新高麗苑韓國餐廳

Open Now

Now Closed

其實一向有食開呢間韓國餐廳，味道不過不失又有唔同款式既小菜，都算係灣仔區其中一間抵食既餐廳🤷不過黎呢度食晏就預咗受氣，今朝因為多野做所以打左去改 booking 時間，當一行人*準時*去到餐廳攞位既時候，個收銀竟然當住其他客大大聲話我地遲到😡當下即刻發火同佢對質，佢又係一副愛理不理咁既樣繼續西其他客。阿姐我黎食飯架唔係奉旨受你氣阿唔該🖕🖕坐低左都唔可以放鬆住，同個侍應講左幾次佢都係寫錯單。其實啲侍應態度好似澳牛咁無所謂，但阿叔你起碼落啱張單先啦唔該🌚公平講句，間餐廳食物質素都 ok，上菜快，坐得都叫舒服，但咁既服務態度真係好趕客囉😡

好耐冇食個韓燒既我，做完會展之後，梗係去沖下飢啦😣😣一入到去見到一個大魚缸，好多個盆栽，同過往佢嘅韓燒不一樣。一坐低嘅時候服務員竟然同我講，我哋依度係叫嘢食㗎任食㗎，唔使自己出去攞嘢食㗎，第一刻感覺真係與眾不同，次次韓燒都要行出去，而家要戴口罩行嚟行去好麻煩㗎嘛。最欣賞佢哋嘅，係佢哋用一膠板，用筆寫完，樂園單之後可以循環再用，好多商店你應該要學習下啦👻👻要環保，愛護地球先有人類嘅存在，唔好淨係掛住做生意啦。之後帶上嚟嘅食物，樣樣都好新鮮，樣樣都好好味，食下野嘅時候突然間會有人攞住炸饅頭出嚟，啱啱乍起嘅炸饅頭問我哋要唔要，真係好好味呀。佢嘅豬頸肉好出色㗎，你哋去到一定要試吓，仲有好好味嘅薑醋，仲有唔同嘅糖水，全部我都覺得好好味呀，記得食佢嘅榴槤雪條啊，真係滋味無窮啊，決定咗呢一間餐廳我要再去嘅。

尋日Lunch去食，一開始有個黑色長馬尾阿姐幫我地落單，但等佐15分鐘啲開胃菜都未來，後尾問佐另一個阿叔先知根本無落到單入個系統到。去到最後係個短髮阿姐幫我地收錢，佢由我一開始入去餐廳開始態度都唔算好，我友善地幫佢計埋數點樣找錢俾我同啲FD，點知佢突然就爆炸反白眼，大罵我：「先生，我呢到唔係銀行，講找錢我熟過你喇」跟住逐張逐張紙幣好用力咁撻俾我，真係唔知自己邊忽得罪佐佢。

新高麗呢個名成日聽人介紹，但一直都未去過，今日終於有機會同埋兩個朋友試午市套餐，套餐分左三個部分，最平是定食set，有牛肉、豬肉、墨魚，另一款是麵食，主食就大致相同，每個餐都包了前菜、湯和甜品，係灣仔區算幾抵食點餐後約5-10分鐘就送到，每人跟兩款前菜，有泡菜、白菜仔、豆芽、魚仔、豆卜，粉絲，每款味道都唔錯，特別是魚仔同豆卜，配飯一齊食幾惹味👍🏻主食賣相普通，牛肉比較碎同散，醬料味好濃，蓋過本身既牛味，雞肉比較好，大件而且味道不會過咸，牛骨湯胡椒味好濃，味精感好重，甜品是啫喱呢到服務真係好一般，成餐飯都被催促快點還檯，不停過來收碟，問仲食唔食，但其實我地只係坐左半小時，可一不可再....

疫情前、搬舖前都去食過。昨日(星期五) ，一家去食，知道$268飲品另計，都算。去到，其實一半位滿咋，都心中有數，我座嗰張枱，剛巧頭頂係冷氣機，都無諗啲咩。食到一半，點知比冷氣機水滴中頭獎，叫短髮老阿姐都算係咁，用布幫印走啲水。但無幾耐又中頭獎，叫黑服長髮黎，黑服長髮都有抹，但死啦，中左頭獎先幫客人抹冷氣機滴水，好老實，嗰個位係近門口既，都唔係今日哩刻既事，明知嗰個位係咁既，就睇緊啲，而唔係等嗰客比水滴至抹，中既係哩款頭獎已經唔好，中左落去食物咁點。。。就算中左睇唔到就唔知。。。同佢講轉位，短髮老阿姐話同我抹冷氣機水就得啦，同黑服長髮阿姐講轉位，我話唔想要數第三次，佢唔想之中都轉左比我，唔該哂。食到9點幾，好多客都開始埋哂單，但未走，我地得我老公仲食緊差少少。個短髮老阿姐，清潔完隔離格個燒鍋放番落去，但仲係聞到好大陣既清潔劑味。。。另一張枱，短髮老阿姐想執，問佢仲食唔食，唔食既佢就執，仲話早啲執唔好阻住佢收工。。。心諗頂，但嗰張枱啲人又無話佢，勁。。。到左我地都食哂，短髮老阿姐，黎執枱，急都唔理佢，佢將啲野執到大大動作，最後，仲將啲黑蚊蚊野"high"到我老公既白色恤衫，真係頂頂佢。咁

This restaurant is a scam artist, which brought out the meats completely different than what we ordered and claimed that is the extra bonus offering to us. The quality of the meat is exceptionally bad if you ordered the buffet. The staffs ignore us and even it is a buffet time and we are not even enjoying 1 hour and they say this is last order and refuse to change the grill net for us. I will never come here again and suggest all Hong Kong diners to boycott this particular unethical restaurants.

睇返舊食評2020年收$208一位，去到今年，搵極都唔見，去到先知$268一位，一年疫情居然加價近30％？真係眼都凸埋睇餐牌，環保地用白板筆寫膠板，呢點係要讚嘅食物種類多，豬牛羊雞鴨海鮮，頭盤，湯，糖水雪條齊，就係爭咗飲品，點解可以收$268而冇任飲，出面冇一間咁樣收費法一黎就送上聲稱「花雪靚牛」，每人三片，係幾正嘅，比較有肉味又滑前菜好多款式，一入座就送上，聲稱係自家醃製，味道唔錯，就算你話叫貨我都唔會有投訴海鮮嘅蝦係虎蝦，爽彈不過細隻；青口去殼，有啲肉爛左；八爪魚一般，肉質淋；多春魚未解凍；鴨胸係青霖佳寶熟鴨胸。。。扇貝可以見到條腸未清，味道叫做合格肉類方面真係唔掂！超多味精，食完超口乾羊扒 - 未解凍，肉硬牛脷 - 唔錯爽彈西冷牛肉(切片) - 醃到好似茶記滑牛，仲好甜，點解韓燒要降級到茶記牛排骨 - 又係醃到啡色似豬扒，而且甜，其實唔醃由佢原味仲好鯖魚 - 未解凍，而且厚身，好彩最後都叫做好食，因為不經醃製，有原來風味外加一酌飲品最平$60，最貴$120，我地叫左酸梅湯，大約分到7-8細杯今時今日嘅收費$268咁貴，件件肉都醃味，無一有標明美國西冷，澳洲和牛，紐西蘭羊架之類，

平時食晏間唔會去食呢間野，其實就一般般不過不失，價錢唔算話特別平，晏晝都要加一，70蚊食個晏晝，但係就貪佢啲位都叫舒服，又有啲韓式小菜，不過啲侍應又係澳牛啲侍應mode(宜家澳牛都叫好態度)，西口西面，上菜都好似得罪佢咁今次重有趣，我同啲同事食緊嘢，個呀姐走埋嚟話要收啲吉碟，咁好啦，做過侍應都知想快啲執好啲張枱，咁如是者我就同啲同事繼續傾偈食嘢由佢收，點知個呀姐收收下突然同我地講: 你地唔好講嘢啦，你地唔驚架咩？我好驚你地啊！首先，冇人叫你過嚟收嘢，你自己喺人地食嘢嘅時候過嚟收收收已經極度冇禮貌第二，食嘢除底口罩喺法例上都批准，而且亦冇話唔可以一路食嘢一路傾偈第三，真係咁驚你可以帶埋眼罩耳罩，其實最好係等啲客人食完帶翻口罩再過嚟收枱我都費事再加鹽加醋，大家想去感受澳牛版嘅韓國餐廳侍應就去試下，不過利申，啲嘢食係同澳牛冇得比！(味精嘢)P.S. 同完佢個餐廳經理反映完重要俾人催埋單，而且嗰時係冇人等緊位！出色！

我已經等三次去食新高麗苑，前兩次都係舊鋪(一次外賣，一次堂食)，兩次都係食午市飯套餐。早排同我老公講，可以中午黎試下新高麗苑，然後佢睇到有麵套餐，就勾起左佢注意，所以我今日去左試食雞肉麵套餐配辣湯。呢個麵真係好神秘，因為一直都無人post過係咩樣！等我分開幾樣項目黎評分先:湯: 3.5/5 雖然係辣湯，但事實上都唔叫辣，飯套餐跟個個牛骨湯分分鐘辣過佢(白胡椒個種辣)。唔知係咪太小人叫？落單哥哥問我個湯會唔會太辣😂😂😂我本人覺得可以再辣d麵: 5/5 麵份量夠多，幼米線，好滑身。我食完d麵都無發脹過。雞: 3.5/5 由於佢本身係主打韓燒，基本上所有肉類都巳經醃得好甜。微辣鹹湯配甜肉類，我本人一般。配菜: 4/5 有日本魚蛋，蔥，芽菜，不過不失。前菜: 4/5 佢有好多選擇揀架，不過如果你好清楚你想揀咩前菜的話，落單個陣要同佢講埋，如果唔係會隨機拎比你。我問落單個位哥哥，有無d咩前菜無咁涼，佢就推介左菠菜同粉絲比我啦。甜品: 5/5 羅拔臣啫喱杯，好難會難食😂😂食個甜品係大滿足d既。總結: 可能有堂食加一既關係，堂食出餸超級快！ 我應該12:40前入座，13:05食完準備埋單😂😂

喺灣仔返工的人無可能唔識新高麗啦～午市套餐，我個人推介蛋包魚，係一舊熱辣辣既魚包喺蛋皮內，非常美味隨餐附送牛尾湯（有胡椒所以少少辣）及2個前菜前菜就好random既，有時係韓式粉絲，有時係豆卜，有時係酸既青瓜（餣過），有時係芽菜，有時又有泡菜...最驚喜的一次係有煎魚餅🤣 果次睇住佢放低喺我枱，而隔離枱係普通既前菜，我隱約感受到該枱食客傳黎既酸味～sorry 搶左你既前菜 죄송해요🤥午市套餐仲有送啫喱（有花奶）每次都食到好飽😜

呢間位於灣仔駱克道161-165號恆達樓1樓，主打韓國菜，中午以韓式套餐為主，今日我第一次去食，覺得經濟、好味、夠飽，簡直可以日日來食，成為我嘅OL 飯堂，一向喜愛食韓燒嘅我，午餐雖然無得燒，但熟食食物都很吸引，我今日叫左牛排骨跟飯，好豐富，每個餐有2小碟前菜，一個好好飲嘅蘿蔔湯，主菜牛排骨，重有甜品我的最愛啫喱，應該是羅拔臣啫喱😋。侍應服務態度很好，有熱誠。有機會要試下晚餐，侍應話晚餐是放題形式的。正👍🏻😍