新堡餐廳

Open Now

Now Closed

幫趁咗無數次外賣焗豬。味道好過一哥二哥嗰啲。份量適中。首先應返個題人間有情。話說有次銀包一個仙都無。可能用開八達通簽咭無違意。然後叫咗焗豬拎得諗住比錢之際。無現金。佢又只收現金。所以我話放低個飯去撳機先。個外賣姐姐竟然話唔使。下次再幫趁先比返。可能依個係少少舉動。但令我感覺到有一絲溫暖豬扒飯個汁好味。詞窮無乜字可以形容。有一patpat嘅芝士喺面。亦都食得出芝士味。有啲得個樣。豬扒唔會好鞋肥瘦適中。都好夠焾。份量也很足夠。啲汁都好多。每啖飯都可以有汁。配一杯正常飲品。總結係快靚正。一手交錢。一手收飯。條街咁熱唔使等。

我好中意舊 愈舊愈好 愈舊裝潢愈有feel🍽🍽🐮屋企人食飯今次揀左呢灣仔呢間新堡餐廳🍴🐮我睇OP就系中意佢夠舊又有紅白格仔布 ❗️❕本身想試波士頓餐廳 不過個recept姐姐態度差 不了🧐🧐講返呢到有好多選擇又有晚市套餐 🍚🍚佢餐湯除咗羅宋湯同忌廉湯仲有得揀龍蝦湯🦞🦞🍲🍲我要左一份🐮安格斯MR出到嚟啱啱好唔會過熟 老公揀左西冷 🐮媽咪就要雜扒 🐮🐷🐔真系乜都有好豐富 牛扒豬扒雞扒腸仔火腿齊曬😝😂爸爸就左份西班牙黑毛豬豬𩣑🐷🐷夠晒淋身仲烤到好香口 嚟呢d地方叫焗田螺系must咁先有情懷🙊🤣🤣再要多份蝦多士 呢個真系夠70年代 唔系到到有！重點系杯凍檸茶 🍹🍹🍹通常都會系好細杯飲二啖 錯啦呢到系大杯㗎 放心人均消費$250左右 非常合理😗

約左朋友食飯, 朋友在灣仔區工作, 話佢去開一間西餐廳食焗豬扒飯好正, 想帶我去試下。LUNCH時間一入去已經滿座, 好彩朋友早到已經攞左位。新堡係間舊式西餐廳, 我地叫了兩客豬扒飯套餐, 跟餐奉送餐包、湯及餐飲, 每位$77, 好抵食!焗豬扒飯好大份, 豬扒大大塊, 上面仲有一層厚厚的蕃茄芝士醬汁蓋面, 一睇就知有料到! 果然, 豬扒又嫩又多汁, 蕃茄芝士醬汁好香又夠多, 啖啖飯都有汁送飯, 好滿足! 原本因為朝早食左個大早餐仲未消化完, 一心諗住食唔哂就打包當晚餐, 但…原來我太睇小自己, 竟然食到一乾二淨, 捧住個大肚腩走 😆😆服務方面就一般, 伙記落完單又唔記得, 重覆左幾次, 而且一食完伙記即刻收餐具, 感覺好趕, 明明冇客人排隊又叫你賣單先, 個FEEL好唔WELCOMING，有待改善。

一行五人，大約中午十二時到達餐廳，坐低第一時間選擇要白湯還是紅湯，之後才慢慢看餐牌，午餐餐牌主要有兩張，分別是特價午餐(60元至71元之間)和午市精選套餐(70元至168元之間)。紅湯是雜菜湯，足料但不夠酸。白湯是西蘭花忌廉湯，味道較淡。蒜茸包一小片，熱熱地，蒜味香濃，咸咸地。慢燒澳洲一級牛柳95元，配燒汁，可改為黑椒汁，牛柳煎得很好，中間有少少紅，半生熟，好味道，肉質軟容易咬。香煎美國雞扒帶子伴燒汁80元，雞扒皮脆肉嫩，很好吃。可惜享用美食期間，突然聞到強烈廁所味/坑渠味。

倖存者一值都鐘意食香港西餐廳。散出陣陣香氣嘅蒜料混合融化牛油，塗上烤至外皮鬆脆，內裡軟綿嘅傳統法包上，令人垂涎三尺。餐湯分紅、白兩款：羅宋湯及忌廉湯。倖存者揀咗白湯。侍應拎住湯從遠處走過黎，濃郁牛奶味也隨之傳來，湯入口如絲綢般香柔，輕輕滑過喉嚨，不帶走一片雲彩。整個套餐有蒜蓉包加餐湯，配上主菜，仲有飲品，價錢仍然處$90以下，怪難俘獲多人芳心！侍應服務態度仲好好，成日問客人對食物嘅意見燒汁雞扒配帶子 $80燒汁偏咸，但無阻肉質綿綿嘅雞肉鮮味，咬落口，滲透於纖維之中嘅肉汁爆發，充滿成個口腔，外皮燒至金黃豬扒配蘋果 $70雖然嗰名同配料有啲怪，但食落又幾夾。豬扒彈牙，唔會多纖維到咬唔開

今日拍拖無乜搞，去左山頂，點知有一邊竟然無開裝修，半小時已經睇完，好快咁迫返落山，係利東落車想搵食，見個道好多格局唔錯的餐廳諗住帶女友食好野，點知佢竟然覺得利東無野岩食唯有行返去灣仔，漫無目的咁睇下食乜，路經波士頓餐廳，好多人等位，吸引左佢目光，佢突發想起曾經坐車看到有間老舊的餐廳在附近，最後我地行下，邊在說再一個街口沒有便要到銅鑼灣搵食，最後就來到這裡！佢口中坐車看到的舊餐廳就是這間，在門口看看餐牌，有精選晚餐又有2人套餐，價錢也ok，那就決定呢道，當時大約6點，仲有位，唔需要等位，我地叫左個2人餐選了沙律，一白一紅湯加餐包，沙律好一般，不太新鮮，本身的菜有部分有苦澀味。白湯都係一般，紅湯比白湯好少少。餐包係蒜包，上枱熱烘烘的，好食，我個塊蒜唔夠，不過女友個塊佢話ok，唔知係咪剛好每塊不一樣。-大家去到呢到可能已經覺得好奇怪，暫時呢個情況，點解會係的分數？食到呢道我都係咁諗！完全無特別感覺，乖乖的等扒來，我地叫左肉眼和T骨(在外面餐牌2人餐沒有，不過入面有多幾款選擇)，2個都係5成熟。-先來T骨，整個呆掉！很大塊！佢霸佔左大半碟的位置！我選的意粉都快看不見佢下面仲有西蘭花和不少的翠玉

今日黎左新堡餐廳食lunch,新堡係間舊式既西式扒房，價錢平民又親民。係灣仔地鐵🚇a出口，行過黎都係5分鐘左右，大大隻字寫住新堡餐廳🍴，一定唔會搵唔到😆😆如果12點半之前結賬離坐的話，仲有d特價午餐選擇，真係好抵🤭🤭🤭我叫左個澳州西冷牛扒伴燒汁飲羅宋湯😋塊牛扒比想像中大塊，而且都算厚身。就算無飯或者薯仔跟，都覺得努飽。牛扒都好軟腍，好香牛味。$68蚊，食到呢個水準，真係好抵👍🏾👍🏾👍🏾羅宋湯都好杰，非常足料👍🏾👍🏾食落淡淡都係菜🤤

人情味濃厚嘅懷舊西餐廳，一坐低侍應巳經熱情問大家飲咩餐湯，而且lunch價錢相宜，良心經營👍🏻order 左招牌芝士焗豬扒飯、餐湯、蒜蓉包、飲品連加一都係$77！豬扒有沾蛋漿加炒飯底用芝士焗，茄汁香甜適中，令人不知不覺食晒碟飯值得推介！

中午係灣仔食飯其實有好多選擇。 但畢竟係呢區工作多年，日日食好多都試過曬，有時真係會有選擇困難症。 諗諗下，行行下見到呢間外賣午餐有成9個set選擇，就試下佢。 新堡係舊式港式排西餐牌，有好多唔同既排食。 所以外賣都有好多選擇， 如牛排，豬扒，雞扒，魚柳等配意粉或飯。 最後選擇左茄汁焗豬扒飯($44) 配凍檸茶。 個焗飯拎到番公司仲熱喇喇， 茄汁係用茄糕加芝士，味道好好。 飯雖然唔係炒飯底，但勝在夠乾身。 豬扒夠厚，唔係用d好差既豬扒。 呢個價錢其實同連鎖既哥哥焗豬差唔多，但味道各有不同。呢個會有番d以前細個食港式西餐既焗豬扒飯味道。

新堡餐廳是一間比較傳統舊式的西餐廳，用餐環境普通，午市套餐由 $70 起。 羅宋湯口味偏甜，配搭平實的蒜蓉多士一起送上。 主菜燒美國豬柳配燒汁意粉，豬柳製作味濃，口感軟中見彈，質素比預期理想，難怪是店員推介。 冷熱餐飲同價，奶茶口味還是不及一般茶記佳。

在灣仔辦完事,  行過見到呢間餐廳,  入去坐低不知吃乜好，想吃牛，又想吃雞，突然選擇困難症又黎，好彩有位肥哥哥經理介紹吃戴安挪牛柳，餐到了一看，正呀 !  開餐 !  嘩嘩嘩... 牛柳肉質豐富，口感非常好，份量足夠，肥哥哥真好，非常滿意，下次帶埋老婆仔女去。

在灣仔行街時，無意中發現一間舊式懷舊風西餐廳，午餐價錢合理，份量亦足，食物不錯！有機會再試試晚餐時段來，雖然價錢比午市貴一點，二人世界⋯應該幾有氣氛！自high中～哈！

新堡係類似金鳳嗰類港式西餐廳，午飯時間堂食係要100 per head 的。作為一個小職員，梗係外賣化算。新堡出名焗飯，皇牌一定係焗豬排飯，真係不二之選。佢外賣餐牌每星期都轉，但係外賣3號餐焗豬飯係永恆不變。焗豬飯連野飲都係 $43，喺灣仔係平民之選。佢焗飯用炒飯底，豬扒切件焗，嫩滑多汁又唔會焗過火，配料有洋蔥番茄，個汁又好食，食完又唔會口乾，好過大x樂個焗豬多多聲，方圓500米得順景茶餐廳既焗飯可以媲美。份量係足夠多的，OL胃口會食唔哂。另外，凍飲跟餐外賣唔使加錢，都係另一賣點。

之前趁住有生日優惠, 同男朋友去左海洋公園, 之後因為都夜,就係港島搵好野食,最後男友選左依間雖然人客不多, 不過勝在唔洗等位, 而且絕對唔係伏野生日就食得好D啦, 叫左個龍蝦2人餐　($588加一)龍蝦餐黎講都唔算貴前菜係帶子沙律,帶子幾大隻, 仲係配我最鍾意既沙律醋跟住係湯,我地一個叫左紅湯, 一個叫左白湯, 兩個都好飲而我比較鍾意白湯,一飲就知唔係平時果種開唔勻既罐頭主菜:半隻龍蝦加牛排,龍蝦爽滑彈牙, 同芝士口味好夾至於牛排肉質嫩滑, 味道雖不及龍蝦但仍是上好之選之後仲有creme brulee 做甜品都幾好味但有D甜食到最後淨番我地呢台客, 真係有包場的感覺! 唔知係咪同鍾意既人慶祝生日既關係,覺得依餐飯特別好食呢!

今日早左收工 又約左朋友仔去書展 係等佢放工時度其附近搵食坐下行過見列呢間舊式餐廳 有下午茶 既然唔太肚餓坐低食少少慢慢等下啦炸蝦多士 伴 油醋沙律 蝦多士用法包而唔係方包 加埋蝦膠炸得香脆 配埋個沙律醬剛剛好 一客有2件 以呢個炸既程度 細細份份量岩岩好 因為呢個食太多就會覺得熱氣啦