NeNe Chicken (形點 I) (Closed)

無骨招牌炸雞黎到韓國餐廳緊係要食炸雞，叫左半份🥰夠熱，啖啖肉，但嫌細件左😂韓式年糕鍋足料！乜都有哂，又有我最鍾意既年糕，午餐肉，拉麵，韓餃，芝士腸。年糕同韓餃建議早啲食，太較會無咁好味。年糕同辣湯一齊食好香🥰韓餃係有蝦肉，好爽口。其實真係好大鍋，食唔晒🥲

今日五點鐘去食晚餐心想：仲有一個鐘堂食都好 快快脆食入到去員工同我哋講5:30係last order 5.45前要離開我當然話OK啦叫咗個招牌炸雞 一疊蘑菇粉絲5:00叫餐5:25 個粉絲仲未到問咗幾次都話廚房整緊其實我都好想知道點樣5.45埋單離開期間一個應該係男經理嘅物體淨係好大聲叫啲人要做啲乜做啲乜而完全冇理會下點解啲粉絲五個字都未到最好野嘅係全塲無一個員工識講多謝😂😂個個西口西面 無水洗面噤唔知以為自己去咗殯儀館連個經理最後幫我地埋單 都係就噤找錢擺落枱面一句多謝都無👍🏻👍🏻👍🏻👍🏻堅不了🤷🏻‍♀️🤷🏻‍♀️🤷🏻‍♀️🤷🏻‍♀️🤷🏻‍♀️

昨午去食，員工服務態度差到極，深信冇管理的，無論叫餐、埋單每一個員工就算說多謝都不是有heart有靈魂嘅！我好快已經知我不會再去。依家這市道都咁樣，我真為他們老闆擔心！

食過好多間炸雞店，今次呢間既質素算係唔錯，份量同價錢都成正比🐤🐤雙重滋味炸雞(無骨) HK$188可以簡2種口味， 簡左甜辣和白郡主味。甜辣醬味既雞，微辣幾開胃，就算d雞皮被d甜辣醬包住，d雞皮都保持住卜卜脆既口感，雞肉炸得乾身，但d肉都唔會太老，唔太油膩。但白郡主味就有點格格不入🤔，唔洗點醬仲好味，d雞本身都有味道。每一碟雞都有15至16件，大大件，仲要無骨啖啖肉。好抵食👍👍🥘韓式年糕鍋(辣醬) HK$132有年糕，餃子，腸仔，午餐肉，豆卜，泡面.....都幾多料，好大鍋。因為張枱的爐壞左，無得自己慢慢煮，要由廚房煮熟左先拎出黎，d材料都煮得過淋，無咩口感，最好食應該係個泡面，好彈牙😬🍹Jehu Island Beach. HK$58顏色好colorful,味道都幾清新，唔會太甜，解膩

之前試過外賣覺得都幾好味，所以今次試埋堂食，堂食嘅價錢係比外賣貴。但坐得幾舒適。韓式前菜，豆乾，泡菜，酸蘿蔔。幾開胃，差唔多食晒。試返上次一樣嘅嘢比較下，無骨初雪炸雞同韓式甜辣炸雞。分別不大，都係熱辣辣香脆肉嫩，甜辣入味，初雪好濃芝士味，未必個個鍾意。呢個泡菜芝士蛋炒飯就好大分別啦。首先因為抗疫外賣只係58蚊，堂食差唔多貴一半🙈但堂食就會用鐵板上，芝士蛋放飯側邊，即係爐邊蛋咁。外賣就芝士炒滑蛋放飯面。個人中意外賣版本😂杯凍柚子茶係最差，落得好少柚子蜜，好淡，慳皮。不過事後諗，唔知係咪野食太濃味所以咁。性價比高，會再食。

打風屋企無咩糧食，所以去附近商場睇下邊間餐廳有開nene 幾年前食過一次，感覺都ok我地六點半去到大約都有一半坐左人一坐底就會比泡菜同醃蘿蔔泡菜唔夠味，唔酸唔辣甘，一般蘿蔔都算爽既兩個人點左半份炸雞同一個豆腐鍋，等左十五分鐘先上，應該係即炸半份一定係半骨，每舊都好大舊，份量算多可惜個甜辣醬得甜字，完全唔辣，食兩舊已經好滯炸得幾外脆內軟，入面都仲算juicy,口感係唔錯，係可惜左個醬豆腐鍋佢寫2-3 人份， 其實兩個人都係岩岩好因為鮑魚，青口依d 都係得兩件，，鮑魚都算新鮮既，而且洗得乾淨但都係唔夠辣既問題。。。成個鍋就不過不失甘

我... ... 叫外賣平台 ... ...由取餐到我屋企... ...大約10分鐘... ... 我一直有睇個app.... .... 叫2個味既炸雞... 無骨... D食物完全凍.... 10分鐘路程可以由熱到凍..... 我想機會唔大.... 好多人對佢評價好差我... 完... 全... 唔... 明... OpenRice ... 要... 200字... 先... 可... 以... 評... 分.... 如果OpenRice 唔post.... 我係其他地方寫...

是日中秋節 想簡簡單單附近食下野行下 呢間成日經過又未試過 就你啦 店子平日門口望去都唔知有咁深 今次坐最入既枱 原來都幾大 但靠窗關係 雖然有落簾同提供風扇 都仲係幾曬幾熱下午餐精選芝士炒年糕伴拉麵 $68惹味 少辣 拉麵掛汁彈牙 魚蛋都好好味炸雞達人 $887款口味 無骨雞件 最岩心多多又為食既我地😂款款都幾好味 係最後食芝士果款比較不愛 好多芝士粉好膩冬日韓式家常菜韓式鮑魚養生粥 $70雖然未冬日但見到有呢款粥都想食下 好掛住濟州呀😭聞落極香 紫菜另上 韓式麻油絕對搭配 菇菇同鮑魚都多 充滿養份 湯圓妹差唔多成碗掃晒🙄飲品餐飲- 凍柚子茶 +$2正正常常啦（左）餐飲- NeNe Soda (Greengrape) +$15唔係menu個燈泡杯💡顏值大減 味道偏甜（右）散叫- Cool Peace Yogurt Drink (Peach) +$28用杯上 湯圓妹既 佢好愛 但甜野都係少飲啦

在網上看到nene chicken的照片被吸引到了決定來yoho試一下對於要吃什麼 也是猶豫了很久幾經猶豫最後選擇了 初雪炸雞 和酸酸甜甜的炸雞一去到店內 坐下 waiter就放下了開胃的小菜泡菜味道比平時超級市場買的要淡但 正合我意酸酸甜甜賣相很🉑🉑🉑🉑🉑🉑🉑初雪炸雞上面薩滿芝士粉濃郁!!❗❗❗❗❗❗❗❗❗❗❗❗❗芝士控必試愛了愛了

買外賣之前睇到食評，都幾多人話難食，有啲擔心，不過我又覺得全部野都幾好食咼😂外賣返到屋企大概15分鐘，野食都仲熱嘅。上面係初雪炸雞，即係芝士。下面係韓式甜辣炸雞，每份約8件，無骨，雞肉嫩滑多汁，都唔係其他食評講嘅咁鞋啊，唔通佢炸雞嘅時候冇用Timer，所以質素咁參差🤔初雪芝士味好重，應該未必個個都鍾意。個蘿蔔冇食，唔知好唔好食。脆炸紫菜蝦卷。外面係脆口嘅紫菜，入面有炸蝦，酸瓜，酸蘿蔔，蟹柳，玉子，酸酸地天氣熱食就啱晒。我就最鍾意食個飯，係芝士蛋伴泡菜炒飯。蛋香滑，泡菜炒飯都好煙韌，成個飯都好juicy，正👍🏻三個人食每人$100左右，都OK呀。

喺禁堂食嘅情況下，大膽試左炸雞外賣。其實not bad，不過當然無咁熱辣辣，點都係堂食好D。🎐招牌炸雞🎐大韓廚師炸雞，呢個好辣好野味，而且D 汁唔會浸到舊雞淋曬🎐韓式炸蝦卷好入味，炸蝦唔淋，本人覺得出色過招牌雞，好好食

2020/08/27 一個人的晚餐NeNe大胃王韓式便當$128(包括:韓式牛肉炒粉絲、韓式甜辣炸雞、流心芝味吉列豬排、迷你雞蛋卷、脆炸紫菜蝦卷、泡菜及白飯)另加$20配埋芝士蛋伴泡菜炒飯用粉紅熊貓App外賣自取有6折，埋單$88.80韓式牛肉炒粉絲炒得唔錯，味道恰當，如果佢將牛肉及冬菇切得幼細啲，會好啲。韓式甜辣炸雞三件細細的炸雞，甜辣醬係泰式果款，皮多過肉，好在本身鍾意食炸得皮脆的雞皮，所以我覺得佢都唔錯，只係個醬汁係泰式，以為自己食緊泰菜啫。流心芝味吉列豬排呢件味道都唔錯，係個皮已經林晒囉，如果新鮮炸起外脆內軟，應該會超級正。（餐廳太早煮好）迷你雞蛋卷一般般啦，本身唔太識食呢道菜。脆炸紫菜蝦卷都係一般，正常野。泡菜有一盒泡菜及一盒蘿蔔，味道不太夠味，淡淡的。白飯煮得都唔錯軟熟。芝士蛋伴泡菜炒飯呢個飯有少少驚喜，喜歡重口味的，這個飯一定岩你。我係4:55pm落order，我睇到佢張單係5:01pm出單，自取時間是6:45pm，我準時到達，取餐順利，不過一觸摸到食物盒，就心知不妙，因為個盒係微暖的15分鐘返到屋企打開盒，食物盒上有好多倒汗水食物只係室溫好明顯佢一收到order就即刻出

係yoho 行左好耐 心大心細都諗唔到食咩好 見呢間炸雞好似好好食咁 一於去試試佢 一入到去店買已經好神速咁放低左碟前菜(免費嘅)啲泡菜個人覺得幾好味🤓 食完前菜 背完餐牌 終於落單 我地得兩個人食 所以只叫左一份炸雞同一份韓式粉絲拼壽司 首先份炸雞係等左好耐都未黎😤 但黎到嘅時候竟然係唔熱嘅😔 只係暖 啲雞肉仲要係勁鞋🤦🏼‍♂️ 應該係冇做過facial 保濕都冇 第二樣野係韓式粉絲 一擺底好香 好香 因為佢落左好多麻油 食落味道都唔差嘅 價錢合理 但係我之後應該都唔會再選擇呢間餐廳🙁

NENE chicken 係出名嘅韓國過江龍炸雞店，奈何炸雞都成百幾實在太貴，一直都冇入去試。今次行街行到好晏，又見到用app book 有半價就入左去試。初頭都有啲膽心，因為網上評價唔太好，但九點入到去都仲係幾多人，望落啲食物都唔錯，就放心左啲。黎得炸雞店點會唔叫啲炸雞，要左半份無骨韓式甜辣炸雞($94)，冇骨食落真係好满足，啖啖肉。佢嘅炸雞熱辣辣嘅，有十塊到，表面都脆同有肉汁，可惜佢嗰甜辣醬偏甜，冇韓式嗰種辣，似泰國雞醬。炸蝦紫菜卷伴炒粉絲(＄88)，有10舊kimbap，飯嘅麻油味唔係太出，中間嘅饀份量比例都夠，但嗰炸蝦炸粉太淋，口感差左啲，亦唔夠調味。粉絲反而味道濃翻啲，有口感整體味道都比較淡口，但係份量非常夠，全部都係澱粉質，兩三人食都夠分。皇室豬肋骨伴芝士（中）(＄162)，份量好大，應該夠三個女仔分，因為佢除左豬肋骨仲有一小籃薯條。豬肋骨煮得好淋，夠入味，用叉輕輕一叉就可以拆哂啲肉出黎，切都唔使切，食得方便又衛生。圍邊嘅就係出名嘅韓式拉芝，加埋佢有青紅椒嘅配菜，食落好似pizza上面嘅饀，一口肉一口芝士食得好满足，不過食到后尾都因為太多芝士食唔哂。

講到食韓國嘢點可以唔食炸雞呢，而nene Chicken 既炸雞韓國都好似有分店，下晝黎食個下午茶，帶咗個炸雞同埋年糕拉麵，價錢雖然唔貴但炸雞嘅份量有少少偏少，味道尚可。而年糕拉麵亦有少少辣，不過尚可接受。