NINETYs (星光行) (Closed)

尖沙咀誠品真係幾好行，地方寬敞又多種類，估唔到仲隱藏咗呢間靚景餐廳。坐喺呢個窗邊位真係好有FEEL，木系裝修MATCH晒呢晒呢度嘅文青FEEL又夠CHILL.見Piggy Piggy有自家製叉燒豬肋骨，無留意原來以Burger形式上，以croissant作麵包外層，夠晒鬆脆，都係第一次見~ 豬肋骨鬆化香甜，拆肉再夾返入burger，連同厚身滑蛋，同清新嘅羽衣甘藍同芒果，仲有木瓜沙律同homemade蘋果mustard sauce，入口酸酸甜甜，勁多重口感夠晒特別!Crab & Burrata Cheese Pizza又係估唔到咁長咁大份，厚厚嘅芝士層見到都口水流!仲有三文魚籽、蟹肉、露荀、車厘茄呢個crossover嘅配搭，令人眼前一亮~ 建議加配流心蛋，點pizza食又有另一種滋味~~每枱都有支備長炭水，感覺清新又健康d!下次要搵個週末嚟試下個Brunch同咖啡先~

NINETYs咁多分店今日終於第一次試左尖沙咀呢間，唔單止景靚食物都唔錯SIU WAN RICE第一款main試左signature SIU WAN RICE，完全係高級版嘅銷魂飯，煎蛋變左溫泉蛋，叉燒變左baby back rib🤣Rib份量都幾多，應該用左蜜汁去煮甜甜地好入味，而飯嘅面頭淋滿左自家製醬汁，撈埋流心溫泉蛋食一流SOUS VIDE NZ WHOLE SOLE FISH呢款魚係用左sous vide嘅方法去煮，即係用相對較低嘅溫度進行長時間加熱，所以食落仲keep到魚肉嫩滑同埋鮮味，配菜亦都好豐富有羽衣甘藍、蘿蔔絲、紫椰菜etc 仲有檸檬汁自己加怕腥都唔洗驚～MACCHIATO飲品點左杯macchiato，咖啡豆係roasted in hk，味道方面底下嘅espresso好香濃，而上面嘅奶泡同時令杯咖啡無咁苦澀，相對易入口

菜式走澳洲x日式風格的fusion菜式，裝修擺設帶簡約悠閒文青風格，有海景座位，加上誠品書店獨有的寧靜書卷氛圍，一流悠閑慢活享受！ 🐷 PIGGY PIGGY $268Add Smoked Salmon +$30丹麥酥，千層鬆化口感，夾住醬汁以芒果及五香粉等入饌的自家製叉燒排骨！ 味道食落酸酸甜甜又帶香料味，再配有羽衣甘藍、青木瓜絲沙律、炒日本滑蛋，材料豐富！味道又夠多層次！額外加了煙三文魚，多一份煙燻三文魚香！🐮 BRAISED AUSTRALIANWAYGU BEEF CHEEK w/ DRUNKEN BEEF GRAVY $238Add Onsen Tamago +$60和牛面頰肉，牛味好濃郁！燘燉得嫩中帶口感而唔韌，再淋上燒汁！ 墊底的薯蓉，黑松露味好香濃，又打拌得夠細滑！

相鄰尖沙咀海港城附近既誠品Ninetys，空間寬敞平日夜晚人流唔多，可以靜靜望海景食個晚餐。*─────────────*🦞龍蝦risotto龍蝦夠大隻，蝦鉗到蝦身都啖啖肉，容易刮出黎食💮，唔會食到唔方便。Risotto醬汁帶淡淡芝士味，唔會食到一半就好膩，口感比較硬身有米飯本身甜味😉。🥄慢煮牛肉黑松露薯蓉撲鼻而來既黑松露香，牛肉淋身易入口✨️，值得一提黑松露薯蓉份量非常多亦無充滿味精調味，兩人share都絕對可以！*─────────────*食完行下誠品睇下書，平淡日常先係最難得🌙。📍NINETYs (星光行)尖沙咀梳士巴利道3號星光行2樓誠品生活L202及203號舖

尖沙咀城品有兩層，地方非常大，足可消磨大半天，逛到有些累，就和朋友在2樓的Nintys食晚餐。餐廳內的窗邊位，可以飽覽維港景色，有美食又有美景，把一天的疲勞一掃而空。水瓶內有支備長炭，幾得意。掃了QR code 後用手機落單，晚餐款式多，價錢合理，也可以用幾十元的價錢添加不同的小食。「燴澳洲和牛面頰配黑松露薯蓉」$238賣相吸引，兩大塊的和牛面頰非常軟腍入味，好食到停不了口，底下的黑松露薯蓉分量很多，又軟又香，朋友也讚不絕口。「Piggy Piggy」$268這份豬肋骨漢堡不像一般的漢堡只夾著蕃茄生菜，而是夾著炒蛋和羽衣甘藍，立即升級了不少。麵包皮香脆，豬肋骨味道香甜，肉也很多。另外，我再加了一碗羽衣甘藍、煎蛋和煙三文魚，都非常美味可口。下次逛城品，一定會再來光顧。

前幾日係尖沙咀誠品買書嘅時候見到有間CAFE環境唔錯又有位，就坐低試下～ 幸運地獲店員安排窗口位😙，品嚐美食同時又有維港海景睇真係一大享受呀😎P.S. 由於餐牌上無中文食物名稱，以下嘅中文名都係我地不專業強行翻譯XD，敬請體諒🙈-SIU WAN RICE (銷魂飯)🍛 - HKD 198.0第一眼見到西式cafe有咁貴燒味飯🍛仲以為自己睇錯呀XD，見到咁特別就忍唔住叫嚟試下啦~ 叉燒燒得幾入味😋，配上醬汁有甜而不膩嘅感覺，仲啖啖肉，配上兩粒溫泉蛋，蛋汁撈埋飯嚟食真係好開胃呀😆，雖然賣相同味道都幾好，但198呢個價錢嘅叉燒蛋飯性價比就低咗少少～-CRAB FAT MASHED POTATO BOWL (蟹膏薯蓉)🦀 - HKD 128.0食落去薯蓉出乎意外地好足蟹味🦀，配上炸蒜🧄有種又香又辣嘅味道，真係好開胃呀😍，本身見到小山咁高嘅薯蓉有啲擔心會太滯食唔晒，但我地食完一啖之後就無再擔心過，依個菜式真係出乎意料地好食👍🏻-SMOKED SALMON (煙三文魚)🐟 - HKD 30.0我地跟餐加30蚊叫多咗個煙三文魚🐟，食落一般，煙燻味較淡🙈-EARL GREY BAGEL(伯爵茶貝果)🥯

好友相聚， 當然要覓一 好餐廳， 要坐得舒服， 有靚咖啡， 有好嘢食 。好友是咖啡控， 不由自主來了這裏。 坐在窗邊望海的位置 ，🏖點了咖啡☕️和美食，🍱 看著窗外美好的景色，⛴️ 咖啡很快就送到 。 一杯cappuccino ，fruity， 另一杯latte， choco ，加燕麥奶 ， 拉花精美的咖啡，還配了幾粒杏仁和藍莓乾， 精通咖啡的她， 開始講解咖啡的味道和配搭。 原來這裏的咖啡分兩大類 ，一種是 水果系fruity， 另一種是堅果系choco， 為了平衡咖啡的味道 ，水果系的咖啡 ，通常配杏仁， 堅果系的咖啡 ，就配藍莓乾 ，這樣， 飲完咖啡， 再食果仁或者果乾， 感覺就會非常清新舒服， 提升了味蕾的享受程度。 另外她又特別介紹了用燕麥奶沖的咖啡， 有些咖啡店的燕麥奶太濃郁， 蓋過咖啡的香味， 但這裏的燕麥奶是來自紐西蘭， 能和咖啡起到相輔相承的作用， 既飲到燕麥奶的軟滑， 純樸， 又不會蓋過咖啡的香味， 所以咖啡是這裏的賣點 ，真是不枉此行， 令孤陋寡聞的我多了少少對咖啡的認知☕️🤓。飲和食都很重要 ，我們又點了 brunch 和 tuna tartare， 非常欣賞這個用

今日嚟到位於星光行嘅人氣打卡Cafe NINETYs佢嘅景正正對着維多利亞港加埋Cafe入邊嘅裝修主要用暖色系入到嚟嘅感覺好放鬆佢嘅餐具set up簡約得來走金屬古銅風另外要提下佢個水入邊係有粒備長碳係呢啲微小嘅位置花心思，值得加分Cafe除咗固定嘅菜單之外，亦都會有季節性嘅菜單不過今日我哋就冇叫反而叫咗佢一啲平時主打嘅菜式落單方面，亦都係手機自助落單蟹肉芝士pizza上面嘅芝士比例勁多仲有蟹肉蟹籽係上面，味道鹹香餅皮係屬於比較薄嗰種邊邊位置甚至覺得似餅乾岩晒鍾意食薄底Pizza嘅人波士頓龍蝦大麥意大利飯個龍蝦啖啖肉配上用芝士烤焗視覺超靚另外佢嘅大麥意大利飯咬落去層次比較豐富，有口感有個靚景，又坐得咁舒服靜靜地同朋友傾吓計都幾值得推介

週末下午兩三點，最啱去打書釘同嘆杯靚咖啡。位於尖沙咀誠品書店內嘅Ninety’s 咖啡店，座位闊落開揚，仲有閃閃炩嘅維港景色，絕對喺悠閑之選。Latte (Fruity)☕️咖啡豆有花香，味道香濃帶有輕度烘焙味，口感順滑，配上數粒杏仁，慢慢細味品嘗。Coffee Cherry Tea🫖 用櫻桃同咖啡果皮沖泡出嚟嘅茶，呷一口品嘗櫻桃味道嘅甘甜，嗅一吓嗅到帶有咖啡豆嘅香氣，飲完成身暖笠笠♨️Zucchini Scone (with Apricot Jam)🥒呢個 scone真心誠意推介俾大家，表層焗至金黃香脆，質感鬆化，內藏西葫蘆絲，配上甜蜜杏桃果醬，清甜而不膩🍑🐻評分：🐻🐻🐻🐻🐻5/5

雖然係尖東返工，但都好少行去海港城呢頭，今日趁冇車揸，同老公收工去尖東散下步👩🏻‍🤝‍👨🏼係誠品睇書睇到餓餓地，就腳就去咗旁邊既NINETYs到食晚飯。店員帶咗我哋坐靠窗嘅位置，可以望到維多利亞港同埋天星碼頭，感覺都好舒服菜式選擇好多，前菜主菜至甜品都有好多樣揀仲有幾款季節菜式同老公就揀咗兩款主菜，分別係🍋Asian style citrus spring chicken - 中式香檸燒春雞(強行翻譯😌同埋🔥Siu Wan Rice 銷魂飯銷魂飯色香味俱全，滿滿既日本珍珠飯旁邊鋪滿咗一件件自家製叉燒，配上兩隻日本溫泉蛋，再淋上醬汁，賣相好吸引自家製既叉燒係用上豬小排既部分，肥瘦均勻，豬肉唔會鞋口之餘仲好有肉味溫泉蛋蛋黃鮮橙，蛋味非常濃厚！！配埋甜醬油撈飯，呢個飯絕對稱得上銷魂飯燒春雞上菜時已經剪開咗一半方便用餐，雞肉好嫩，而且連雞胸位置都好juciy，雞皮都好薄，連埋伴碟既葵瓜子同南瓜子食，加上檸檬既調味，無論口感同味道上都好配合估唔到誠品入面都有間環境咁舒服，食物質素又高既餐廳，行到攰買本書入嚟chill下都好舒服❤️

今日放假，自己一個靜靜地行誠品，睇書食cafe。有時過吓啲咁嘅生活都幾chill～呢間cafe係誠品入面，窗邊位可以望到海景。今次叫咗個 Brunch Board 4 Sides，十分豐富。Bakery好高質，我揀咗鬆軟嘅Chocolate Danish 同 SourdoughSakura Shrimp & Crab Fat Scrambled Eggs呢個炒蛋炒得好滑溜，有香濃嘅牛油香味，同濃度嘅櫻花蝦🌸好夾，十分推薦。Homemade Salmon Rillettes三文魚肉醬好香，拎嚟配酸種麵包都好食。另外揀咗日式調味嘅Mushroom Salad。Asian Style Citrus Spring Chicken烤雞啖啖肉，無諗過份量有咁多🤣另外仲叫咗個tuna Tartare，個底係sourdough。呢個吞拿魚他他口味偏清新，用咗熱情果醬配上牛油果、吞拿魚同羽衣甘藍，減肥中嘅女士唔會覺得有負擔。

好耐冇去星光行。果日去完誠品打書釘後費時再搵野食，所以黎到響入面既Ninety’s 食晚飯。哩間係cafe 格局，門口有專人沖咖啡，並有賣咖啡豆，間中仲有咖啡嘅workshop，入面亦會serve 多款食物。環境乾淨光猛，店員安排我地坐窗邊位，仲可以欣賞維港靚景。餐牌選擇多，主食由和牛到黯然銷魂飯都有。我地叫左兩樣野：波士頓龍蝦配大麥意大利飯同埋蟹肉芝士Pizza。先黎既係意大利飯，有半邊波士頓龍蝦，個面有層濃厚既芝士，兩者混合一齊係相得益彰，龍蝦既鮮味亦被帶出黎，而龍蝦肉質鮮嫩，我食既蟹鉗亦啖啖肉。大麥做既意大利飯都係第一次試，食落比一般既更有咬口。撈埋上面既牛油食係有種帶邪惡咁嘅滿足。跟住黎既係pizza, 份量比想像中大，薄薄既餅底上面放上滿滿既芝士，仲有蕃茄仔、蘆筍、蟹肉等等，可能有蕃茄同蘆筍嘅關係，就算一堆芝士放入口都唔算有油膩感。而薄脆既餅底帶住烤焗香，基本上係無可挑剔。埋單接近500，都算對得住價錢，食物同環境都高質！

位於誠品內嘅文青Cafe，裝修極為講究！外望尖沙咀海傍，都幾好feel！除咗裝修，飲用水亦極為講究，以日本備長炭過濾，飲得安心又放心！Piggy Piggy $268外層牛角包嘅口感，幾酥脆！以叉燒嘅製法整成嘅BB豬骨，肉質都幾軟嫩！大量炒蛋同埋自家製蘋果芥末醬將所有items串連埋一齊！Crab & Burrata Cheese Pizza $238長型嘅Pizza原塊冇切過咁長，pizza邊位香脆，中間勁爆多餡料同埋芝士！蟹肉、三文魚籽、車厘茄、蘆筍等餡料，均令pizza嘅鮮味大幅提升！

之前食過灣仔同K11兩間分店，真心覺得NINETYs嘅出品有保證，今日去開誠品買嘢，就嚟幫襯吓星光利呢間分店。好幸運噉坐到窗邊位，可以望住維港慢慢歎PIGGY PIGGY炒蛋嫩滑，層包係我最鍾意嘅牛角包，上面塗咗層自家製嘅蘋果芥末醬，味道清新；叉燒係豬肋骨嚟，烤得軟腍入味，甜甜地嘅叉燒汁再撈埋啲芒果木瓜沙律同羽衣甘藍一齊食，食落都有幾分泰式風味CRAB & BURRATA CHEESE PIZZA熱焫焫新鮮上檯，餅底烤得好好，非常香脆；上面層芝士好厚，拉絲軟綿綿三文魚子份量大方，重食到啖啖蟹肉，連埋啲蘆筍同番茄仔一齊食，口感同味道都非常豐富，食完真係好飽好滿足！

❤️NINETYs其實都食過幾次，印象都好好。今次嚟尖沙咀誠品分店可以飽覽維港景色，就好似世外桃源咁。餐廳位於尖沙咀星光行誠品入面，當然請侍應安排我地坐窗邊啦。近望海港城外的新年擺設，遠挑對面香港島的夜景，景觀一流。之前食過其他分店嘅Piggy Piggy食過返尋味，估唔到今次食落又有唔同。外層麵包係丹麥酥，入面多咗炒蛋同用咗RIBS，別有一番風味。之後仲有BRAISED AUSTRALIAN WAYGU BEEF CHEEK w/ DRUNKEN BEEF GRAVY，和牛面頰肉十分淋，近乎入口即溶😂。配上黑松露薯蓉，令人食指大動。飲品方面，都係要返杯打卡一流嘅mocha。畫成一格格嘅朱古力醬將咖啡變得容易入口，甜苦俱備。有時間要約埋好友知己上黎坐下。