niji bistro, Noritake - Gifts (Closed)

經朋友介紹這家西式日式餐廳，早幾天已訂位。星期六晚上八時半來到，餐廳客人不多，Walk-in其實也有位。食物餐牌是一塊硬卡紙，前後頁也印上了食物的種類，另有一兩個套餐餐牌和飲品餐牌。雖然只有一張硬卡紙，但款式卻不少，主要分為小食類、沙律、湯品、蛋包飯、意粉類、Pizza等等。點餐後不久便上菜，速度好比快餐店第一道上的食品是鰻魚蛋包飯。蛋沒有煎得過熟，蛋也不算薄，吃下去啖啖蛋香味，鰻魚也算厚身，配合木魚絲吃，很有日式的味道，蛋包內的飯，每粒飯也被醬料包圍，很好味然後，很快便上了第二道食品：酥炸魷魚。這個強烈不推薦，外觀不錯，但魷魚卻完全不行，咬下去完全沒有魷魚的靭勁，感覺有點像吃軟身的墨魚丸之後，又是快速的上菜了：Parma Ham Pizza，是薄批來的，批底很脆而且易於切開，不怕餡料因難切的關係被扯走。芝士味較濃，Parma Ham味道不太重，但整體還是好吃的！龍蝦汁海鮮意粉：醬汁不少，使每條意粉也能掛汁，但味道不算特別。最後一道食物是卡邦尼意粉，較外面西餐廳特別的地方是這個溫泉蛋是由客人自己拌勻蛋黃的。這家餐廳的意粉配的醬汁也挺多，吃下去也很Creamy。飲品方面，我點了的士多啤梨

2017年8月7日 (星期一) 12:00pm 日本陶瓷名牌 Noritake 開設的西餐廳，食物以健康新鮮為前題。餐廳設計獨特，與陶瓷餐具 專門店連繫一起，一邊是餐飲，一邊是售賣碗碟茶杯等高級餐具。『一舖二用』的概念，充分發揮日本人的生意頭腦。 環境光亮整潔，裝潢時尚高雅，餐具乾淨。 餐具杯碟都經過高溫消毒，我用手觸摸仍感到微熱，提高對餐廳的衛生信心。 為慶祝本人的生日，特地選擇此餐廳用膳。 侍應奉餐和收拾碗碟的速度快，服務殷勤，值得一讚！ 不用等位 人數：2 人 HK$237 日式咖哩香煎龍脷柳珍珠飯 - 咖哩味道香濃，既辣且甜，是本人喜愛的。龍脷柳三大塊，肉質偏軟腍，廚師亦煎得不熱氣，只是味道鹹了一點點。珍珠米飯黏腍，混合黑芝麻一起吃，頗具咬口。 日式叉燒豚肉白湯拉麵 - 豚肉新鮮軟綿，半隻雞蛋似滷水蛋，感覺滑溜，而粟米粒具咬口。湯底方面，鹹度濃香適中，令整體味道提升。【推介之選】❤❤❤ 火腿蓉粟米湯 - 味道一流，忌廉味滑溜，粟米湯濃郁；加上材料充足，每羹都吃到火腿和粟米粒，感覺非常滿足！【推介之選】❤❤❤ 餐包 - 一個是迷你豬仔包，一個是黑芝麻麥包，質感很硬身。 紐約芝士

2017年7月20日 (星期四) 1:00pm 日本陶瓷名牌 Noritake 開設的西餐廳，食物以健康新鮮為前題。餐廳設計獨特，與陶瓷餐具 專門店連繫一起，一邊是餐飲，一邊是售賣碗碟茶杯等高級餐具。『一舖二用』的概念，充分發揮日本人的生意頭腦。 環境光亮整潔，裝潢時尚高雅，餐具乾淨。 餐具杯碟都經過高溫消毒，我用手觸摸仍感到微熱，提高對餐廳的衛生信心。 為慶祝本人的報告合格，特地選擇此餐廳用膳。( 本人第一次光顧 ) 侍應奉餐和收拾碗碟的速度快，服務殷勤，值得一讚！ 不用等位 人數：2 人 HK$260 什錦刺身飯 - 三文魚肉質軟滑，味道甜美，幾乎入口即溶。吞拿魚粉嫩，新鮮可口。置於藍色陶瓷碗 / 鐵碗中央的大蝦味道亦鮮甜，旁邊的三片青瓜清涼爽口，酸薑更卷成玫瑰花形狀，令刺身飯賣相高貴。整體來說，每片魚生刺身都是厚切，極富質感，味道佳。碗內的珍珠米十分軟綿，滲出淡淡的日本醋香。【推介之選】❤❤❤ 忌廉餐湯 - 忌廉味道香濃，但不會太杰，配合洋蔥粒、紅蘿蔔粒和數片魚肉之後，層次感立即提升，而且兼具咬口。 全麥餐包 - 營養豐富健康，可惜比較乾硬。 蔬菜沙律 - 新鮮爽口，配合酸酸的

喺海港城返工嘅我，基本上成個商場加埋對面街嘅嘢都食過啦，因為尖沙咀地方所以食個午餐一般來講都要六七十蚊，仲要未必好食！成日中午都見到呢間餐廳好多人食，咁就搵日出咗糧過嚟試吓先，因為一睇都知都唔平架啦！我自己係叫咗個蛋包飯嘅，真係好味喎，真係一分錢一分貨，雖然要百幾蚊，但係食得開心嘅，好味嘅舒服嘅！因為之前有個湯或者沙律，其實沙律都要4-50蚊啦，所以其實百幾蚊又唔算好貴呀！加上真係好食嘅！所以一個月都可以來返一兩次食午餐啊！

絕對抵食的特惠餐排唔到cheesecake factory 走到好近既niji食以前都食過覺得都幾好味 特別要讚既係服務 我流鼻水 包了粒雲吞職員立即拿了杯暖水俾我 好貼心（當時唔少客人的）做緊一個特價餐 好似係到5月尾有份七款醬料的沙津醬料只係gimmick不過菜同三文魚份量係多既 抵啦之後係麪䜴湯 我唔好的 男朋友話ok~ 主菜 黑松露意大利飯 有咬口好夠味 好香 好多菇隻蝦一般 煎帶子就肥美鮮甜 Carbonara 係以前食過 都已經好好食 今日再食都仍然好好味 好creamy不過其實好難唔好食嘅 甜品一般 係cheesecake 生果吸引我多點 最值得提嘅係杯咖啡個職員同我講最出名係咖啡 成日有人讚 飲完之後真係覺得 杯咖啡真係好香咖啡豆味 無呃我 超香濃超滑 好回味 值得返去再飲Regular coffee 係即磨 唔使加錢 抵！Decaf 既都唔使 凍飲都好味244+48 ～$300/2人！

本人好鐘意食蛋類的食物，所以順帶就鐘意埋食蛋包飯 咁岀名嘅多人推薦嘅餐廳來來去去都果幾間，今日就黎食 checklist 上嘅呢間 niji bistro！餐廳係海港城港威商場果邊，因為店面招牌不明顯，所以差啲就行過左。我們入座時安排左坐 Open Seating Area，有少少開揚毫無疑問就是點左個蛋包飯，呢個係鰻魚蛋包飯，外觀100分！係好飽滿漲卜卜的！超級可愛（帶子係另外加錢嘅）外表靚，味道同樣好吃！啲飯有鰻魚汁，所以唔會好清淡無味。價錢少貴，不過係港威商場的地方食都預左咁上下 😂

我和家人再光臨Niji，侍應見我們選好牛肉漢堡飽後就沒有其他心頭好，便推介我們點墨西哥辣雞肉薄餅（現時餐廳推廣墨西哥食品），並補充有6款醬料配合食法。果然其賣相及味道不錯，未放入口已經聞到其香味，而辣味配合醬料包括牛油果醬、芝士醬、肉醬及忌廉醬等及配菜，易入口及味道好好，加上再點特飲，即玫瑰西柚及士多啤梨（現時仍是半價優惠），而且漢堡飽内的牛肉漢堡香口及新鮮，這真是一頓美味晚餐😋而下次我們會預留肚内「空間」再品嚐這裡的甜品。

呢間餐廳係日式fusion 菜咁岩係尖沙咀買完菜，肚餓見人少少就入左去男友點左蛋包飯，我試過就好難食，認真一般好彩，我點左set dinner ， 整體唔錯，400$ 一份，有主菜，頭盤，coffee,甜品

20:00到餐廳尚有空枱，但有用餐時限，其中一位朋友未到達，餐廳好貼心先幫忙hold枱，最後的朋友到後立即入座。其中一位朋友係素食者，餐廳有一個全素的餐牌可以提供，選擇都多，前菜及每樣主菜都有素的選擇，對於同行有葷食及素食組合的聚會簡直係一個福音。而且素食一點都不馬虎蒟蒻魷魚圈簡直係水準之作。個人最怕傳統素食，但這個如果不講明葷食者絕大機會分不出是素菜。最出名的蛋包飯亦有素食，食落一d都唔覺得係素。明太子蛋包飯都有試，味道ok, 但期望太大反而沒有特別感想，蛋係滑的沒有過熟，飯亦有炒/燴過。在香港沒有試過太多蛋包飯，但與日本的比都不會太差，絕對有質素。待應有特別提醒，後期沒有加上如圖片中的裝飾所以會有不同，相信很少餐廳會這樣提醒pizza也有試，不會太乾，剛剛好空間舒適，不會太逼，待應很有禮貌，唯一美中不足就係用餐時間太短，會再去

想吃蛋包飯，又想食素的，呢間餐廳可滿足呢兩個願望。蛋炒得軟滑，份量十足，價錢約100元。素食味道像真的一樣，值得推薦。而假日的午餐時段至2:45，又有all-day-breadfast,可滿足想瞓晏d嘅你呢！

今日難得同舊同事lunch ,黎到海港城周圍都好多人。眼見呢間好似好似好評，我就入咗去食。呢間餐廳好似出名蛋包飯，所以我地諗住其中一個人都會去試。佢哋服務幾好，環境都幾令，坐得幾舒服，雖然lunch time時間周圍都好嘈。我哋兩個每個叫咗個set lunch。當中有沙律同野飲加主菜。蛋包飯味道吾錯，上面有d魚籽，match埋好好食，d 汁咸淡適中。墨魚汁令個飯味道更加特別，超級喜歡。朋友叫個個個醬好濃，我黎遠都嗅到好香，但我試左之後覺得濃味左少少。都系蛋包飯比較適合我。

位於尖沙咀的Niji，是一間我一直很想吃的蛋包飯餐廳。今天，終於終於來到啦。在很久以前，在openrice看過NiJi的大名，一早便加入我的最愛，終於我來吃啦。今日和新認識的朋友來到，齊齊吃蛋包飯午餐，實在很開心哦。午餐包沙律/餐湯，主食，餐茶餐湯為羅宋湯，伴以微暖軟熟餐包。餐湯不辣，配料甚多。面包鬆軟，內有蘿蔔粒，黑醋有點過油。雞肉燒洋蔥茄汁蛋包飯$138主角超快登埸，我餐包也未吃完呢大大份的蛋包飯有我手脾的長度哦，蛋包飯上撒上鮮紅蕃茄醬汁，簡單吸引用叉子微微按下，那鬆軟滑嫩的感覺，堪稱一絕蛋包做得岀色，入囗帶湯汁且濕潤，非常完美弄開蛋包後，蕃茄色的米飯，酸甜氣足米飯煙靭，配上炒洋蔥，氣味更香。但蕃茄味略可更重一點，雞肉可更多一點哦原來今天更是他生日，剛認識不久就不要怪我啦，下次我帶你吃更好的。

印象中好耐之前食過佢既蛋包飯既，，印像中好似唔差既，今次見到佢又無咩人，唔洗排隊，又唔想再行揾餐廳就入左黎食蛋包飯，點不知，真係好難食，食唔落啦，張相睇落就好好味咁，但黎到打左個特，啲汁浠到爆，份漢堡扒乾到爆，不會有下次。

這裡的早餐只有在一至五供應，不用加一，雖然都算係海港城裡面中高檔次的日式餐廳，但服務質素比茶餐廳更低。格局：開放式，一早因爲商場無開空調，好焗；有個應該係做左好耐既老待應，一黎就用指揮既tone叫我坐邊張檯，好似軍訓咁。其他阿姐好少少。食物：呢度出名蛋包飯，omelette款仲要貴d, 難得早餐有聞名既omelette （早餐款：西班牙omelette 連沙律、茄汁豆$48），當然不用再諗。嘩，一上檯，比個份量嚇一嚇，根本係午餐既量。omelette 用傳統日式方法製作，外蛋皮剛熟咁包住裡面滑蛋同料。而裡面燈籠椒、洋蔥、蕃茄幾夠多，有少許煙肉。蛋係堅滑，切開有蛋汁，但食到尾會好溜同單調。另外沙律既油就落太多。咖啡：$18個款可以任飲，第一杯就即磨，第二杯就係老麥式煮定既黑啡，d奶仲要係人工咖啡奶精，其實，加$18都唔比鮮奶，有點兒那個。有時間，又接受到比茶餐廳更甚既服務，可以堂食個omelette, 野飲就去返有質素既coffee shop先飲。

今天來了這裡開會，點了一個普通不過的set lunch。貴是定律了，商場鋪租也要啦。跟餐可選湯或沙拉，我選了湯。湯不太馬夫，有料，不過略微有點太膩了，可能奶油有點多了。這個壽司飯，實在不能合格。呑拿魚屬低價貨色，飯也不是用日本米，醋亦不夠。這種質素要付個88大元，實在過分。