做乜嘢 不過都好食過個舊朱古力龍蝦西多士 我唔敢想像我呢餐係要比成$1500 我好似打緊篇潮文咁 服務方面餐廳人手好唔夠不過我都費事再講落去啦 總結就冇下次啦 伏🤡