倪姐泰國美食 (Closed)

女朋友突然之間又想食辣，今日一於同佢去九龍城食泰國菜。呢一區選擇非常之多，見到呢一間做緊promotion,食夠300，加一蚊可以多一款菜式，好吸引喎！就同女朋友即刻入咗去試吓。今日嘅一蚊菜係泰式青木瓜絲沙津。木瓜絲夠新鮮爽脆，味道正宗，酸酸辣辣好開胃。秘製咖喱牛腩，叫得秘製當然要試吓。黃咖喱味道唔辣，反而椰汁味同黃薑味好香。上枱嘅時候份量睇落好似唔多，但原來入邊都有十件牛腩。牛腩煮得軟熟唔靭，薯仔亦都好淋，汁夠多，叫多碗白飯就完美。食泰國嘢就一定要叫大蝦冬陰功湯，佢分咗三個大小，我哋就要左個中嘅。鍾意嘅份量都唔細大概有四五碗左右，大蝦有兩隻（分開一半足四件），兩個人分啱啱好，夠囇大隻肉質彈牙又有膏！冬陰功同係泰國飲既冇分別，夠辣又重香茅味！不過鍋底如果放返個火keep住熱就更正！男人點都要有米氣先覺飽，所以叫叫碟泰式滷水豬手飯。碟底完全冇油就知一定滷得夠耐，因為已經煮到油份迫囇出黎！果然豬手入口即化，豬皮黏口不油，味道濃而不過鹹。旁邊酸菜又醒胃，成碟清囇冇難度。螄蚶唔係好多地方供應，一見即叫。燒泰式螄蚶火喉控制好，剛熟，肉質juicy鮮甜！配泰式辣汁食落刺激又唔腥，冇叫錯！雖然依間店

就嚟要同班朋友一齊去旅行啦，就約咗出嚟一邊食野一邊傾下行程，我哋成班都住喺九龍城附近，所以就直接喺呢度搵返最出名嘅泰國菜食啦。今次去咗倪姐泰國美食，雖然個名唔同左，但係我見到都係原班人馬，信心嘅保證。牛肉生菜包＄65炒得有鑊氣，而且夠乾身，食起上嚟除咗有酸酸立立嘅刺激感之外，仲加左好多泰式嘅香料，識落仲有一份麻嘅感覺，牛肉炒得啱啱好夠鮮嫩。生蝦＄98份量都OK ,而且有兩隻醬汁揀，有酸酸甜甜，亦都有辣嘅。生蝦夠新鮮，唔會乾爭爭，配蒜蓉食會刺激啲味蕾好過癮。芝士炸蝦丸＄75有五粒勁大粒嘅炸蝦丸，一咬落去好似平時芝士丸咁樣，有好濃嘅芝士味道，但係又有蝦丸炸得香脆嘅口感，裏面嘅芝士比較液體狀，但係未到唔俾普通拉絲嘅芝士差。咖喱炒蟹＄180超大隻，炒得啱啱好，裏面嘅肉仲係非常新鮮，有冇過路，勁多咖喱汁，多到可以食兩碗飯。大蝦冬陰公＄158冬陰公嘅味道偏奶多少少，唔算好辣，啱返香港人嘅口味，裏面仲有兩隻好大嘅蝦，蝦膏嘅味道深左入冬陰公入面。馬拉盞炒通菜＄58夠大碟，分量足夠四個人share，炒得夠獲氣，每條菜都均勻咁樣沾上馬拉盞嘅味道。鮮蝦炒金邊粉$65上面個雞蛋網好靚好好睇，色香味俱全，金邊粉

芒果沙冰正！紅咖喱雞（$65）哩個紅咖喱雞出奇地好食，望落細細兜，但食落都分量幾大，咖喱好香香料味，裏面嘅雞肉份量夠足，食落唔會太辣，點多一份薄餅($30)配黎食就岩岩好啦。生菜包($65)生菜包揀咗豬肉，份量都幾多，識落偏酸，辣味唔夠，如果可以更加重口味就好啦。海鮮冬陰公湯($128)冬陰公湯冇火係下面燒住，飲到尾段會偏凍，口味偏輕盈，但好在海鮮份量都幾多。炒金邊粉($65)炒金邊粉嘅賣相好靚，食落酸酸甜甜，金邊粉唔會炒得太碎，落埋青檸汁同花生粒都唔錯。星期一至五消費滿$300仲有得加$1換指定食物，夠曬滿足啊。

又係blue monday時間，我約個泰國朋友去食泰國菜。門面門面有泰文字，一睇就知食泰國嘢。食物青咖哩豬青咖喱有泰國茄子，茄子食落去好爽口。青咖喱聞落去好有椰香味。個青咖哩真係要叫碗飯，因為青咖哩個汁唔太辣反而有少少甜；用嚟送飯就一流。豬肉切成片狀，食落去好淋好滑。大蝦冬陰功湯冬陰功湯有好香嘅香茅味，湯內有草菇、大蝦、豆角、芫茜、紅辣椒。飲落去有青檸味同香茅味。辣得嚟又幾過癮泰式炒椰菜苗呢款椰菜苗上放左面豉,椰菜苗唔係平時嘅椰菜苗。食落去爽口，無咸味反而有少少甜。炸魚餅食落去熱辣辣，魚餅又夠淋。一份有八件，有少少辣。聞落去有好香嘅檸檬葉味。魚餅用豆角、魚膠撈混然後再拎去炸。餐廳裝修牆身掛上充滿泰國特色嘅畫,令我好似去左泰國咁。甜品飯後仲有甜品，黑豆西米露。食落去有好強黑豆味飲品椰汁沙冰好香椰子味。餐牌原來食滿$300 加$1就多一款食物。好抵呀！但可惜我地唔食烏頭，如果唔係一定會叫嚟食。餐具餐具同出面餐廳與眾不同，有少少雲石紋：碗碟都很乾淨，無任何水跡。調味亦擺放得井井有條！餐廳擺放了紙巾，方便客人使用。調味料有四款，我朋友見到有辣粉佢就話，辣粉一定要搵嘢中碎佢。可見餐廳嘅誠意。

和寶寶很久沒有食泰國菜，這天決定到九龍城隨意找家泰國菜試試。搭巴士到九龍城，在侯王道落車，第一間看到的就是倪姐泰國美食，眼見7點半左右都已經坐滿8成，心想食物應該不俗吧。又看到門口有PROMOTION，原來星期一到星期五都有$1美食優惠，只要食滿$300就會享有。每枱都放上了泰國菜館都有的4格調味盤，個人特別善歡這裡用上了黃辣椒醬，辣得黎帶有辣椒香。先點了一個木瓜沙律($1)，雖說只要$1，但份量一點也不少。清新爽脆的木瓜絲和小蕃茄，加上開胃帶辣的沙律汁，很適合夏天的一個沙律。恐龍蛋($80)不是每家泰國菜館都有，我個人十分喜歡的一個小食，雖說是小食，但份量真的很多。炸得香口的蝦膠內，包裹著皮蛋。蝦丸十分彈牙，有蝦的鮮味，皮蛋口感黏稠，不會嗆鼻，稍嫌味道不夠濃。咖喱炒蟹($180)做PROMOTION，大大隻全隻咖喱炒蟹。咖喱汁用了紅黃綠椒﹑洋蔥和蔥炒香，所以帶甜，口感很滑溜，不算重咖喱味，反而似在曼谷唐人街食到的咖喱般，帶點蛋香，用來伴飯或金邊粉都很好。而蟹很大隻，廚師都把蟹殼稍為敲碎，方便進食。蟹鉗大大隻很多肉，而且味道鮮甜，肉質軟柔。鮮蝦炒金邊粉($65)賣相漂亮，炒金邊粉用蛋網

今天公司要我去九龍城辦點事，一做就做左成日，好攰吾想行，九龍城多美食，一於叫老公來陪我食，甘岩行到侯王道，見一光亮招牌，店名：倪姐泰國美食。望入去都差不多滿座，睇下門口餐牌，原來這店價錢不貴，又没有加一服務費，再望下個廣告牌，食滿300元可以用一元享用當天的指定特價菜式，好低！我和老公即入座了！炸蝦餅：外層酥脆，内面蝦肉鮮甜彈牙，點些泰式酸辣醬，味道更惹味！泰式海南雞一隻：雞肉嫩滑，配自家製醬汁，特別美味，忍不住叫多碗油飯食，油飯夠味，配海南雞真是絕配！芋頭焗飯雞：芋頭粉，雞肉鮮嫩，濃郁的醬汁惹味，十分可口！椰汁西米露：飯後甜品，是店主送的，濃濃的椰汁味，甜甜的西米露為今晚的晚餐劃上句號！

周末同老公出街食嘢鬆一鬆，近近地去九龍城食泰國嘢，不失為賞心樂事，千挑萬選之後，我哋試吓一間叫倪姐的泰國餐館，入內有個又醒目又靚女店員招呼我哋，唔知係倪姐這本人呢……青芒果沙律青芒果是好爽口，個泰式酸辣汁好開胃，雖然係比較辣，不過個辣味同個酸味好配，仲加入左好多櫻花蝦，令到呢個沙律添啲鮮味。龍眼冰食泰國菜，唔係叫椰青，我就會係叫龍眼冰，食辣野嘅時候，飲啖冰凍龍眼冰，即刻爽晒。呢杯龍眼冰嘅甜度幾適中，又夠冰凍，不錯。咖喱炒蜆黃咖喱汁好香，仲有好多蛋花，令到呢個醬汁十分之滑溜，就咁送飯都覺得好正！啲蜆煮得剛剛熟，所以蜆肉好鮮甜。不過如果再煮熟啲都無妨，畢竟係海產。冬陰公炒飯炒得幾香口，不過係會冇咗冬陰公湯的酸，有幾隻好爽口嘅鮮蝦在其中，最妙之處，就係其中嘅香茅，食入口果下就唔覺，但係香茅會係食完果啖飯之後發揮作用，有香茅嘅after taste，味道咁有層次，我幾欣賞。串燒叫咗雞腎、墨魚丸、魚餅，雞腎係我最愛，佢都燒得幾香，食落雞腎幾爽，魚餅好香。

九龍城超多食堂林立但係我既首選都係食泰國野係窗口見到廚師們係泰國姐姐就已經知道呢間野唔會差得去邊!!二話不說馬上去食泰國好西! 泰式鹵豬手鹵水豬手不嬲都係我既最愛, 因為佢同港式既製法完全不一樣, 呢個會係去骨再鹵, 感覺上會係更加入味同埋方便易食, 呢間既煮法相當正宗, 同我係泰國食到既都好似!! 正! 份量好大, 4個人SHARE都仲得 馬拉盞炒通菜泰國必食蔬菜一係通菜, 同馬拉盞既味道既MATCH! 基本上每次都會叫, 質感食落SASA聲, 好爽脆同埋好香既馬拉盞味道, 份量都算大!! 必食推介 秘製咖哩牛腩泰式既咖哩同香港食開既有好大分別, 因為泰式既會落好多椰汁, 食落既味道會係帶點微甜, 而牛腩已經炆到好淋滑!! 完全冇打渣既感覺, 而甜甜的味道和港式的完全不一樣再加埋杯泰式茶!! 無得彈

黎到九龍城點可以唔食泰國野呢今日特登黎到呢度就係為左食泰國野最正宗既泰式餐廳都係哂呢度!! 呢間店就算係平日既夜晚黎食都FULL HOUSE了 等左大約20分鐘終於到我地食!!今次叫左既有 泰式海南雞泰式食物必點既一定係海南雞, 我地叫左半隻再加左油飯黎食!!呢個黃金配搭真係超級MATCH!!! 海南雞皮香肉嫩!! 點埋D正宗泰式醬真係食到停唔到口雞件大小剛剛好, 有口感之餘仲要份量夠大!! 半隻都夠我地3個人食 炸蝦餅呢度既炸蝦餅最正既地方一定係佢新鮮即叫即炸, 見到個樣都已經可以比到90分因為真係唔會淨係得炸粉係上面真正既皮脆肉嫩!!佢仲有一蚊換一碟餸既優惠!!! 一定唔可以MISS!!

朋友想吃泰國菜，放工後二話不說，就坐車來九龍城與她吃飯。 本來打算到較出名的泰國菜店吃飯，可惜經過侯王道時，發現了這間倪姐泰國美食餐廳，門外的宣傳掛牌上，印有晚市惠顧滿HK$300，就可以以HK$1換購美食，覺得這天是周四，以HK$1換芒果糯米飯，那就試試吧！ 來到的時候大概已經7pm，人客蠻多，但食店佔地挺大，所以很容易找到座位。 餐牌上的菜色選擇非常多，而且價錢亦相當合理，當中包括是日精選大特價美食。 由於天氣太熱的關係，所以我們各自點了椰青來喝， 椰水入口清甜多汁，非常解喝。 泰式濕炒河(牛) - 濕炒河內加入了紅蘿蔔及西蘭花等配料，口感豐富，牛肉口感鮮嫩不韌，而河粉掛上滿滿的湯汁，入口滑溜溜，讚。 炸魚餅拼炸蝦蝦餅 - 每款2件，魚餅炸至金黃色，而內加入了大量香草，所以味道較蝦餅豐富，炸蝦餅的蝦肉結實而厚身，入口爽彈，兩款都做得相當不錯。。 泰式糯米釀雞翼 - 糯米雞翼大特價HK$25一隻， 雞翼外層帶點香脆，不過，好像燃燒得有點過火，所以外皮有非常粗糙，若以這個價錢來說，一試無防。芒果糯米飯 - 這個糯米飯最特別的地方，是使用兩款糯米製成，一黑一白，口感煙靭，配上

我地平時都鍾意去九龍城食泰國菜，但唔會食死一間今次見到呢間倪姐好光猛又乾淨，我地係門口望左menu見價錢ok就決定食，而緊要係唔使等位一打開menu 見到有兩款特價，糯米釀雞翼&咖喱蟹，價錢幾抵，不過老公話唔想食蟹，所以今次試左糯米釀雞翼先跟住仲叫左豬肉生菜包，蝦餅拼魚餅，泰式豬手飯，同埋檸檬菠蘿沙冰跟住俾我留意到，原來食滿$300可以$1換指定食物，每款都好啱我口味，星期一既優惠係最抵喎，可惜係星期一至五先有，下次搵個平日黎食先得坐左陣，豬手飯好快黎到，豬手飯配埋鹵水蛋同酸菜，夠曬地道見豬手滷得咁深色，就知滷得好入味，質感軟腍豬手仲一條豬毛都無，清得好乾淨，配埋個特製泰式辣汁用黎點豬手食，好夠辣好刺激生菜包可以有雞牛豬揀，我地揀左豬肉，份量好多，豬肉碎混合香料一齊炒，炒得好香，辣度適中，好開胃蝦餅拼魚餅，雙併冇咁單調蝦餅炸得好鬆脆，唔會油笠笠魚餅老實講變化唔會太大，度度都差唔多糯米釀雞翼，釀得超飽滿，但我好好奇雞翼點解唔會爆雞翼炸得幾脆，唔會過硬，加上甜甜地，少少黏牙既糯米，口感幾得意飲品方面，杯檸檬菠蘿沙冰，沙杯打得幼細，都飲到檸檬&菠蘿味，不過甜左少少最後，竟然送甜品俾我地食，係

九龍城又名小泰國，除左有唔同既泰國餐廳座落呢度，每年都會好似泰國新年咁搞一個小型潑水節，所以成日都好鐘意約朋友黎九龍城食泰菜。今日黎到「倪姐泰國美食」，一入去就有位唔洗等，正！我地叫咗叫左燒豬頸肉、鮮蝦炒金邊粉、咖哩牛腩再加薄餅。*逢星期一至五叫滿$300就可以以$1加點泰國特色小食、甜品或明爐烏頭!!抵!!一直鐘情食金邊粉既我，基本上每次食泰國菜都會點炒金邊粉，可以話係百吃不厭，今次黎到「倪姐」，當個金邊粉一黎到就俾佢個外表吸引左，餐廳用蛋絲做左個網，聞到好香好吸引，即刻撈勻黎食，一口包含住金邊粉、豆腐乾、蛋絲、芽菜、韮菜、花生碎，真係好滿足！！燒豬頸肉呢個都唔錯，望住燒得剛好既豬頸肉，沾上特製泰國醬汁，令到油脂感好重既豬頸肉解一解膩～～咖哩牛腩，一直以來我都對咖哩只限於日本甜咖哩同印度偏辣既咖哩，而呢一款完全可以令你一試愛上，我覺得佢似係將日本咖哩混合印度咖哩然後加椰汁，牛腩煮得好熟稔，加上新鮮蔬菜作配菜同埋足夠送飯既醬汁，令我地都一試愛上，值得大家叫黎食！一定要加埋薄餅啊，唔好浪費D咖喱汁。我地仲試咗杯椰皇沙冰同珍多冰，椰皇沙冰好特別啊，椰味勁重，珍多冰入面仲有D芒果乾，好足料！

食泰國菜，大家都會諗起九龍城，朋友上次同我講倪姐泰國美食咩一蚊明爐魚，我即刻去試下係咪真係咁抵！雖然我覺得九龍城交通唔係好方便，但為左食就要犧牲！去到餐廳，雖然唔係高級餐咁充滿泰國風情，但環境好乾淨，坐得都舒服。望望餐牌，全部價錢都好合理，都係幾十蚊至百幾。點菜前，店員同我地介紹，原來佢地鋪頭有個優惠，星期一至五，食滿$300 加$1就可以換明爐魚，或其他菜式，好抵呀！
前菜我地叫左酸辣鳯爪沙律$55，佢個酸辣汁做得岩岩好！酸得好開胃，辣道又岩岩好，好食到連伴碟既生菜都俾我食埋。宜家睇返張相都流晒口水～我好中意食辣，黎到泰國餐廳一定要飲冬陰公湯，叫左個中size,$128 。個湯飲得出唔係用粉溝出黎，而且好足料，有幾隻大蝦，又有蜆，又有魷魚，食湯渣都食飽。馬拉盞炒通菜$59又係一道必叫既，味道岩岩好，咸咸香香又唔會太濃味同太咸，加小小蒜蓉就更加香。仲叫左個生菜包，肉碎炒得好香，但生菜可能放耐左小小，如果新鮮D口感就更好啦！加左$1食左明爐魚，雖然係優惠價$1，但一D都唔馬虎，魚肉唔會”林”，魚新鮮，配料都好足，新鮮既香茅令到條魚更香。條魚好大條，大大啖咁食魚肉，真係爽。叫左兩杯野飲，一

九龍城一向都係泰國菜嘅集中地，今次黎試吓呢間新開嘅倪姐地道泰國菜。可能係平日嘅關係唔使等位直入。黎都點菜嘅時間亦係最頭痛嘅時間，當我諗緊食咩嘅時候，竟然見到隔離枱嘅咖喱炒蟹上菜，超級吸引！再望一望個價錢牌原來而家做緊特價＄180就可以食到原價$299嘅咖喱炒蟹，就決定食佢啦！咖喱蟹咖喱蟹上菜時俾佢嚇咗一跳！冇諗過＄180就可以食到咁大隻用新鮮肉蟹炒嘅咖喱炒蟹，仲要鋪滿令人胃口大開嘅咖喱汁，即時追加一碟薄餅點汁食！咖喱炒蟹好味嘅關鍵，除咗蟹要夠新鮮之外，咖喱汁都好重要！呢個咖喱汁味道非常之好，咖喱同椰汁嘅比例好完美，配料仲有洋蔥、青椒、黃椒、紅椒、薑。芹菜，索咗咖喱汁嘅洋蔥非常好食！我哋兩個爭住食鮮蝦炒金邊粉師傅裝飾嘅蛋網整得好靚！呢個係另一本人最愛，去親泰國旅行每日都要食！所以一啖就食得出同泰國當地食到嘅味道係一模一樣！麵質彈牙，甜味同酸味都好夠，大愛！芒果糯米飯有一個芒果飯有一半係白糯米一半係黑糯米，份量都唔少。飯煮得夠軟糯。呢度嘅泰式飲品好抵飲，平均都係$20幾蚊，龍眼冰大大杯$25，仲有7-8龍眼肉，好解渴！星期一至五食滿$300仲可以用$1換指定食物，有青木瓜沙律等等，好抵呀！

今晚美容院老闆娘請我去九龍城食泰國菜，呢間餐廳叫倪姐泰國美食，環境不錯！ 服務非常之好！ 食完深深回味！ 下次一定會再約朋友嚟食過。 我 第一個想食就係咖哩炒蟹，食完個人好回味！好似去左泰國嘅感覺，十年前都食過這種味道 ！ 今晚食過完個咖哩蟹好開心！ 仲有一個泰式炒通菜，好夠火喉，味道啱啱好！ 非常唔錯！我之後又叫咗個海南雞飯，感覺同海南島嘅文昌白切雞一樣「皮好爽」肉好滑，非常好！ 最後叫左個芒果糯米飯，芒果又香又甜！ 糯米飯控製得好好，食落好有口感，今晚呢度環境好優雅而裝修就好有泰國嘅特色。