新高麗苑韓國餐廳 (Moved) New Location

同屋企人十幾個一齊book左間房雖然迫d.但唔會燒到成身油煙味呀真係=)waiter會定時定候入黎收盆and加茶衛生只係一般但勝在多選擇.味道亦不錯啊^^前菜有sushi.沙律.人參湯.炸饅頭.仲有好不能盡錄燒肉個部分都幾滿意*真係幾多選擇d蝦幾新鮮.燒左幾好食最後就係甜品喇.雖然只係好普通o既jelly.但好好味整體黎講都有75分

上星期日同媽咪去咗食佢個LUNCH自助餐, 我地1:15PM左右去到, 去到時個WAITER帶完位亦都無問我地係咪食自助餐, 只係放低個MENU就行開, 到我夾完肉返埋位時, 我媽同我講話頭先個WAITER先走埋嚟話自助餐只係食到2:30PM, 咁我睇吓錶, 當時都差不多1:30PM, 有成個鐘實夠啦, 所以咪照食囉~ 哈... 點知... 唔知係咪因為就嚟夠鐘關係, 佢地居然係啲盆空框框都唔會加嘢喎! 同佢講無晒, 佢都當你發UP瘋! 所以大家要小心!!!

幾個人午飯時去新高麗苑食lunch，食物OK，不過lunch set主菜選擇比較單調, 得豬肉、豬扒、牛肉、雞肉、蛋包魚，再唔係就雜錦飯同埋拉面。個餐係咁o既：主菜(你要d咩主菜，e.g. 豬肉，咁就會比一碟豬肉你，成碟只係有豬肉，我想這不會是正宗的韓國菜吧)，再加有個胡椒湯，有前菜，有白飯，有甜品，即係花奶jelly我地order 左o既前菜包括；泡菜、魚乾仔、白菜仔、炆薯仔、酸青瓜、芽菜 (如果唔喜歡某一樣前菜，是可以跟店員換其他的，可以換做同一款都得，我地試過要2碟泡菜)。主菜點左豬肉、豬扒、牛肉、雞肉、蛋包魚。 主菜都幾多，都夠味，不過全部都係肉，連配料都沒有，有點悶。個湯好勁胡椒味，是惹味的，仲幾夠熱。甜品=花奶jelly，不過，其實我最鐘意就係個花奶jelly^^，好好味，普通但係鐘意可能因為個風味，好似以前細個食o個時咁。 另外有朋友叫左雜錦飯，好大碗好豐富，好多料，有美味o既太陽蛋、肉碎、泡菜、雜菜等等，好似仲好味，下次可以試下呢個。 呢餐lunch味道幾好，下午lunch time 會好多人，熱鬧，環境ok，不過因為我地多人，所以坐房裡面食，要除鞋，feel 到個地有

補祝返朋友既生日, 就揀左呢間成日話要帶佢去而一直去唔到既韓燒, 因為佢話有成7-8年未去過韓燒, 咁緊係帶佢去一間我最仲意架啦~~因為我好仲意食 kamchi 同 前菜, 所以呢間就最岩我。因為我唔多點食肉既, 所以好少燒肉, 淨係不停咁食佢地果d 好好味既前菜...哈哈 好滿足呀仲有佢呢度會定時定後咁推出一堆熱騰騰既炸"萬"頭...yummy 最後係食埋個 jelly 就畫上左完美既句號。一共3 女1 男, 埋單我地仲請埋個壽星仔都係每人 HKD 200

前幾晚與家人共4人去了新高麗苑食dinner, 食物都OK牛肋骨, 雞翼最好味其他肉類唔錯前菜我食咗好多芽菜, 不過油太多沙律同甜品涼粉唔咁食, 好似放咗好耐又唔凍但衛生有點差,個pan都幾易, 叫位男職員換好似問佢擺錢咁, 擺多隻碟都唔擺話我哋唔換碟架! 真攪笑, 我叫隻碟啫又冇叫佢換, 個個行來行去,目冇表情, 仲行得好慢，又唔笑, 如果佢唔係平, 同附近冇得揀, 我捻咁嘅態度都好難做, 下次落1樓食好過, 起碼D Waiter會笑同禮貌唔錯

難得大鼻向我提議搞班聚, 所以梗係幫手搞下啦幸好現在科技發達有facebook約人, 又有Ms Chung無限量的出席支持所以同學都肯俾面”抽空”出席, 最後都有成十一個人七點半來依度韓燒係來之前已經知道這裡的食物相當不錯, 同埋又有房(雖然要加$50)不過自己人有間房無咁嘈, 傾謁聚舊都方便點, 同埋經理話可以坐耐點這裡的醃肉醃得很不錯, 燒左之後都有幾多肉汁. 又有好多種, 連雞軟骨都有, 當然西冷牛扒, 肥牛, 豬頸肉, 哈哈! 當然如果有牛肋骨就仲好啦 : )除了燒烤野食, d泡菜都不錯, 無韓國本身個d咁濃味, 都arm番香港人的口味仲有涼粉湯圓糖水, 人參雞湯雖然參味淡d但係個煲入面有成隻雞係入面雖然個pan都幾易, 不過食完都無咩油煙味, 同埋又有拖鞋, 真抵讚!Overall, 和大家食下傾下, 差唔多十一點先走人, 真係開心原來狡猾的ms chung靜雞雞幫我地埋左單…真係多謝哂!

尋晚9點半到逹, 即刻有卡位, 如果無記錯, 今次係第二次嚟食, 感覺有d唔同咗...<環境>抽風系統好咗, 唔再食完成身油煙味<食物>食物特別咗, 有鯖魚, 銀鱈魚, 多春魚, 牛舌, 鴨腎, 五花腩, 煙肉, 冬菇, 羶羶羊扒, 牛仔骨, 牛扒, 雞扒, 豬頸肉, 腸仔, 紅腸, 魷魚, 雞翼, 雞軟骨, 青椒, 洋葱......人蔘雞湯, 啫喱, 西瓜......二人共消費 :$260

尋晚與家人共九人去了新高麗苑食lunch，可能係星期六既緣故，全場只有五張枱客人左右，我地由於人多，所以分了兩張枱坐，啲職員其實好得閒，行黎行去，有位男職員仲行得好慢，尤其我地叫佢攞嘢之時，佢行得更慢，好似老人家咁，又目冇表情！跟住我地叫佢俾三個碗仔我地，點知佢地應完後好似冇聽過咁，再叫第二次，佢只一隻碗，，我要再叫第三次，才俾足我地！跟住我地叫左四個餐，佢地只俾左三個餐，因為第四個餐係後加，所以我地懷疑佢地冇落單，咪諗住尤得佢囉，點知埋單之時，佢計左我地四個餐錢，我地咪佢講冇黎過囉，男職員仲口講：真係冇黎過咩？佢地啲態度奇差！老實講，食物都OK，衛生有點差，選擇不多，價錢不算貴，有湯，有飯，有餸，有甜品，的確算係咁！之不過，態度咁差，點去第二次呀！若果大家唔介意態度超差既話，都可以去既！但我就唔會再去囉！

午市$43 以為好抵~??? 錯晒!!!!!!!因為食物無得揀(全部都話賣晒)衞生麻麻地, D服務仲極之惡劣!估唔到今時今日咁既餐廳仲可以生存到...........

幾好呀味道係一般,但咁平差唔多啦,要食令嘢就唔該食貴啲啦d人又要批評唔話好食自己又比唔起-_-服務態度ok,唔算好但叫佢都黎幫手唔係太乾淨,不過$88...好抵食!食到飽哂啱哂比對食冇咩要求嘅學生聚會下有房講嘢大聲都冇事

每次來都會叫set lunch，與友人share吃。這次要了前菜:白菜仔、炆薯仔、青瓜、芽菜、泡菜主菜:豬肉、豬扒、牛肉、雞肉、墨魚配湯、白飯、Jelly全部味道不錯，份量又足，環境企理，抵食！

我地5個女仔一起去食，D食物好一般．．但衛生就好差。我們係坐房的．．坐房當然要除鞋啦．．但係勁污漕．．除左對鞋入去仲有漿腳既感覺，因為我地著高根鞋so我地冇著物．唔知係咪咁哩個問題令我地有漿腳既感覺．．跟住我地即刻著番對鞋入去。

$39 一個set lunch, 雖然要加一, 但都只不過$43. 這回試了雜錦飯, 味道幾好, 有肉碎, 冬菇, kimchi雜菜, 太陽蛋. 一碗雜錦飯都算大碗, 見很多OL 都不能吃完. 另外, kimchi以人頭計, 一人一碟. 即二人有兩碟,他們會給客人兩碟不同款式的. 最後還有花奶jelly當甜品. good!

我同D親朋戚友去咗呢間食韓燒，D食物好普通，味道又差，特別係Kimchi，好酸，只得兩款，人蔘雞湯，好咸，一D都唔似韓國菜，唔正中，我覺得只可叫「港式燒烤」！服務方面，我叫D侍應黎換個塊鐵板，叫咗接近半個鐘先有人黎換，之前有叫過，亦都有人黎，但之後竟冇咗件事，叫好耐先有人黎。韓燒自助餐一定會攞咗好多個碟，擺哂起枱到，之後一定有好多空碟，侍應冇自動過黎換，就算係有侍應行過，都只係是但望一望又走啦，唯有又係叫侍應黎啦，唉~ 總結，D侍應一D都唔主動！講到衛生，簡直嘔心！我地呢就坐起房裏面既，當然就一定比坐起真係人坐既座位個D呢更污漕！坐房當然係要除鞋啦，依樣野呢起韓國菜或日本菜係好正常，大家亦都知，我亦對此亦無任何不滿。但係，客人係除咗鞋架嘛，個庇股係掂著地下架嘛，問題就係依到啦，D侍應係著住行過哂街、廚房、成家餐廳、走廊既波鞋踩入黎間房，勁污漕！塊地好多漬，仲有漿著腳既感覺，好污漕！放腳個槽都係咁污漕，有些少食物殘渣，勁污漕呀！影響食欲，攪到我冇乜胃口，反胃！食物咁差，再加上服務差和衛生差，價錢竟然收$108！正中又好味既金羅寶韓國料理都係依個價錢，食物夠正中又好味，Kimchi夠多款式

上個星期有朋友生日，所以黎左哩間韓國燒烤食飯。前菜、湯、凍肉類、凍魚類、少量熟食、壽司刺身、甜品都有，我覺得最好食就係人蔘雞湯，好好飲！服務一般啦，唔知係咪因為我地坐角落頭，無乜人主動幫我地添茶。原本限時90分鐘，因為無人等位，佢都唔會趕客走，所以我地都燒左成兩個鐘。整體黎講，環境、野食都ok，感覺好過《漢x苑》個，價錢都係$108+10%，飲品汽水就另計，一枝汽水成$12就真係好鬼貴...= =！