日牛涮涮鍋專門店

Open Now

Now Closed

中午自助日式火鍋才108，128和208套餐。而且還不限時間，12:00可吃到17:00，而且環境舒服，人也不多，加上免費wifi, 真的休闲一整天都可以。最后選了108套餐，牛肉豚肉鷄肉任吃，還有其他丸類蔬菜類腸仔烏東等食物任吃。另外還有咖啡熱茶汽水和雪糕任吃，這價格性價比非常高。點了蕃茄魚仔鍋，但整體食物水准一般。牛肉豬肉屬普通貨色，獅子狗還有一股臭味，相信坏了一段時間。另外雪糕也是一股酸臭味。整体很一般。

一人一鍋夠衛生！每人$95夠抵食！兩條友食左7碟牛、3碟豬+2碟雞！幾大碟蔬菜菇菌！飽到無食晚飯！性價比高！美中不足係唔夠冷氣！有d熱～～絕對有下次！月巴 月巴 月巴

日牛是我的飯堂之一。比起附近酒樓火鍋，這裡食物質素與價錢合理好多。選了特上牛肉，剛加了價，盛惠 $188肉質是好的，沒有太多肥肉。可是今晚牛肉薄了很多，缺少了口感。豬也是薄了。套餐有雞，只是我們不吃。日牛配菜很多，日式大蔥我就只在這裡吃得到。韮菜，南瓜，蓮藕都很好。不知是否因為人手不足，很難叫到侍應。大家添牛肉可以一次過叫會好些。亦希望下次牛肉會回復正常的厚度。

搵個靜靜地嘅地方食同朋友吹下水，首選一定係日式餐廳。今次就揀咗日牛涮涮鍋專門店，未試過，一於試下。佢係一人一鍋，又有自助吧等等，其實同牛涮鍋差唔多，肉類都係揀一款就全部人都係果款。食物總體不過不失，但重有30分鐘就開始催我地埋單先，跟住又話last order之類，其實都重有三四個字，係咁催我地交場。果陣大概十點幾，佢地已經開始收拾自助吧，雪糕機都洗埋，野食又唔再添加。我地唔係最遲入，重有其他人遲過我地，但佢趕住收鋪咁，係咁趕客，感覺好差。冇下次。

2019年5月26日同朋友打邊爐。一去到等左一陣就有位。入到去。台有啲細。但都算坐得ok 既。一人一鍋。我個人覺得如果同唔熟既朋友黎都幾好。但係如果熟就變左冇咁方便。食食下飯中途。無啦啦跳制。熄曬啲燈。跟住爐都熄埋。不過好快又著番。店員冇解釋過發生咩事。雖然係少事。但起身講野咩事比客人聽。跟住食到9:20左右。佢地啲員工景然開始汁野。唔係汁台。係開始汁走雪糕啲配料同匙羹。又掃地又拖地。唔知仲以為阻住佢地收工。跟住就拿拿聲食完就走。走個陣見到佢地last order 係10:30真心好差囉。洗唔洗咁早汁曬啲野呀好似趕客咁。 唔會再黎。

一行五人叫5個午餐單碟套餐+自助區放題，平均一人$88 好抵!!!分別叫左雞肉、極上黑毛和牛、加拿大自然豬、牛舌及海鮮盛合所有食材都好新鮮。牛及豬很超薄片，放落火鍋幾秒就熟曬~豬牛雞都唔韌，相當不錯。至於海鮮盛合都幾豐富，有蝦、帶子、青口、蠔及墨魚仔。自選區有幾樣比較特別少少就係紅心蘿蔔、芋頭魚蛋及綠荼麵。同場亦有乳酪雪糕機有原味及草莓味。味道屬正常。重有爆谷機，無去食比唔到COMMENT飲品都係都係汽水沖下荼果D正常野。呢個價錢食到咁多野係抵既! 

因為探朋友所以難得來杏花村一趟,朋友提議打邊爐,所以一齊去日牛食,咁岩中午時間,好多人排隊,所以我地等左一陣先有得食, 中午有2種放題可以選擇,1種係午市單碟套餐+自助區放題,另1種係全部任食放題因為我唔算食得多,所以簡左前者,單碟套餐都有8款,諗左一陣我簡左豉油湯底&牛肉後就立即夾火鍋配料,配料都算幾多選擇我夾左一大碟既菜同菇後,湯底同牛肉亦都送到,雖然我唔係好介意D肉係簿切定厚切,但呢度既肉真係簿切得太誇張,我諗佢係簿過張紙,如果有人鐘意食肉的話,簡午市單碟套餐一定唔會覺得自已有食過肉!!食左1個鐘開始飽飽地,係時候要食雪糕,今次雪糕係雲尼拿+草莓味,真係好好味食左2大杯後好滿足咁賣單!!

去杏花新城行體育outlet行到肚餓，就打算平平D搵地方食lunch。走左一個圈，發現如果唔食美心或者M小丑快餐，商場其他餐廳食個午餐大概都要$70-100，比較一番後見到日牛火鍋任食午餐都差唔多價錢，就入左去試試。入去前，侍應會先幫你係門口落order。我同朋友兩個人都唔係食肉獸，所以一齊揀左兩個單碟套餐(一豬一牛)開心share，揀完餐揀埋各自既湯底就安排我地入座。假日午餐有90分鐘時限，入座放低袋就可以直接出去攞野食，侍應會去攞之前落左order既單碟同埋單人迷你鍋去張檯，亦會幫我地開著個電磁爐，所以唔需要我地操心。係自助區可以任攞不同蔬菜、菇、丸、芝士腸、蕎麥麵、年糕等等的食材。因為限時得90分鐘，所以我地冇慢慢影相，不過如果大家平日有時間去食，好似係唔限時。自助區亦有基本醬料可以自己按喜好去溝 (有醬油、芝麻醬、蔥、辣椒等等)，仲有唔同汽水隨你任斟任飲。我個人專攻菇同埋大蔥，攞完第一round返埋位時已經可以放入迷你鍋煮。D肉切得好薄，不論牛肉或豬肉，淥幾十秒已經食得。我揀左雞湯，其實就唔覺得有幾特別，因為淥完食材之後點落D自製醬汁就已經食唔到個湯D味。我朋友揀壽喜燒就淥咩都

不太多人，正正常常算係商場入面唔錯既選擇但食具干靜程度有待改善服務員一半是新人，有進步空間。食物都算新鮮，好睇時間，下午啲烏冬比晚市啲烏冬難食。早黎啲野咪新鮮啲囉，如果食最遲個round,我見過啲菜爛爛地。午市少啲選擇，冇芝士丸，得蟹子丸。晚市就算後面冇人都唔比人坐多幾分鐘 sharp cutSosadBut generally it is recommended. Also please aware of the Watt of the hot pot warmer...which should be at 7.0 .

有一次，可能在這間店舖差不多關門的時候才內進，因此，店員都不太喜歡的樣子🌚。先在外邊選擇肉類的類別，選擇了特選的那款牛肉，但說真的，就不覺得有什麼特別，其實特選有什麼分別呢，是否真的高級一些呢🤔？牛肉都只是薄薄的，煮完之後，亦都會縮小，就像爛布一樣，亦都不覺得有濃郁牛肉味。即使本人點的是胡椒味湯底，都只覺得有少許的味道。當然，他這種一人一鍋湯底，其實就好像之前在旺角試過的那一間「熱血一流」，定還是九流？湯的份量極之少，因此煮起了都不會有什麼火喉。後來，因為覺得他的湯底味道實在太過淡，加點兒蒜，蔥花等等，再放進湯裏面一起滾，以令到湯底增加味道。飲品的選擇也不算少，有梳打水、百事可樂、陳皮、檸檬茶；而旁邊亦都有乳酪，但是我們可能比較遲入內，因此只食下粉紅色的那種味道，比較酸，沒有原味乳酪，非常可惜。外邊的食物選擇的確也不算多，包括有粟米、多款蔬菜、以及素麵、烏冬、魚蛋、芝士年糕等等。比較特別的是蒟蒻，因為大部份其他火鍋店都不會提供蒟蒻，煮完之後，蒟蒻彈牙，但由於表面光滑，又不會太吸湯。看似大大間，但因為桌子大張，而客人座位距離很大，因此可以放很多盒肉，或是調味料。但外邊的調味料其實不多，蒜

作為一個朝九晚九既香港打工仔緊係要為自己爭取番d福利啦經過門口 見到有宵夜優惠黑毛和牛放題都只係208一個人本來打算叫個特選加一碟黑毛和牛但好似無咁著數所以叫左個壽喜燒湯底 同黑毛和牛望真少少 宵夜質素都吾差架肉上面既脂肪分佈都好靚而且 出面既自助bar都有充足食物比宵夜既食客湯底都仲係任揀不過到10點15分就截單同自助bar沒refill了整體來說 都食足60分鐘架順帶一提 佢風口位好大風 要帶外套 另外好多蚊 如果太吸蚊就不要去了

今日黎到杏花村商場行下,見到呢間日牛都算新開加上附近都無咩野食咁就食牛涮啦都幾多人等位,等左陣都有位呢間既坐位都比較闊落,連野食都排得好齊整,都比較齊仲有棉花糖機,可以自己整另外仲有個爆谷機,但好似無開呢間既肉類素都好平圴,唔會第一碟靚,第二碟差我特別鍾意和牛胡椒湯底,胡椒味比較濃,用黎涮肉類都好食另外呢間既乳酪雪糕係士多啤梨味都比較特別

得9度天氣真係會以為自己返左日本☃️人一凍就會想打邊爐～杏花邨新開左間日牛涮涮鍋終於可以試下～Handsup揀左至愛既壽喜燒湯底，仲跟埋隻蛋♥️屋企人就揀左昆布清湯同骨膠原雞湯，一樣甘正特選餐既牛肉比起日牛餐既牛肉較嫩滑每碟都好平均，絕對無第二碟就差哂事件發生跟餐既豬肉同雞肉都高質特別係雞肉勁滑勁好食😋加錢要左牛俐，雖然薄薄地但勁滑，好快就哂一盤🤤有自助吧可以任拎蔬菜麵類同飲品拎左勁多好鐘意食既大蔥洋蔥菇菇同白蘿蔔😍滾熟後入哂湯底精華真係超級好味😋仲有好好食既芝士魚腐!!必食之選～一咬開就係芝士流心🤤食飽後仲有乳酪雪糕任食太滿足既一餐😆