廿一堂

Open Now

Now Closed

住澳南成日幫襯呢間廿一堂，每次lunch都食呢個鐵板角切和牛配燒魂丼用機落單好方便鐵板和牛好juicy，煎得好香口好惹味，洋蔥清甜，加埋香脆的蒜片同爽口的紅色醃蘿蔔，醬汁味道濃郁，好味米飯香軟，仲有滿滿的紫菜同溫泉蛋，將蛋黃同米飯撈埋一齊食，每粒飯都被紫菜同蛋黃液包滿，粒粒飽滿，成碗食哂巨峰梳打好大杯，唔會太甜，仲有粒粒椰果，好飲廿一堂早餐都唔錯，晚市仲有一人鍋，下次試下廿一堂的下午茶，好似都好抵食

今日需要食一餐勁飽肚嘅Lunch，廿一堂係個好選擇！雖然價錢唔係平，但份量同味道都唔錯，仲可以用自助點餐機慳埋時間🕰️🐣(新品)滑蛋吉列豬扒丼$69吉列豬扒都算幾大塊，吉列皮50%肉50%，不過呢個煮法我覺得油左啲，食曬成碗都幾膩，蛋都幾香同幾滑既~um…鯖魚is the best👇🏻👇🏻🐟岩鹽燒鯖魚配燒魂丼$69真心超中意呢到既鯖魚！煎到塊皮好香脆！望望下先發現無比到鯖魚酸汁，即刻問職員拎🥲，如果我係外賣返到屋企先見到冇汁絕對會失望！再加埋檸檬汁，然後再吉爆個溫泉蛋撈埋啲紫菜同飯，開動😚好！幸！福！既感覺！一個唔食鯖魚嘅人從此改變了👼🏻個麵豉湯味道都岩岩好nice ~🥟豚肉野菜脆餃子(5隻)$24應該唔係自家製餃子，係係業務用嗰款日式餃子黎，炸得岩岩好金黃香脆，亦都唔會食到成口油食飽就順手執埋餐盤，仲可以有$2 coupon 下次用

終於可以食到廿一堂啦😋😋 咁啱附近有活動，所以就順便去食埋個午餐🤤🤤甘一堂係一間日式燒丼專門店，有豬肉🐷、雞肉🐤同牛肉🥩選擇，唔鍾意食飯嘅朋友都可以選擇要烏冬🍜，佢哋都有讚岐烏冬嘅選擇，餐廳著重運用新鮮嘅食材及即點即製，為我哋提供最新鮮嘅飲食體驗。👍🏻👍🏻而我今次就叫咗一個廿一燒牛丼，食物嘅份量啱啱好，牛肉中間嘅粉紅色配菜係醃蘿蔔🥕，而佢哋嘅牛肉主要係以燒為主，再配上燒汁，用嚟送飯都好滋味㗎 ！😋🤤⭐️廿一燒牛丼 💰$59

途經呢間係將軍澳嘅「廿一堂」，可以門口自助機自助購買，都幾方便!見到menu上面有好多野食，其中包括烏冬、丼飯等等，今次就試咗佢嘅招牌燒豚丼😆🐖<廿一燒豚丼> $68豚肉份量都幾多，有數大塊，因為即叫即燒，所以都尚算香口，外皮脆脆地，肥瘦分佈大概各佔一半，食落都有油脂香，不過略嫌肉質有少少韌；不過我最鍾意嘅珍珠米，醬汁微甜加埋醃蘿蔔同洋蔥都幾易入口🤣而且份量適中，食完唔會過飽，對於小編嚟講啱啱好～<大根醬油漬> 附送小食呢款小食幾有驚喜😎好似醃蘿蔔咁，加上醬油甜鹹甜鹹，解膩一流🤪<麵豉湯>質素正常，冇咩特別。有機會都想試吓啲烏冬，睇落又平又吸引！

將軍澳真係好多唔同種類既餐廳，商場都特別多😗廿一堂唔算一個係一個當眼位置～🐟岩鹽燒鯖配燒魂丼$76叫左個燒鯖魚丼，成個set好豐富，燒魂丼有滿滿嘅紫菜碎同溫泉蛋🐣，個飯本身都有啲汁，淨係食碗飯都可以食兩碗～～跟餐嘅麵豉湯都好好味，唔會死咸有好多昆布！重點嚟啦🙈🙈條鯖魚超超好味！怕魚腥既我都無法抗拒🧐超級入味好香配埋蘿蔔蓉酸汁真係停唔到，越食越開胃，食完係會有種超滿足嘅感覺😳。🐓廿一咖喱唐場雞丼相比起鯖魚銷魂丼就失色咗啲，炸雞塊有四五大嚿，外皮揸得有少少乾但入面肉質都仲好juice，咖喱汁係日式咖喱甜甜地，加配巨峰提子汽水，入面有椰果肉，但感覺太甜，飲兩啖已經唔可以再飲落去，我諗係糖漿加得重手咗少少😢

今次叫左個岩鹽燒鯖魚配燒魂丼 ($79)除左個主食外，仲會有一個小菜（醃蘿蔔／甜品）同飲品雖然鯖魚飯好似普普通通咁但勝在有一個溫泉蛋，溫泉蛋配紫菜飯簡值一流所以我仲叫多一個溫泉蛋，超好味！

通常去天晉二期都係買韓式炸雞、食無肉食或者甜品，近排行過原來仲開咗間日式丼飯快餐店。廿一堂大部分程序都係自助，外面有兩部機自助落單，之後就自助取餐，自助搵位，自助回收餐盤。午市套餐有13款，有飯有烏冬。聽聞丼飯比較出名，不過隨心食餐快飯，就揀咗望落比較吸引嘅炸雞咖喱烏冬。🥢No.11 唐揚雞配日式咖喱烏冬$67🥤抹茶特飲+$8熱辣辣湯咖喱入面係有大概2條秋葵、少少薯仔同蘿蔔碎，味道正常，可以話係淡味少少嘅日式咖喱（無辣）。至於唐揚炸雞就有4件，都夠食晒成碗烏冬（有多），咬落香脆暖暖地，可以即刻放入口，唔怕辣親。而飲品方面，跟餐會配鰹魚湯/番茄湯，唔想飲湯就揀咗抹茶特飲🍵可以少冰少奶，但無得少甜。不過飲落味道都唔會超甜，抹茶味都ok，亦唔會淡口到好似即沖抹茶飲品咁。-

將軍澳喺天晉滙間廿一堂平民價錢，高質素，性價比高細佬最鍾意食鰹魚湯讚岐烏冬配關東煮清甜鰹魚湯，烏冬煙靭咬口我就食咗廿一燒牛丼 🐂有特製醬汁烤至微焦肉質爽彈又好味又抵買套餐仲有埋麵豉湯/玄米茶/汽水🥤

今次試下依間位於將軍澳日式快餐店 ~廿一燒豚丼 配玄米茶 ($59)厚切豚肉片肥瘦適中, 約有6-7塊, D邊煎到燶燶地,令豚肉表面有脆口的感覺~個燒汁撈珍珠米食一流!

途經呢間係將軍澳嘅「廿一堂」，原來早上有自助式早餐供應，👀到早餐款式選擇頗多又幾特別、座位亦算寬敞，所以便入內試下！😉👆🏻“芝麻手羽・厚切多士・田園沙律・牛乳炒滑蛋配迷你蕃茄螺絲粉+麵豉湯”～芝麻雞翼味道不過不失，但肉質就比較硬。碗麵豉湯就比較咸，最差係件多士，因又凍又硬 😬，幸好碗蕃茄螺絲粉都算夠蕃茄味，滑蛋炒得頗香滑，及配合沙律菜，都👌🏻啦！👆🏻“香煎豬扒・牛乳炒滑蛋配迷你蕃茄濃湯廿一肉醬公仔麵+玄米茶”～豬扒煎得頗香，肉質夠淋，滑蛋炒得唔錯，但碗公仔麵都係比較咸，玄米茶唔夠茶香味，一般般啦！

Do not order from this terrible restaurant. They gave us their yucky oden when we ordered grilled mackerel. It was either they had made the mistake or the deliveroo app had made the mistake. Either way, I am extremely disappointed and will never be ordering from here ever again.

可以門口自助機自助購買， 或者排隊櫃位購買都ok，買完之後攞張飛等叫number， 嗌到你number就自己出去攞，個鰹魚湯烏冬唔錯， 湯底夠味亦都夠熱， 烏冬亦都唔酸夠彈牙，昆布亦都足料亦都好食，跟住係嗰碗細嘅關東煮，因為唔夠熱，所以感覺上食落味道都爭啲，獅子狗卷唔彈牙，唔算好好食，福袋年糕ok啦，不過可能始終唔夠熱，所以成碗關東煮個感覺都麻麻地。跟餐嘅嗰杯玄米茶勁淡， 大概係用一個茶包沖3至4杯嘅味道。

首先我選擇左＄39嘅早餐，入面包有沙嗲牛肉公仔麵，半塊厚多士，牛乳炒蛋和汽水。因為個舖位唔係就腳位，所以餐廳唔太多人，所以坐得舒服。出餐速度比中午和晚餐快好多。人流唔多，所以好靜又可以慢慢食。講下個沙嗲牛肉公仔麵，個味好濃，公仔麵軟硬度適中，牛肉多軟身而且份量夠，所以好滿意👍🏻👍🏻另外半片厚多士，香脆，夠溫度，所以自己搽牛油即浴，而且牛油唔硬又唔會溶哂水汪汪咁，所以呢度係加分位！個炒蛋都夠香滑，只係油比較多，唔健康但就好滑，要健康定要滑？點揀好？🤣最好，我覺得公仔麵配汽水係絕配，所以好滿足👍🏻

廿一堂雖然好多地方都有分店，但講到火鍋就未必間間都有，而且想食壽喜燒一人前既火鍋，又唔想食吉吉家，我覺得廿一堂亦都可以取代到日式一人前火鍋，雖然價錢相對較進取，但味道方面都唔錯，用料還可以。肥牛壽喜燒火鍋，娃娃菜蔬菜量都多，另外配料有蟹柳、獅子狗、金菇、冬菇、福袋（糯米包）、粟米，烏冬預先煮熱，但我會仍然用壽喜燒煮到烏冬入味。肥牛相對上較厚身，用料較平民化，並不是日本和牛、薄切肥牛，但肉質唔錯。一個人食既份量岩岩好。

廿一堂這一間價錢合理，食物質素又不錯：）這次，我跟朋友點了兩個晚餐。1.燒鯖魚丼廿一堂的飯也真的很好吃，怎麼說呢，據餐廳的招牌說，他們用的是從日本空運過來的米，米香、texture是真的比一般米、甚至一般日式餐廳的米好吃。一口又一口，很快把整碗飯吃完了。再加上那隻半熟的日本蛋，跟飯混著吃，真的很好吃🤤 食材質素高，所以吃半熟蛋也很放心，蛋沒有腥味👍🏻至於燒鯖魚，以前我也吃過不少日式餐廳的，可是這一間的份量特別大，把魚的兩邊要吃乾淨也吃了我很久，好抵食！2.咖喱炸雞烏冬烏冬同飯一樣好食，texture好煙韌，好有口感。咖喱唔會太甜/辣，味道適中。炸雞好好食，不過略嫌炸過頭。不過，裡面的肉都好juicy：）最後，不得不提的是那個綠茶mochi, 很好吃，裡面有好creamy的綠茶mousse, 雖然細小一粒，但係完全唔「hea」。總結：我地一定會再嚟食👍🏻😃 不過提提你，服務稍微像快餐店，因為有自己提餐，but it’s okay as long as the food and the price are good. Right? 😉