新高麗苑韓國餐廳

Open Now

Now Closed

一直都喜歡新高麗苑，幫襯了十年由舊舖去新舖，食物質素都係中上。新店要行樓梯，無以前般方便。中午沒有自己燒的選項，因為可以快點上菜和埋單。我們二人點了雜錦飯和豬扒麵（辣）（可選清湯）。一來就有熱茶，每人兩碟醃菜。可即時換，之後就因衛生問題而唔准換。新高麗苑的醃菜都好好味，晚市可以任食，個人喜好青綠色的菜、青瓜、薯仔、綠荳芽、魚仔、玉豆飯餐有胡椒湯，啱哂現在天氣凍或成日在辨公室被雪藏的人，可以驅寒。會有點辣辣的感覺。之後還有啫喱做甜品結尾*抱歉無影底個麵，豬扒都幾厚，甜甜地。有大量芽菜。個麵少少辣（2/5辣）。太大碗麵，我吃了醃菜、豬扒、芽菜，只食了1/5麵已好飽 大滿足每人$83

天氣涼咗就想BBQ，唔想老遠走到郊外，所以搵咗韓燒放題止吓癮。冇失望，肉類是傳統帶點甜的韓菜味道，海鮮試咗扇貝和蝦，蝦的質素很好。因為疫情，改了由服務員取餐。不懂分析烤爐的種類，但這裡的食物比較快熟，而且烤魚都能做到焦香但唔黐底。其他熟食甜品都令人滿意，食埋豬腳薑就足足滿100分。相比其他韓燒放題，這店幾乎冇宣傳，推薦的評論亦幾乎欠奉，曾光顧其他廣受好評的店，就算選擇最高級的套餐亦覺得食物質素一般，未幫襯過這裡的不妨一試。

忙裏偷閑急急腳同同事去咗附近嘅韓國餐廳食午餐，聽講呢度有好多唔同種類嘅小食前菜好好食。於是就跟埋同事嚟食。我哋一人嗌咗一個韓國午市定食套餐，套餐仲包括開胃配菜，牛骨湯，白飯，同埋甜品。開胃配菜就係因應每台嘅人數而限定嘅，實際係點樣分配嘅呢其實我哋都唔係好清楚職員話人多嘅話份量會多啲，但係款式又會可能少咗，不過我哋都有六款唔同嘅配菜，全部都好好食。（如果有特定想食嘅小菜可以事前同職員講定睇吓佢有冇，不過唔係次次都有所以未必可以食到自己想食嘅，果然食飯都係要靠運氣）牛骨湯都幾濃郁，甜品感覺係羅拔臣啫喱，有青檸同黑加倫子，不過都唔錯唯一敗筆嘅就係食得有啲趕急，職員會不斷走來幫你收拾，當你嘅同事啱啱食完最後一啖佢就會即刻叫你埋單，因為仲有好多客喺度等緊，只能講他朝君體也相同

本身依間餐廳我老闆經常會去食，今日lunch唔知食咩好，就諗住去試吓點知就中伏。首先一去到門口已經聞到一浸啲up味，似係啲冷氣槽死左老鼠咁，已經心都涼左一半。然之後有個紮馬尾嘅阿姐，態度非常惡劣咁叫我哋入去坐。坐低之後叫咗個牛肉套餐，好快上咗一碟前菜，但竟然係蒜蓉白菜，冇諗過喺韓國餐廳食嗰set lunch竟然連泡菜都冇。依個套餐要$73，但係入邊完全唔足料，超薄牛肉得個5塊，但係超甜，食完分分鐘會有急性糖尿病個隻，啲調味完全唔韓式絕對係港式。我都明喺香港平日返工食晏晝就好似做狗一樣，食完就要即刻走，天經地義。咁本身我哋都係一班識做嘅人，但係個阿姐見到我只係食咗一半已經走埋嚟催我哋埋單，嗰下我就已經覺得佢好過份，仲要用啲好惡劣嘅態度叫我地快啲埋。大佬呀，雖然嗰超薄牛肉得5塊啫，但我起碼一半未食啊，連落單上菜我地都係坐左25分鐘啫。到最後埋完單，我覺得個數唔係好啱，所以想攞張單黎睇多次，點知呢個時候個阿姐竟然發皮四，話埋左單就無得check，我話唔係啊，嗰數好似有啲啱，佢答我咁我報警囉，我話食飯啫，唔駛玩到咁大啊嘛，最後爭持不下，佢竟然問候我老母，當然我都問候返佢娘親，加埋佢全家，最後係

任食韓燒已多年無食，常常覺得食物質素同環境一般，友人表示新高麗苑是新裝修的，餐廳環境的確挺乾淨，而且店員服務亦很好。 食物方面有雞、牛、豬、羊、海鮮、熟食、湯類、甜品及水果，可惜顧住食忘記影相。 未下單店員先上數碟熟食小菜，要encore可以再下單，各款小菜都好好食，我們每款都encore了一轉。薯仔甜甜的，很入味;魚仔、白菜、粉絲、大豆都是必點的。 肉類方面，羊架味道一般；豬頸肉、五花腩味道不錯，仲可以order生菜整生菜包；雞翼是單骨雞翼，吃起來更方便。 海鮮方面，青口、扇貝及蝦都可以一試。 甜品我們試了啫喱，可能太耐無食自製啫喱，每人order了2杯。 水果有西瓜，連皮切片上，很甜很解渴。 限時90分鐘，我們食到飽飽捧住肚子離開。

今日星期六都有set lunch，包括前菜同甜品，前菜每位有兩款，雖然係韓式餐廳但食物都帶有港式口味，前菜除咗泡菜全部都好有廣東味道，不過味道唔錯同好開胃薑酒煮雞麵：薑酒味幾香仲好有蔥花味，味道唔會太濃，雞件份量幾多但唔算滑海鮮湯麵配辣湯底，湯麵唔係一般韓式公仔麵底，比較幼細似麵線，更加吸湯同滑溜，配料無論蔬菜定海鮮款式同分量都幾多，湯底係韓式嘅酸辣味泡菜湯裏面有好多帶皮嘅豬瘦肉，湯底質地煮到好杰，似醬汁多過湯，配合主動軟爛嘅泡菜非常送飯

灣仔舊鋪老顧客，疫情一直未有機會到新店試試，昨晚第一次光顧，面積比前小一點，但氣氛不變，仍然喜歡。食物由自助改為點單，更衛生整齊，味道比前更好，前菜精緻選擇多，主菜味道好，甜品也足夠。最喜歡還是人情味，服務超有心，真心讚，老人家要用輪椅上落，店長特意到電梯看情況幫忙，其他員工都很有禮貌，太讚！

疫情家中老人家冇得出外吃飯，今日同佢哋食韓國燒烤，搬新鋪第一次食，老人家要坐輪椅，老板娘親自幫忙帶我們坐電梯，服務120分。老人家食得好開心，食物一流！值得推薦！

$63午市套餐（要加一）：白蘿蔔胡椒餐湯、小菜兩小碟、主菜、白飯、熱麥茶及蘿蔔臣啫喱配花奶。灣仔韓國菜選擇不多，這間價錢相宜，餐廳座位寬敞，洗手間亦乾淨整潔。前菜方面，由於餐牌沒有列明，根據姐姐提示及記憶選擇如下：菠菜、白菜、泡菜、薯仔、豆卜、粉絲、魚餅、魚乾仔…. 可惜小菜是不能添吃的。主菜分別點了蛋包魚、牛肉、墨魚仔蛋包魚是沾蛋汁配上魚柳，外皮脆口不油膩！墨魚仔及牛肉不過不失。單是小菜已經非常好配飯，另添白飯一碗$8。

灣仔夜晚食飯，一諗起酒吧就多，因為始終都係商場區，日間就食店林立，夜晚就靜好多。地鐵站口附近有間上樓韓烤，咁啱又好耐無食過，就上去食下。店內裝修比較舊式，但仍算乾淨。坐位比較狹窄，不過因為無坐滿人，所以唔算太侷促。食物方面，先嚟一堆頭盤個人覺得沙律同、芽菜、蝦餅可以，其他就淺嘗就夠。餐牌非常簡單，有前有後，任食任揀。剔一下就會跟人頭上幾多件。如果有其他數量，就最好寫清楚啲。由於本人係食肉獸，所以大部份都係叫肉食多。羊架、牛片、五花腩、煙肉、海鮮都叫咗一次，係唯有羊架、多春魚翻叫一次，不過平心而論，全部都係急凍野，其他海鮮更加唔想再提。而另外飲品全部比錢散叫，青檸梳打難飲，建議叫其他現成。整體來講，令我諗起以前90年代成行成市嘅好平凡嘅韓燒，真係多年不變。

老實說，我和一班同事自問都係合作既食客，都明白午飯時間多人等位，基本上食完就動身離開。那天午飯時間到該餐廳午膳，如常等位，入坐，點菜和用餐，起初一切如常，我們一行五人大約花了20分鐘時間，基本上都食得七七八八，只是個別一兩位同事食得較慢，仍然進食中。可惡的是某女侍應一言不發，就把枱上的碗碟收走，當中一些碟上仍然有餸菜的! 我同事見狀便叫停她，並表示還在進食。那女侍應竟然反駁她已作手勢示意，態度十分惡劣。我很氣憤，作為食客到餐廳用膳，是真金白銀付費的，不奢望什麼五星級服務，但享用食物是天經地義吧! 餐廳走廉價路線，多番枱多做生意無可口非，尤其在疫情之下，不過，客人未完成用餐便收走枱上食物就怎樣都說不過去。希望餐廳負責人了解情況，並訓示員工。至於其他食客到該餐廳用膳的話，最好唔好對該餐廳服務有什麼期望。

服務態度極為惡劣，門口接待呀姐態度極差，對客人講野語氣冇禮貌，呼呼喝喝咁，仲完全唔覺得自己有問題，鬧番人轉頭。向其他職員反映完，佢地維護自己人只係話「晏晝多人係咁架喇」「唔想食就走啦」，唔好意思都冇句。話晒叫做食評，公道啲講食物質素以灣仔呢個價位計，算唔錯，環境都ok，但如果要受氣就無謂了。居然仲要收加一「茶錢」，你又唔係酒樓茶都冇開一壺過黎，如果係服務費就更加唔合理了，無服務可言，永遠唔會再幫襯。

雖然服務質素認真麻麻😫😫😫😫😫但午市時段仍然好多人排隊 因為唔貴 而且配菜多 幾抵食😋😋😋午市清湯海鮮麵食套餐 （$68+1）2個人2個午市套餐 有4款開胃配菜 😆今次有最鍾意酸咪咪既青瓜🥰同埋甜甜地既豆卜 青瓜好合我口味 😋如果可以單買 我一定第一個捧場🥳🥳反而係個清湯海鮮麵認真超級失望 😢雖然海鮮算係幾多下 但湯底淡而無味 白色幼麵底散修修軟腍腍 絕對唔係我杯茶 😫最後有青檸味羅拔臣啫喱配花奶 係唔錯既😳😳💭💭下次都係食番午市蛋包魚定食套餐 好食好多

前晚駕車經過駱克道留意到這家韓國餐廳. 於是今晚八時半上到去一試. 入座時已高朋滿座. 原來是每位 $268+10% 90分內滿任叫任食. 種類選擇很多.老實說， 所有肉類質素及味道都麻麻. 反而配菜仲食得吓. 埋單兩人連一枝不知名細啤合共$615. 總之冇下一次。

職員勁hea ，想改一個小食就話落咗單唔改得收隔離枱果陣仲要整跌塊隔板，收錢果陣單都冇就話收我$69，明明乜服務都冇都要收加一食物質素仲衰過快餐店頹飯以後都唔會再幫襯