新巴黎越南餐廳 (Closed)

中環食午餐已經食到好悶，有時時間許可，我會坐車去銅鑼灣搵食。今日就去咗金百利，隨意搵咗間越南餐廳試吓。打開餐牌，午市套餐都好多選擇，價錢仲好經濟😀最後選咗我以下嘅午市餐單：火車頭湯檬，洛神花茶 $64酸辣鳳爪$22價錢經濟，但係份量一啲都唔失禮，全部都係大大碗大大碟。火車頭仲好大份量好多料，真係食得好滿足，杯洛神花茶都真材實料，好掂👍🏻鳳爪又係好大碟，整得好入味。埋單88，無加一，喺中環一定食唔到👍🏻👍🏻

平日路過銅鑼灣，上金佰利廣場找吃，此店位於5樓，中午1點時段，得3，4枱客🥺，有點冷清。見有套餐(主食+飲品)，叫咗個火車頭湯粉和洛神花茶$68，加小食炸蝦餅$32，不用加一。火車頭湯粉， 👍份量十足，有6片牛肉， 兩粒牛丸和一大嚿蘿蔔，味道算佳。🦐炸蝦餅，肉質彈牙，好味。洛神花茶，頗清淡。旺區，小店， 價錢實惠， 環境企理，值得再來😋

今日放工諗唔到食乜，經過銅鑼灣就去咗老字號嘅新巴黎越南餐廳，夜晚七點幾加埋10個人都冇，坐低就嗌咗一個火車頭越南湯檬，有牛柏葉牛丸，同埋牛肉。因為好少客，唔使3分鐘就有得食，熱辣辣湯底夠味冇味精，牛肉都算多，而且質素幾好，至於牛柏葉同埋牛丸就正常發揮，蘿蔔都入味。包埋洛神花茶，甜甜地幾好飲。坐咗半個鐘，客人一半都唔滿。埋單先至$70，而呢個質素絕對交到功課，值得有更多人幫襯。另外想講埋環境乾淨，坐得舒服，而且店員服務有禮貌。

星期一晚單支去銅鑼灣搵食，突然想起好耐無食新巴黎所以立即行去金百利。一上到5樓行入新巴黎真係嚇我一跳，6點9全場只得一個客! 老闆請我自己揀位隨便坐，我諗咗一陣就揀咗香茅雞翼豬扒撈檬跟金桔檸檬。大約5分鐘就有得食，味道不變， 2隻雞翼炸得好香脆又夠juicy， 香茅豬扒係切碎幾舊而不是完整一塊， 不過實在係生意難做， 食材方面份量難免係要減少啲 ，我都完全明白嘅……唉食物質素味道都保持水準， 晚市收加一， 所以盛惠$67。 我真心覺得價錢實惠， 餐廳環境雖然唔係富麗堂皇但係乾淨企理， 絕對值得各位嘅支持。大約7點半前離開， 銅鑼灣嘅街頭人流感覺上有啲疏落，Sogo對開嘅紅綠燈位唔再企滿等過馬路嘅人， 最多人嘅地方就係地鐵站巴士站小巴站， 好似冇乜人想留喺銅鑼灣嘅感覺，難怪香港嘅餐廳食肆好似要排隊執笠咁，好sad……

叫外賣做晚餐, 雞絲扎肉撈檬餐, 健康之選. 銅鑼灣五十幾蚊食到個晚餐真係好抵, 都幾好味添. 外賣更加減五蚊, 跟餐小食又係外賣減五蚊! 餐包一杯嘢飲, 叫咗杯熱洛神花, 甜甜地幾好味! 另外一份外賣叫咗個蟹肉撈麵餐. 呢個貴少少, 要八十幾蚊, 不過有蟹肉就唔緊要啦! 連埋啲撈麵汁都好味! 不過都係鍾意雞絲扎肉檬多啲haha. 之前食過佢哋啲雞翼春卷檬都非常之唔錯. 一定會再返去食! 尤其係個地點咁方便, 又多座位, 平平地就可以食一餐. 都幾推薦!

新界仔今日出城威威 出左銅鑼灣完全唔知食咩好日日都33~34度🥵熱到人都癲 個個叫我食拉麵🍜@點食呀我要爽 清涼🌬️@又要好食最後決定食越南野😏😏香芧豬扒雞翼撈檬 $58豬扒好入味 好香口 雞翼又炸得夠哂脆份量對於我講啱啱好加左$18 叫多2條春卷滿足我為食嘅心😋😋樣樣嘅調味都做得好出色爽🌬️🌬️

黃昏去既時候，因為未太肚餓，所以想同男朋友share一個餐。入去前已經問左staff係咪可以share一個餐，再加個小食。距冇答淨係問我地係咪堂食叫我地坐低。我地坐低之後準備落單，距翻曬白眼話，唔得wo，我地最低消費每人一個餐，態度語氣係超級差差差。而且成間餐廳燈光好暗，地下都好多污跡，睇落好唔衛生。

呢間餐廳位於銅鑼灣既金百利廣場我都係呢日先發覺原來呢棟大廈有咁多餐廳 真係大鄉里😂 我叫左豬頸肉撈檬 （$59）豬頸肉份量超級多 大概有8-10舊仲要好香口 邊邊少少焦 好入味 又淋仲要上面有超多蔥油 同埋蘿蔔青瓜🤍令到成碗麵更加香呢個好加分🫶🏻我個人覺得呢間性價比好高既餐廳好值得去我見到佢哋仲有好多唔同種類既麵/飯而且open rice 好似幾推介佢哋既海南雞飯😍又或者咖哩👀下次可以試試！📍 新巴黎越南餐廳 (銅鑼灣)地址：銅鑼灣記利佐治街1號金百利廣場5樓

喺銅鑼灣金百利搵嘢食，決定去呢間新巴黎餐廳，呢間舖頭開咗咁多年都魏立不倒，價錢親民，分量足夠，而且味道都唔錯！原本想食咖喱+薄餅，但選擇就少啲，得雞肉同軟殼蟹，青口。-最終揀咗青咖喱牛腩撈檬套餐～加$33 2件炸蝦餅，蝦餅脆得黎唔會成口油膩嘅感覺～-$98半隻海南雞色兩杯嘢飲，啲雞肉好滑好嫩，加少少醬汁已經好好食😋-豬頸肉唔會太鹹，唔會好乾好硬，啱啱好-滷肉大陽蛋飯就正正常常～喺銅鑼灣呢個價錢份量質素同味道真係唔錯！雖然覺得杯嘢飲方面就比較少啲，同多冰，加$15既青檸梳打飲兩啖就冇了～😂

當日走完花展來了這間越南餐廳的，我跟媽媽分別叫了2款東西食，媽媽叫的那個是推介，我叫那個是清湯，但我想說這個價錢不是太貴，而且食量都挺多的。媽媽叫了越式牛肉撈蒙，我叫了春卷雞翼湯蒙，我的那個湯真的很淡但配上春卷和雞翼就會變得剛好，味道不會太淡。反而媽媽的越式牛肉撈蒙，樣貌似小粉但味道比較香口，惹味。我們跟叫了小食米卷及串烤。

金百利有好多間餐廳，每到食飯時間都要排下隊先上到樓。金百利數一數二最出名係傷心酸辣粉，而呢間餐廳就係在傷心酸辣粉同一層。-抵食(大部分$70有找)-少人-店員都有善 推薦食物:1.香葉辣肉碎飯：佢個煮法同平時既泰國個種有啲唔同，因為加左四季豆。有個sunny side egg, 味道不錯。2.海南雞飯：普通的海南雞飯，雞肉都好吃的，但唔係白色滑雞皮個種海南雞做法。雞皮係黃色，當普通雞飯係好食既。總的來說，係抵食！

我個人好鍾意東南亞嘅食物，除咗色泰國菜外另一個鍾意食嘅就係越南菜，之前亦都特登為咗食越南菜飛咗去越南嘅河內同胡志明市。而今次介紹就係喺香港都有歷史喺銅鑼灣開咗好多年嘅新巴黎越南餐廳當日中午時間所以大樓地下已經排滿人龍上餐廳，上到去等咗一陣位，叫咗兩個食物。1. 牛油雞翼，即叫即炸，所以夠脆，唔會話太厚粉，雞翼大大隻而且好夠肉，但係可以再重牛油味多啲以及份量太少。2. 火車頭湯粉 （有生牛肉，牛丸和牛柏葉)幾特別，牛丸好好味，如果粉麵份量多一點會更好。

本身由中學去到今日依家我都三張幾。一排冇去，之前都覺得中規中矩啦。今日呢，加18蚊油菜，白烚。加18蚊春卷，我隻手指公咁大條仔切一半。一湯粉，湯底係人哋烚魚蛋D水。炸脾飯，一大碟蔥油小小豉油都唔落…水吧嘅出品題都廢事題啦come on mannnn係，個煎鴨肉炸脾還可以嘅，不過都冇乜用喇。星期日難得出街諗住食D嘢都可以食到我倆個人冇晒mood，諗諗吓重越諗越嬲。其實俾D心機，自己試吓自己出品先啦。你租貴？大家都明。你有立場，好明顯。但係可以食餐晏食到人咁鬼唔高興難聽講句咪鬼做啦。

《不負責任食評 — 新巴黎》評分：🌕🌕🌕總評：呢間越南餐廳應該係銅鑼灣屹立咗好多年啦見佢lunch time都係好多打工仔會去食的確佢價錢係唔貴嘅 啲位又唔會好迫👍🏻但味道來講就比較一般湯河個份量都幾大 牛肉唔算好少但佢個湯底一飲落去好似公仔麵我諗係嗰啲牛骨湯味粉feel😂 火車頭湯河啲牛丸都係好普通打邊爐嗰隻成碗粉可以話係唔會有啲咩驚喜比到你 只可以話係平平哋又入到口咁😯小食我就覺得唔需要嘥錢加啦無論係炸魚餅定炸雞翼都唔係幾好食雞翼個粉仲好厚 食落好油膩🫣見佢價錢唔貴又係良心小店想食平啲都可能會再揀佢🤣

呢間環境非常一般😓好需要裝修，好似就快結業咁😓員工1-2名，客人不多，好想食生牛肉河之下走去食越南野，上到枱自己都無勇氣生食，只好浸熟D😅湯底唔夠味😓炸蝦餅爽口彈牙、無過火，越南春卷都可以，椰青唔知係唔係放得太耐有D收𢇁感覺，可能係環境影響食嘢心情🤷‍♂️