Video
10-min walk from Exit B, Tin Hau MTR Station
continue reading
Telephone
65300288
Opening Hours
Today
12:00 - 23:00
Mon - Tue
12:00 - 23:00
Wed
Closed
Thu - Sun
12:00 - 23:00
Above information is for reference only. Please check details with the restaurant.
New York Club 📍：大坑書館街24號地舖🚗：天后地鐵B出口 步行9分鐘📞：+852 6530-0288💲：~HKD260/head for dinnerFood quality✔️：新型熱狗、餃子、炒suki、咖哩炒蟹、蝦膏炒飯、凍檸多、紅炆豬手👌🏼：蒜蓉包、新型藍莓芝士蛋糕、蝦餅總結：😋呢間全大坑no.1 不接受任何反駁 雖然明面上係賣上海菜 但大雜燴到泰越菜 海鮮 甚至熱狗🌭都有 小店嚟講包羅萬象到有點離奇 叫咗好多嘢冇伏好食 超推薦😋上海菜主要由老闆媽媽主理 店長主理泰國菜 先有呢間同時售賣泰菜同上海菜餐廳 並非fusion菜餐廳🙂↔️😋幫大家試咗好多樣 好難得係全部冇伏好食 仲要有啲驚喜 尤其係熱狗同餃子🥟係必點嘅小食 本身嗰包烘得好脆但最畫龍點睛係酸瓜 好好食 餃子超飽滿粒粒足料 係家嘅味道😋主食一定要試咖哩炒蟹同蝦膏炒飯 勁惹味同出色 建議各位預訂東坡肉 本來預訂咗但老闆唔記得當日賣哂轉咗紅炆豬手 炆得好淋食落係濃濃骨膠原感 炆得好入味👍🏼😋飲品一定要試佢嘅凍檸多 會有一個杯放咗青檸同益力多 梳打水就自己落 另外仲有枝gin睇情況落 落gin好飲好多 🤔非常特別地仲有藍莓芝士蛋糕🍰 好食 蒜蓉包係拎嚟配咖喱蟹 蝦餅都好足料🤔非常受歡迎嘅原因所以借用咗另一間店舖 當日我哋喺佢隔離間餐廳堂食🫡😨想打卡嘅朋友就未必適合你 擺盤全都十分平實 有種在家食住家飯嘅味道🥹
continue reading
家庭式上海X泰國菜，fusion菜有創意又好食，穩陣媽媽級好味🫶🏻・・・・・・・・・・・・・・・・・・・・🌭 新型熱狗 HK$36・味道：烘底包配酸瓜醬熱狗，鹹鹹酸酸咁，又幾夾幾好食喎！・口感：外脆內軟包底，酸瓜醬爽口，脆皮腸，掂。🍳 蠔仔炒蛋 HK$76・味道：好多蠔仔粒，唔腥，炒蛋嫩滑，底下仲有芽菜，惹味好食。・口感：飽滿蠔仔，同蛋比例1：1咁多，yum。🥟 水餃 8粒 HK$40・味道：上海式巨大菜肉餃配醋，家常味～・口感：好大粒XD🥬 豬肉生菜包 HK$76・味道： 就係平時食嘅泰式好西，豬肉粒辣辣地幾惹味，菜都新鮮，想像到嘅好味。・口感：份量幾多～🍛 蝦膏炒飯 HK$65・味道：以為會好鹹，點知係甜甜鹹鹹嘅炒飯，香口，加埋肉鬆，一級棒！・口感：飯粒乾身，粒粒都好飽滿，甜豉油包裹每一粒飯粒，好食。🥦 炒Suki HK$64・味道：其實係冬蔭功湯炒菜，酸辣平衡做得好好，不錯吃～・口感：菜新鮮夾爽口～🍹 蜜糖海底椰 HK$20・味道：冇料的，但飲得出微甜蜜糖同海底椰嘅味，暖胃～・口感：幾潤喉，順口輕身。・・・・・・・・・・・・・・・・・・・・🤰性價比：高～🤰9衝度：9衝～🤰結論：唔係上海菜X泰國菜，係一間餐廳有晒上海同泰國菜，兩樣都穩陣好食，掂！・・・・・・・・・・・・・・・・・・・・
continue reading
無法歸類嘅一間餐廳主打上海同泰國菜？🤣食左太多野開始失憶LOL推介叫荀殼魚🌟🌟🌟肉好嫩，皮炸到好脆但唔油🤩糖醋骨🌟：唔算好糖醋但肉好腍+個人偏愛豬頸肉蒜蓉包唔建議賽螃蟹：蛋白好老😟你喜冬蔭功蟶子炒suki好多野想叫都無（已經早1日講定）😢最安全就早1個禮拜講定
continue reading
有人推介，所以今日嚟試吓，六點左右到，即刻有位。凍檸多加Gin $27，未加Gin 冇乜特別，加左Gin 之後，真係完全吾同，好飲。新型熱狗$36，個包烘到脆脆地，酸瓜醬甜甜酸酸，加左芥辣，好味，今餐最好食系佢。水餃8 粒$40，個餡多菜少肉，好有家嘅感覺。燒豬頸肉$62，好香口要趁熱食，但肉質有點難咬，而且份量不多。豬膶生菜包$80，豬膶炒得比較硬身，而且碎濕濕，加上有啲肉碎，都惹味嘅，但係亦都份量比較細。越式春卷金邊湯粉$37，春卷好脆，但個金邊粉湯底完全冇味，真係吾建議叫。埋單$282/2位。
continue reading
NEW YORK CLUB 地方雖小五藏俱全。以大排檔形式經營，好有地道風味。老闆仲好細心，有幾碟小菜幫我哋以人頭計份量，包保去到每一位朋友仔都食到☺️✧ 凍檸多 $26 🍸原諒小妹妹見識淺薄，真係未飲過青檸溝益力多加梳打水。一開始建議唔好加酒飲，試左原味先。再加埋適量Dry Gin，味道係出奇地夾❗️係必飲之選❗️（偷偷話你知，Dry Gin 係任加㗎🥃）✧ 燻魚 $48 🐟睇落就冇咩特別，食落就知出事，真係好好味。。。🥹 外面小小脆皮帶點蜜糖嘅甜，肉質一啲都唔乾，仲好有魚🐟味添。✧ 燒豬頸肉 $48 🐷可以話係世一豬頸肉，爽口彈牙，香口又惹味😋。再配上自家製泰式酸辣蘸汁，真係好有風味。 如果厚切多少少，咁就真係冇得彈。👍🏻✧ 蝦餅 $42 🦐新鮮炸起嘅蝦餅好燙口，最好等一陣先食😅。外脆內軟，Q彈口感又有鮮味，再配埋甜辣醬一齊食，真係好難抗拒！✧ 生蝦刺身 $72 🦐每隻生蝦都配上一片生蒜頭同小粒辣椒，帶到新鮮同清爽嘅味道。配埋個青汁一齊食，真係好fresh! 係差在啲生菜底唔夠多，用個小盤上更方便。😽✧ 紅燒元蹄 $388 🐷今日重頭戲係呢碟紅。燒。元。蹄‼️食得出師傅真係用咗好多功夫🥹🥹，花左好多有心神去做，因為真係好juicy!每一嚿元蹄都好入味同上色。完美做到汁濃、味厚、油多、糖重和色艷，大甜大鹹，食完仲要唔口乾，非常適合重口味嘅朋友😉。✧ 蠔仔炒蛋 $74 🦪🥚同一般嘅蠔餅唔同，佢冇加粉漿所以口感係好fluffy🥰我個人鍾意食呢種口感多啲😽 蛋漿偏甜都有少少日式玉子燒嘅味道～✧ 冬陰公（大） $90 🥘整體個味都算唔錯，如果可以再辣少少，會更加惹味🙂。成個冬陰公都好足料，夠哂5-6 人飲。✧ 炒Suki $64 🥬個名好有特色😂，其實係炒時蔬配粉絲。成碟菜炒得都唔油，辣辣哋都幾好味，又唔鹹🙌🏻。不過菜切得太細，有點太散嘅感覺，影響到少少🤏🏻🤏🏻口感。✧ 泰式辣椒膏炒蟶子 （時價 ）🌶️呢度食到嘅炒蟶子好肥美🥹大大條肥嘟嘟！泰式辣椒膏偏甜又帶辣🌶️好惹味💦好啱愛嚟撈飯！不過我哋食得真係好飽，所以冇加飯～✧ 蒜蓉包配咖喱汁 $22 🥘🥖蒜蓉包唔係好夠蒜蓉味，可以再重口味啲hehe👅。不過，外脆內軟嘅Baguette，又係好難抵擋。重點係一定要加配咖喱汁，好重椰香味，又有少少辣沖擊下味蕾。✧ 新型藍莓芝士蛋糕 $36 🧀🫐New York cheesecake 真係又愛又恨❗️濃重奶香味，甜膩中帶點芝士鹹鮮。望上去同食落去都屬於厚實，只係略嫌餅底唔夠牛油香😬………………………………………………….味道: ●●●●●服務: ●●●●○環境: ●●●○○價錢: ●●●●○回頭: 𝙮𝙚𝙨 .ᐟ.ᐟ 𝙮𝙚𝙨 .ᐟ.ᐟ 𝙮𝙚𝙨 .ᐟ.ᐟ
continue reading