新曼谷泰國菜館 (Closed)

喺尖沙咀好少有咁大個食肆鋪，裝修都有啲舊，應該做咗好耐，未食過試下。有公司飯堂感覺，好得意，menu都多選擇，我揀咗豬頸肉炒河，同事揀咗冬陰功，lunch 包特飲，有紅豆冰，龍眼冰……，價錢都幾親民。冬陰功先到，聞倒酸多過辣，除咗有蝦，菇……正常料之外，仲有雞腳，真係估佢唔倒，蝦有5隻，真係好足料，至於我個炒河，河粉唔係幼身一條條，係粗身一塊塊，除咗有豬頸肉外仲有雲耳同芥蘭，面有蛋，蛋係後加上去，所以無炒河嘅味。雖然稱唔上高質，但啲呢個地段呢個價錢可以坐得咁寬敞真係好難得。

店舖要走落幾級樓梯。餐廳裝修像大排檔。不要被簡陋的嚇到，食物質素可是一流！是正宗的泰國菜！我最喜愛柚子沙律!好像回到了泰國!價錢也非常親民!下次再來試更多的菜式！

2點後有下午茶餐，$50就包埋特式飲品。#炒金邊粉有幾隻開邊大蝦，個人覺得花生碎好重要，成個粉夠香靠佢，金邊粉夠鍋氣，份量都夠多。飲品叫左紅豆冰，可惜紅豆好少。

今日lunch又決定係寶勒巷附近揾野食餐廳環境都幾大，乾淨企理今日行過呢間泰國餐廳好吸引，牛市套餐價錢平民得黎仲送杯野飲！今日我叫左泰國香辣茄子豬頸肉炒飯🤤🤤賣想非常吸引，而且聞落去有好香的辣椒味🤭佢的份量十足，雖然有少少油，但係個豬頸肉好入味，好好食！至於餐飲方便，我就叫左龍眼冰走冰，佢又唔會好甜，仲有啲龍眼肉可以食，好正👍🏻同行的朋友叫左碗冬陰功湯河，湯料見到都好足，湯的味道都夠濃郁👍🏻望落去唔係好大碗，但食曬都好夠飽！

自從搬遷之後，新曼谷同中菜店喺正隔離。地方容易搵左。今日兩個人去食,食左三樣道菜。第一道菜係咖喱膏蟹，勁大隻勁多肉勁多膏，啲咖哩勁好味。第二道菜係炒飯，好惹味｡第三道菜係蒜蓉包，呢個蒜蓉包一定要配住咖哩膏蟹啲咖喱黎食，正到爆!!!! 全部餸都係熱辣辣👍👍👍由於佢新搬遷，所有飲品都任飲😆😆😆環境地方乾淨，服務態度好好，好多笑容唔使去泰國食，喺呢間食就好似去咗當地食咁!!!下次一定會再去

行開尖沙咀度度都咁多人，有一間完全唔似係餐廳嘅地方，開咗間成間鋪都係東南亞人嘅泰國餐廳。初初以為他們再搞家族聚會，點知入到去我覺得自己去咗泰國。由於新開張所以所有飲品都任飲當中包括象啤。不過我相信遲啲開耐左就冇呢個優惠。叫咗個有柚子蝦沙律，勁多料，又好好食。叫左個蒸魚又好正，因為佢落香料好多。。。因為太肚餓都無影到相。生菜包。。。我就覺得油左少少，但好食的食物通常都係油多d。無計。。加上啖啖肉的串燒。 無得彈。。建議大家行開真係可以試下。。。最少享用左個任飲先。

新開張泰國菜餐廳係川婆婆附近的地庫門面感覺好似幾伏咁 但入面環境都舒服靜啲空間感大啲職員9成都係泰藉 但都會說中文菜式都多選擇 仲有得free飲品自取2人食點了:酸辣海鮮炒粉絲，泰式燒雞半隻，豬肉生菜包，燒肉炒芥蘭粉絲好惹味 酸甜開胃足料 海鮮有蝦及魷魚 燒雞咖喱味奄製上台又熱又脆 無平時食個啲咁乾身豬肉生菜包口感同平時食既唔同 ~ 有少少脆口 味道酸度剛好唔太辛辣 幾過癮燒肉炒芥蘭 -燒肉較硬身啲 芥蘭爽口醬汁入味整體味道都唔錯 幾有泰國風味服務員都nice 上菜都快手可以再次光顧