新巴黎越南餐廳 (Closed)

今日上去新巴黎發現轉咗餐牌。 樓面多咗幾個後生仔。 原來舊老闆已經退休。 既然坐低咗, 咁都試下佢哋嘅嘢食。我哋總共叫咗三個餐加小食。炒雜菜。不太油, ok。酸辣鳳爪。有啲太辣， 但係味道ok。炸春捲自家製，好味。 足料。海南雞飯～ 滑！飯唔會太油但係夠香。香茅豬扒雞翼飯。 香茅味唔夠重。 豬扒雞翼炸完唔柴。味道已經同以前唔同曬, 但係份量都算足。 好難講好唔好食過以前因為始終由細食到大。 但係絕對有下次, 想試吓個黑船湯粉。

晚上六時多,與友人在銅鑼灣在思索吃什麼的時候,我們看見廣告牌上的新巴黎越南餐廳,由於我們都想吃麵類,所以,我們二話不說地就選擇了這兒。 炸豬排撈檬豬排炸得不夠香脆, 不太好吃！撈檬汁略嫌過於酸,酸多甜少。 牛肉飯牛肉粒太碎,肉質不佳,而且炒得蠻油的,不推薦！新巴黎越南餐廳地址：香港銅鑼灣記利佐治街1號金百利商場5樓R4室電話：+852 2302 1589營業時間：星期日至六 11:30–23:00

又係接女友收工的時候，銅鑼灣7點鐘食乜好？其實諗食乜嘢真係好頭痛🤦🏻‍♂️行去金百利睇下食乜好啦，就見到依間新巴黎越南餐廳，咁就去試試啦⋯⋯唔使等位直入，坐底就見到有$188套餐，女友話唔太肚餓，就叫依個餐啦👍🏻有例湯、炸春捲、咖哩雞、蒜蓉包同埋菠蘿炒飯個例湯非常之鹹，真係鹹到有D苦炸春捲非常油，我同女友各食一條就放棄咖哩雞無咖哩味，雞無雞味蒜蓉包冇蒜蓉味，就係得個鹹，應該加D牛油焗菠蘿炒飯就叫做入得口總結：係必定唔會再去PS：我同女友食完飯就返屋企，一入屋就即刻爭廁所，我哋兩個都肚痛😥可能係咁啱得咁橋啦⋯⋯

例湯好甜好好飲 咖哩牛腩幾多牛腩 好唸 蒸粉卷都唔錯 不過菠蘿炒飯就一般 炒菜略嫌多油 吸引之處係幾抵食 仲免收加一 服務態度都唔錯 星期五6點幾7點去食完全唔洗等位 野食都上得快

叫左個牛柳粒紅飯變左咕嚕肉阿姐仲要死話唔係話係好正常又青椒又洋蔥一齊炒係米做唔掂要做埋茶記？一個傳統牛柳粒紅飯都做唔好既餐廳比0分唔會再上黎食大家想食茶記就上黎試下啦

南乳雞髀飯😎$42(連熱飲)今日有要事到CWB🙈忽然回想起，以前響CWB返工的日子。經過金百利，見到以前其中一間飯堂原來仲響度😂最記得就係佢地個個南乳雞髀飯，上到去即叫👍店內依舊無環境，無裝修，夠曬頹🌝當然食物水準依舊，令我回味無窮😂

#生牛肉湯河 $39 (凍飲+$2)首先講下餐廳先 佢啲枱好痴立立而且啲水好油😖一坐低見到咁都覺中伏碗湯河送到嚟嗰陣 啲牛肉已經熟曬咁濟🌞個湯底好清好淡 要加好多酸醋先有味依間真係冇下次 真係唔會再嚟😵評分:1/10

今日lunch唔知食咩好，上網見呢間越南野唔錯，就想上來試下個生牛肉湯河。碗河粉一上黎，當然先試下個湯先啦，真心唔錯，清新得黎又有牛味，再試下d生牛肉，夠嫩夠滑，不過份量唔多，同埋野飲一般般。

好欣賞佢既米紙卷。so fresh. 材料簡單但係配埋佢個醬堅好食。最出色係li樣。牛肉粉都可以，份量都大。晚餐黎講幾抵。湯底都係帶陣微酸味。好多鋪頭都有li 個問題。

今日起金鐘有野做，搞掂曬d野之後約咗朋友食飯，但係金鐘d野太貴la，所以就掂地鐵過嚟銅鑼灣依邊覓食。雖然話銅鑼灣嘅野食係平過金鐘，但係其實都係偏貴，朋友推薦過嚟食，話依度平得嚟質素都OK，於是就揀咗依間。我地星期一7點左右嚟到，見依度都唔多人，十隻手指數得曬，所以可以自己揀位坐。依度每張枱都放咗一d調味料。我地一開始唔知最左手邊嘅係咩調味料，可能我地討論得太大聲，樓面嘅姐姐聽到主動走嚟同我地講係檸檬汁加埋辣椒同蒜頭整成，話係好野嚟。不過我地食湯河果陣加咗，覺得同湯河唔係太match。 生牛肉湯河($38)我發現原來有唔少人係唔敢食生牛河嘅，但係我就覺得生牛河係越南餐廳必食嘅食品。其實碗河粉嚟到果陣d牛肉已經有7成係熟左嘅，再浸下d牛肉，唔駛30秒已經熟曬。牛肉薄切，所以好淋，有一兩舊有少少筋。湯底本身應該係普通清湯，不過因為牛肉係直接係碗度整熟，所以個湯充滿住牛肉嘅香味。河粉只係普通嘅河粉，不過份量好多，食整仲有，下次嚟會再食佢。烤豬肉湯河($38)朋友加$10叫咗杯凍奶茶，我偷食咗少少，烤豬肉個味道有d似出前一丁麻油味公仔麵，不過我朋友就唔多覺。豬肉份量多亦都算嫩滑，比起烤豬肉，我覺

晚餐我地點左2人餐 加$20要明爐烏頭 條魚黎到已經無乜湯 咁就叫個侍應加啲湯比我地 我地叫佢放低碗湯 我地自己落就得 點知佢動作好大咁幫我地倒落去 彈到我地 之後發現原來佢倒左啲例湯落去 咁就叫個侍應埋黎 佢仲要話 咁都好好食架😑

同屋企人行開銅鑼灣，諗住求其揾間餐廳食少少野先走。味道一般唔駛講，但衛生同服務就...入座前已經睇左鐘係夠2:30pm，落單時都有講要下午茶餐！叫左一碗生牛河，碟配料係另外上，碗河粉食到一半，阿姐攞起碟配料望下，無問過我就擺返去出菜柜位（即係同其他配料放返埋一齊）。雖然我真係無食過，但阿姐真係肯定我無掂過？！野食到齊後，有人入黎坐隔離枱，落單話要下午茶，阿姐同個老細講：佢要下午茶喎⋯⋯老細望一望個客就話ok，然後無寫單，直接向廚房落單。咁就已經覺得奇怪，望下鐘都已經3:00pm，再望下餐牌，寫明係星期一至日2:30pm-6:00pm。結果埋單就收正價，原因係佢地未換卡！呢個規矩餐廳都無寫出黎，咁客人又點會知呢？！

去銅鑼灣整指甲隨意附近搵野食，今日想食有熱湯容易入口嘅野😂行到金百利廣場，見好多層都有好多野食，最後選左越南野，入到去好有家庭風味，好似去左人屋企食飯咁，只是要比錢🙈不過價錢相宜，平平地可以去試下。我和朋友叫了烤牛肉檬粉、烤豬肉檬粉和小食春卷，烤牛肉和豬肉比較碎、無咩烤味，湯底不過不失，反而春卷好味，裡面有芋頭，外皮香脆，相信是岩岩新鮮炸，連同生菜一齊食好有口感，可以中和番炸的油脂感👍🏻👍🏻

兩個人去食晚餐，一入到去，樓面啲人唔見哂，要自行揾位，然後想叫人落單，啲侍應淨係識叫「等陣，等陣」（唔止對我地一張枱係咁）但當天餐廳內嘅客人已經不多，佢地仲唔太理想落單嘅客人，而且做野嘅手腳非常慢，終於等到待應幫我地落單。我覺得我地係呢間餐廳食過咩已經唔重要，因為食物是不過不失，但我最唔滿意的是待應的態度，根本冇理過客人嘅感受。※如果大家真係想試下呢間餐廳的話，大家要留意待應落單時有冇有落錯食物，因為待應幫我們落單時，將雞翼落成豬扒，炒河落成湯河（覆單時係冇錯）所以大家真係要小心啲希望大家唔會好似我地咁開心入去，唔開心咁岀返黎呢啲野試過一次就夠，一定唔會再去食平時都唔會寫食評，但今次真係我食過以黎，覺得服務態度最差嘅一間餐廳

放工心血來潮想食越式菜! 2個人叫左碗雞翼湯濛，雞翼薰蹄飯 加個炒菜 同一杯飲料⋯賣相確實dry，食落一定唔可以話好食但唔難食，total $160.....或者呢個地點呢個價錢系好fair嘅。