日牛涮涮鍋專門店 (Closed)

星期六落去食lunch，單點，嗌左碟豬肉。食左咁多次，第一次係薄到見到碟底，就咁數只有六片，薄到咁真係第一次見。另外間嘢疑似縮減成本，芝麻醬之前食咁多次都好杰好好味，今次係水汪汪，應該加左1份水，唔係好掂。仲有就係連墊枱紙都無埋…而家好多鋪（唔止呢間）都打環保旗號，又唔俾飲筒又無墊枱紙，實質係慳左成本或將成本轉嫁落消費者身上…

今天去了日牛食午餐打邊爐，前一日訂了位，之前去過都有幫我留枱，今次竟然沒有留枱，去到只能在一張長枱，一開四的隔板兩人位中打邊爐，今天是焗桑拿式打邊爐，熱到死，一啲冷氣都冇，真是一路食一路流汗，真是太誇張，無諗過咁熱。這問鋪頭真是好有問題，完全無冷氣，如果這樣打邊爐，尤其是在夏天，真係無下次。我們點了120元現金價特選牛，牛肉的質素，是有不同，初初给你的牛肉質素是可以，去到後期的牛肉是差咗好多。現在的甜品都差咗，好耐前在些蛋糕，和大福，都好好味，現在甜品真的差。整體而言，日牛的食物差咗，冷氣又唔够，所以應該唔會再去。

假日放工，又未食飯就不如同另一半一齊去打邊爐🍲又當食埋晚餐啦去到門口要等侍應帶位食客都唔少，但侍應人數得兩個🥲睇得出係忙嘅✨嚴選牛肉 $198 🐮🥩🍖星期日要加多 $10我哋都要壽喜燒湯底🍲坐低咗都要等太約五分鐘先有湯同埋肉到來d 牛肉都唔錯👍🏻好快就叫侍應加湯同加牛肉中段時啲牛肉質素就比較唔穩定但後期到來嘅牛肉就好靚仔出面自助區都係例牌個啲蔬菜🥬refill 都冇之前咁快可能真係落場，冇人幫手不過後期就有返侍應出來打點餐廳通風就麻麻哋🌊坐低打邊爐中途都出哂汗💦💦但呢間嘅套餐性會比都高可能真係星期六日嘅關係又多食客又少staff 幫手總括依然，牛肉質素唔錯👍🏻性價比依然高會繼續幫襯

星期日放工路過樓下間曰牛涮涮鍋🍲🍲下午時間竟然冇咩人未食午飯嘅我哋就一於入去食啦入座前先落order✨嚴選牛肉放題 $198🐮🥩假日加多$10湯底要壽喜燒坐低就先出去夾啲菜🥦🥬🥒特別嘅係餐廳有隻叫春菜食落幾甜，又冇油麥菜咁淋睇下啲牛肉🥩🥩我哋叫咗幾round因為每次上菜嘅牛肉都好靚仔😍肥膏唔多而且食落牛味好重👍🏻👍🏻而更難得嘅係可以每次上嘅牛肉質素係好穩定唔會一碟差過一碟真係有圖有真相🤟🏻奈何相片數目所限，未能盡錄唯獨餐廳內溫度較高🔥可能因為係打邊爐嘅緣故侍應人數少，但都有求必應落單追打牛肉或加湯都冇黑面呢個價錢食到咁多牛肉性價比甚高🥳🥳會繼續幫襯

一般到不能再一般 自助食材種類太少 野飲就得汽水機同咖啡 如果有啲飲唔到有汽嘅野嘅人點算（咪剩係得水飲） 醬料調味料又少 本身湯底都淡㗎啦 食過一次就夠 真心建議大家不要過來試

呢期鐘意自己一個打邊爐想喺下午茶較少人嘅時候去直接skip 個lunch, 等三四點嘅時候去啦又係去返上次個間去到門口，見到冇咩食客揀好set 同埋湯底就入去今次揀咗日牛set, 胡椒湯底估唔到下午四點入座，成場都係得三四枱客食多陣時待佢哋埋單走埋有短暫時間係得返我一枱客，包場咁坐低未上湯同埋肉，就去夾啲菜同醬先好快湯同肉都到了日牛set 嘅牛，比特選牛次一級，但都靚仔叫多兩碟雞，兩碟夾埋一碟上另外encore 多兩碟牛肉，質素跟第一碟差不多今日食客人數少，可以好快搵到店員落order而且仲好快上菜店員又會主動走埋來問有冇需要加湯餐廳環境乾淨企理店員服務好好會繼續幫襯

朝早冇食早餐星期六周圍又多人又諗唔到食咩見到都下午茶時間就不如打個邊爐，塞多啲食物落個胃，晚餐攞返來反芻同太太兩個去食好彩星期六下午時間都有位但因為星期六，每個餐要加$10唔緊要啦，兩個人都係加$20點咗個$198 嚴選牛肉湯底要壽喜燒坐低就好快上了湯底同埋肉肉先出去夾啲菜墊肚再睇下啲肉雞肉煮熟好嫩而牛肉每碟都保持到個質素去到最尾個幾碟，牛肉仲比之前個啲靚咗每次落單都唔難搵到店員，總有一個喺左近落單後都好快上肉餐廳環境整潔店員態度有禮會繼續幫襯

突然間想打個邊爐就近近地落樓下食個平平地的去咗日牛，揀個最平嘅餐入座前要先決定食咩餐同埋咩湯底然後由店員帶位入座現場都不乏自己一個打邊爐嘅食客所以唔使驚老尷😂揀咗個胡椒湯先上咗兩碟牛肉同埋豬肉之後再出去自助區夾丸同埋菜個人覺得佢嘅春菜好特別，食落甜甜地之後再叫兩碟雞肉雞肉好滑，撈埋豉油幾好食豬肉就正常發揮牛肉就因為個餐係最平的，所以都係最普通嘅肥牛，冇再encore90 分鐘時間絕對夠食店員都有禮貌每次落order 或加湯都唔會搵唔到人餐廳環境都企理會繼續幫襯

天氣突然下降連中午時份也想打邊爐，帶埋姐姐同個仔來到東港城行街順便食野選擇了日牛涮涮鍋專門店，之前其他分店都食過幾次，今次嘗試了東港城分店小朋友過了90cm需要點多一個餐點了3個套餐豚肉$78 雞肉$72日牛$82 湯底3款麻辣湯 - 麻辣也夠灑味道，夠香夠麻加了很多洋蔥很入味胡椒和牛清湯-沒有胡椒味道但眼見都有好多胡椒粒蕃茄湯-非常適合小朋友食配上烏冬自助Bar只提供蔬菜款式，一款餃子，並沒有其他店提供的丸.腸類飲品提供汽水機6款，咖啡機-咖啡沖出來味道怪怪的雪糕有兩款-原味乳酪+朱古力味道可以當每人自助型式食一餐飯，不要當自助餐會開心一點

咁啱得閑，就撚出去轉轉，發現間平民化嘅日式火鍋店，真係啱晒打發時間！一入去，店員笑臉迎人，环境都算企理，一坐低就先攞咗個menu掃下眼。先搞定湯底，攞咗個人氣嘅雞湯底，再攞個昆布湯底試下嘢新。攪埋壽喜燒，肉類都真心唔錯，銳利滑溜嘅牛肉，入口即溶，豬肉同雞肉都彈牙得嚟唔膩口。自助吧嘅選擇都多到爆燈，有啲仲特別出彩，例如隻芋頭燒賣，入口即刻覺得個天台開咗，香滑得嚟有啲心思思。海鮮拼盤都夠晒正，新鮮過市場跳海嘅魚！試過甜品篇章，Tiramisu同brownies真係錫嘴得嚟又唔膩，自選配料嘅乳酪，細路都話讚！總體來講，嗰晚喺度食得開開心心，quality同價錢真心掂，呢間火鍋店肯定係梗有再去嘅理由🍲🥢🔥！

諗住試吓佢個最高級和牛，一食返唔到轉頭，價錢嚟講就覺得物有所值啊。真係可以試吓入口即溶嘅感覺。先講吓環境先，坐得都算寬敞，自助餐嘅配料就偏小，D staff 都幾Nice。記住做會員有優惠！

尋晚星期六約埋2家朋友一齊去日牛打邊爐。一行5大2細，坐一張長枱。我哋叫咗有雞湯底，昆布湯底，我就要壽喜燒，鍾意多隻蛋（好師奶🤣🤣🤣）我哋basic嘅餐，有牛肉，豬肉，雞肉任食，肉嘅質素好好。自助bar有丸，腸，蔬菜方面有京葱，蕃茄，薯仔，娃娃菜，生菜，九菜，芽菜，另外仲有魔芋，年糕，烏冬，生麵。值得一提，有一舊外貌似燒賣，但係裡邊係有芋頭，煙煙銀銀，幾好食。我地再另外單點海鮮拼盤，都幾新鮮好食。甜品有Tiramisu, brownies, 自助乳酪，可以自己加配料，小朋友鍾意。

食物選擇少 飲品得汽水機，唔值得黎。基本上除左菜菇，得番腸仔 ， 丸都無，完全唔知食左d咩，建議大家都係唔好黎試。原來諗住午市平但入到黎先後悔，連咖啡機都壞埋，無一樣野得

最後一日假期去左油塘行山，之後落山去到將軍澳東港城，加上天氣轉冷，梗係想食火鍋，見到呢度有90分鐘火鍋放題就入去食啦，今次就揀左特選澳洲穀飼牛套餐$138,要骨膠雞湯底，今日仲係假期加$10同另外加一呢度係用手機QR Code落單追加食物，牛豬雞可以無限進加，牛肉有特選澳洲榖飼牛同澳洲榖飼牛，兩款牛肉都幾牛肉味，脂肪又唔多，豬肩肉豬肉味幾好，雞腿肉算嫩滑有雞味，之後牛豬雞每款都追加左一次另外自助區配料拎左幾款蔬菜如唐生菜，娃娃菜，油麥菜，京葱，韮菜，蒟蒻，金菇，南瓜等，全部都算新鮮，仲食左烏冬，海鮮餅，芋頭魚丸，粟米魚餅，都算正常，而甜品只得扭扭雪糕一款，不過飲品任飲，有檸檬紅茶，可樂，七喜，柑桔等，最後一日假期食返餐火鍋放題幾正！

去吃火锅店里服务员服务态度超级差，火锅加水也不加，结账也故意让人站那儿等着，服务态度超级超级差！肉质一般般比较柴。但是服务员真的叫不动而去态度奇差，让人感觉是故意的。第一次餐馆差评给这家店了，大家注意避雷。