兄弟邦

Open Now

Now Closed

經過門口好多次，第一次走入黎食lunch。門口係日式裝修，令想食日式野既人，自然會走入黎。平時都幾鐘意食豬軟骨，佢呢個日式烏冬配番茄汁，我呢d番茄控緊係要叫黎試下。個汁唔算好濃，不過都夠味。豬軟⻣都幾大塊，汽水選擇多，值得一讚。

星期日早上同朋友在勝利道食早餐。早上八點幾，原本整條都是食肆的勝利道，只有大概兩、三間營業，主打日式的兄弟邦是其一。這裏裝修比較工業風，地方不算大，老闆十分熱情。早餐主要有三文治和麵類(意粉、公仔麵)，用點餐紙叫餐，大概都係$20幾到30幾的價位。叫了煙三文魚三文治，跟餐配即磨咖啡($30 抵食)，三文治餡料十分豐富，配上青瓜亦好清新，有小小可惜的是麵包沒有烘底(唔知可唔可以另外要求)。已經是幾次重回，晚餐亦不錯

今日經過勝利道就去了兄弟邦食過早餐，早餐時段都有八成滿座，但座位方面就有點擠迫。我食量不多，就叫了一個五香肉丁公仔麵🍜，炒蛋加多士，再飲一杯阿華田。這個多士很鬆脆，很香的牛油味，同一般茶餐廳不一樣。🥚炒蛋份量都算多，火候適中，很香滑和充滿牛乳味道。整體上都OK，價錢合理，服務員都很好禮貌👍🏻

有朋友來探訪，何文田好食嘅餐廳真係唔多，所以就同朋友碰下運氣試下呢個平民價丼飯我見到隔離枱個滑蛋丼好似好正，所以我都叫左有飯，有沙律，有湯。食到我好飽蛋非常滑，豬扒有少少乾，但還可以接受朋友就叫左sukiyaki，一個甜豉油湯，一個牛乳湯，佢地都話好食。叫左牛乳湯底個位女性朋友仲飲哂啲湯真係好味到咁？搞到我都好想試下添我地每人平均消費$70據我理解佢 lunch 仲平，啱哂啲學生哥或者我呢啲月光族- 飯堂呀！

講起勝利道，可能好多人都會諗起寵物店或者動物診所。其實果頭都有唔少餐廳，而最常幫襯就係「兄弟幫Neighborhood」喇。兄弟幫係一間日式餐廳，應該主要做街坊同學生生意，因為每次去都見到老闆同啲顧客好熟，都會有兩句傾下。見有唔少人黎依度通常都會食自選丼，唔同款式嘅魚生例如三文魚、油甘魚、甜蝦、玉子定海膽都有得你揀，真係岩晒貪心嘅朋友仔，不過好似我依啲有選擇困難嘅就會頭痛少少喇哈哈。而依度嘅魚生性價比都唔差，可以叫多2舊都唔會肉都赤埋。除左魚生自選丼，佢依度嘅刺身都會係必點。我就次次都會叫三文魚腩刺身，因為真係肥美又厚切，係會食到lam lam 脷架。通常會叫自選丼外加三文魚腩刺身，食到捧住肚滿足咁走。餐廳另外仲有熱丼同暖笠笠壽喜燒，都係正常水準，有時唔想食凍野都可以係度搵到熱新辣野食架。可惜就係餐廳細細，坐得有啲迫，不過其實餐廳食物又唔係貴，都唔會諗住食完坐好耐，所以都無咩野問題既。

呢間鋪頭周不時都會去食，野食味道不錯之餘，價錢唔算貴。今次叫左滑蛋牛肉飯，連罐裝飲品。滑蛋牛肉飯，蛋既份量都幾多，而且牛肉唔算好韌，飯量都夠。整體環境都好舒服，企理乾淨。

勝利道有很多不同種類的食肆，今天選舉了這間小店，今天星期六並不算太多人好快安排位置，魚生飯也有很多選擇，另外也有熟食便當，還有小食，一定有啱你心水！餐仲包了一個小吃，湯及汽水，如果熱飲只有熱檸水選擇！今天點了五色魚生飯新鮮美味

流淚行勝利道肚餓都要去勝利道揾食🤤勝利道有唔同嘅日式隱世小店🇯🇵呢間 #兄弟邦 嘅午市定食幾抵份量大 仲送小食 湯 飲品小食係墨魚咀 一啲都唔hea😋.三文魚丼飯 ($52)8塊三文魚 絕對唔薄啊超厚🤭 脂肪分佈均勻食埋啲飯 仲有三文魚剩當刺身食都得 啱哂超鐘意食三文魚嘅你🤣❣️.滑蛋鰻魚丼飯 ($52)人如其名 啲蛋真係好滑😛鰻魚都算多 食得出係高質鰻魚👍🏻如果想食大條啲鰻魚 就要嗌蒲燒鰻魚定食($68).兄弟邦 何文田勝利道2B地下.🐷 #foodie_旺角 🐷 #foodie_何文田

同事突然即興話出去食lunch, 但可揀的餐廳實在不多。所以再次去依間餐廳⋯之前見同事食過咖哩雞球，賣相好似好好食咁。所以今次專登叫左尼試下，同埋只有叫中式飯先有咖啡/茶送，否則要加錢。因實在唔想飲咁多汽水。不過今日人流好多，咁岩我地又坐最開既枱，因此好迫。四周又有人行出行入，飯又可能落多左水，咖哩味唔太夠，汁都唔多夠。雞球就同平時食既好唔同，有D似咕嚕雞球咁，有些炸炸地既感覺，都幾特別既。不過可能依間主要係中式餐廳，所以下次都係依日式會比較好。每人$48。

今日，同同事兩個人去勝利道搵餐廳，其實勝利道有好多日式餐廳。但長期好多人，因為午膳時間個個都差不多，附近又有幾間學校。不過好好彩，我地一入到去餐廳就有人剛食完走，所以就唔洗等位。不過唔夠五分鐘又再次坐滿了。依間餐廳其實同隔離間餐廳有關係，所以個餐牌係一樣的。但唯一唔同就係，依間餐廳多左中式碟頭飯。但只有食中式碟頭飯先會送咖啡/茶。而如果揀日式食物就只送罐裝飲品。其實我都食過幾次架喇，次次都唔記得影相。今次就揀左滑蛋牛肉飯，我覺得依間整得好食過隔離果間，個滑蛋唔老，所以令到個飯好味。牛肉都唔錯。同事就食滑蛋雞。我就$50，同事就$48。

隔週下午會到旺角開會， 有時想同事們溝通都會開會留低食個晏晝先回港島。 有個同事介紹黎兄弟邦～ 話好多學生都來食， 果然個魚生飯好抵食， 成個定食，有齊晒配菜。 加埋有湯有飲品。 都係五十幾左右。 所以之後都仲帶多左兩班朋友來食下飯

上次食隔離的鮮xx食到怒火沖天後(可以去佢地openrice個page睇我寫的差評），都要介紹一下兄弟邦，呢到的員工同對面的有好大分別，呢邊既員工好人到不行了，還要態度比出面的餐廳優勝我淨係食過午餐，晚餐未食過，但午餐比我感覺，抵！放學後，同同學去食過好多次，服務一流（除了點了我地去隔離鋪受氣）。真心覺得香港愈來愈難搵到呢種服務態度好的餐廳，而今次我就食了一個麵餐（早餐時段平少少）似平時茶記的常餐，有多士丶炒蛋同一個麵，包埋飲品 $34 呢個係麵餐menu味道正常的，蕃茄湯公仔麵湯夠濃跟餐有熱飲或汽水送，種類好多麵包炒蛋正正常常咁其實除左常餐，兄弟邦仲有啲日式丼丶定食又或者碟頭飯都有，可以比之前食飯影的相你地睇睇三文魚好大件，良心鋪頭，不過太多食唔曬，好食不過食到最後有點單調，有味噌湯送好多款壽司可以試不同口味，不過個餐既湯烏冬就口感麻麻地老實說。總括來說呢間舖食物合格，對得起個價，大件抵食，服務超好，不過呢如果等位既時候，如果佢同你講去隔離鋪坐一樣架，你就死都唔好去（特別是你想食麵餐），鮮xx佢地會黑口黑面如果你去隔離食麵餐

平時經過勝利道都留意到有好幾間日本餐廳，賣相都幾吸引，而今日又想食日本野，所以就決定去“兄弟邦”。 呢間餐廳都有好多選擇，除左有魚生丼，仲有滑蛋丼，定食，常餐... 有選擇困難症的我最後選擇左三文魚丼飯。 三文魚丼飯一到， 雙眼即刻發光，因為係厚切三文魚，仲要有八塊，有驚喜！！！但唯一不足嘅地方係飯比較硬，同埋多少少醋味會好食啲，不過50幾蚊就可以食到質素唔錯嘅魚生丼，仲包埋野飲，性價比非常高！！會再來唷，下次再試其他丼先！

阿妹講過兄弟幫抵食，咁啱今日阿女放假出左黎玩，晚餐就去試試。7點去到已滿座，多數都係學生哥，等左一陣就可以入座。自選刺身丼好正，鍾意咩剌身就 order 咩，吾使被局限，而且店內所有剌身都有得簡，想食幾多片就叫幾多片，不過每款兩件起及每碗最低消費$50. 包沙律及面豉湯。阿女係三文魚控，淨三文魚丼就啱晒。三文魚好大塊好厚喔!而且好新鮮。我呢，海膽吞拿魚蓉丼，海膽好鮮甜，吞拿魚魚蓉就欠缺的油脂，其實我誤以為是 Toro所以order😅.三文魚油甘魚蟹棒魷魚丼，油甘魚色澤靚到呢，睇到都知正。三文魚腩超肥美，蟹子送飯一流。有選擇困難既都可以選擇傳統配襯好既丼。呢個三色丼賣相幾掂，有四片三文魚，甜蝦又鮮甜。加錢配炸豬扒及烏冬。豬扒肉質就一般。其實平日午餐價錢仲平，附近返工既朋友真係要試試。

在繁忙的旺角，中午時間，真的很難找位置這一間也要等位的，但看到他的門面有點特別，而且有人招待安排入座，就決定一試夏天的天氣有時真的想吃點冷冷的東西午飯時間真的十分多人和同事各自叫了魚生飯和豬扒飯他說豬扒比連鎖式的日本食堂好吃這些飯都是定食會附送湯和前菜，飲品除了汽水還有其他罐裝飲品可選這就是我叫的角切魚生飯還記得以前經常在吉之島買魚生飯吃當然這個的質素會比吉之島好很多人說角切魚生飯是頭頭尾尾來的但這個我覺得也算性比價高至少我感覺我吃的真的是三文魚而不是紅樽魚！因為紅樽魚是真的不能生吃午飯時間這個真的是旺角的好選擇啊