日牛涮涮鍋專門店 (Closed)

尋晚星期六約埋2家朋友一齊去日牛打邊爐。一行5大2細，坐一張長枱。我哋叫咗有雞湯底，昆布湯底，我就要壽喜燒，鍾意多隻蛋（好師奶🤣🤣🤣）我哋basic嘅餐，有牛肉，豬肉，雞肉任食，肉嘅質素好好。自助bar有丸，腸，蔬菜方面有京葱，蕃茄，薯仔，娃娃菜，生菜，九菜，芽菜，另外仲有魔芋，年糕，烏冬，生麵。值得一提，有一舊外貌似燒賣，但係裡邊係有芋頭，煙煙銀銀，幾好食。我地再另外單點海鮮拼盤，都幾新鮮好食。甜品有Tiramisu, brownies, 自助乳酪，可以自己加配料，小朋友鍾意。