新高麗苑韓國餐廳 (Moved) New Location

平時食韓燒都係去漢乜漢乜，高麗苑真係第一次來，晚飯時段都坐滿哂，肉香四方八面衝向我，知道有位，都不坐住，拿不同的肉燒燒先，再拿d涼拌食下先，都係夾菜、薯仔，拿些白飯送肉來吃，刺身有三文魚，但不太新鮮，壽司有墨魚、三文魚、鰻魚、甘蝦、帶子，壽司飯實了些，薑醋幾好味，有助消化。甜品有南瓜露（好甜），木瓜雪耳（正）、番薯糖水（好甜），炸饅頭都有，落多d煉奶先好味，魚有醋青魚、多春魚、秋都魚燒前，職員話限時90分鐘，怕會多人來，但最後都燒了兩小時。

早在年初一已經訂房間今次有8個人去~~~所以去到有大房用!!不過要除鞋換拖鞋但好有家庭式韓燒的感覺!!食物十林林總總樣樣都想燒西冷牛和蝦係今次燒物的重點又快熟又少油真係合哂荷車仲要有生菜給我包, 我最中意係包住CHA燒肉一齊食!就連雞湯同糖水都好好味食得好飽又唔覺熱氣下次要再去多趟

唔洗等位~因為book左~呢到既肥牛係好食~但係想針水既時候無哂waiter~我個fd見到個水壺~咪拎黎針水~針針下....點知個waiter唔知係邊到彈出黎一手搶左個水壺,話「想針水只可以叫佢地黎針~客人唔可以自己針~」= =咩態度~我地夠有想搵waiter啦~邊個叫佢無哂人ja~有人幫我地針你估我地會自己走去搵水壺黎針咩~之後費事同佢嘈啦~咪死死地氣比個杯佢針~我個fd一手拎住隻杯~個呀姐就一手好似拉茶咁拉= =佢當唔當拉住果個人係肉做?你果d係滾水黎架呀姐~~最後個經理又一d警告都無就無啦啦行過黎收哂我地d野食~話夠鐘...我明係夠鐘我地要走~但個手法係咪可以改善下呢?預早提我地一聲都得掛? 我地都可以準備唔燒野食丫~ 傾傾下唔知時間好人知常情ja~以後我都唔會再黎架啦~~唉

一家四口，一上去排第二。個收銀話等十五分鐘，等咗二十分鐘，排第一對男女有位啦，應該下一個到我哋，等了三十分鐘，有二個人話八位，到三十五分鐘，有個阿姐叫四位，我上前。這時個收銀叫住阿姐改口八位，我同阿姐話四位有，但個阿姐望都唔望吓我，當我無到，之後我再看明明是兩張四人枱，點解比人先。之後我再同朋友話開，朋友話這店時常是這樣。多人就比位，少人就要等。我以後也不會再來，真的是不知所為的服務。

本來同肥先生約好去稻香試食 $28 大閘蟹, 但沿途被一陣韓風所勾引, 由街頭開始吹到街尾, 手不由自主咁打電話叫轉場, 而韓燒一向都係我抗拒o既食物, 皆因太油太熱氣, 但果晚竟然中晒毒去大吃大喝 …首先介紹一下前菜, 有15款選擇, 其中不乏韓國出名前菜泡菜 / 大豆芽菜 / 炸魚仔 / 豆卜 / 凍菜等等… 但我建議唔好試咁多, 因為仲有好多燒物 / 甜品同意想不到o既食物等緊大家除咗前菜之外, 响烤爐未 ready 之前都可以食下三文魚刺身同壽司, 但係有限量供應, 而質素當然唔可以同酒店相比, 只是不過也不失, 但亦算係搶手類.燒物一共有33款, 上至蔬果下至肉類應有盡有, 洋蔥 / 青椒 / 蒜頭 / 翠肉瓜 / 紅腸 / 雞肉腸 / 冬菇 / 金菇肥牛 / 肥牛 / 叉燒 / 牛扒 / 羊扒 / 雞扒 / 豬扒 / 五花腩 / 豬頸肉 / 煙肉 / 雞軟骨 / 雞翼 / 牛舌 / 鯖魚 / 肥美多春魚 / 秋刀魚 / 中蝦 / 魷魚等等都好入味, 尤其最吸引我係牛扒同叉燒, 因為兩者都有少少香口o既肥膏, 另外仲有好蝦味o既中蝦, 好牛牛舌, 少羶羊扒同金菇肥牛.食膩咗之

食物感覺上幾新鮮..比漢和苑好..而且有我最愛既豬頸肉...我食左好多其他食物都ok la..但可惜飲品方面要加錢..只有茶提供..

呢度既食物款式好多...喜歡韓燒,因為有得玩又有得食....食左好多肉...D蝦唔錯,男友話個人參雞湯好好味...我就話個啫喱勁正.我食左3碗...地方環境一流,座位舒適!!

今日去食非常多人,情況好混亂,比平時更多人,向收銀處呀姐,好似係老闆娘,登記完,企咗一陣,行埋去問佢我仲要等幾張枱,佢叫我自己睇,我同佢講我唔識睇佢MARKO既O野,佢再講多次你自己睇啦,態度超級差,我唔明點解有人咁態度對啲客人,點做生意,啲嘢OK好食都無用啦,食完肚氣,千祈唔好去幫襯

本人食過很多家韓燒自助餐，我明白每間在繁忙時間都有限時，但都係第一次被人趕走，真掃興。睇返呢度對呢間韓燒評語不錯，於是約埋三五知己去試一試，大約六點九左右去到，岩岩好有位，已清楚知道食一個半小時，咁我地好開心地享受，我地覺得呢間韓燒環境衛生都唔錯，食品款式也有不少選擇，味道亦不俗。食到接近夠鐘時，有位侍應叫我地先埋單，咁我地就找數先，這樣好正常，很多間都是這樣，夠鐘後我地見仲有少量未燒既食物，唔想浪費便燒埋佢食，點知過多十分鐘左右，有位侍應走過黎聲都冇出就將我地枱上所以野都執起晒，而個爐就連埋燒緊野食物一齊拎走倒左去，我同我朋友都感到好不滿，完全得唔到尊重，雖然係夠鐘，但是否應該通知一聲，我地都是不想浪費一點食物而已。於是我地逼於無奈地，眼看住佢地收起晒D野，我地只好走，勁唔開心，感覺被人趕走，真係第一次!!!

今次係第2次來這裡吃韓國燒烤,是夜是某位人兄的生日,一早已book好了.來這兒吃和去其他韓國燒烤餐廳很不同,這兒用作燒烤的食物不是一大盆給客人夾的,而是一碟碟不是太大碟的放在長枱上,這樣是比較好的,一來種類可以放多一點,另外食物不停更新可以keep住新鮮由雪櫃拿出來.食物鮮度保持得好,種類又多,就連蔬菜類也很多,至於味道也很不錯,但最值得推介我覺得是這裡的前菜種類多得很,特別是大白菜及粉絲很好吃.吃完那麼多肉,大家也多吃一下這兒的西瓜吧!很甜的.

呢一間韓燒係我地班老友聚腳地方,因為有訂房服務,可以暢所欲言又唔會影響人地,當然要比多少少,但係都係$100/房,每人都係比多約$10.好唔好食?泡菜之類食品好食,其他都係要自己動手燒,但係都係新鮮食物,調味都ok,當然,重有其他食品,豬腳薑,三紋魚生,壽司,甜品等都可以接受,但係青魚每次黎食都係鹹在d...基本上我地都對呢間韓燒店都幾滿意,我亦都好少寫食評,但係其中一個服務員態度惡劣真係不能接受,所以即刻係openrice開個account,發表一下...話說我其中一個朋友有一張該店九折卡,我地叫埋單時唔記得拎出黎,打在單後先比收錢服務員,叫佢計番九折,呢位服務員話呢張九折卡已經取消,我地就話上一個月才用過喎,跟住佢又改口話無見過呢張九折卡,我地叫佢先問你老闆先,佢又話老闆好忙,唔得閒睇,(咁又係你唔想做喇),佢又叫我地係張單上面簽名,代表報廢呢張單!!報廢呢張單唔係客簽呀?(佢唔係白痴就係當我地係lu lu),我地唔簽佢就氣沖沖走鬼在去,跟住另一個服務員接手,呢個就好好多...希望呢個服務員能夠改善一下佢專對服務態度,唔好把一間有水準韓燒食店蒙上污名.

耐唔時黎下呢度,水準一d都冇下降...平平地既放題韓燒絕對食得過~前菜/泡菜/蝦/雞/牛排骨/豬腩肉....次次都新鮮冇投訴,好好味,仲有涼粉/0者 0里..正正正~呢度衛生,企理..如果人多仲可以book房,又有私家電視,呢個價錢絕對收貨~

天氣又開始轉冷, 總覺得要食得飽飽先會暖, 男友成日埋怨唔陪佢食韓燒, 尋晚佢一聽到話去食韓燒, 就笑到見牙唔見眼... 呢間係漢和以外我哋既選擇<環境>卡位坐得舒服, 抽風系統好, 食完唔覺有油煙味<食物>~ 有成40多款燒物羊肉 / 羊扒 / 牛舌 / 牛扒 / 蝦 / 紅腸 / 雞肉腸 / 雞扒 / 雞翼 / 煙肉 / 五花腩 / 豬扒 / 鯖魚 / 多春魚 / 冬菇 / 雞軟骨 / 魷魚/ 青椒 / 洋蔥 ……~ 甜品 (好暢銷, 不停不停 refill - 西瓜 / 啫喱~ 湯 - 羅宋湯 / 人蔘雞湯~ 三文魚刺身~ 沙律2人共消費 : $282

今日下晝打完war game，出完一身汁，最好就係醫吓肚。夜晚同同事到灣仔新高麗苑韓國餐廳食韓燒，雖然第一次聽亦係第一次去哩間餐廳，不過唔理喇，eat all i can eat。餐廳環境不俗，地方蠻寬敞的，價錢都ok($128/位+10%)，還有獨立房間，不過好似要另外加錢~今次book咗獨立房，房間幾大，有電視提供，不過入房要脫鞋的~坐房有個好處就係私人空間感夠多，方便大班人傾計。唔好處就是自成一角，侍應不會經常入房幫我哋收拾碗碟、加水等等，通常都要叫出去先有人招呼~食物方面，前菜當然唔少得泡菜、白菜仔、豆芽、青瓜等等，而主菜種類有三十多款，如牛舌、蝦、肥牛、銀雪魚、魷魚、雞翼、羊排、牛排、豬排、雞腎、煙肉、豬頸肉等等。值得一提就是這裡的蝦非常好吃，夠鮮味! 另外，哩度仲有壽司供應，如三文魚、墨魚、八爪魚等等，不過味道就當然不及日式食市般好味，聽講會有限量三文魚刺身供應，不過當晚就未見過~甜品方面有涼粉、西瓜、啫喱同糖水等等，味道不過不失啦。而成晚最令我喜出望外的食物是這裡的人參雞湯，胡椒味夠重，所有同事一致讚好!!! 整體來說，這間店是我暫時食過的韓燒餐廳中，

睇左食家食評反應不錯今天和母親去左呢度食黎到, 傻都唔會去食任食韓燒...雖然係韓國人經營,但呢種自助式咩都燒的食法, 係香港先有, 所以韓國人整一定唔會有韓國FEEL/有水準...都係比D垃圾你食...任食唔方會有D咩水準!講番正題, 我地叫左兩個抵食套餐,一個韓式雜錦飯, 一個泡菜辣湯~跟住好快有四碟前菜同一碗人蔘湯~前菜有醃青瓜, 醃菠菜, 魚仔同埋四季豆, 都幾大碟!好好食! D四季豆都未向韓國食過, 今次都係第一次,出乎意料的爽脆~正!好快個拌飯就黎左, 內容有菠菜, 肉碎, 豆芽, 荷包蛋, 紅羅白, 冬菇等等成個湯碗咁多飯@@ 有D唔知咩的醬油, 好好味~不過食左一陣好快涑,,,個泡菜湯起初不太滿意, 因為睇落有D細碗...點知一飲之下, 好有向韓國食過時的風味!好好味! D泡菜, 洋蔥, 五花肉同大醬的味道適中配合, 又清甜又辣!真係好好食! 由於用石窩裝, 所以一邊食都好熱~最後仲有花奶啫喱做甜品~ 真係好抵!39蚊個餐, 加左一都係43蚊,以韓國菜講真係好平好有水準!REMINDER:韓國湯要倒晒碗白飯入去拌好食用!唔好食自助韓燒...我唔敢擔保好食...=.=食都