Nathanhouse (Closed)

今日同男朋友係奧海城行街，下午茶時間去戲院隔離嘅一間餐廳，「Nathanhouse」一間以休閒裝修為主題嘅餐廳😚慢煮豬腩肉迷你漢堡配惹叶味脆薯：一份有兩個迷你漢堡🍔🍔 漢堡用嘅包都係竹炭整成嘅，都係黑色，好有型🤩 入面嘅豬腩肉都好出色，外面煎得酥脆，咬落去有充分嘅油香味😋但食落唔會油膩，因為嗰漢堡仲有青瓜、生菜、蕃茄做餡料😋食落有滿足感又有清新感😋水牛城雞翼：一份有4隻，味道香辣😋帶少少甜及酸😋雖然係肉食但食落好開胃🤩雞翼嘅調味都係岩岩好🤩好食！ 生蠔🦪：見到下午茶餐可以加配生蠔，對生蠔有挑剔嘅男朋友就抱着懷疑嘅心態嗌左一隻黎試下😂蠔有一個精美嘅碟裝住，伴上檸檬汁👍男朋友唔太鍾意蠔嘅腥味😂所以加咗檸檬汁方便入口👍入到口嘅時候有啲意想不到🤩隻蠔好新鮮，冇咩腥味👍反而有一浸鹹鹹嘅海水味😋夾雜着鮮甜😋餐廳做緊$188 六隻蠔，然後每隻8蚊既優惠，佢話好後悔冇嗌🥲椰子雞湯燴鮮蜆：一份用煎pan裝住嘅雞湯煮蜆😚試咗一啖雞湯，非常之濃郁😋😋有好多蜆而每隻蜆都好肥美😋放入口嘅時候非常之鮮甜😋同雞湯都幾夾，一齊食嘅時候就會係雞湯嘅鹹味入面混雜住少少甜😋推薦！！

今日放工諗住去睇戲，知道戲院隔離有呢間餐廳就book咗位去食。我哋六點零，都冇咩人，之後就好快full哂。我哋總共叫咗15隻生蠔，因為有優惠$188一打，再追加只係$9一隻，好抵。生蠔食落都新鮮。套餐再送一杯白酒，都唔錯。野食叫左兩個意粉。一個係牛面頰闊條麵，覺得呢個好好味，牛肉好林，同埋啲意粉好香蛋味。我覺得係今餐最好食嘅野。另外一個係龍蝦汁海鮮意大利飯，識落有少少蝦膏味，意大利飯口感都可以。食完就行過隔離睇戲，時間啱啱好。

餐廳位於戲院旁邊，啱晒睇完戲，或者睇戲之前你拍拖食飯，或者可以穿過food court行過嚟。一定要撐佢嘅環境，因為座位好闊落，坐得好舒服，可以慢慢傾偈。而且餐廳服務好好，好細心，加水收碟都好主動好快手。叫咗兩個一人晚餐（其實蠔嘅Menu都超級抵食，下次一定會嚟試）。餐湯及前菜前菜好特別，係提子茄子蕃茄濃湯。味道好清新，提子嘅甜味中和返蕃茄嘅酸味，成件事都好健康。，好開胃餐湯係粟米忌廉濃湯，好濃嘅粟米味小食：白酒煮蜆大力推介，蜆肉大大隻，好厚肉，而且個白酒做得好好，蜆肉吸晒啲湯，食完蜆肉之後連啲湯都忍唔住飲晒。虎蝦香濃芝士意大利飯兩隻虎蝦食落去都幾新鮮，都幾爽後同彈牙。意大利飯嘅濕度都做得幾好。唔會太乾，亦唔會太濕。而且好香濃嘅芝士味。加埋少少黑椒食，更加惹味。美國牛肉漢堡配黑松露薯條個漢堡包嘅包做得好好，煎熱咗少少，食落去有少少熱得來，又軟熟，夠誠意！而且個牛肉漢堡扒嘅牛味都好濃，配埋蕃茄同青瓜食，好滿足。黑松露薯條真係食得出有黑松露油嘅味。而且份量都好多，就算男仔食都一定夠。甜品Tiramisu大力推薦！自己有時都會試吓整，雖然看似簡單，但係要做得好真係有難度。呢間餐廳係整得好好食

今晚喺奧海城做完嘢，行到二期戲院，旁邊有間餐廳幾型格，一於入去享受一個人的晚餐。餐廳燈飾特別，雅緻裝修，卡位闊落，感覺舒服， “Dinner Set for 1" 啱我！我冇揀餐湯，選咗大蝦沙律，顏色配搭好搶眼，賣相冇得輸，蝦夠新鮮爽口，清新開胃。主菜鮮海蜆香辣蕃茄汁扁意粉好香，新鮮大隻嘅蜆煮得恰到好處，唔會過熟，保留鮮甜味，扁意粉亦煮得軟硬適中，融入濃香蕃茄汁，好入味。套餐加$32可配一件蛋糕，揀咗我最喜歡的三重朱古力蛋糕。不能抗拒極濃又幼滑嘅朱古力味，配合軟綿綿蛋糕，美味滿分。最後加一杯熱檸茶，簡單而美味的一餐。

首先晚上大概八點入到去一坐低，侍應話所有熟食要盡快落單，因為廚房要整好耐…我環顧四週，得果大概8-10枱客，好多已經開始食緊嘢。作為一間喺大規模商場嘅餐廳，如果你個廚房連10枱客以內都應付唔到，咁可想而知啲出品係咩料🤦🏼‍♂️今晚點咗個「冬蔭功海鮮意大利飯」，先唔講啲所謂海鮮完全無味，嚴格嚟講你收我$170蚊我都唔會有乜嘢期望！最敗筆係個所謂「冬蔭功」…只見到係白色嘅意大利飯，嚟到時我都打咗個突，問侍應係咪真係冬蔭功？連個侍應都皺一皺眉頭走去問廚房呢碟係乜嚟。好啦…最後個侍應都好唔好意思行埋嚟話佢係一碟冬蔭功意大利飯，咁我唯有再聞下佢兼食咗一啖…對唔住！我真係完全睇唔出同食唔出佢何來稱得上為「冬蔭功」！另外女朋友叫咗個肉眼牛扒，要七成熟，一鋸落去已經知唔對路。首先把刀唔係鋸扒專用嘅，只係一把利少少嘅餐刀，如果真係七成熟，要切認真唔會有難度；但我就好似要同塊扒角力咁，切開咗係血紅色仲係咁滲血水，其實成塊扒得五成熟咋😖。

奥海城二期戲院旁邊有間隱蔽嘅餐廳，裏外裝修型格夠潮，燈飾及卡位都有特式，打卡一流，係Nathanhouse 。兩口子決定試吓 “Dinner Set For 2”，一個揀餐湯係椰菜花忌廉湯，可口幼滑，另一位就點咗主厨特色大蝦沙律，沙律菜及蝦同樣新鮮爽口。兩個前菜分別係椰子雞湯燴鮮海蜆，大隻海蜆果然新鮮甜美，椰子味好突出，令味道更有層次；而黃金蒜片大蝦亦好滋味，因為蝦本身就夠鮮甜爽脆，增加食慾。主菜先有香草虎蝦意大利飯，蝦夠彈牙，意大利飯煮得較為軟身，但依然creamy入味。之後嘅香烤加拿大豬架就冇得輸，肉醃得入味，烤嘅火候適中，咸香嫩滑，食落似中式燒肉，停不了口。是日餐廳供應精選甜品係麵包布甸，造型吸引，加埋一杯檸檬茶餐飲，好滿足。原來仲有下午茶，下次再試

暑假去奧海城睇戲，見到隔離有間西餐，環境幾靚好吸引，入去試吓食晚飯除咗單點之外，仲有set dinner，揀咗個西京燒比目魚柳，可以配餐湯或者沙律，仲有餐飲今日嘅沙律係大蝦沙律，賣相精緻，感覺好清新，大蝦配上牛油果醬，仲有少少生果配襯，好適合夏天比目魚肉質鮮嫩，配上醬汁味道唔錯，燒得剛剛好，仲有好多配菜，例如蘿蔔、豆角、薯仔，感覺好豐富飲品加錢叫咗水果冰茶，味道較甜，有新鮮蘋果粒，夠消暑解渴另外再加錢點左熱情果芒果蛋糕，賣相幾吸引，食落酸酸甜甜好開胃，碟上有朱古力醬裝飾，為晚餐增添完美讚一讚餐廳嘅環境，梳化坐得好舒服，夠闊落，牆身畫上花花，影相一流，餐廳員工亦好好禮貌，晚餐價錢唔貴，性價比高

今日嚟到奧海城呢間西餐廳😍🔖西京燒比目魚柳💰138魚肉非常嫩滑🥰平時食魚好少連皮食，因為感覺好腥，但今次連皮一齊食都無問題🤗配埋佢個汁一齊食好好味啊😌唔洗驚唔飽，因為墊底有大量蔬菜，另外都有一啲烤薯粒🥔食完啱啱好啊🤓💫推薦指數: 9/10🔖虎蝦香濃芝士意大利飯💰148成個飯都好creamy~飯粒嘅軟硬度都啱啱好啊😋最欣賞係佢個芝士味係超級突出同濃郁☺️究竟落咗幾多芝士去整🧀🤣💫推薦指數: 8/10🔖南瓜忌廉湯💰/口感都幾creamy，會食到啖啖嘅南瓜蓉🎃💫推薦指數: 7.5/10🔖清酒煮蜆💰28 (套餐加配價)蜆肉份量都幾多㗎，味道鮮甜😋嗌呢份小食share食都唔錯🙌🏼💫推薦指數: 8.5/10

同朋友去奧海城睇好戲，散場後，就搵左喺戲院對面的西式餐廳，食過豐富晚餐。餐廳裝修非常簡潔舒服，而且環境好寧靜，可以約朋友嚟談談天，說說笑。呢度好似出名係蠔，因為見其他食客都叫左蠔，望上去，真係好吸引嫁。但朋友最近腸胃不適，所以，今次無叫蠔，下次一定要試吓至得。特色和牛面頰闊條麵🌟🌟🌟🌟🌟和牛面頰牛味好濃，而且煮得好入味，而且炆得好（淋）滑。醬汁調較也美味，有點像紅酒炆牛舌果種味道，但更加香濃，讚。👍闊條麵煙韌口感，軟硬適中。配合醬汁，非常美味。西京燒比目魚柳🌟🌟🌟🌟比目魚燒得可以，保持住魚的鮮滑，再配上帶甜味的醬汁，提升味道，也算是可口美味。😋香脆洋蔥圈，這個就一般，如果炸漿可以簿一些就更好。此外，仲有特色沙律，顏色鮮豔，賣相吸引。吃過晚飯，又要踏上回家征途。

聽聞奧海城附近開咗間新嘅西式餐廳，見冇煮飯特登走過來試吓。餐廳位置看似有點隱蔽，但其實一上戲院扶手電梯轉過彎就見到餐廳門口，隔離就係大食代，好易搵。前菜沙律唔錯，有我鐘意嘅香草醬配蕃茄同水牛芝士～ 烤豬腩肉配紫蘇葉生菜，豬腩肉烤得非常金黃，伴有芥末汁及生菜，仲有少少紫蘇葉，夠晒香。椰子雞湯燴鮮蜆呢款前菜比較少有，幾特別，肉質夠嫩而且冇沙。香草虎蝦意大利飯勁大碟，食咗一半都已經好飽。餐廳環境夠寧靜，係傾計嘅好地方。

突發去到奧海城睇戲，完場嘅時候正值晚飯時間，極肚餓之下立即接衝入大食代隔離呢間西餐廳。記得上次嚟嘅時候，呢度係食粥粉面嘅，突然變返做一間西餐廳，有煥然一新嘅感覺。青豆蓉湯係屬於偏稀身嘅一種，唔會杰撻撻滯住個胃，啱晒鍾意健康選擇嘅你。牛扒極大份，出乎意料之外，仲配有粗薯角同翠玉瓜等伴菜，夠晒大份真係食唔晒！見promo做緊半打生蠔$188 ，已包白酒仲可以無限追加$9一隻生蠔，見到好多人都點，好似幾好味！

當日睇完戲出嚟好肚餓，一路都唔知呢度有間咁好嘅餐廳，又唔洗大排長龍，真係要推介下！餐廳做緊優惠叫「蠔出沒注意」⚠️$188/半打蠔，重送白酒一杯，重點係之後可以用$9一隻既超抵價無限追加，我哋一共食咗三打🤪以為$9隻冇乜太大驚喜，都有三款不同口味的蠔，仲要都好新鮮，叫咗個二人套餐，再加錢upgrade食牛扒，牛扒好大塊，肉質唔錯，套餐小食烤豬腩肉配紫蘇葉椰子雞湯燴蜆，好正、有驚喜，同埋單兩人加埋都唔使$1,000，真心性價比超高！希望佢呢個優惠可以一路做落去😛啱晒我呢啲蠔怪，我真係俾佢個優惠「蠔出沒注意」⚠️吸引咗🥰

約左個住奧運既朋友一齊食飯,當然要叫佢帶我去兒地頭食好西！今次佢帶左我食呢間隱藏係 food court之後又坐得幾舒服既餐廳.香蒜炒鮮蜆配香蒜多士炒蜆既蜆肉充滿海水鮮味,入口無沙之餘蜆肉質地又爽彈.炒蜆帶點蒜香及酒香,新鮮又甜.炒蜆底下既精華湯汁浸上烘脆既香蒜多士後再咬一啖,相當滿足.秘製芥末醬軟殼蟹漢堡配惹味脆薯軟殼蟹炸成金黃色而且唔會過焦.軟殼蟹外層好酥脆又唔油膩,內裏帶住香甜多汁既軟殼蟹肉.配上新鮮蕃加及生菜減低油膩感.剛好漢堡包以牛油烘過後帶出香濃既牛油香而且鬆脆唔會過乾身.意大利咖啡芝士餅Tiramisu帶住香幼細膩既忌廉,配上經咖啡油浸過既海綿蛋糕更香而且味道更有層次.

是日小妹放假，突然好想食西餐，聽朋友講奧海城二期有間藏匿於food court 後方叫NATHANHOUSE 既西餐廳唔錯，於是同男朋友一齊黎試下餐廳裝潢有好多玫瑰花🌹元素，羅曼蒂克氣氛濃厚我地決定叫兩個Dinner set for 1 開心share ，另外仲要左個期間限定$188/6隻生蠔set 生蠔set 雖然未到 R rules 季節，但呢盤無論係大隻既日本生蠔，或係較細既法國生蠔🦪，味道keep到鮮味主廚特色沙律不得不讚呢度既餐碟真係好靚好精緻，藍色海浪🌊紋配上色彩繽紛既煙鴨胸沙律🥗相當吸睛，味道方面，小妹好鍾意入面微酸偏甜既沙律果醋，好味蟹肉牛油果千層穌🥑鮮味蟹肉暗藏於鬆化兩層蘇皮底下加入creamy 牛油果粒同埋醬汁真係有多重口感，幾特別既一款菜色餐湯西蘭花濃湯🥦打得好creamy ，食唔到有渣，香味十足虎蝦香濃芝士意大利飯Risotto 飯粒煮得好淋身，permesan cheese 味好濃郁虎蝦烤到金黃色卜卜脆，咸香味蝦肉爽如果有多d蝦就好啦。美國牛肉漢堡配黑松露薯條男朋友叫左佢至愛既burger,佢話牛扒煎得好juicy,薯條粗身唔會太咸食左咁多野，二人埋單都只係$

今次要介紹嘅係奧海城一間食西餐嘅餐廳，嗰日係星期五晚，夜晚呢都有set menu嘅~ set menu有一個沙律/餐湯啦，主菜 同一杯嘢飲嘅。沙律都有啲驚喜，除咗芝士都算多之外，仲有啲肉肉😋主菜我就叫咗個西京燒比目魚柳， 朋友就叫咗個 安格斯肉眼扒。 比目魚有少少腥，所以我就唔係太過推介啦🙈至於肉眼扒其實都幾大舊嘅，不過我就冇試過味， 所以就評論唔到啦🤡我哋另外都叫咗個炸豬仔髀， 呢個都幾好食。因為佢炸完個肉質又唔算好硬，而且唔會好油膩，個醬汁都幾夾。總括嚟講我覺得都坐得幾舒服嘅，我哋兩個人七點入座都坐到十點鐘， 分量就唔算好大，不過食物質素都可以嘅~Rating: 😸😸😸