倪姐泰國美食 (Closed)

九龍城多泰菜就中所抽脂，但一般分為兩太類，一係就貴價環境好，一係就較為地道但簡單的小店。但今次我哋去到的呢間倪姐泰國美食，做到正宗地道風味得來又乾淨企理，絕對唔輸蝕比貴價大店。一入去就見到裏面的裝修都好別緻，好濃厚的泰國風味。餐牌上的食物價錢都非常親民，佢哋仲做緊一個優惠，買滿＄300加一蚊就可以換不同款式的菜式。由於我哋今晚要去做運動，唔夠膽食太飽，所以都係簡單點左幾款小菜。冬陰公好足料，味道偏酸唔太辣。大蝦真係足足有成隻手掌咁大，蝦肉鮮甜得來仲有唔少蝦膏添！海南雞飯是泰北的風味，同我地食開的港式海南雞有少少唔一樣，雞肉較為鞋口。炒通菜做得非常出色，首先通菜翠綠，馬拉盞的香味突出得來又無蓋過通菜原本的菜蔬香。我哋點左幾下串燒，每串都只不過係＄13。而當中我最鍾意呢款魚餅，坊間比較少機會食到呢款魚餅串燒。兩個人食得飽飽都係二百幾蚊，有一定的環境同服務，竟然仲無加一添！店員好友善，見我哋食飽飽都主動送來甜品，估唔到送的紫米露都幾出色。下次如果再嚟九龍城搵食，相信佢都會係我地的選擇。

又黎九龍城食泰國野！今晚朋友揀左呢間倪姐，話路過成日都見到好多人喎～不過openrice就無太多相，又觸動大家既探究精神！好彩我地7點黎，7半已經坐無虛席，出面仲有好多人排隊等位！《椰青》先來一個椰青，非常香甜，好啱中和番泰國菜既香辣味《芝士蝦丸》推介！蝦丸炸得金黃,蝦丸彈牙得黎有蝦既鮮味，咬到中間既時候芝士醬流出，質感濃稠《泰式生蝦》醬汁真係無得彈，生蝦附有兩款醬汁，非常惹味。而經過冰鎮既生蝦質感較緊實而帶彈性，爽甜《咖哩蟹》咖哩蟹味道未算非常惹味，蟹既肉質鮮甜，但咖哩味未能滲透入蟹中《冬蔭公（大）》大既冬蔭公剛剛好夠我地三個大食既女仔食！湯入面有好多蝦同菇，冬蔭公味道滲透曬入蝦內，好惹味，而湯味道酸酸辣辣，即使唔太食得辣既我都食得津津有味！隻隻蝦都咁大隻《炒金邊粉》金邊粉上有旦絲製成既網覆蓋金邊粉，炒得唔會太乾身份量仲幾多《生菜牛肉包》牛肉炒得好惹味！仲有蔥粒加添口感

一行四人，來到我最愛嘅九龍城食泰國菜， 見到新鋪，一於試一試，平時食泰國菜 ，多數都會去泰國街嗰邊 ，但係今次就比平時遠啲，喺門口見到有塊大大塊嘅易拉架仲有加一蚊換沙律。 冇理由唔試。我哋叫咗 柚子沙律，馬拉盞炒椰菜苗，豬肉生菜包，鮮蝦炒金邊粉，海南雞，菠蘿炒飯，炸蝦餅，糯米釀雞翼。先嚟嘅係柚子沙律， 我哋有隻沙律仲特登叫小辣， 柚子沙律用料十足 ，食物新鮮 ，柚子夠甜 ，配合埋沙律酸酸甜甜味道好開胃。再來馬拉盞炒椰菜苗， 炒得好有火喉 ，椰菜苗仲好嫩口， 最重要嘅馬拉盞， 仲有鹹鹹香香嘅味道， 真係唔錯 ，平時食炒菜最怕油膩， 好彩佢一啲都唔油。泰國菜我嘅至愛 ，生菜包 平時啲人成日都話我蠢， 做咩要食生菜包呢啲低下菜， 喺啲下欄嘢但係我就會話 ，煮得好食既生菜包，係好難，唔係個個咁出色， 如果係用機整， 個肉就會梅曬，冇左口感， 所以係有難度㗎。 今次呢間個生菜包， 做得都唔錯， 佢個豬肉餡 口感豐富，食落有層次，分到係一粒粒嘅豬肉碎，酸酸，辣辣， 鹹鹹 ，取最犀利嘅地方 ，係仲有一浸青檸味， 食落好香好舒服。 但係每次食生菜包， 遇到最困難嘅地方 ，就係唔夠生菜 ，今次都唔例

今晚朋友由外國番黎 成兩個幾月冇見 大家就決定去食泰國菜敘下舊 由於朋友有車就去左九龍城 超級方便門口拍完車就可以直接入去食 講番食物先 我地叫左個泰式咖哩蟹 原價$299 宜家都係$180 所以諗住試下 雖然d蟹係冇膏 但都算好有肉 以咁嘅價錢黎講算抵 記得叫埋個薄餅一齊食 點住d curry 汁一齊食好滋味 係一個咖啡好配搭 之後我地仲叫左個海鮮東蔭公湯 入面有青口草菇大蝦 都幾足料是同入味 仲有大中細揀 人少少就可以叫個細 之後仲叫左碟泰式炒椰菜苗 炒得幾好 最後仲有粟米西米露送

今日老公放假 好耐又冇食泰國野 所以就揸車去九龍城睇下有咩好食 竟然俾我發現到間新嘅泰國餐廳 然後咁啱又有位拍車 所以就行左入去試見老闆娘介紹泰式湯河 我地就叫左個海南雞船河 麵條非常有彈性 d雞亦唔會好劣 只係覺得個湯底鹹左少少 淡d會好d 之後我地就叫多個海鮮東蔭功湯 由於得兩個人食 所以就叫左個細size 湯幾濃味仲有好多料都ok 雖然冇叫咖喱蟹但就叫左個薄餅食 煎得幾香脆 如果下次多人叫埋咖啡蟹 可能一次點汁食會更好 同埋見到隔離枱叫左條燒側魚好似好大條 下次有機會會再叫😂😂

前兩日先由英國番黎 食左一日廣東菜就已經好掛住泰國野 所以就忍唔住同屋企人黎九龍城覓食 發現左呢間新泰國菜 ***一入到去就即刻叫左個泰式燒鰂魚 條魚比我地想像中大 最重要嘅係魚質非常嫩滑 絕對係必叫食物 我地仲叫左個鮮蝦炒金邊粉 好特別咁有層蛋係上面 食落去算係有鍋氣都唔錯 一餐飯當然唔少得一碟菜啦 泰式炒椰菜苗係我地每次一定會叫嘅餸 呢碟菜唔會太鹹亦唔會太辣幾惹味 由於天氣太熱就叫左杯泰式黑咖啡解解渴 食滿300蚊仲可以加一蚊叫多個芒果糯米飯 食完唔夠仲有西米露甜品送

好耐無去九龍城揾食啦 今晚朋友就話去唱K之後食thai food 非常期待 九龍城真係好似小泰國一樣 每隔一兩間店就有泰國小店 好精彩 !! 青檸Soda青檸味好清新 跟soda 解暑又可能減辣 酸辣鳳爪沙律 開胃前菜 無骨雞腳一口一件 越食越辣 越辣又越想食 生洋蔥絲芹菜同茜蔥 車尼茄 撈埋泰國salad酸辣汁 海鮮冬陰公湯 有大 中 小 size成碗湯都滿滿豐富海鮮 包括有蝦 蜆 尤魚同青口特別鮮味 整個冬陰公湯都非常出色酸辣適中鹹肉炒椰菜苗 用鹹肉餐椰菜苗 炒得幾有火候 燒雞全亦 同墨魚丸+雞腎 so far so good 燒得皮脆雞腎最好味 有咬口但黎唔會硬醃得剛好咖哩蟹泰式咖哩蟹偏甜 還加蛋花令咖哩汁更滑更香做緊推廣價$180 真係正價比高 肉質鮮甜 手抓餅 同咖哩汁點食 恐龍蛋 星期三優惠 只需要$1 就食到 還跟正價份量一樣 不會因$1 而減料蝦膠包著皮蛋炸 蝦膠彈牙 正食到飽飽 竟然還免費奉上糖水 粟米西米露 大滿足

舊同事約聚會他們話要去九龍城食泰菜聚下 他們已經不經不覺轉工半年了 想起一Team人做野好開心同埋些趣事 就係咁他們訂左倪姐 我本著未食過無所謂 我最鐘意試新餐廳 大家相約候王道口集合 一齊行過去 去到門口先發現咁熟面口嘅 間鋪就係我成日去開嘅金泰 原來已改名轉左老闆添 食物質素比之前還好 還可以用App 落order 送外賣架 龍眼冰 $20清甜龍眼香 夠凍解暑良品 酸辣鳳爪沙律 $55開胃前菜 無骨雞腳入味 辣度勁 配菜洋蔥芹菜蕃茄 實在惹味 令到唔食得太辣都食左兩件 海鮮冬陰公湯 S size $78好多款海鮮 鮮蝦 尤魚 青口 大蜆 菇類黎煮呢個湯 無得輸 酸辣味刺激到味蕾 正呀 有層次 咖哩炒蟹 $180(做緊promotion好抵食) 原價差不多$300 必食項目 咖哩汁唔辣好creamy還有洋蔥甜椒蛋花 蟹肉新鮮實肉 蟹蓋還有好多膏添 記得叫埋薄餅呀 用呢點咖哩同食 超滿足 燒雞亦 每隻$15燒雞亦我最鐘意 熱辣辣 少許濃帶外皮脆 但亦唔會燒到太乾 洽到好處芝士炸蝦丸 $75真材實料 彈牙蝦膠包著流心芝士 食時還熱到出煙 感覺到即炸 恐龍蛋 星期三優惠$1咋 其實每一日

今日尊誠去九龍城食泰國菜，一轉入侯王道，就見到有咪錶位，即刻拍低架車。周圍都係泰國菜館，花多眼亂，不過偶遇個朋友，佢介紹咗我哋去一間新開嘅泰國菜館，原來就係侯王道。佢話食過幾次好正，所以佢負責點菜， 叫咗個柚子沙律、肉碎生菜包、糯米釀雞翼、 炸蝦餅、海南雞… 佢話早啲嚟仲可以食鹽燒魚。夏天食柚子沙律，特別美美。柚子多汁又新鮮配上青木瓜， 甜甜酸酸少少辣做前菜幾好。再嚟一份香草碎肉生菜包，炒得香噴噴熱辣辣嘅碎肉，同新鮮嘅生菜包住一齊食，特別滋味。糯米釀雞翼做緊特價，所以叫咗兩隻試下。 不得了，泰式味道返曬嚟。佢用咗泰國嘅特別香料撈埋啲糯米飯，再釀入雞翼度。 有泰國風味，我相信如果鍾意食泰國菜嘅朋友都會鍾意食。海南雞一定要試，好新鮮，有食新鮮雞嘅感覺 ; 又滑又香，唔會太肥。最重要提一提大家，一定要點這個雞汁，有曼谷水門街雞飯汁嘅味道。蝦餅都要食，新鮮彈牙。今次朋友介紹真係唔錯可以再嚟。

這晚儍爸想食泰國菜 好自然的去了泰國菜林立的九龍城搵食喇 !!! 路過這間剛開業不久的倪姐泰國菜館，見到咖哩炒蟹半價 ... 咁抵食當然要試下 一坐下，大小魔怪就點了杯泰式奶茶和椰青解渴 燒烤雞和豬各 2 串 @HK$12 熱騰騰、圓碌碌的芝士炸蝦丸爽口彈牙，加埋裡面流心的芝士漿，好好食呢 !!! 我和儍爸好期待的 ... 咖哩炒肉蟹 原價 HK$299 現在新開優惠價 HK$150 就食到，超抵呢 !!! 有成隻肉蟹，不是細細隻果點，都幾大隻 肉蟹泡過油，食落很香口，咖哩汁味道香濃又嫩滑 多點了客薄餅點咖哩汁和青辣洋蔥一起食，咁就唔會嘥哂 D 精華我和儍爸拆蟹的時候，兩隻小魔怪就食 ... 蝦頭羔炒飯 HK$65 最後，仲送了一人一碗甜品 ... 西米露 西米露不太甜，裡面有很多芋頭粒，有芋香又有椰汁香 ** 以上分享是以我的口味、喜好和情況作出分享及感受，一試 / 合用與否請自行決定

九龍城的泰國餐廳開到成行成市，但賣泰式船河的應該只此一間。初開時食味道同在曼谷食的一模一樣，幾星期後去食卻覺得湯底淡了一點，未知是否為了遷就港人口味，但仍非常美味。而且價錢相宜，中午去食還送甜品，值得推介！

放假入去九龍城，首先品嚐 豪華的新鮮出爐蛋撻，晚上就去幾年前常光顧的泰國餐廳，不過同一位置已轉了倪姐，睇openrice算新開，一場來到就試下。生蝦都幾新鮮彈牙，有兩款醬汁，一個綠色以青檸為主，另外一款辣中帶酸幾開胃，不過全部都幾辣。薄餅 $30味道也不錯，但未夠乾身。椰青 $35椰青水頗甜，但椰肉較厚。芒果沙冰 $20有芒果果香，但如果芒果肉再多點更好。柚子沙律 $65柚子好甜好多汁，配青芒果絲食好正。蝦餅 $65熱騰騰，都幾彈牙，可是份量就少一點。 點了燒大蜆 $70，但左等右等也沒有，追單先知道漏單，以及剩下2隻大蜆，店員說2隻大蜆+4隻細蜆（原來5隻大），但我們拒絕了，就取消。之後廚房阿姐發現將我們的單變成外賣，所以放在外賣盒一段時間，又問要不要，我話擺左一段時間也放涼了，最後也要了，不過阿姐又拿去廚房加熱，唉不是會過熟嗎？有點智慧好嗎？幸好半路叫停，都不算過熟，不過太細隻不抵食，好後悔要了。埋單時看到柚子沙律及蝦餅均是收$65，我好記得menu 是$59，問店員時她就收銀機更新價錢，跟住就咆哮另一位店員menu 沒有改，感覺好似我們有錯，整體感覺相當不愉快。埋單$441，沒有

地方清潔乾淨企理，座位又唔逼👍🏻員工好nice用心介紹食物極力推介船河&串燒都好好食🤤🤤忍唔住走時仲叫多幾串外賣返屋企食😬😬仲有小波羅買走，好甜呀👍🏻👍🏻

同朋友經過見到新開左間泰國菜。價錢平民～食物都好味～咖哩抄蟹(隻蟹都好鮮甜，咖哩味岩岩好）生菜包(豬）、鳳爪沙津(岩岩好唔會太辣)、燒魚(燒得好香，一啲都唔腥)、泰式炒椰菜、燒豬頸肉(個汁酸酸辣辣)、串燒(豬、牛、雞)&燒雞弈(個沙嗲）、薄餅&蒜溶包5個人都係百幾蚊～老闆仲請食甜品添。飲品我鍾意佢個椰皇沙冰''夠味又品會太甜～''可惜生蝦賣哂走嘅時候見到有波蘿仔賣，買左兩個返屋企點知唔夠喉⋯下次一定要買多兩個先