新曼谷泰國菜館 (Closed)

喺尖沙咀好少有咁大個食肆鋪，裝修都有啲舊，應該做咗好耐，未食過試下。有公司飯堂感覺，好得意，menu都多選擇，我揀咗豬頸肉炒河，同事揀咗冬陰功，lunch 包特飲，有紅豆冰，龍眼冰……，價錢都幾親民。冬陰功先到，聞倒酸多過辣，除咗有蝦，菇……正常料之外，仲有雞腳，真係估佢唔倒，蝦有5隻，真係好足料，至於我個炒河，河粉唔係幼身一條條，係粗身一塊塊，除咗有豬頸肉外仲有雲耳同芥蘭，面有蛋，蛋係後加上去，所以無炒河嘅味。雖然稱唔上高質，但啲呢個地段呢個價錢可以坐得咁寬敞真係好難得。