新亞書院學生餐廳 (Closed)

新亞can真係好難食叫左碗米線，入面啲料都只係普普通通，不是特別好食而且佢價錢唔算便！同出去沙田食差唔多！另外環境好差，好多椅子同梳化都爛，坐得好唔舒服，建議應該裝修下

新亞書院canteen重開了，本身想入去試吓，話曬都叫新開吖嘛。點知俾我食到終極劣食......點解大學canteen可以煮到咁難食......叫咗個牛扒餐，配蘑菇汁同飯。睇圖都知賣相完全唔掂。一pat汁，一嚿細到喊嘅肉，加啲菜，睇見都唔開胃。嚿肉真係細到喊，睇圖都知咩料......仲要硬、乾、薄，完全係咬緊橡皮咁，用刀都切唔開......冇乜味，完全係劣......個蘑菇汁幾，有cream味，冇蘑菇咁濟，仲要杰到喊……劣。呢盤嘢收我48，喊出聲

師傅炒蛋、雙餸、燒味、小菜全部都好好食！d師傅阿姐全部都好nice會同你吹水考試期間仲有免費湯水幫大家打氣食過炸燒春雞 成隻雞即炸拎出黎燒味師傅誠意十足 但咸左少少不過學校飯堂黎講真係超晒班最近越做越好，間唔中又有新野又有feedback column比大家反映意見，仲會有回覆feel到佢地有心做 唔係抱住’你點都要黎食’嘅學校飯堂心態！Btw如果晚餐都可以出麵食就好了有時夜晚唔想食咁飽希望你地睇到！幫你地打氣！繼續做好佢！

咁遠水路上到嚟新亞書院梗係要食下呢度最出名嘅雙送飯啦， 最鍾意午市嘅時候有蒸雞肉食， 雲耳同雞肉嘅香味滲透著落嗰啲肉汁入面， 晚飯嘅時候亦都有鄧師傅炒蛋， 往往都係新亞同學嘅最愛

出面街邊既飲品店是但一杯野飲都要20蚊，但係新亞canteen 既紅豆冰六杯炸！仲要係都幾大杯，紅豆夠多！d牛奶撈埋紅豆，好夾好好飲，仲要好抵飲，超級推薦比大家！

NA Can 雙送飯好抵食 仲係超級平 因為位置喺山頂所以唔會好迫唔會好多人 推介嘅餸菜包括蒸水蛋同埋叉燒 呢啲餸全部都係新鮮整出嚟嘅 另外加埋一杯紅豆冰就perfect 啦只係$6

是日跟著尖子到訪中大, 一嚐中大名物---紅豆冰. 另點選了下午茶餐---雞腿+西多士+茶. 紅豆冰的分量絕不欺場, 用上高身的杯, 也是滿滿的, 試一口, 味道ok, 沒有過甜的情況, 紅豆也是原粒, 真的很抵吃呢! 比較之下, 雞腿則很失色了, 雞腿很乾身, 也很瘦削, 亦不算很入味. 西多士正常水準, 但有點偏淋. 期待下一次的到訪.

岩岩系附近下午茶時間有d肚餓所以叫左個腸粉燒賣(Sorry，燒賣系曬下底，無影到)。 腸粉幾okay，滑滑的，QQ的。 燒賣都唔錯，其實同普通出面魚肉燒賣無咩分別。 好就好在醬自己倒 我就豉油呀，甜醬呀，辣醬，花生醬，芝麻都落曬。 醫肚醫得好滿足 hehee

試下新canteen，19蚊學生價太陽排骨飯。真係太陽蛋一切就有哂蛋黃汁出嚟飯係比較硬但有蛋汁加埋就好食飯量好多，排骨都okay，無乜雪味而且都算多肉，下次可以再食。

新亞can 最為人稱道的，就是其4蚊一支的紅豆冰，大大杯, 雖然談不上甚麼質素，但以這樣的相宜價錢過過口癮也甚為不錯。尤其在炎熱的夏日，就更是受歡迎，好可能一早賣光。除此以外，新亞can 的湯和下午茶，也是很不錯的。考試期間, 曾到過喝附送的老火湯, 很是足料清甜. 下午茶的火腿芝士卷，熱辣香脆，滲出陣陣芝香, 極為誘人。最後，新亞can 的燒味也可一吃，比cc can 高出幾個層次。

係中大，識食一定係食teaNa can出名多名物，紅豆冰 芝士火腿卷 芙蓉蛋不在話下但每次黎食tea，我都係叫16號餐！肉丁餐肉麵！係肉丁丫！出面茶餐廳好多冇肉丁，有都要加錢，仲要得幾粒，碗麵冇肉丁味。但na can姐姐會俾好多！碗湯紅卜卜！如果有隻蛋就正…所以話，係中大食na can冇得輸！

今天星期六到中大，不知道有什麼餐廳，在google map發現這兒就過來了。但一來到門口樓梯看到餐廳實地時就呆住了這兒接近零裝修，用白光管和大風扇，油漆剝落，很像地牢。吃了這裏最普通的$18-2×的是日餐。這個價錢真的不能有什麼要求。能吃到粟米肉粒飯還裏的是豬肉，黑椒汁雞肉飯裏的是雞肉，已經算ok了。但環境對用餐真的有些影響，雖然新奇但真的不太習慣

來到新亞書院的學生餐廳，不得不試其遠近馳名的紅豆冰及芝士火腿卷。紅豆冰以高腳的杯裝着，size比快餐店的大，非常夠秤。飲筒色彩繽紛，為紅豆冰點點生氣。椰汁好喝，而豆有起沙，更好吃。而火腿卷則香脆可口，咬下會溢出一陣濃郁的cheese香氣，而卷身被烘得黄中夾白，賣相討好，讓人食指大動，火腿大塊而不膩，實為上品。

今天到了中大的新亞餐廳食早餐，叫左個菠蘿油加午餐肉煎雙蛋，都只係21蚊，飲品仲係免費！正到飛起呀！但點知，菠蘿油都冇牛油，要自己搽上去，咁細塊，完全冇菠蘿油既風味！加上外皮唔香脆，唔知點解係濕既，麵包唔夠鬆軟，毫無彈性，我唔知佢係點整個包出黎......煎雙蛋煎得太熟，個黃完全熟哂，但蛋邊唔脆，所以隻蛋完全唔好食！午餐肉就正正常常啦，都好難煎得唔好食。總括而言，味道真係一般，但勝在夠抵！如果有機會去中大都可以試下既！

嚟到NA Can食飯，梗係又嗌番我嘅至愛－－白汁薯仔焗魚柳飯！雖然比起其他野食呢個飯係貴咗啲，但係真係超級好食！！！份量夠大，魚柳同薯仔都好入味～個中式湯都唔錯，起碼真材實料！記得如果嗰日有紅豆冰一定要嗌埋，$5一杯咋！