NeNe Chicken (大埔超級城) (Closed)

同同事係大埔區搵食越黎越難。唔係因為大埔無嘢食，而係因為佢地越黎越嘴刁。今次行過大埔超級城嘅NeNe Chicken見到佢大大隻字寫住Lunch Set 買3送1就入去坐低。一行7個嗌左8個set，其中一個係炸雞拼盤。拼盤上面嘅雞上檯時微暖，7隻雞每款都唔同口味有辣有唔辣，各有特色。我就叫左份炸雞石頭窩飯，上菜夠熱同埋個甜辣醬夠味同夠多都可以撈到全部都有味。其他同事就嗌左蛋包飯同撈麵，味道唔錯但係就係上菜時間有d慢，最後個份餐等左半個鐘先上。總括黎講lunch想食韓國炸雞的話選擇唔錯。美中不足係飲品方面，凍檸茶得一片檸檬點督都無味，柚子茶凍熱都唔夠醬有d失望。但係食品方面都ok。

比較少吃韓式料理，因為怕辣！侍應說可以改為少少辣，所以大膽嘗試其中一款，另一個餐就完全不辣😅芝士炒年糕伴拉麵：一見到紅色，就知道出事🥵，幸好侍應好細心比了一瓶水給我，因為食少少就飲幾啖水！蘑菇炒粉絲：如果和menu一樣多蘑菇就幾好，因為少菜比較乏味！

午餐好抵食，叫到餐單好多選擇又唔洗等位就入咗去食，2個人叫咗2個餐都食唔曬，第1個係炸紫菜蝦卷飯，有大約10件，食4件都好飽，第2樣係炸雞漢堡包，保流到肉汁，好大個，細食既食唔曬，總結午餐好抵食

冬日聖誕套餐聖誕假期來到大埔單車郊遊踏青，做完一番運動難免也需要吃個痛快。來到大埔區又點少得到訪「超級城」，這個地方的人流相當多，而且亦相當多選擇。適逢聖誕節又係時候食聖誕大餐，Nene Chicken係大埔店的新店，人流何其多而且有2人及4人餐相當抵食，2人套餐只是$398，簡直不二之選。今日二人餐，包括有皇牌炸雞、Nene 芝士火鍋、脆炸芝士蝦卷及芝士年糕伴拉麵或者加$38有豬肋骨，還會包2杯$58或以下的飲品。首先皇牌炸雞客人，可以選擇餐牌上各款炸雞，相當有彈性。喜歡選擇初雪炸雞，味道相當濃郁而且雞身富有口感。炸雞的份量半份，相當不錯。聖誕節又點少得芝士火鍋，芝士味道相當濃郁，旁邊更有麵包烘焙過相當脆口，帶有節日氣氛。脆炸芝士蝦卷極之美味，即叫即炸脆的蝦肉滿帶芝士香。紫菜卷的材料相當多，每一口都相當豐富。芝士年糕伴拉麵份量相當多，年糕連同拉麵辣出過引，芝士可以中和本身的辣度，份外美味。最後套餐還會包2杯 $58或以下的飲品，相當抵食而且仲可以是特飲。

大埔中心最近新開左間韓式炸雞其實我想食好耐，但大埔真係無咩韓式炸雞食位置都比較唔就腳的但係今次大埔中心終於有啦，位置超級方便，食完行下一田又得我就約左朋友仔陪我試下究竟炸雞正唔正咁岩做新店限定菜式，緊係要試下啦秘風糖炸雞 就咁睇個名就已經吸引左我去試再加多個芝士吞拿魚卷伴炒粉絲同時餐廳都有多款菜式選擇 夠曬吸引肉卷加粉絲都比較飽肚 炸雞方面 我個人覺得韓式炸雞係最好食所以我十分期待嘗試秘風糖口味氣味十分香 有少少SPICY 份量多顏色炸到金黃咁好上鏡 打卡呃LIKE 一流好好食 咬落去肉質完全唔會乾真真十分值得去一試同推介朋友去食既韓式炸雞餐廳 

與女友到大埔海濱公園拍攝女神照後就到大埔超級城晚饍，隨心地選了NeNe Chicken。冬日限定二人用套餐並自選了這個皇室豬肋骨伴芝士火鍋及脆薯條 豬肋骨的醬汁甜甜酸酸的。其實於餐廳內享用 NeNe芝士火鍋，有一個好處就是即使女友想於家中自製芝士火鍋都可以帶她來吃，免得 L 要洗碗。芝士味道都算濃， 將蒜蓉包沾上熱辣辣的芝士於冬日下份外溫暖。脆炸紫菜蝦卷做得不錯，外層鬆脆內裡的蝦肉都算多。望着 Jeju Island Beach 令 L 想起濟州陽光與海灘，當然不可缺少的韓國美女。前菜更有開胃的泡菜、酸蘿蔔及粟米。避風塘炸雞， 起初看見辣椒及避風塘的字眼以為是很辣及香口， 蒜香配搭蜜糖的炸雞反而有點像中式糖醋肉排的味道。

甘啱行過見到大埔一田新開左間餐廳，諗住試下啦，點知一試就中伏.....入到去水都冇杯.....叫一杯冇乜味嘅提子soda $38，叫左個明子蛋捲，炸雞同芝士牛肉飯，芝士牛肉飯冇味嘅，淨係得小小芝士味，啲飯同牛肉係冇味嘅，明太子都係冇乜味淨係得沙律醬味，蛋又冇蛋味，炸雞啲質素係ok嘅，唔錯，幾好食....總括嚟講，唔知食左啲乜落肚，两個人埋單$371 ，又貴又唔好食...如果下次食尼間，我只會選擇叫炸雞外賣

行完街 突然間有啲肚餓見到呢間新開張嘅炸雞鋪就同埋 屋企人 入咗去試下原來佢哋晏晝係冇下午茶只有午餐不過唔緊要一場 嚟到點都要試下我哋叫咗個pizza上面有煙肉 牛肉 同埋炸雞一次過試曬 三重口味原來啲炸雞真係好好食肉質滑溜多汁 外面香脆熱辣另外試咗個好似冬陰功嘅 海鮮鍋理論上係 韓國嘢但係整到好似泰國嘢配埋杯凍檸茶食過真係返尋味

NeNe Chicken嘅炸雞其實係我心目中都佔有一個不錯嘅席位，因為老實講坊間有唔同嘅炸雞店，但大多數都會炸到件炸雞好乾好鞋，但我食過幾次NeNe Chicken都覺得佢嘅水準真係唔錯，所以近排見到佢又出新嘢當然要試吓啦。今次同朋友就點咗節日限定套餐，當中佢嘅套餐有多款食物同埋包埋嘢飲非常抵。前菜一坐底店員已經非常貼心放上前菜，當中有泡菜同粟米。 炸雞半份呢個套餐可以選擇唔同口味嘅炸雞，今次我就揀返我超鐘意食嘅初雪炸雞，特別一讚佢嘅炸雞食落去真係非常多肉汁，絕對唔會乾身。NeNe 芝士火鍋套餐內原來仲有呢個芝士火鍋，當中佢會包埋麵包條，真係好有節日氣氛。脆炸紫菜蝦卷本身我個人好鍾意食紫菜卷，今次見到呢個紫菜卷嘅加強版更加令我心心眼，紫菜卷內有多款材料，外脆內軟每一啖口感都相當豐富。芝士炒年糕伴拉麵呢個拉麵份量都幾多，入面隨咗有年糕之外仲有不同嘅韓式魚糕以及超多芝士，這個味道很正宗相當惹味。套餐仲包咗兩杯$58或以下飲品整體佢嘅特飲賣相都唔錯，而呢個套餐其實都非常抵食。

2018年1月6日一心諗住試下呢間野，好似係大埔新開無耐叫餐速度一般野食賣相一般價錢中規中舉滿意程度：完全唔得🤢我叫左半粉蒜香醬炸雞+半份辣味炸雞+炸蝦紫菜飯卷拼粉絲 炸雞還可以但炸蝦紫菜飯卷d飯比較硬,炸蝦無水準粉線無乜味 賣相又唔掂

2018年最後一日搵好野食下獎勵下自己！呢間炸雞店開咗唔係好耐，今日終於去試下！咁岩一去到就有位，環境幾好幾乾淨。雖然有塊木板隔住，但係都係要share張枱咁坐。我地就叫咗個2人餐，有4種野食同兩杯飲品，加埋服務費400幾蚊左右。食物嘅份量好多，估計三四個人都夠食，兩個人食飽到痴咗線。炸雞係無骨嘅雞，我地話想食有骨嘅，可惜店員話無。味道就幾好嘅，有好幾種味道可以揀。個餐仲有個芝士火鍋，但係店員話無哂火鍋個個鍋，只有一碗暖嘅芝士。希望黎緊會有進步啦！

大埔都有分店喇!冬日限定套餐 四杯任選飲品皇室豬肋骨招牌炸雞任選口味 (肉嫩多汁芝士年糕拉麵鍋芝士火鍋配麵包四人套餐好豐富,試到唔同口味既特色菜式其中以招牌炸雞最出色都好食 指定飲品款式任選4杯粉紅檸檬茶顏色鮮艷影相靚,檸檬味唔算突出彩虹沙冰酸甜冰沙  飲品先上,炸雞等食物都係即點即炸,稍等15分鐘再上菜 芝士年糕拉麵鍋有年糕,拉麵,芝士辣度係少辣拉麵沾滿辣汁同芝士吃,最佳配搭! 芝士可以再多點,味會更濃郁! 芝士薄餅三重奏三款不同味道既PIZZA 配上不同既餡料與不同既醬汁份量豐富有雞肉,牛肉 算係主食既一款,味道唔錯 芝士火鍋,配麵包稍後會有炸雞,可以炸雞沾埋芝士火鍋來吃! 芝士炸雞,原味炸雞可以係十幾款味道入面選2款或單點芝士炸雞,芝士粉係帶咸香味既芝士粉每一件雞都沾滿了,吃起來好香 NENE既炸雞係招牌之作炸得香脆無骨,咬開有肉汁絕對沒有失手機會皇室豬肋骨配薯條沙律  可切開大約八件既豬肋骨烤得好嫩滑,醃得好入味由英國直送,Juicy又惹味軟腍入味 配多一律沙律,配搭一起吃無咁膩好壯觀,一整板上菜

因為呢間係大埔新開，見未食過所以平安夜去試下，諗住佢同goobne 個啲差唔多，點知咁既價錢，我寧願去食goobne. 我叫左個雙味炸雞（有骨），一個明太子蛋捲，一個牛肉炒飯，兩杯野飲，兩個人盛惠500！事後睇返唔知點解佢服務貴唔止加1，搵笨！除左個炸雞，牛肉炒飯同個蛋都冇味，呢個價錢值得食到更好，一定唔會再食啦！

家姐話佢同事推介佢食一間炸雞，見今日收工冇野做，就陪佢去NeNe Chicken食雞，順便食完行下街~我地叫左秘風糖炸雞（無骨$178）呢個就係我家姐一心想食嘅炸雞，我地樹懶咁懶就當然叫無骨炸雞啦XD初初家姐怕會好辣，但原來係甜甜地！份量都幾多，有成十零舊！芝士吞拿魚卷拌炒粉絲（$68）本身怕唔夠飽而叫，芝士吞拿魚卷好creamy，炒粉絲炒得夠乾身。家姐飲嘅係BLUE LEMON ADE（$38）而我就飲Iced Nene Fruit Tea（$48）呢到上菜都幾快，唔會等好耐，下次再黎食炸雞先！

又到聖誕又到聖誕！返工咁辛苦放工想食好啲之餘迎合最近節日氣氛，見到聖誕大餐就雙眼發光！而且仲要係新開嘅韓式炸雞潮店，落車行入大埔超級城即刻攞位食！快人一步理想達到，四人餐好多嘢食都唔使$800。先來一杯七彩鮮艷嘅凍飲，賣相奪目睇見都開心！前菜三少碟Kimchi非常開胃。一嚟就要打大佬食咗主角嘅炸雞先！通常三心兩意嘅我都鍾意揀半半，雙重滋味炸雞。有初雪炸雞，皮脆肉嫩鋪滿金黃色嘅芝士粉，雞肉鮮味多汁！另一半就係蒜香醬油炸雞，充滿港式情懷嘅風味，入口濕潤，滋味無窮！跟住就係我哋最愛嘅Ribs, NeNe 這道菜都做得很有水準，皇室豬肋骨甘香軟腍，伴脆薯條感覺更加豐富！食埋沙律菜就可以減輕我嘅罪惡咁啦！餐廳裝修簡潔明亮，播放着輕快嘅音樂，食起上嚟都醒神啲，絕對值得回頭再吃！試埋其他炸雞味道。