Nathanhouse (Closed)

買完戲飛… 我同朋友都覺得有啲肚餓…咁啱抬頭就見到餐廳嘅招牌…原來仲有戶外位置… 可惜有啲熱同落雨.. 冬天應該幾好feel….咁就諗住食埋個飯先至入去睇戲…見到佢哋一二人餐都幾抵… 我哋最後決定叫兩個一人餐share 食多啲款…有湯或沙律揀…我地揀左個美國黑安格斯肉眼扒有嘅肉味… 7成熟.. 生啲會再juicy d d ….半碟油菜同埋薯條份量都非常足…..同埋虎蝦香濃芝士意大利飯…飯有好香濃嘅芝士味.. 入口又好滑嘅感覺..再加埋蝦嘅香味.. 勁芝味小食我哋跟咗一個香蒜炒蝦 .. 同意大利飯嗰個蝦嘅味道完全唔同.. 好香嘅蒜味.. 😋勁惹味…飲品方面我哋就加咗$28要佢嘅特飲…揀咗晨光同埋綠野奇緣…晨光係有柚子加薑梳打… 甜甜地似入口綠野奇緣係蘋果加羽衣甘藍打成…好健康..最後為食嘅我哋就梗係唔會放過甜品啦.. 點左一個Tiramisu.. 幾香唔錯..

呢間餐廳座位舒服，更有戶外座位，適合同另一半撐枱腳，餐廳浪漫有氣氛💕但入口位置比較隱蔽，在戲院旁邊，需要花時間找找兩個人啱晒選擇2人套餐，一人套餐價錢也合理，大概1xx都有交易，而且食物質素不錯👍🏻$33 法國生蠔🦪 味道新鮮偏甜☺️新鮮蕃茄湯，用鮮蕃茄打磨而成黃金蒜片大蝦🍤蝦仁口感爽口，重口味蒜🧄好惹味椰子雞湯繪鮮海蜆雞湯鮮甜，可以飲晒成碗湯🤤令海蜆連湯好好食😋香烤加拿大豬架🐷呢個有小驚喜，豬味不騷，而且十分嫩滑配搭薯仔🥔西蘭花🥦竹筍等配菜肥瘦均勻，而且十分入味，外皮少少微焦帶香脆外表配搭亦很吸引😊蕃茄蟹肉扁意粉🍝麵條上能吃到一絲絲的蟹肉，味道層次不錯😍最後更有甜品配送，個人認為價錢公道

放假到奥海城二期購買餐具,可惜買不到心頭好,有點失望加疲累。唯有走進"大食代"找個地方歇一歇,促食個晚餐回家！沒想到走到"大食代"的盡頭,竟然發現有間以歐陸風格作主題,裝修華麗、富有情調的隱世餐廳！而且餐廳設有indoor & outdoor,很適合喜歡悠閑寧靜環繞著嚐美食的朋友！餐廳主打新鮮生蠔、薄餅及各式扒類等。我俩點了兩份一人套餐,再以$28加配白酒煮鑽石蜆及$32一件甜品點了兩件分享！❥❥是日餐湯❥❥鹹香麵豉湯加入鮮甜大蜆、嫩豆腐和軟滑昆布,令其味道大增。不是忌廉湯的濃稠厚膩,而是富有日式的風味,很適合炎炎夏日的胃口！❥❥白洒煮鑽石蜆❥❥鑽石蜆乾淨無沙且肉厚。只用上白酒、蒜蓉加紫蘇葉簡單配料,就煮出酒味香濃、鮮甜、肉嫩多汁美食！❥❥虎蝦香濃芝士意大利飯❥❥這裡的主廚是意大利人,有幸品嚐到正宗的意大利飯。芝士忌廉蘑菇汁又rich又creamy,每粒米飯都充滿著香濃芝士味道,口感外軟腍,內有嚼勁。虎蝦鮮甜彈牙。❥❥西京燒比目魚柳❥❥厚厚的比目魚柳烘焙時間剛好,外層微焦黃,肉質細嫩而不散開。西京燒醬汁給味蕾帶出更甜而不油膩感。旁邊的碧綠爽脆西蘭花、軟腍多汁車厘茄及粉綿馬令薯,紅綠相襯

係奧海城行完街，行過戲院見到大食代隔離有間裝修幾靚既餐廳，就同佢frd行入去試試佢。餐廳入面唔算多人，環境優美，服務態度亦都唔錯，絕對適合一家人or拍拖黎。我地一黎就叫左杯white wine，雖然house white wine既種類唔多，但係佢呢杯既偏甜，適合食前菜時一齊飲。前菜我地叫左半打生蠔同埋洋蔥圈，啲生蠔肉質薄身多汁，口感精緻，帶有海洋氣味，鹹味適中而且口感柔軟，入口回味時間較短，同白酒絕配。洋蔥圈非常鬆脆！主菜叫左龍蝦汁意大利海鮮飯同埋一份牛排。Risotto既賣相真係唔算吸引，但係食落口感受到濃郁既龍蝦汁味，配搭中蝦，更顯鮮味。牛排我地叫左5成熟，亦都係我今晚最鐘意既一道菜。5成熟牛扒是用炭燒，充滿炭燒的香味，聞到都好吸引，安格斯牛肉嫩滑，鎖住肉汁，外熟內滑，牛肉味大分香濃。最後不得不提一定係個甜品，叫左個雪糕窩夫食，雖然放左個雪糕係個窩夫上面，但係個窩夫依然外脆內軟，十分好食！

喺奧海城見到間好靚嘅餐廳，俾佢浪漫嘅環境吸引咗，就入咗去試下。而且餐廳環境好闊落，梳化座位又好舒服。同埋呢間餐廳仲有露天座位，望住個海景同日落食飯真係好浪漫。成個感覺好好！前菜我哋order左半打生蠔，生蠔超級fresh同鮮甜！我地仲叫左兩杯白酒，白酒襯埋個法國生蠔簡直係絕配。杯白酒更加帶出生蠔嘅鮮味！呢間餐廳亦都非常正宗，原來廚師係來自意大利，對食物都非常之講究。絕對係用心製作。雖然上餐時間耐左小小，但店員非常之友善，仲送左個水牛城豬仔髀我地食，真係好窩心。香港人平時生活節奏太急速啦，其實都可以藉呢一次機會比我同朋友談心。環境真係好chill，好似真係去咗歐洲食飯咁！另外我自己都好鍾意呢間既steak，我同朋友都唔鐘意食太熟。我地叫左5成熟，廚師將個火候控制得好好👍🏻！肉質都好juicy。而龍蝦汁海鮮risotto更加非常有驚喜，龍蝦汁非常濃郁，同個飯好match！最後我哋仲嗌左個士多啤梨雪糕窩夫。女士們一定要嗌呢個甜品，因為個賣相實在太靚啦！而且個窩夫都好鬆軟！真係一試難忘，下次一定要坐露天位！

經OpenRice 訂位，個位係戲院隔離，以往都係開咩都好快消失。今次呢間裝修係靚嘅，想走高檔路線，但只係裝修叫做好啲。招呼似普通cafe law當晚大部份人食dinner set。 叫咗Angus, 比目魚， burger之類餐湯超稀，沙律得幾塊菜Burger 好似下午茶餐份量比目魚得兩小舊，夾埋都細個手掌，仲要义一掂即散🤪Angus 全部煎熟兩成，叫五成熟基本上係七成以上全部dinner set 主菜得兩舊西蘭花🥦同一兩粒車厘茄做伴菜只得散叫意份個位叫食得飽，其他全部叫唔飽餐茶要咖啡話係即磨要加$12，但比樓下UCC差一次過，應該好快如以往般消失相欠奉，因質量唔得，無需打卡

今日約咗女朋友嚟咗奧海城拍拖 想搵間坐得舒服同寫意嘅餐廳食晚飯 睇完戲食咗food court隔離嘅Nathanhouse 但地點有啲難搵 唔係睇戲都未必會見到佢🥺 要穿過food court先會見到佢 但係如果入戲院嘅 就會經過㗎啦一坐入去已經好好service 有店員帶位 又有推介我地食啲咩咁樣 啱晒心大心細嘅我地☺️ 今晚店員力推生蠔 不過我呢排腸胃麻麻就冇叫到 我地叫咗兩份Dinner set for 1 包咗個是日餐湯或主廚特色沙律 是日餐湯係麵豉湯 其實都有啲驚喜嘅 冇諗過呢間西餐廳係麵豉湯😂 都幾足料 有好多豆腐粒粒 海帶 又有蜆 主廚特色沙律 賣相已經吸引到我地 店員有同我地介紹係橙yoghurt同埋沙律 橙yoghurt嘅表面有燒焦咗嘅糖 脆脆地嘅表面加埋yoghurt 甜甜酸酸 非常開胃🙊本身想試美國牛肉漢堡配黑松露薯條 但店員話咁啱賣晒🥺 不過唔緊要啦 其他餐都吸引我地嘅西京燒比目魚柳🐟 魚柳充滿住油香 而且都幾大件 加埋廚師製作嘅醬汁 甜甜地好有食日式料理嘅風味虎蝦香濃芝士意大利飯 個飯份量都幾多 入面有好多菇 都幾足料 而且面頭嘅蝦好大隻 又有鮮味🦐 意大利飯唔

穿過多人既foodcourt 就會見到呢間餐廳主打食西餐 餐廳位置不多 但有足夠既空間 唔會迫.如果坐望窗既位 會望到日落美景我地其中兩個就叫左Dinner Set, 其餘就散叫Dinner Set可以選擇要是日餐湯定沙律Dinner Set - 虎蝦香濃芝士意大利飯 $148 另加蒜蓉包 $22及餐飲凍檸茶 $6是日餐湯係蘑菇湯 店員放低既時間已經聞到好香! 份量岩岩好 飯粒軟熟 唔會食到好濟 食完仲有空位食甜品.蒜蓉包好好食, 非常香脆 !Dinner Set – 美國牛肉漢堡配黑松露薯條 $118 另加餐飲 泡沫咖啡 $28漢堡冇煎過龍, 食落有肉汁唔乾 配埋半溶既芝士 正可惜黑松露薯條冇乜黑松露味, 不過都炸得脆口又唔太油.美國牛肉洋蔥漢堡配惹味脆薯 $88同另一個漢堡一樣 都係好食, 不過當日冇哂脆薯 變左普通薯條, 呢點有點可惜.香脆洋蔥圈 $48好好食! 真係炸到好香脆! 加埋餐廳自己調既醬一流. 鬆脆比利時窩夫配鮮果及特濃朱古力 $78正常 比較飽肚 下次會想試其他輕食甜品

唔講都唔知foodcourt有間咁decent既西餐廳。行到去戲院個到，埋單個陣先發現係屬於大食代。門面幾靚，好多花精選水果冰茶今日口味係橙味，入邊有兩粒藍莓🫐。是日餐湯 蘑菇湯，staff仲會好貼心問你要唔要黑椒西京燒比目魚柳個sauce甜甜地幾好食，薯菜都有幾款美國牛肉洋蔥漢堡配黑松露薯條即整！熱辣辣！個包好似豬仔包咁，咬落去係脆！薯條有淡淡的松露味，配mayonnaise 食正！略嫌塊漢堡raw左啲少少🤏🏻。Classic Tiramisu 唔錯，但我一路食一路吸左D可可粉係咁咳😂。環境幾舒服，價錢唔算好貴，不錯！

放工約咗愛人去奧運站睇戲，時間尚早，買炮谷之前醫下個肚先，見戲院同food republic 大食代之間有間叫 Nathanhouse嘅餐廳，憑The Sky戲票食滿$120可享九折，入去試，可能仲早，人唔多，有望海位坐✌🏼北海道帶子及青瓜薄切 $92細細碟，擺放及設計精美，青瓜切得好薄，連帶子都薄切，入口清新，係一道稱職嘅前菜。蟹肉牛油果千層酥 $82響menu內見到照片好吸引，叫咗又怕有出入，道菜嚟到真心好睇，青白分明，一口食哂所有材料就係好夾嘅配搭。慢煮豬腩肉漢堡配惹味脆薯 $82豬腩肉係呢個包嘅主角，一層一層肥瘦分明，炆煮後再煎香，食到微微焦香，淋度適中，配合大量沙律菜，好食。鬆脆比利時窩夫配特濃朱古力雪糕 $78賣相100分，味道50分，50分扣咗響整個窩夫度，厚實到似未熟，又有D似潮州大餅，另外50分，係俾擺設心機及個朱古力雪糕😋

餐廳係商場入面位置比較隱蔽穿過左大食代 就會見到喺戲院隔離店內環境好寬敞同埋舒服 可以望到出面環境如果咁啱日落嘅 個feel應該會幾正最後叫咗一個dinner set同埋散叫咗幾樣野是日餐湯好味 同蒜蓉包一齊配搭 一流跟餐叫嘅蒜蓉包 好味 好脆 好香蒜蓉味虎蝦香濃芝士意大利飯好有驚喜 啲飯濕度同硬度都啱啱好個醬汁好濃 不過似忌廉白汁多過芝士味啲蝦都好新鮮 爽口香脆洋蔥圈同個名一樣 真係做得好香脆一定要配埋個醬汁食 第一下會覺得鹹同辣慢慢適應咗就會覺得好香口 忍唔住係咁一啖 點一下醬汁最後清晒啲醬汁都未食晒啲洋蔥圈美國牛肉洋蔥漢堡配脆薯薯條正常好食嘅 沙律醬汁偏酸至於漢堡偏乾身 牛肉好厚好大嚿一啖咬落去係好滿足嘅如果可以濕潤返少少就好泡沫咖啡合格以上嘅咖啡比利時窩夫配鮮果 特濃朱古力雪糕中規中矩 冇話特別驚喜

喺奧海城戲院隔離呢間餐廳食晚飯，坐嘅位置啱啱面向室外，空間感十足，感覺舒服。叫咗一個一人晚餐，揀咗美國牛肉漢堡配黑松露薯條( $118 )，呢個餐可以揀是日餐湯或者廚師沙律，我就揀咗個廚師沙律，另外加$32可以有一個三重朱古力蛋糕嘅甜品🍮，見到Menu加$33可以有一隻法國生蠔，所以都要咗一隻生蠔。好快趣隻法國生蠔就上枱，有好多冰碎保持冰凍，所以食落口好清涼，可能呢個生蠔係法國生蠔，品種唔會話好大隻，但係入口都仲有鮮甜生蠔味，同埋仲有少少海水味，我就冇落到檸檬汁，保持生蠔嘅原汁原味。沙律菜份量唔多但係都好快可以上枱。漢堡包上枱嘅時候成個碟都有好多嘢食，有薯條🍟之外，漢堡包裏面仲見到有好多芝士，同埋牛肉都幾厚身，食完之後飽飽。

今日行行下奧海城現知原來大食代行到盡頭，有一間咁有氣氛嘅餐廳。餐廳真係好大，位置夠闊，坐得好舒服。好適合拍拖享受下氣氛，又可以望住個海。好有feel。叫左個牛肉漢堡餐。漢堡好juicy。咬落去濃郁嘅牛肉味。加埋入邊有醬同芝士。好有水份味道夾得好好。薯條有黑松露味道。好鍾意薯條有陣黑松露香，好好味。炸得脆，加分。蘑菇湯好香蘑菇香味。份量啱啱好。飲完好想飲多碗，因為味道香又滑，吸引。叫左個蒜蓉包。烘得脆，外脆內軟。蒜蓉唔會太強，搭配蘑菇湯真係一流。都叫左個番茄蜆肉意粉。呢個擺盤真係好開胃。蜆肉好大塊。仲要口感彈牙，新鮮。意粉有少少辣味，更開胃。成個意粉感覺好足料，味道濃郁。好好味嘅意粉。沙律都同出邊唔同。加左魚籽，令成個菜色更加鮮味。好fresh，食完好清新。飲埋杯熱檸水清一清口腔，傾下計睇住個黃昏嘅景色。係一個好好嘅餐廳選擇！

今日同朋友去奧海城行街順便食dinner，佢話有間鋪頭新開既好想去食，開頭我見係food court，覺得無咩特別，原來佢係屬於food court但佢係角落頭，同埋都唔係food court形式要自己去收銀機買飯先，都係有人serve你。我地叫左個dinner set for 2 一齊食。是日餐湯係番茄湯，酸酸地幾開胃。沙律有d蟹籽好正，似食日式沙律。前菜：椰子雞湯燴鮮海蜆//黃金蒜片大蝦第一次食椰子雞湯煮既蜆，平時都係清酒，所以好新鮮，椰子湯好濃！大蝦都好出色，佢d蝦好大隻而且爽口，蒜片好香好好食！主菜：香煎比目魚柳佢個魚好肥美，食落去有入口即溶的感覺。同埋有d蔬菜伴住無咁膩。我地加左$78升級美國黑安格斯牛眼扒。5成熟剛剛好，d肉粉紅色，食落去無筋充滿牛味。最後永日東卷蛋作結，好滿足。

最近和朋友到奧海城食晚餐，試了一間藏身於商場一樓，由Food Republic大食代內行到盡頭，就在戲院旁邊的一間西餐廳<Nathanhouse>，環境佈置格局非常優雅，真心想推薦一下，尤其係比較喜愛於寧靜環境下享受美食嘅朋友，值得一試。餐廳入面環境好闊落，而且裝修得好靚，感覺好雅緻。卡位大部分用上梳化形的設計，坐得非常舒適。晚餐有Set Dinner 供應，都係百幾蚊左右起，已經包括是日餐湯及熱飲，如此的環境質素，價格非常合理。主餐牌由頭盤、主菜、伴菜、小食、甜品及飲品都有，都有幾多選擇。餐廳本身有供應收費的Sparkling Water，值得一讚嘅係，服務員會有禮貌地問客人是否需要，如果吾需要，亦會供應免費的清水，服務高質，亦吾會令客人覺得有壓力感。我們二人叫了一份Set Dinner，是日餐湯是意式雜菜湯，用上了多種雜菜而煮成，鮮茄味頗濃，用料好足。主菜是<特色和牛面頰闊條麵>，和牛面頰是厚切的，煮得夠軟腍，帶有點點脂肪，入口夠腍夠嫩，而且牛肉味好濃郁，牛肉汁的味道滲入寬條麵，令寬條麵條吸收了牛肉汁的味道，非常好味。套餐的主菜，選了<美國牛