NINETYs (皇后大道東) (Closed)

Ninetys之前食過brunch 覺得好唔錯 今次就試試dinner menuBoston Lobster Pasta $228作為pasta fans 見到龍蝦鮮茄意粉覺得好吸引龍蝦幾彈牙，肉質鮮美都幾多膏 幾鍾意意粉比較粗身爽口 口感煙un面頭舖左芝士粉好食好食Crab& burrata Cheese Pizza $238水牛芝士 配上蟹肉、小蕃茄、露筍&三文魚籽蟹肉清甜 水牛芝士帶微微咸香 漲卟卟不會太濟整體味道豐富 如果蟹肉分量更多會較好balance 反

之前食過尖沙咀嗰間唔錯，今日經過灣仔見到就入去食。灣仔呢間係工廠風裝修，採用開放式廚房。餐廳燈光比較暗，張枱有可以調節光度嘅枱燈，提供嘅水亦有用日本備長炭。White Peach 飲品採用玻璃支裝，係法國牌子嘅果汁，飲落非常有白桃味，味道天然濃厚，而且唔會好甜，餐廳非常貼心，提供左有冰嘅玻璃杯俾我哋享用。蟹皇薯蓉碗薯蓉啱啱焗好，上菜時仲係出晒煙，香氣撲鼻，表面焗得金黃，食落軟滑，啖啖充滿蟹皇香味。波士頓龍蝦意大利粉意粉擺碟精美，波士頓龍蝦非常新鮮，肉質鮮甜，意大利粉煮得恰到好處，唔會太硬或者軟身，意大利配合茄汁，以及車厘茄食，成件事好夾。蟹肉芝士薄餅Pizza係傳統薄批，薄餅底非常香脆，芝士食落味道比較淡，但有拉絲效果，配埋表面嘅偏咸嘅蟹子食，成件事平衡返，整體有驚喜👍🏻總括而言，餐廳食品質素高，而且環境舒適，下次有機會會再食。

位於皇后大道東的「NINETYs」，係一間西餐咖啡店☕️鄰近灣仔地鐵站，地理位置好方便；店舖樓底高，空間感十足，用餐環境寬敞晚市餐牌主要供應小食、意粉、Pizza等等西式食品。日間則以咖啡及輕食為主銷魂飯餐廳招牌銷魂飯，賣相吸引🧡表面有兩隻以日本蘭王蛋製成嘅溫泉蛋，蛋汁香濃。側邊鋪滿自家製叉燒，肥瘦適中，味道不錯，佐飯一流香辣蟹肉意大利粉表面鋪滿大堆蟹肉，鮮味十足。意粉口感偏腍，加咗蒜片、辣椒🌶️一齊炒，香辣美味

今日放假約左朋友去街，買完野經過灣仔見到NINETYs既menu好多選擇，啲野食好吸引，而且工業風既裝修好chill，一於去試下！🌟備長炭水餐廳用備長炭淨水，有舊炭喺樽水入面，幾特別🌟Boston Lobster Pasta 波士頓龍蝦肉質實淨爽口，有膏，龍蝦鉗都一樣有肉架。較粗身既意粉沾滿番茄醬，酸酸甜甜，味道啱啱好😋蕃茄仔鮮甜juicy意粉加上花瓣點綴擺盤，朋友都話賣相好靚🌟Crab & Burrata Cheese PizzaPizza 上面好多配料，有三文魚籽、蟹肉、mozzarella cheese、burrata cheese、蕃茄仔同蘆筍，每啖都充滿芝士同配料，口感豐富，薄餅餅底香脆，味道香口。📍NINETYs （皇后大道東）地址：灣仔皇后大道東222號地下2號舖

話說NINETYs灣仔同元朗店超瘋狂晚市main menu做緊半價優惠🤑一知道咗呢個消息就去咗食dinner 太抵了吧!-🐽Siu Wan Rice $198叉燒半肥瘦偏瘦 總共有六大片 非常足料餐廳用慢煮方法烹調叉燒 保留住叉燒嘅鮮味香甜嘅蜜糖叉燒汁 加上日本蘭王蛋蛋漿🥚撈飯食真係一流🤤-🍕Crab & Burrata Cheese Pizza $238白色脹卜卜好似雲朵嘅係水牛芝士 佢咸香得黎唔漏配上鮮甜蟹肉、小蕃茄、露筍同三文魚籽味道層次都幾豐富架🥰

大熱天時，最啱搵間Cafe Chii下，見到呢間Brunch Set吸引，啱晒心思思想一次過試多幾樣嘢嘅人，自由搭配選擇。首先主食可以揀麵包兩款或者越光米飯，揀麵包可以無限添加，再揀4到6款伴碟，有肉類、海鮮、蛋、蔬菜同乳酪等系列選擇。第一Set 主食為越光米，米香軟熟，伴菜有以下四款：@ Half Spring Chicken 春雞半隻份量足，肉質嫩口，表面輕微煎香唔會油膩@ Sous Vide Char Siu呢度嘅叉燒值得一試，肥瘦均勻好惹味@ Chilli Scrambled Eggs帶點微辣的炒蛋好過癮，蛋味濃好滑溜@ Cauliflower菜花新鮮甜口第二Set 主食揀咗兩款麵包，分別係淡淡檸檬香而脆口的Lemon Danish Loaf Bread，還有酸種麵包Sourdough好好食。@Salty Egg Yolk Lobster鮮美厚肉的龍蝦肉，搭配鹹蛋黃醬好滋味@Black Truffle Scrambled Eggs黑松露炒蛋味道一流，濃郁嘅黑松露味同香濃嘅蘭王蛋味好夾@Mushroom Salad雜菇沙律新鮮甜美，菇的水份鎖得好好，仲有食用花同芝麻點綴，賣相吸引

黎開灣仔做野，當然搵下自己bookmark list睇下有邊間係附近一入到Ninetys，感覺型格但舒服原本以為平日會少D 人，點知冇幾耐就FULL HSE想黎個ME TIME所以簡間舒服休閒為主呢度有提供Brunch 可以樣樣都簡DSalty Egg Yolk Lobster龍蝦本身有龍蝦膏就已經好好味，鮮甜爽彈配上蛋黃醬更加濃郁。食完龍蝦剩下的醬配上麵包食都好好味Black Truffle Scrambled Eggs 一黎到就嗅到好大陣黑松露味,食落好creamyCrab Fat Cream Mashed Potato薯仔泥粒狀保留薯仔粒口感，配上蟹脂更加滑溜Granola Greek Yogurt食完正餐，當然要食甜品，滑滑的乳酪配上燕麥脆果🤤

之前食過海港城Ninetys嘅brunch覺得好高質，今次夜晚經過灣仔見又有間分店就決定試下佢嘅晚餐環境方面佢嘅樓底幾高，裝修以工業風為主，靜靜地好啱同朋友傾計佢主食嘅選擇都唔少，心大心細之下揀左個Piggy Piggy同Boston Lobster Pasta同朋友share，飲品方面因為驚太夜飲咖啡瞓唔到就試下佢啲無咖啡因飲品Piggy Piggy呢個Piggy Piggy中間係慢煮叉燒，味道似日式叉燒，厚身得黎肉質都好淋，而且充滿肉汁，麵包軟熟而且有牛油香，就咁食都好好味Boston lobster pasta估唔佢嘅龍蝦會咁足料，龍蝦肉質厚實，蝦膏香濃，而意粉用蕃茄醬煮過，酸甜適中，意粉唔會過淋Milk chocolate 熱朱古力好香滑，奶同朱古力嘅比例啱啱好，係甜左啲Fruit romance另一杯飲品就比較似fruit punch，好適合夏天飲

早幾日去開會展 完左之後想搵間cafe hea下同食個晚餐 曾經試左尖沙咀誠品入面的NINETYs分店 今次去開灣仔就決定 Encore 💕- SIU WAN RICE 🥣🍚 銷魂飯有日本🇯🇵蘭王蛋的加持係唔同D 🤣 蛋香豐富 飯感軟糯 配上叉燒肉 蛋汁啖啖送飯冇難度 😍- SLOW COOK SALMON PASTA 慢煮三文魚意粉🍝慢煮系列都係比較多會試的菜式😅事關屋企冇技術又冇時間整 出去食就要點返✅ 三文魚外脆內嫩 慢煮的精華令魚肉可以保持鮮嫩 喜愛食三文魚的朋友可以一試風味💁‍♀️- 備長炭水💧 NINETYs 除左出名咖啡☕️泡茶外 堂食用上的水都係有質素 用上超過300 年日本的備長炭所營造的純水體驗 ✨

今日放工又去搵好嘢食啦，俾我發現有間裝修幾唔錯嘅Cafe😍一於去試吓啦！在門口見到take away coffee 都只係$25, 仲平過Starbucks!可惜晚上唔想飲咖啡，怕晚上瞓唔着🥹唯有下次再試！食物方面，同朋友分別揀咗crab & burrata cheese pizza 同埋 boston lobster pasta! 龍蝦意粉正常發揮，龍蝦肉非常鮮甜，有多膏！意粉份量都幾多，我哋兩個女仔最後食唔晒😂😂 店員好細心咁俾咗個龍蝦鉗我哋開龍蝦，原來佢個龍蝦鉗入面都有好多肉😍至於pizza，個人覺得比意粉更加好食！佢個餅底好薄同脆！上面又有蟹肉，三文魚子😍每樣配料嘅味道都非常夾😍 餐廳嘅裝修非常啱大家嚟打卡，而且佢嘅樓底好高，坐得耐又唔會趕人走，環境好舒服，過了一個好chill嘅晚上😍

今日同男朋友去灣仔行利東街，見到Tesla陳列室爭論緊換唔換電動車😅見短期內都冇結果，不如去隔離NINETYs食咗飯先算！餐廳嘅燈光用昏暗色調幾有氣氛又幾chill，牆上放咗自家roast嘅咖啡豆，自己本身係NINETYs咖啡豆嘅常客，入到餐廳聞到濃濃嘅咖啡味即刻叉滿電🤩餐廳環境幾安靜，整體食物質素唔錯，而家dinner menu有半價優惠，如果想同朋友傾吓偈食吓野係一個唔錯選擇🥳✤ Siu Wan RiceNINETYs版本嘅modern叉燒飯🤟🏻厚切嘅半肥瘦叉燒肉質爽口又juicy，肥嗰part都係爽嘅唔油膩，醬汁偏甜，可能偏多少少savoury side會更balance🤔 兩隻大大日本蘭王蛋，熟度啱啱好，切開有流心效果✨蛋汁鮮甜，配埋甜甜嘅叉燒汁，煙韌嘅珍珠米，新鮮微辛嘅葱花，將呢幾樣elements加埋一齊，每啖都係令人滿足嘅perfect bite!✤ Ocean Trout in JP Style一上枱已經聞到炭燒嘅香氣，本身鱒魚味道比較淡，而teriyaki paste冇overpower鱒魚嘅味道orange jam嘅citrusy flavour 完完全全brigh

呢間餐廳6點後晚餐半價,見佢幾抵又充滿文青既味道,就叫左一份蟹肉芝士pizza。聽落都覺得豪華。pizza底同平時食開既有少少唔同,而食材好多元化,除左蟹肉同芝士,仲有粒粒分明既蟹子同露荀、蕃茄仔,開胃又健康。面頭仲有花朵點綴,真係睇得又食得。每份都切到好細,好細心,岩女仔食,亦都岩同人share食!呢度既環境好有格調,佈置好簡單但有特色,一排既玻璃樽打左燈之後好有特色。平日只來飲野同食少少曲奇都好正!

日式橙醬配煎鱒魚 ocean trout in JP with orange jam雖然驟眼睇落好似係三文魚，但其實係鱒魚（Trout）～ 係一種魚型🐟 到肉質都酷似三文魚嘅魚。但是，肉質比三文魚再肥d d～ 肉色係偏紅色而非偏橙色～廚師應該都唔止係煎熟、應該之後再用火槍處理過🔥 所以有微微嘅炭燒感覺👍🏼 橙醬🍊 味道都幾refreshing，唔會好假、好藥水味咁～ 所以就想大大啖點橙醬都唔會覺得太過膩。味道同魚肉好夾蟹肉水牛城芝士pizza $228Crab & Burrata Cheese pizza 🍕 🧀 🦀 一個長方形切開有六件，每件上面都有車厘茄，蘆筍一小塊～ refresh and juicy 平衡芝士濃味啲——不過水牛芝士本身其實味道都唔係太強烈～ 除咗蟹肉之外，仲有三文魚子，咬開都仲有少少爆汁😋 Pizza嘅餅你都唔會太厚身，入口舒服。

今日到灣仔的ninetys 吃午飯。午餐的時候，全店滿座，但環境依然安靜。今日選了brunch board午餐。這黑松露炒旦份量十足，雖然旦已經全熟，但有著濃厚的黑松露風味，旦味香濃，好飽肚。味噌茄子清清地，是涼菜，沒有太多油份，味道濃厚而香甜。希臘乳酪的麥果十分香脆，配上香滑乳酪，味道唔會太酸，是幼滑牛奶滋味。蟹肉看似平平無奇，但這是真蟹肉，啖啖肉，陣陣滋味，味道鮮甜唔乾身，好吃。檸檬麵包味道不錯，有着清新的檸檬味，口感鬆化唔太油。這一天的午餐十分豐富，很滿足。

NINETYs呢間Cafe係我咁多連鎖Cafe入邊比較鍾意嘅一間，除咗咖啡高質，環境舒服，食物嘅價錢都對得住佢嘅質素，所以耐唔耐都會約朋友去食。之前已經食過YOHO同星光行嘅分店，呢次咁啱要去灣仔處理一啲公事，所以諗住去NINETYs享受一個休閒嘅午餐之後再去搞麻煩嘅公事。我最鍾意嘅就係食佢哋嘅brunch board，除咗可以揀唔同嘅餸之外，而且大部份嘅食物都偏向健康，令我完全唔覺得罪惡。由於我比較細食，所以就淨係揀咗麵包。而朋友就揀咗飯，佢哋嘅飯係用越光米，朋友食完之後好鍾意，另外佢仲叫咗兩個蘭王蛋，將佢撈埋落去啲飯到，好味到完全就咁食晒成碗飯都可以😋仲有每一次食brunch board一定要叫嘅就係乳酪，因為食晒所有嘢之後再食乳酪就好似一個飯後甜品咁，圓滿咁食晒呢一餐🥰