日和号壽司料理 (Closed)

長期大愛嘅日本野，壽司🍣、刺身、小食、炸物全部上晒嚟😍火灸左口魚裙邊同三文魚絕對係至愛，壽司款式有好多選擇，用料新鮮，見到6吋三文魚勁長好開心，親子花之戀都好豐富，海膽軍艦可以嗌多啲😋 仲要壽司全體半價，好抵食，芒果花之戀壽司、三文魚子軍艦、吉列炸蝦壽司，款款都唔錯呀！刺身鮮甜，性價比高，筆記杯刺身、三文魚刺身、三文魚腩刺身、帶子刺身, 最後加單嘅炸雞翼同明太子玉子燒都有驚喜，熱辣辣好香口，令到呢餐更加完滿💚柚士玫瑰花🌹蜜sweet得嚟有花香，梅子青檸梳打酸酸甜甜都唔錯😆 難得嘅一日假期～ so chill🌹

去開九龍灣搵朋友食飯 第一時間都係搵日本餐廳🥹見門口望落入面都多位 較為闊落店內仲有架擬地鐵車廂 造型特別小食：必選嘅章魚丸🐙滿滿濃稠嘅醬汁加分刺身則件件超新鮮 爽口又厚切🔪被我幸運揀中嘅係北寄貝 帶子 吞拿魚同三文魚腩 啲三文魚腩嘅脂肪同條紋令人超驚豔 垂涎欲滴！帶子以檸檬汁帶出鮮味之餘 更令人胃口大開😂戰鬥力🆙到🍣登場喇！我哋挑選咗總共12款壽司小朋友大愛嘅粟米沙律同七味鱈場蟹棒壽司加咗七味粉果然香啲惹味啲😍6吋三文魚壽司超誇張 一啖係食唔晒架🥹！至於店員極力推薦火炙items 我哋揀咗火炙三文魚腩 火炙左口魚邊壽司 魚油嘅香味一食就湧現🔥花之戀同親子花之戀 多層厚厚嘅三文魚包疊住 加上超邪惡超多沙律醬 超多蟹籽同三文魚籽舖面 完全覆蓋白飯🤓香蔥吞拿魚腩碎軍艦 帆立貝壽司飽美 啖啖都係鮮貝鰻魚 + 蟹籽軍艦 + 三文魚籽軍艦 啖啖脆卜卜 口感好得意☺️飲品：蘋果綠茶及白桃乳酸特飲

日和号壽司料理 (九龍灣).收工近近地去megabox食飯，天氣太熱啦想食下壽司，呢間有半價壽司！ . ▪️刺身帶子•油甘魚•劍魚腩•北寄貝▪️.帶子夠冰凍，油甘魚很不錯幾香，劍魚腩原來魚油脂味幾濃郁; 北寄貝夠爽口.▪️海膽•香葱呑拿魚•蟹子軍艦▪️.呢度嘅壽司軍艦全部都幾好食，特別以半價嘅價錢來講性價比好高。最令人吸引嘅地方係因為佢即叫即做，所以紫菜仍然好脆！.▪️火炙柚子胡椒帶子•6吋三文魚壽司·稻荷蟹子沙律壽司▪️.半價嘅壽司選擇唔算超級多，比較特別嘅就有火炙柚子胡椒帶子，柚子醬將配上燒過嘅帶子味道比較特別，另外一款比較特別嘅就係稻荷蟹子沙律壽司，好似架船咁！.📌 日和号壽司料理 (九龍灣)九龍灣宏照道38號Megabox 10樓5號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

以前間中都有去，食物中規中矩，但服務認真麻麻，估唔到今日Lunch去點三色魚生飯就出事，期間三催四請，侍應一時又話整緊，一時又話問下，等左45分鐘魚生飯仲係不見蹤影，最後餓到胃痛頂唔順cancel單走人，老闆娘只好畀8折我同事。一個鐘食飯時間就咁無左，攪到要落宜家食熱狗，此店唔會再去！

夏日炎炎我最鍾意就係到處去飲飲食食，megabox有一個好正嘅溜冰場，我呢日去完溜冰，之後就去食好西啦。我同朋友都鍾意食日本嘢，今日就揀咗呢間叫日和號嘅日式餐廳。我哋首先嗌咗刺身，分別有三文魚腩，吞拿魚刺身，帶子刺身，劍魚腩刺身。 各款刺身都新鮮肥美，我最中意就係劍魚腩，口感嫩滑厚實，含有豐富嘅脂肪，夠曬肥美。接著我哋揀咗 ，6吋三文魚壽司，海膽軍艦，三文魚籽軍艦，胡麻醬火炙帆立貝壽司，火炙左口魚邊壽司，親子花之戀壽司，鰻魚壽司，，火炙柚子胡椒帆立貝壽司，油甘魚壽司，火炙三文魚腩壽司。 海膽軍艦值得推薦，海膽新鮮，香甜。胡麻醬和火焰柚子帆立貝壽司都好特別， 係我第一次食到咁樣搭配。 吉列炸生蠔壽司和炸蝦壽司， 就非常脆口，好滋味，食到令人停唔到口。最後我要了炸八爪魚丸， 八爪魚丸外邊焦脆，裡邊軟嫩，還吃到新鮮嘅八爪魚， 口感一流。飲品方面都有好多選擇㗎，我哋分別要咗凍檸梳打和巨峰乳酸梳打。

今日去開Megabox行街見到呢個壽司店做壽司半價就去試下🍣行入去見到好大架日本火車頭🚄入面座位都係日本火車設計既座位咁耐無得去旅行，可以係到感受下氣氛😆🐟三文魚腩刺身：魚油甘香肥美🐠吞拿魚刺身：肉質好無連根🐠油甘魚刺身：魚油甘香油潤🐚帶子刺身：爽滑鮮甜有味道🍣三文魚腩壽司：魚油甘香肥美劍魚腩壽司：食落有魚味甘海老壽司：鮮甜爽口鰻魚壽司：配合鰻魚汁十分可口火炙三文魚腩壽司：火喉燒得岩岩好火炙左口魚邊壽司：富有油脂、肥美火炙柚子胡椒帆立貝壽司：好清新特別七味火炙鱈場蟹棒壽司：少辣、啖啖肉親子花之戀：兩樣夾埋食落有層次🍣海膽軍艦：甘香軟滑三文魚子軍艦：粒粒卜卜脆、唔腥🦪吉列炸生蠔壽司：脆炸可口、有蠔味🐙炸八爪魚丸：熱辣辣、外脆內軟🍑白桃乳酸梳打：有白桃肉、略甜🥭芒果乳酸梳打：有芒果肉、甜度適中

喺九龍灣夜晚8:30諗住食飯嘅話呢，應該選擇唔係好多，而家間餐廳呢晚上10點先閂門，所以我同朋友就決定食呢一間餐廳，而呢一個時段嘅餐廳呢，就有半價嘅壽司同刺身。我哋兩個人大概點左40件壽司左右，當中有軍艦，壽司,刺身同埋一款小食，小食就普普通通，只係普通既章魚小丸子4粒，我覺得最特別嘅係吉列炸蠔壽司，我原先以為係小食嚟嘅，點知嚟到見到係壽司。而最抵食嘅呢就係赤海老壽司，一隻勁大隻嘅蝦刺身加埋壽司飯，都只係買$18一件。兩個人埋單大概$450左右，仲要係食到好飽嘅。

夜晚8:30去到MegaBox , 好多地方都9:00就close 又或者8:30就會last order，但呢一間餐廳就9:30先至last order，晚上10:00先閂門入到去職員俾咗半價壽司刺身嘅落單紙俾我哋，我見到款式都比較多嘅，但係小食方面就比較少，只得章魚小丸子四粒。而令一張餐牌上面嘅所有嘢都係收返正價嘅，我哋就揀咗半價壽司刺身嚟叫，嗌咗大概30件壽司，一款刺身，仲有一款小食。刺身同壽司嘅新鮮程度都非常好，最抵食係$18一隻大蝦壽司，仲有一款吉列炸蠔壽司真係好特別。兩個人食咗總數$440左右埋單，都唔算好貴。

首先食物質素極差，刺生唔新鮮，勁重腥味，魚生散曬，壽司飯太濕，軟爛級。另外服務態度非常惡劣，埋位10分鐘水杯都係冇水，叫侍應幫一幫手，有位男侍應仲大聲呼喝，西面，利申冇刻意刁難。龜速上菜，甩單漏單，一個幾鐘之後都上唔齊，中間催佐兩三次都冇回覆，仲好意思催人埋單，最後無奈要取消未上嘅items先黎上菜。整體而言屎一般的食物質素同服務態度，畀錢入去睇人西面都算，壽司郎嘅價錢食隔夜刺身🤢，如果可以半粒星都唔想畀。建議你地唔好再害d消費者。各位朋友小心睇路。

去 Megabox 睇暑期溜冰班資料，順便欣賞下人哋玩冰曲，睇完就見到響側邊呢間壽司店做緊半價，於是就入去食晚飯啦，行入去店裏面就見到列車迎面而來， 暫時滿足吓去旅行嘅心願。我哋喺半價餐單上面揀咗：刺身、壽司、軍艦、八爪魚小丸子，當然唔少得每人要一杯飲品啦。蟹子沙律軍艦咬落卜卜脆好過癮，香蔥吞拿魚腩碎軍艦好香有魚味，海膽軍艦甘香軟滑 甘海老壽司鮮甜軟糯，火炙左口魚邊壽司滑滑兼充滿油香，油甘魚壽司肉質油潤，稻荷吞拿魚沙律壽司， 薄薄嘅腐皮帶點香豆，包住吞拿魚碎沙律同飯幾特別。七味火炙鱈場蟹棒上面洒咗七味粉，幾惹味。而鱈場蟹棒啖啖肉好充實。我哋鍾意食帆立貝，所以叫咗三款帆立貝、胡麻醬火炙帆立貝、火炙柚子胡椒帆立貝，鮮甜嘅帆立貝點整都好味。吉列炸生蠔壽司新鮮炸出嚟脆卜卜，其實壽司飯都唔錯。八爪魚小丸子又係新鮮熱辣，聞到香噴噴。生冷嘢唔食得多，所以刺身淨係食咗最愛嘅帶子咋左邊嘅係士多啤梨梳打，裏面有啲士多啤梨肉架。右手邊係梅子青檸梳打，梅味十足，夠曬解渴。

今日下午茶食好啲，去了食日本嘢。見這間餐廳設計很特別，配合個餐廳名，有架好大的列車模型，座位亦非常寬闊。門口的下午茶餐牌種類繁多、有芝士咖喱炸雞鎚、豬軟骨、燒腩肉、牛肉等拉麵，又有滑蛋豬扒、赤蝦海鮮，賣好的大魚船盛等。為了荷包着想，唔好咁貴，叫了兩個$65的魚生飯。火炙松葉蟹柳三文魚飯，一上枱賣相頗吸引，蟹柳和三文魚色澤新鮮，令人垂涎三尺。蟹柳有四條，三文魚有三片，份量也不算少。三文魚鮮味大塊，蟹柳肉質不會鬆軟，配以少少沙律汁，十分美味。粒粒角切魚生飯滿滿的魚生鋪在飯上面，見到也好想吃，魚生新鮮，又有三文魚吞拿魚，🈵️足

嚟到Megabox睇完戲後搵好嘢食😋日和號壽司料理都值得一試👍火車主題幾有趣，小朋友一定鍾意❤️夜晚竟然有半價壽司🍣刺身有好多選擇，推介三文魚同帶子，新鮮又充滿油脂👍👍壽司方面都幾抵，有6吋三文魚壽司($22.5)試咗好多壽司都唔錯👍柚子胡椒帆立貝壽司($22.5)幾清新🥰火炙左口魚邊壽司($19)好肥美，充滿油脂今次仲試左個壽喜燒牛肉鍋，係令人懷念嘅甜湯底！雖然偏甜但都幾好味😋炸八爪魚丸好好味($19)啱啱燒起好脆，好食過街外嘅章魚燒！

去Megabox睇完Top Gun，出嚟見到呢間裝修好特別嘅日和號壽司料理，我哋決定入去試吓。餐廳用咗日本火車做主題去裝修，我哋咁啱坐嘅卡位就喺火車入邊，直頭有啲坐住日本火車去食壽司嘅感覺😂坐低一睇個餐牌，發現原來好多刺身壽司都有半價優惠，我哋決定叫多幾樣嚟試吓。刺身我哋叫咗三文魚腩、劍魚腩、油甘魚同帆立貝。每樣都份量十足，質量亦唔錯。當中我哋兩個都覺得三文魚腩切得好厚，食得好高興，值得推薦！跟住叫左幾款軍艦壽司，有三文魚籽、海膽同碎呑拿魚腩。海膽份量較少，不過都係新鮮嘅。我哋其他點嘅壽司當中，我哋比較喜歡燒左口魚，因為油脂較豐富。燒蟹棒亦都唔錯，可以試下。

位於九龍灣最紅點溜冰場外餐廳， 絕對係做完運動最佳嘅選擇。路過呢間食日本壽司嘅店舖， 呢排主打緊半價壽司， 真係非常抵食。睇返menu除咗壽司之外， 刺身同埋軍艦都係半價， 性價比真係高過好多其他壽司店。種類上亦非常繁多， 最重要係半價絕無欺場， 每一嚿刺身壽司都好鮮甜味美， 而且賣相都好靚仔！呢個三文魚腩刺身 同埋劍魚腩刺身一定要再戰！連小食都有半價， 一定要點我最鍾意嘅八爪魚丸， 呢度嘅八爪魚丸係半煎炸，所以比起其他地方買到嘅更加香脆 ，香口嘢值得一試。青檸梅子梳打做點綴， 又係一餐完美嘅日式晚餐。

呢間以🚊為主題嘅日式餐廳就係溜冰場⛸旁邊，行到門口已見到中間位置有一列 日本JR 外型嘅車廂卡座 🚉並排一齊，都幾有趣嫁😍最近餐廳仲做緊優惠，所以刺身壽司都係半價🤭相當吸引🍣 刺身 : 三文魚腩、帶子、劍魚腩、油甘魚帶子同三文魚腩🥰厚切肥美平均每款$3x 已有四片👍🏻 🍣 壽司 :海膽軍艦甘海佬壽司六吋三文魚火炙左口魚邊七味火炙雪場蟹胡麻醬火炙三文魚火炙柚子胡椒帆立貝火炙三文魚腩花之戀壽司芒果花之戀壽司特別鍾意火炙壽司，尤其✨火炙左口魚邊，油香味濃，有入口溶化嘅感覺🤭✨火炙柚子胡椒帆立貝火炙過嘅帆立貝配搭柚子味道甜甜地幾清新 🧆🍡小食🐙 章魚小丸即叫即製，熱辣辣外脆內軟✨海膽芝士玉子燒 估唔到咁大份🤭芝士味濃郁，口感軟綿綿，裏面仲捲着蟹棒，配搭海膽點綴，味道豐富除咗壽司之外，餐廳仲有✨兒童餐✨鍋物🍲同✨甜品 🤭而且仲有香蕉船，可惜最後已經食唔落了下次有機會一定要食埋佢嘅香蕉船先😆😆