廿一堂

Open Now

Now Closed

系將軍澳搵到間高級版吉吉家日式丼飯餐廳試試餐廳採用自助點餐，先系門口用自助機點餐，再拎住張票入去搵位坐，等叫number再出去拎餐廿一炭燒鳥丼$62叫左個炭燒鳥丼餐，包飲品一杯，免費飲品有玄米茶，麵鼓湯、檸茶等選擇燒鳥丼賣相唔錯，雞肉鋪滿飯的面層但系雞肉的調味偏咸，食左一半就唔系好想食白飯可以任添，大食的男生唔驚唔夠食醬汁亦可以簡多汁或健康人士亦可以簡少汁大食汁鐘意燒汁撈飯食，可惜醬汁亦系太咸，唔系好好食

位於將軍澳天晉匯地鋪嘅廿一堂，間舖好特別，佢係以自助形式點餐同埋食完要執枱面。🤔一個人食個美國牛小排壽喜湯Shabu都已經好夠食🍲，$100都唔洗就可以食齊曬肉同菜，牛小排份量好足🐮‼️鍾意食壽司燒嘅我，配料豐富😋除左有鮮雞蛋去點牛肉食之外，加配左杯凍嘅宇治抹茶🍵，呢杯係真係要推薦俾大家飲，抹茶味好濃又順滑😍如果唔食牛🐮，都有豚肉🐷同雞肉🐔可以揀，佢地一碟份量都好多～～再加埋白飯，唔講以為去左日本🇯🇵食野，因為真係好好食‼️又平又抵食地址：將軍澳唐賢街19號天晉匯二期地下#廿一堂

廿一燒豚丼 ($70)一個餐跟一碗飯、飲品仲有大福/昆布漬物，我地揀左甜品，感覺開心D。味道方面，豚肉份量都幾多，燒得亦好香口，再配上芝麻，味道好唔錯！我自己覺得加埋個D紅色物體 (醃咗嘅蘿蔔？)，令到豚肉既味道唔會咁單一，match得幾好，幾開胃，但男朋友就覺得紅色物體會搶左肉既味道，冇左返而更好🙈。珍珠米好味，係我鐘意既飯質，唔會太硬👍🏻仲有加埋炒過既洋蔥，令個飯更有口感+好味。最後，大福幾好味，皮幾煙韌又唔會太甜，岩我！🫰廿一燒鳥丼 ($70)同樣地，雞肉都好多，cover左成個飯面，佢附送左舊檸檬，我冇用太多，但食落雞肉有少少少少酸甜感覺都幾開胃👍🏻雞肉本身個汁帶有甜味，燒得都係香，飯同豚丼一樣有洋蔥，都係一樣好食。🫰結論🫰味道很好🫰份量足夠⚡️價錢唔算平，但有味道搭救CP值：8/10餐廳資料餐廳名稱：廿一堂餐廳地址：將軍澳唐賢街19號天晉匯2地下G08號舖營業時間：星期一至日 8:00-22:00

呢日同小朋友喺將軍澳中心玩完充氣彈床之後就打算去食Lunch☺️玩完都差唔多2:00,諗住揀間近近地,唔駛行咁遠嘅餐廳食🤔記得之前朋友介紹過喺Popwalk 2嘅廿一堂,話係間全自助嘅日式快餐店,由落單,取餐,回收餐盤都要自己嚟😅橫掂過開嚟將軍澳一於就嚟呢間餐廳體驗吓廿一厚切燒牛舌丼 $63無糖可樂四片燒牛舌真係勁厚切,燒得好香好惹味,而且肉質軟腍,牛味香濃😋送飯真係一流👍🏻👍🏻👍🏻滑蛋吉列豬扒丼 $70凍檸茶 +$3滑蛋夠滑份量超多,吉列豬扒夠大件很入味,兩者配合得天衣無縫

今天再次到訪廿一堂，餐廳採用‘自助點餐，自助取餐，自助收餐’形式。由於到達時間尚早，所以還有下午茶餐以供選擇，價錢相宜，難怪吸引那麼多人。食物種類繁多，每樣都很吸引，實在要來多幾次才能試完😋 而晚餐竟然有炸🦐套餐，就決定是你喇！🤤 🦐滑蛋天婦羅虎蝦丼 $ 83即點即製，餐廳均採用日本高質食材，嫩滑炒蛋配上軟硬度適中的日本米，美味😋；大大隻虎蝦亦炸得外脆內軟，肉質爽口彈牙，口感一流。熱檸檬柚子蜜 (跟餐+$4)材料十足，味道濃郁，很潤喉👍

冇諗過而家仲會有呢啲咁平嘅下午茶可以食而且講緊個味道仲要幾好雖然本身間嘢好似係食日本嘢咁但喺正樓下諗唔到食乜嘅時候都未嘗唔係一個好嘅選擇重點係$30唔使就可以食到一個下午茶講唔上好飽但都啱啱好味道亦都幾好唔錯嘅選擇

嚟到廿一堂，難得有個機會嘆返啲地道美食，好似親埋日本咁！首先講下佢哋嘅燒鯖魚丼，個鯖魚燒得外皮微焦又保持肉質鮮嫩，啖啖肉真係一啖滿足到爆！加咗個溫泉蛋，攪入啲珍珠白米飯入面，簡直是滿足嘅代名詞啊🍚！而家講下個咖喱烏冬，勁正！啲烏冬煙韌得嚟又Q彈，個勁嘅口感真係過癮。咖喱味道啱啱好，唔會太重手又唔會太淡，食落舒服得滯！炸物可能微微硬咗啲，但係個肉汁嘅份量仍然保持得好好，仲要啖啖juicy。話說返嚟啲綠茶mochi，每一啖都滲透咗濃郁嘅綠茶香和creamy感，個甜度啱哂我個嘴，真係難以抗拒😍。晚晚嚟我都嘆得！睇落服務得過且過，好似自助嘅快感咁，但以呢個質素同價錢，我絕對唔會輕易放過佢，再嚟一轉啦！食貨仔女，你哋準備好未？下次見喇，廿一堂👋！😉🍽

燒和牛丼，牛肉舖滿了整碗飯上，即是看到也是很吸引，吃下每片牛肉油脂分泌適中，追加入溫泉蛋拌飯，口感更加完美。❥蕃茄湯牛肉65度溫泉玉子讚岐烏冬蕃茄湯有濃濃蕃茄味，配合溫泉玉子，加入讚岐烏冬，口感很好。而牛肉份量多，每一牛肉肥瘦適中。❥鰹魚湯牛肉65度溫泉蛋讚岐烏冬相比起蕃茄湯鰹魚湯清淡一些，適合不喜的朋，溫泉蛋牛肉。這間餐廳是是在形式，先付款購票，性價比高，套餐很經濟，烏冬也高質素。小朋友最喜歡吃這裏的烏冬。

一個想打邊爐，一個想食鐵板燒，廿一堂幫到你🤭有其他分店，只係我果日咁岩去將軍澳嗌左個鐵板牛柳煎蛋，紫菜香蔥銷魂飯配大福 同 玄米茶🍵牛柳好淋 好入味，同個紫菜飯一齊食，好夾😍紫菜好多，好開心🥰食完有茶解膩岩岩好🫶🏻豚肉壽喜湯🍲配料種類好多，有金菇、蟹棒、年糕福袋、芝士竹輪、粟米、日本蛋、冬菇、娃娃菜，份量多到冚唔到個蓋。豚肉肥瘦適中，淥得耐咗啲都唔會韌。另外推薦加$8轉讚歧烏冬，烏冬口感煙韌，同煮完蔬菜嘅壽喜湯非常夾😍最後值得一提既係 店員態度好好，見到行動不便既老人家會主動送餐過去比佢，唔洗佢走黎走去🫶🏻

🌍廿一堂 (將軍澳)今日放工去左呢間餐廳食野，餐廳好多人幫襯，排隊落單，食物種類繁多，有邊爐、丼飯、烏冬等，呢次我食左牛柳鐵板燒，味道唔錯！👍牛柳鐵板燒：鐵板熱辣辣上盤，大大嚿的牛柳粒，份量十足，食落味道濃郁而且肉質嫩滑，所配置既靈魂汁味道甜甜地好特別，加埋洋蔥一齊食好惹味。▫️雜錦蝦天婦羅丼：蝦天婦羅配上特製既柚子天婦羅汁，味道提升左。滑蛋飯亦煮得剛剛好，味道食落蛋香又滑溜，而且好大碗，天婦羅如炸得外脆內軟更佳。▫️小食配料：揀咗芝麻手羽、帆立貝漬物品。帆立貝浸得好入味，柚子味會令到好鮮味，同埋好開胃，芝麻雞翼外皮香脆。▫️菠蘿梳打：菠蘿肉打成蓉，飲落香甜可口，配上梳打好清爽好舒服的感覺。💵消費：250✨環境：7/10 🙋🏻‍♀️推介：6.9/10📍將軍澳唐賢街19號天晉匯二期地下G08號

在將軍澳想吃一個又快又平價的日式快餐，以下這間會是不錯的選擇。廿一堂 有自助點餐機，有配圖很容易下單。點好餐可以先找個位置坐，然後等叫號便可以拿餐了喔。🌽牛肉粟米濃湯螺絲粉 (HKD 47)其實這個有番茄湯，但粟米湯比較特別，而且很濃郁。螺絲粉有三隻色，讓貌相變得好看，口感都幾彈牙。牛肉份量亦有不少，肉質也是很鮮嫩的。+HKD 6 配香滑的牛乳炒滑蛋，加埋牛角包一起吃很讚。🐄牛舌芝士焗飯 (HKD 48)咖喱夠濃味，不過就不是辣的那種。牛舌夠大塊都夠厚身，質感彈牙。這個價錢就有很豐富的套餐，還包了飲品。選麵豉湯或是汽水之類也可以。

有時放工後唔想煮飯 想多啲時間做自己野快趣地食個平平地嘅晚飯廿一堂係一個幾唔錯嘅選擇佢選擇性多 又會有啲期間限定選擇整體質素穩定又唔貴 所以都係我平時偷懶嘅好選擇🥢鐵板角切和牛配燒魂丼👉🏻即叫即整角切和牛鐵板燒嘅質素比想像中好 肉質軟腍juicy有牛肉香 同脆炸香蒜片好夾 仲有我鍾意食嘅流心蛋同秋葵 非常滿足👉🏻亦都鍾意佢加左紫菜和香蔥和燒肉醬拌飯嘅燒魂丼 而唔係平時嘅普通白飯🥢廿一厚切燒牛舌丼👉🏻鍾意食牛舌嘅可以一試呢個厚切牛舌飯 份量係大滿足嘅超厚切牛舌4片 帶著香甜嘅燒肉醬香非常下飯定食可以自選跟前菜—清爽的昆布漬物 或甜品—軟糯的大福亦都附贈玄米茶/汽水/麵豉湯大食怪仲可以以優惠價加購小食個人推薦要食香脆嘅芝麻雞翼同埋 連湯都可以飲埋嘅九州豚湯野菜煮廿一堂嘅環境走暖木色系 用餐環境都幾舒服最近仲做緊一人一壽喜燒火鍋一個人都可以打邊爐食壽喜燒 啱哂我了

和好友晚餐，見到廿一堂食客頗多，裝潢新族，乾淨企理。我們點左鐵板角切和牛配燒魂丼配大福和汽水$91，和牛肉腍滑、肉汁多味濃郁，煎得靚靚的日本蛋很香，丼飯舖滿紫菜，日本米飯香軟可口，好味又好吃😋，甜品：大福中間夾忌廉，好香軟糯。牛肉壽喜燒$88，有娃娃菜🌽冬菇、蟹柳、年糕福袋、飯、巨峰乳酸梳打，牛肉味道不錯，追加$29雞肉，雞肉嫩滑，很豐富，吃完勁飽。廿一厚切燒牛舌丼$73配汽水和大福，厚切牛舌夠腍又肉汁多有焦香味，不油膩很美味超正💕

今日同朋友嚟咗將軍澳海濱行吓，晚餐嘅時候見到呢一間日式料理餐廳，外面裝修得好精緻，入邊都好有日式嘅感覺，同朋友兩個人就入去試吓啦！環境都好闊落啊！天婦羅虎蝦野菜蕎麥麵 $98朋友叫咗呢一個凍食嘅蕎麥麵，仲有兩隻大大隻嘅虎蝦天婦羅，炸過嘅蝦都仍然好新鮮，咬落好爽彈，天婦羅嘅炸粉唔會好厚，新鮮炸出嚟脆卜卜，加埋爽口嘅蕎麥麵，非常推介！熟成牛柳玉子鐵板燒 $91我自己就叫咗呢個鐵板餐，熟成牛柳有好多塊，鋪滿咗成個鐵板！牛柳係厚切嘅，牛柳咬落好軟熟，食落牛味豐富，撈埋玉子入面嘅蛋汁，口感好滑！加埋旁邊有秋葵同蒜片做配菜，食落一啲都唔漏！兩個人加埋都係食咗$200！好抵食！

將軍澳搵到方便快捷又抵食既日式餐廳🤩去到門口餐廳已經坐滿晒🤪證明好食先會滿坐😆所以我當然要等下試下啦😌熟成牛柳玉子鐵板定食 嘩😍估唔到日式快餐都咁有水準👍🏻👍🏻呢個牛柳好淋好好味😋仲有流心玉子撈埋紫菜飯一流🤤仲有我最愛既蒜片食😚鰻重 呢個鰻魚丼飯好大盒🤤鰻魚有好大條，仲有蛋絲同紫菜一齊食好惹味😋吉列豬扒配日式咖喱讚岐烏冬佢既咖喱湯底好濃郁😍吉列豬扒咬落好鬆脆，忍唔住食多幾舊😆美國牛小排壽喜湯估唔到都好豐富，套餐都好多野食，湯底好濃好味😋牛肉都好味😋一人火鍋我覺得好正好抵食👍🏻所有套餐都可以配大福/昆布漬物+麵豉湯/玄米茶/汽水🥤但11號-12號餐不包括配大福/昆布漬物佢既大福餅好味😋