生生。泰港知味 (Closed)

想食泰國餐, 知道這裡有套餐, 可是今天除了海南雞飯外, 全都是咖哩, 兩樣都吾啱就只有港式套餐. 叫了一客蒜香豬扖飯.  一塊連骨三吋成四吋風吹得起的豬扖是熱的, 其餘都是冷飯殘菜, 入口都要馬上吐來. 碟飯連汁都冇一滴, 連泰國餐廳桌上應有的日常調味料都欠奉. 乾吃了一塊豬扖, 肚子感覺仍是空空如也, 上街要買個椰嗹頂肚. 連加一白白花了66元,連椰嗹5元, 合共花了72元. 食完等於冇食!我朋友點的是魚片頭米粉, 來的是墨魚丸米粉. 吾覺意吃了, 冇得抗議想要兩杯清水, 叫了三次等咗十分鐘才有. 連加一兩人合共消費127元.

Went to this restaurant with some visiting friends because they want to have Thai cuisines. We've been to all the good Thai restaurants on Amoy Street, so we thought we try this new "Thai cuisine" restaurant. It was very dissapointing! Nothing says Thai in all the dishes on the menu. It's just a very average Chinese cuisines and don't look appetizing at all especially one of the dishes supposed to be a beef dish but it was just mostly leeks with few slices of beef. When we asked why only few sli

其實作為 Foodie 最享受嘅都係介紹吓啲冇乜人識嘅餐廳～同埋冷門或者唔起眼嘅嘢食～呢間泰菜樓面望落幾有格調，似西餐多過泰國菜 😁 訂位半價試咗佢哋呢個幾特別嘅菜式原個椰子海線焗飯 ❤️ (半價後 $64)評分：7.5/10.原個椰子👀做招徠出到嚟個樣都好壯觀 👅 飯好香同埋好重椰奶嘅味道 🤤 其實有啲似葡汁焗飯但冇咁重口味 🙆 簡直就係泰國版嘅 risotto 😛 同埋個份量都實際，入面椰子肉可以自己再刮嚟食。海鮮材料都算幾多元化，有兩隻青口插係面，飯入面仲有幾隻大蝦同埋大大塊嘅魷魚 😙 比起平日食開來來去去都係咁嘅泰菜呢個焗飯都算幾有新意凍泰式奶茶 ❤️ ($11)評分：8/10.奶茶甜味恰到好處，✌️ 都唔錯

去開灣仔一定要試，社企辨的泰國菜， 十分特別，午市套餐$62-70不包飲品，好耐冇飲凍檸茶，只是$11，呢度嘅茶靚，茶味香濃好過連銷快餐店，午餐絕無加一，又坐得舒服，一定會再來的。

午飯時間到，今日同事帶我去試新嘢！生生個名好特別，應該似係社企？環境我給滿分💯，因為座位寬敞，枱面和餐具🍴亦很乾淨！大家點了3款午餐。黃咖喱牛腩飯: 很香，味道偏甜，如怕辣的朋友亦可一試！牛腩很稔，還有很多薯仔，所以很滋味！泰式滷水豬手伴雞蛋飯: 原全去骨，所以不怕吃得很辛苦！而且豬手很入味，值得推介！鮮蝦雞肉炒金邊粉: 同事說很可口 ，而且份量充足！椰汁冰: 椰汁味很濃郁，但偏甜，下次會要求少甜！整體食物及環境不錯，所以值得推介。Menu如下:

去開灣仔合和中心做gym， 就係附近搵食補充下體力～💪🏾 「生生。泰港知味」裝潢簡樸， 不過勝在坐得挺舒適。 泰式小食拼盤 （迷你）($118) 有炸春卷、炸魚餅、炸蝦餅各兩件， 炸蝦餅新鮮熱辣炸好，脆炸彈牙， 蘸上泰式辣醬，簡直無懈可擊嘅組合！😋 魚餅魚香味重， 春卷外皮炸得香脆可口，蔬菜餡有點dry， 如果多d肉碎會惹味d～🙊 泰式蝦肉炒金邊粉（$108） 用蛋網包着整個金邊粉，賣相精緻～ 金邊粉沾滿醬汁， 雖不是乾身嘅口感， 但勝在粉條質感彈牙，甜中帶酸， 配上香菜、雞肉和鮮蝦等，口感更豐富！😋 黑白糯米飯配泰國鮮芒果（$58） 心型賣相黑白糯米飯相當精緻！😉 黑白糯米軟熟，兩種糯米一起吃更有口感， 淋上香濃又邪惡嘅椰漿， 正！ 旁邊還有鮮甜多汁嘅泰國芒果呢～☺️

第一次見幾位新朋友，當然想印象分好少少，加上大家都喜愛食泰國野，所以去左間地點都方便，價錢又經濟既泰國餐館。地點位於灣仔，係正胡忠大廈對面。路痴都識去～去左目的地就見到一間黑色既餐廳。呢間就係今日我地要食好野既地方啦！坐底一陣已經有位侍應哥哥備好茶水，招呼相當細心。都有略略介紹今晚有咩好食既野，唔洗我地大費周章去諗食咩。商量左一陣，最終出爐內今晚既晚餐有以下呢幾款～－海鮮套餐泰知味特色冬蔭公湯配大頭蝦　湯頭唔算太辣，偏向酸味，怕辣又想試既朋友不妨一試。配料足夠，有洋蔥，白菌。唔太油膩～飲到少少青檸味。幾醒胃！仲食到一隻開邊完整連殼既大頭蝦！蝦肉新鮮彈牙二人分享岩岩好，唔錯！泰知味香茅燒海魚　呈上時候烏頭以一個圓碟底下有放好一塊蕉葉，其好處就算魚肉放涼都唔會痴住隻碟，做法細心。烏頭已去皮，以燒方法烹飪，但魚肉唔會太乾，恰到好處。食落口無腥味，證明烹飪前有處理好內臟，唔會食到苦澀味。魚骨原條取出都唔會痴肉，咁樣食大大舊肉都冇問題～由於魚肉新鮮，再加少許鹽，香茅去燒，味道簡單而足夠，不必外加醬汁蘸點品嚐。泰式素菜春卷　擺盤精緻，聞上去帶有油炸香味。春卷表面唔油，咬落帶鬆脆感。餡料有蘿蔔，木耳

嗰晚同朋友一行四人去食飯 ，因為多數叫海鮮就order咗支白酒 。 個侍應開咗支酒倒畀我哋 ， 我哋拎起個杯先發覺支酒冇雪到嘅!!!!oh my god!!!!乜嘢食肆竟然將枝吾凍既白酒攞畀 人客???? 最慘係同個侍應講，佢畀我哋嘅反應係:哦，唔凍呀。跟住擘大個口望住我哋 !! 完全冇想去跟進嘅意欲。跟住再同個經理講 佢先攞一啲佢聲稱雪凍咗嘅石頭仔畀我哋用 (作用類似冰嘅物體) 畀我哋張杯酒加凍，但其實嗰啲石仔都係唔凍嘅!! 但我哋出嚟食飯唔係 求開心聚會吓，唔係搵交嗌，所以都算啦，倒剩個半支叫佢拿拿聲雪凍佢算數。跟住order咗冬陰功湯， 呢個湯叫做全晚最好飲嘅啲蝦夠新鮮 蝦餅春捲拼盤， 蝦餅佢應該都係求其買現成嘅炸，春捲一啲都唔脆。海南雞 ，雞唔得啲肉霉嘅馬拉盞炒通菜， 鮮蝦粉絲煲，一個素菜炒河粉，其他就 還可以啦，味道一般但又唔覺好泰式風味， 唔太難食咁囉。 賣相又唔係話好靚所以都唔係碟碟都有影相。同埋 食肆 嚟講收10點又真係太早，食到差唔多啲 侍應 棟喺度望住你，都搞到你周身唔自在所，以都係冇下次，除非你食快餐，食完就走啦。另外可能佢因為新喇，環境都算乾淨，係細咗啲囉。咁嘅

朋友相約星期五放工後, 就到灣仔區食泰國菜, 就來到 ~生生.泰港知味。 店裝潢乾淨簡潔,地方不大。*三人食選了2人海鮮餐$480 + 另點半隻海南雞$128 *【即開泰國椰青】 (跟餐)優惠價$25 *【泰式素菜春卷】(套餐) 這春卷熱乎乎的, 是剛炸的,入口不錯外脆內軟,餡料好多,沾點甜酸更滋美。*【泰知味特色冬蔭功配大頭蝦】(套餐) 湯內有大頭蝦等海鮮,所以湯有海鮮甜味,帶酸味可惜無乜辣味呢!*【馬沙文咖哩煮蟹肉】(套餐) 這菜上有好多蟹肉, 配上蔬菜有西蘭花,蕃茄及南瓜,所以咖哩好甜,如多點咖哩送飯更好更美味。*【泰知味香茅鹽燒海魚】(套餐) 切開外層被燶煙燒黑黑魚皮,展現雪白的魚肉,單食魚肉嫩滑非常,另可沾點醬料,別有風味。*另點【泰式招牌海南雞】 (半隻) $128 這海南雞煮得很嫩滑不老, 但不夠海南味似白切雞味多D,可沾秘醬,更加添味美!*【椰青大菜糕】(套餐) 這大菜糕不太甜,內有椰青肉,味道不錯。

食泰國菜唔一定要出九龍城，灣仔依間泰菜唔單止味道好岩香港人，仲好地道添呀，的確有水準！叫咗一飯一粉一小食兩野飲三款甜品。首先上咗個咖哩牛腩飯先。依隻咖哩辣辣地，食到味道好有層次，有椰香得嚟帶啲東南亞香料嘅味道，會令你不停送飯食，好惹味，牛腩大大舊而且份量好多，肉煮得好軟嫩，又會太嚡口。鮮蝦冬蔭公米線，蝦肉彈牙不霉，米線煮得岩岩好，又滑又彈，唔會煮過龍 淋曬。冬蔭公好好飲，辣辣地又有蕃茄嘅香甜，同我之前去泰國旅行飲嘅好似！炸蝦餅熱辣辣好脆口，一啲都唔油膩，蝦肉有彈性 唔會太淋，加埋甜酸醬食一流呀。甜品叫咗千層糕、椰青大菜糕、芒果糯米池，千層糕嘅斑斕味同椰汁味都好濃，道咁聞都聞到好香，糕嘅質感 煙un得嚟又彈口。椰青大菜糕，入面一大舊椰子肉，椰子肉爽口帶有椰香，大菜糕係用椰青水整，非常清甜。芒果糯米池好大舊芒果肉係入面，係好香又好甜嘅芒果肉，糯米皮係用芒果汁整㗎，整體好有芒果香，個皮好煙un而且偏厚，但我鍾意啊，因為佢好有咬口！野飲叫咗椰青同龍眼冰，椰青水好清甜，椰青大大個入面仲有好多椰肉，椰肉好嫩好爽口一啲都唔柴。龍眼冰好多龍眼肉，夠凍又夠甜，佢隻甜唔係死甜個隻膩，係清清地個隻甜，好好飲

隨好友到「生生。泰港知味」午膳，餐廳裝潢沒有任何「泰式風味」，較一般港式茶記「企理」一點。 午市有十款主食供選擇，飲品甜品小吃可以優惠價另外付費追加。 「招牌無骨海南雞飯」賣相一般。海南雞講求味鮮肉嫩，這方面的評價亦只屬合格，尤其雞肉調 (鹹) 味可略略減少一點。如想吃同樣菜餚，灣仔有其他選擇。

係灣仔一間好食抵食又坐得舒服既泰菜❤️泰式菠蘿雞肉炒飯$98炒得好乾爽 菠蘿味好香 有好多雞肉 仲有臘腸 好惹味泰式蝦肉炒金邊粉$98蛋網包住金邊粉 上面的蝦好鮮嫩 金邊粉炒得好有鑊氣 口感啱啱好 馬拉盞炒雜菜 $78馬拉盞係好香帶少少微辣 份量都好多 大頭蝦冬陰公 1-2位用$88呢個冬陰公多咗番茄 係平時嘅冬陰公味不過多咗蕃茄嘅甜同酸味 飲落冇咁辣黑白糯米飯配泰國鮮芒果$58整得好有心思嘅糯米飯 係心型㗎😍😍 糯米飯口感整得好好 好糯口 有椰漿係旁邊☺️☺️芒果好甜 😍

最親愛的朋友去旅行一個月終於回來了等不及就馬上約出來見個面來到了這間小店裝潢不算是華麗但是走進出就是溫馨的感覺店裡的員工每位都很是有禮招待我們坐下後邊耐心介紹餐點-選了一個二人套餐份量不少的小吃湯品主食小菜甜品外加兩杯特飲對於兩個女生來說絕對是足夠的-海南雞飯 ： 雞肉鹹淡適中，肉質非常嫩滑配上香味十足的油飯絕對是整晚讓我最滿足的一道菜-大頭蝦冬陰功湯：我非常愛吃偏酸的冬陰功所以這間小店的湯對我來說是很適合的美中不足的是蝦肉煮的有點過頭，肉質偏老-龍眼冰：珍多冰是朋友點的龍眼冰是我吃泰國菜必點的甜度剛好就是覺得龍眼顆粒比較少了點-整體來說還是很推薦的餐廳環境很適合朋友聊天或者是家庭聚餐食品味道也算是中上的

同朋友相約食晚飯,黎到佐系灣仔ge<生生.泰港知味>顧名思義系主打泰國菜ge餐廳,泰國菜都係香港人最中意食ge菜式之一,今日就試下呢度ge泰國菜先!打開餐牌都係非常多食物種類比客人選擇,飯,粉,海鮮,甜品,小炒,應有盡有!泰知味特色冬陰功配大頭蝦泰國菜點小得冬陰功,仲要系大頭蝦做湯料ge冬陰功,湯非常鮮,而且有好多唔同香料系入面,好好味,唔會話好辣,比較適合香港人ge口味,大頭蝦真係大大只咁,拆開蝦肉鮮甜,吸收埋個湯汁,更加好味,個湯夠曬開胃啊!明爐烏頭魚主菜,明爐烏頭魚,唔會話好大條,不過我覺得如果2個人食ge話就啱啱好啦,魚烤得啱啱好,唔會話好多細骨刺,每一口都係魚肉,好鮮.泰式蝦肉炒金邊粉金邊粉又系食thai food必點ge菜式啦,旁邊有d花生碎,糖碎,芽菜,韭菜等,仲有小小青檸汁,撈埋食,好正!金邊粉彈牙,炒得啱啱好,味道都好有系泰國食ge感覺.黑白糯米飯配泰國鮮芒果甜品就叫佐了個黑白糯米飯配芒果啦,黑白糯米就系普通糯米+黑糯米,普通平時食ge糯米就煙un d,棉d,而黑糯米就有咬口,但更加香,口感幾好,個芒果都好甜,飯後甜品一流啊泰式珍多冰仲叫佐杯珍多冰飲下

泰知味2人套餐（$380 + 10%)今次黎到呢間灣仔呢間新開既泰國菜，晚飯時間叫左店裏人氣熱賣既2人套餐，非常抵食！套餐包括有小食拼盤、海南雞飯(半隻)，大頭蝦冬陰公、馬拉盞炒雜菜同餐飲等等。海南雞份量都幾多，夠2-3個人食，無骨嘅雞食落好方便，肉質嫩滑鮮味，就算唔點醬都好好食，而配搭既油飯好香，好快就KO左成碗🤣 炒雜菜既份量好多，有好多唔同種類既蔬菜，馬拉盞好惹味，食完成個人都健康左☺️ 套餐既小食拼盤有蝦餅同春卷各4件，2樣都炸到好香口，細細件唔會食到好膩。另外仲有2人份既冬陰公大蝦湯，冬蔭功湯落左好多香料、菇同大蝦，味道好濃郁，酸辣度岩岩好，值得一試👌🏻飲品方面推介大家一定要試下佢呢度既即開椰青，非常清甜！👍🏻