兄弟邦

Open Now

Now Closed

星期六10點幾要去睇醫生，經過何文田呢邊有早餐食，就黎食下先。晚餐就食過啦，希望早餐唔好失望啦。我地叫左麵餐，出前一丁煎雞扒麵，有烚蛋同半塊多士都係40蚊，仲有即磨咖啡，都唔算好貴。但個coffee 有啲太淡啦。另外一個就叫左雞扒雞翅膀多通粉，忌廉湯底，呢個貴啲，叫左凍奶茶hkd 48. 個奶茶苦左少少。整體都算唔差，個多士仲要係用Jaime Le Pain包，又幾好食既。我都想即刻去買返啲包返屋企自己整多士食Tim ar.

這間餐廳我係第一次光顧。中午行行下見到佢個門面幾特別，望唔到裏面，有小小好奇就入咗去試下。佢地有一啲特定lunch set,亦有其他刺生丼飯可供選擇。我叫左個網燒牛扒飯，同埋要左罐檸檬茶。過左無耐，職員已送上熱辣辣既網燒牛扒飯，上面落左些少芝麻，仲有兩塊火腿，望落好吸引。啲牛扒咬落軟硬適中，燒得到幾好味。芝麻加燒汁配埋佢既珍珠米，口感更豐富。餐廳環境都幾企理乾淨，店內職員幾好禮貌，服務周到，下次再試埋佢地啲刺身丼飯。

以前喺何文田讀書時成日落嚟食，而家終於有機會再嚟魚生嘅質素 同 記憶中 一樣咁好 三文魚好厚切肥美又新鮮 甜蝦有膏唔會腥 脆卜卜嘅蟹籽撈埋飯一齊食 好快就扒曬碗飯！以前學生lunch嚟可以免費添飯，其實真係好抵，試過見到有人食三大碗飯🤣滑蛋又係我以前嘅最愛 香甜嘅蛋汁 滲曬落成碗飯 配埋肥美鰻魚 又係可以迅速ko 所有飯😋雖然送嘅螺肉沙律好普通 但唔知點解喺呢度食感覺就係好味啲 起碼唔會有化學澀口味道午餐嚟食仲有汽水送 但晚市就冇喇 我哋仲食埋芝士年糕，即叫即炸就外脆內軟，但就多油咗少少

勝利道負近早餐選擇不多，見有早餐便入內，原來是日式餐廳，早餐當中亦有日式元數。menu注明採用 Jamie Le Pain麵包，雖然不認識但相信質數不差。 點了碎蛋沙律三文治，麵包鬆軟可口，不會像平價麵包口感出奇煙韌或只有空氣感。碎蛋生菜蕃茄材料豐富，味道清新。擺盤精美，三文治切成四小分。另外點了港式早餐-出前一丁麵餐，滑蛋加Jamie Le Pain多士，火腿加雞扒出前－丁隱陣之選。飲品點了奶茶，港式口味。作為麵包fans，今次早餐是意外收獲，麵包高質，令我想去Jamie Le Pain旺角店試試。

唔知去食咩好 去到勝利道方便泊車 🚗🅿️就發現咗呢間 #良心小店 💛💛💛晚市食飯 呢間堅抵食 一人叫咗一個丼飯本身自己想order #角切魚生丼飯 可惜可能我地太晏啦（around 2045)。。。 售罄😢😢唯有再揀過啦～～最後， 叫咗 #滑蛋鰻魚丼飯 #滑蛋牛肉丼飯 嚟到先知原來係 #定食 🍱有個 #麵豉湯 同個 #胡麻醬沙律麵豉湯唔會好鹹 個丼夠juicy 份量都ok 重點‼️ 好抵食🤩味道唔錯👍🏻 埋單$120 有找🤑🤑

香蔥吞拿魚腩茸飯，蔥唔夠香，切得唔夠細，未見過會用粗粒粗絲。仲要搭d蘿蔔漬碎，加d青瓜絲，買條蔥好貴咩？ 落d配菜九唔搭八！主角真係不得了，吞拿魚腩茸變赤身茸，又唔新鮮，第一啖已經食到魚腥味！想加些少wasabi啦，真係厲害了，想請問有幾多人見過薄荷綠色又水滴滴嘅wasabi？ 我都係第一次見到呢d「極品」！ 飯又唔係醋飯，豉油又鹹，唔係食刺身用嘅豉油！ 成碗野根本就係明將質素，板長價錢！！仲有個燒三文魚飯呀！真係犀利！三文魚d頭頭尾尾、邊位、骨位、血管位！垃圾中嘅垃圾！燒三文魚唔係全熟，竟然放d唔可以生食嘅位比人食！極無良心，根本就係黑心無良！劣食之選！

叫左4個魚生飯外賣自取, 一個落錯單, 然後魚生豉油一包都無打去講....結果叫我下次落單講number費事拒地落錯, 豉油叫我地再落去拎一來一回我揸車都要半小時....

呢一間餐廳，早餐做港式，午餐做日式，多元化到好切合香港呢一個社會。佢嘅早餐好特別，你可以揀蕃茄湯底或者忌廉湯底！我最鍾意就係蕃茄湯底配沙嗲牛肉意粉，佢嘅沙嗲醬特別濃，浸左落個湯都依然有沙嗲嘅餘香！而且你見到佢既外賣碗，比一般茶餐廳嘅大！早餐仲會配埋一塊香草麵包同埋炒滑蛋。塊香草麵包係用煎pan煎出嚟，並不是用焗爐，所以佢嘅牛油味更加出，但當然都相對地比較油。飲品方面，你可以加幾蚊轉鮮榨果汁，同時間，呢一間嘅咖啡都非常好飲，值得推介！呢個早餐大件夾抵食，有時我去到兩點都未肚餓㗎！不過堂食就要注意一下佢嘅抽氣扇有啲弱，所以一入門口就會聞到好大浸油煙同牛油味。

呢間平民日本丼飯一向都好多人食時不時都有食開佢早餐同lunch.又平又好味，個早餐仲好豐富下架平時都係食佢個烏冬A餐。今日晏就就想食下滑蛋牛肉丼飯。又多牛肉又夠晒多汁，仲有金菇Tim. 送埋野飲先45 蚊。唯一係如果d飯硬番少少就好了。依家啲飯好淋，食落好似翻煮咁。日本人最重視既就係d飯粒粒分明。唔知係知係個飯煲唔得定落太多水，改善一下就無敵了。

打響頭炮，第一個食評，緊係簡我好鍾意去嘅一間餐廳，係一間隱世小店，主要食日本野為主，食過好多次，一次過同大家分享。我自己就最鐘意食佢嘅「牛肉壽喜燒鍋」($78)，當中嘅湯底都有吾同可以俾你簡，鍾意食清少少嘅可以簡豬骨濃湯、牛乳濃湯。鍾意食辣辣地嘅又可以簡地獄湯同韓風泡菜。而我自己就最鍾意食壽喜燒湯，甜甜地，好開胃。個鍋入面仲有好多配菜，例如獅子狗、芋絲、娃娃菜等等，而主角牛肉都吾差，質地吾會好硬，幾易入口同入味，會配埋飯，女仔嚟講真係會好飽好滿足。男仔如果你覺得吾夠，仲可以免費添飯！吾想食飯嘅，都可以加$10蚊轉烏冬，都係一個吾錯嘅選擇。整體哩間餐廳嘅性價比真係吾錯，吾洗$100都食到餐質素幾好嘅日本菜，係我好鍾意嘅隱世小店！

旺角食晚飯比較多人所以去左周邊地區揾食。地址雖然叫何文田，但其實旺角過嚟好近，而且比較靜啲少人啲。我點左燒鯖魚定食，有沙律有湯。個鯖魚燒得唔錯，香得嚟又唔腥，而且比較大條，唔知道係咁啱，定真係咁抵。不過個沙律菜就比較濕，啲胡麻汁唔喺咁上到，建議再隔乾啲水。朋友點左個豚肉飯，佢話ok👌。我哋叫左個炸蠔做小食，一份有4隻，幾抵食，而且炸得幾好，好脆，入面有汁，可以再食😋。平均一個熟食定食幾十蚊，好抵。不過我見大多數人都係叫丼飯。

18:30和友人三位試吓這間，因為有人話幾好味的，平時行過lunch多人排隊、所以終於去試晩餐，刺身飯$98吞拿魚蓉餐跟湯，價錢真係比油尖區係平最少$60以上，友人刺身蝦和我魚蓉等味道是合格👍份量少d，但係D飯真心太難吃，一般真珠米多水、不是一粒粒、而且飯似上午買剩沒有再處理給我吔，其實失望。烏冬套餐湯無味。唉⋯⋯價錢平所以不會完美？

-黃店介紹💛-燒三文魚．燒芝士蟹柳．牛油果丼（$68)依個Set有前菜，湯和丼飯🥑一上菜見到丼飯真係好吸引🤩流曬口水～份量都幾多( ´ ▽ ` )ﾉ有半個牛油果，三條蟹柳，三片燒三文魚係飯面，再淋上燒汁和灑上蔥花！牛油果🥑口感軟綿順滑蟹柳和三文魚都好好味🥰燒三文魚都幾大片，肉質厚實😋前菜係螺肉，味道都不錯👍依個晚餐價錢都抵食🤗味道都幾好食，好滿意( ´ ∀ `)ノ～ ♡-Name🏠:兄弟邦Neighbour'sLocation📌:何文田勝利道2B地下（港鐵旺角東站 C 出口, 步行約10分鐘）價錢💰: 燒三文魚．燒芝士蟹柳．牛油果丼（$68)

好confuse....門口寫兄弟幫，但入面餐牌係寫鮮丼家😂😂😂Lunch貪平叫左個滑蛋叉燒蝦仁炒飯$48連飲品😳好大大大碟❤️蝦仁好爽口❤️好足料❤️餸多過飯❤️凍飲加兩蚊門口細，店內空間都細😕😕😕但出奇地多人幫襯，lunchtime見到座無虛席😳😳😳座位比較細，帶多個袋都冇地方放店員唔會主動比紙巾，有需要就問佢拎😆😆😆❤️上餐好快🧐分分鐘快過食m記🤔餐飲叫左凍華田，唔太希，幾好飲

行經何文田，見到招牌嘅一人火鍋好吸引，所以同朋友兩個人決定試吓。我揀咗牛肉地獄湯底鍋，湯底一啲都唔辣，份量都算多，牛肉下面全部都係菜。每個麵豉湯同埋白飯，咪道不過不失。朋友叫咗個魚生飯，有燒三文魚、帶子同埋甜蝦，冇乜特別，本身以為三文魚只係燒個面，點知入邊已經熟晒有啲失望，味道都係普普通通。加咗份豬扒幾抵食，炸得幾香脆，味道都唔錯，價錢亦相對比較抵。總括來講，質素普普通通，以呢個價錢來講我可以揀其他好多嘢食。