日和号壽司料理 (Closed)

MegaBox食肆林立，但這家日和號很受親子們歡迎惠顧，除了餐廳裝修帶有卡通元素之外，餐牌亦提供造型有趣，輕量級的兒童。不過今次兒子想吃烏冬，那就點了烏冬午餐。1、芝士炸雞拉麵送加州卷：＄58 芝士炸雞有4件，炸雞口口肉，面頭鋪上濃郁的芝士非常可口，拉麵還附有日本魚蛋、溫泉蛋半隻、甜甜的粟米和木耳絲，極之豐富呀！加州卷能令人更增加飽肚感覺，當然，全給我們吃光！好飽呀！2、石鍋鍋燒牛舌讚岐烏冬跟餐餸三文魚壽司兩件：＄82 石鍋內熱得很，真的不能心急地吃因為實在太熱，吃到最後時的烏冬還是熱熱的，三片厚厚牛舌味道濃郁，值得一讚是讚岐烏冬煙韌彈牙，兒子吃完又添。3、泡菜牛肉拉麵送加州卷：＄58 泡菜牛肉分量十足，還有些甜甜的洋蔥配搭，帶點微辣的拉麵相當吸引味蕾。提一提：餐廳有BB椅和兒童餐具供應，帶小孩用餐就很方便了。結帳時店員附送兩張$100的優惠券可供下次晚市惠顧時使用， 十分優惠，支持支持！

一家大細去食飯，帶埋小朋友，總會想找一些可以氹到小朋友開心的地方來進行晚飯。這一次因為要去買傢私而到了九龍灣的 Megabox，心想，這一個有兒童專區的商場，一定有一些啱一家大細去，會有設施氹到小朋友開心的餐廳。我在網頁及在到場後都看看，發現了這一家門口有一部日系火車小火車的餐廳，名叫《日和号》。同兒子來到，一看見這台綠色的火車，已經衝著埋去，嚷著要合照了。對的，單是這一個仿製的列車，已經可以令大小朋友都開心。這一列名叫《日和号》的火車，無疑是一個人人爭住拍照同打卡的熱點。更令小朋友開心的，就是我們被安排坐進列車內的卡座用餐。兒子立即說，好像坐在火車內食飯的一般。再者，扶手，長椅，同頂部的廣告牌，都真的同日本的火車很像啊。我們就一於坐上《日和号》享用一個簡單的日本餐吧。小朋友喜歡蟹籽軍艦，我們就單點了一份壽司給他。即叫即手握的壽司，看得出所用的食材都是十分之新鮮的。蟹籽粒粒分明，入口鮮味十足，而且蟹籽的份量也十足，非常之好味道。問了許久，廚房也特意走出來 double confirm 要怎樣去滿足座上素食者的要求而 off menu 地製作出這一個石鍋溫泉玉子飯。走了肉，廚師換上了栗米

今日想食日本野，所以黎食呢間，因為冇得book位所以要攞票等叫號，入面位大多數係6人位，所以得4個人要等下或搭桌，我地4個就唔想等，所以選左搭桌，選左鰻魚飯配沙拉，味道唔錯，但服務唔太多上餐唔講係咩，因為係搭桌，好驚攞左人地d野，所以有d唔開心，但食物係好味，希望可以改善下。

今日放假,近近地去左mega box食嘢,求其揀左間食日本嘢叫日和號,係溜冰嗰層佢假期都有lunch set menu,有刺身丼,壽司🍣set,熟食,都好多選擇,價錢50起,假期黎講都幾抵食我地入黎嘅時候,帶位姐姐俾左張優惠券我,有免費嘅小食送,以下兩碟係送嘅,都不過不失我地跟餐加左個三文魚刺身,都ok嘅我叫左角切魚生飯,d飯超多,食都好飽,d刺身粒多返d會更好男朋友都叫左刺身丼,又係d料多返d會更好間嘢主要抵食為主,quality就唔高,似中學求其同同學搵間日本餐廳食lunch嘅質素

👭日和号壽司料理 (九龍灣)👭1⃣石鍋叉燒讚岐烏冬 $78由於係石鍋既關係，烏冬上到枱時仲保持到好高既溫度。佢既湯底同一般既清雞湯味有啲區別，係帶有一股蒜香😍烏冬則唔會煮得太淋，保留到煙韌彈牙既口感之餘亦好吸湯。叉燒雖然偏薄但一咬就化開，令人感到驚喜👍🏿2⃣原板加拿大海膽迷你丼 $48只要係晚市/宵夜時段光顧就可以用$48優惠價點購呢款海膽迷你丼，38緊係唔執輸叫埋一份😝海膽雖然無餐牌上咁澎湃...但都明既..圖片只供參考丫嘛😂醋飯上佈滿海膽，而且仲有啲三文魚子作為點綴。海膽新鮮度一般，味道甘甜，最值得一讚係啲醋飯，醋味剛好而且飯既軟硬適中，黏度亦足夠🤩3⃣芝士海鰻牛油果卷 $58最近38愛上左食牛油果，所以今次都會叫一道牛油果既菜式嚐嚐鮮😆點知係好失望😞牛油果只得薄薄一片，食落完全感受唔到牛油果既味道。只係食到滿滿既燒汁及沙律醬😂食材比例上要改善下啦...4⃣日本三得利啤酒 700ml $46$46飲到700ml既生啤，都幾抵飲。飲落口感幼滑，泡量適中，正呀😆但有一點係可以改善。38見到店員斟生啤時斟滿瀉，但又無將杯邊好好清潔，導致杯邊滑潺潺，如果改善埋更好🐵推薦度：7.5/10🏠九龍灣宏照

Mega box揾食，見到有間動漫feel餐廳，即管入去試下餐廳設計有啲似快餐店，播住強勁嘅音樂，有少少嘈😂😂😂叫野食喇喂，上菜都算快第一樣到係海膽丼，正喎！ 做緊推廣價每碗$48,限每人叫一個。 性價比高必食我見到好多張枱都有捧場😝跟住嚟咗個雞軟骨，ummm.....唔係咁好食中左伏韓味三文魚脆香卷，呢個好食喎，份量好足。有天婦羅脆脆圍住件壽司，小朋友實鍾意食火焰明太子沙律三文魚親子卷呢個都推介，仲好食過韓味三文魚脆脆呀夠晒海水味嘅三文魚子，越鹹越正最後黎多個燒汁魷魚筒，我就覺得一般般喇，原本期望佢係熱辣辣，點知上到枱已經凍哂。佢配咗沙律醬，啲味唔太夾，如果佢哋可以跟個酸薑就會好啲囉間餐廳又幾搞笑嘅

見呢間網上評價一般，試一試係咪咁伏先，又唔係wor~ok wor~但當然無得同頂級日本料理比啦!!我地先食七味雞軟骨粒，好爽脆香口，加埋有少少辣好惹味。跟住要食返個清新溫泉玉子豆腐沙律平衡一下，最鐘意個芝麻醬酸酸甜甜，好開胃!另外多點了一個燒香草腸，香腸外皮煎到有少少金黃色，咬落外脆內軟，仲有滿滿肉汁。終於到主菜啦! 分別叫左北海豪勢丼同石鍋豬骨湯豬軟骨讚岐烏冬。睇到個名都覺得個丼勁，用左好多不同食材：有海膽、牡丹蝦、帶子、左口魚、三文魚子同玉子，讚!👍🏻最鐘意左口魚刺身，好滑，入口即溶，仲有啖啖魚油香留係口入面。

話說叫左個海膽。我地坐近bar 枱位置，個waiter 係bar 枱拎過黎之前咁岩比我地見到佢聞一聞，佢哩個動力已經令到我地不安。無論係衛生&觀感都唔好，試問下你碟食物比人聞過比你食，你會感覺良好？？碟海膽黎到我地仲問佢，點解你聞碟野嘅？？佢仲笑住話：「無咩，聞下姐。」ok, 我地照食，點知！！！！！！頂‼️海膽係臭嫁⚠️臭⚠️臭⚠️臭⚠️重要講3次！我即刻話：你知臭所以聞下，個男waiter 仲笑住話係‼️我地話退，個經理過黎話咁岩哩版海膽壞左❗️仲話d 食物係新鮮空運過黎。。。。。我深信個師傅&waiter 一定知係壞左，如果唔係唔會有咁嘅舉動‼️咁都拎出黎比個客人，有無職業道德ar.......仲有，唔好當個客係傻嘅。。。。。後話，我地成張單cancel 就閃人， 我真係唔敢食佢d 食物。海膽會咁，魚生一樣，何況哩家魚生咁易有蟲，真係要去間聲譽好少少嘅餐廳食‼️哩間餐廳-black list‼️

4個人係呢間嘢食完lunch想問佢攞杯水比小朋友食藥，個waiter同我只有熱水，如果要凍水就要收返3蚊一杯，我再問佢地經理，經理話如果我想要凍水就比杯水喉水我？！如果你好似出面D餐廳咁係比支蒸餾水我會照比錢！如果我無食嘢問你攞水你收我錢我會比！但依家我地４個人食左４個餐總共比左差唔多400蚊問你攞1杯室温嘅水你竟然同我講只可以比杯水喉水我，好過份囉！唔怪得當隔離Ｄ餐廳排晒隊時呢間嘢永遠都唔使等位，又唔係平，服務又差，d暑期工個個掛住傾計叫都唔理，我一定唔會再入去食！服務重衰過大排檔！

我去這一件餐廳食嘢，d嘢嘅味道根本唔算好，只可以講話一般般，D豬肉差唔多成塊都係肥膏，然後食藥想問佢攞杯凍少少嘅水佢都話要收3蚊，話凍水算係凍飲要收錢，話食藥就應該飲熱水，叫佢加幾粒就話都要俾3蚊真係有病，你飲熱水食藥唔會錄親？服務員態度一d都唔好，以後一定唔會再食

和小朋友去生物展，門面好吸引，入了去，落order時侍應做又36唔做又36，愛理不理。食物來了，壽司賣相差，我們order了魚生丼，生蝦不新鮮，入口難擋那腥味。兒童餐的沙律菜有好多水，連玉子和沙律醬，有點擔心小孩會肚子痛。

今日係 Megabox 睇完戲，就順便係商場睇下有咩野好食，去咗溜冰場果層塭食，見到有 CoCo 壹番屋、Pepper Lunch 果啲，但想食啲其他地方無既餐廳。見到呢間日和號餐廳幾大間，而且又幾多人幫襯梗，所以就入咗去試下喇。下午茶選擇都算多，餐牌一面係日式食品一面係拉麵同飯。最後叫咗火灸三文魚蟹籽丼配凍檸茶。火灸三文魚蟹籽丼 ($48) : 賣相同實物真係有啲差距，實物有啲頹，味道就普普通通，收成 $48 蚊有啲唔係咁抵食。

1 今天午餐時間入座,朋友先入座12點20分下單,待應告之如點特價餐,要12點45分還枱,我朋友表明不是是點特價餐是點一個正常午餐...2 我們一行3個大人3個小朋友,點4個套餐,他們竟然問是否點多了?但早20分鐘前又質問我們是否點特價餐,現點夠4個午餐,你們又質疑,真令人費解?3 枱面上明顯仍有餐點未食完,因朋友同小朋友需要去廁所,全枱剩我一個人等候他們歸來,待應竟然走過來問我其他人係唔係走晒啦?意思他們要執枱,我即答回不是....4 到付款時我先行去收銀處付款,同行朋友連小朋友隨後離去,店內穿恤衫的職員即刻以質疑眼光示意朋友們是否已付款,隨行朋友即時指向我,而我亦早已在收銀處等候收據5 收銀員態度卑劣,扔我信用卡落枱面及將單據隨意拍向我手心,大佬收錢收到你咁樣,唔好收亞笨

話說上個禮拜我哋開完會出嚟食飯一個gel咗頭嘅員工非常之熱烈咁樣招待，已我哋問佢攞咗好多次餐具佢都好好咁對待我哋，我哋覺得呢個員工非常之有親切咁而且我哋會應承佢我哋下次過嚟再食，太多好嘢食都唔差，我叫咗嗰個角切雜錦丼係真知好食而且裏面都非常之新鮮用料都唔差而且價錢亦都好符合我哋嘅平民水平，真係非常之好特別要再讚多次嗰位gel頭嘅男員工，雖然我哋公司一個月先開始一次會，但係每次都會來選擇一間日和號嘅日式餐廳食飯勝在有親切感👍🏻👍🏻👍🏻👍🏻

Lunch hour諗食啲咩真係好頭痛 今日落雨就嚟咗好近公司嘅日本餐廳食飯 餐廳都幾大 所以都坐得okay舒服👍🏻 lunch set選擇都算多 加埋一都唔會話太貴 包咗前菜同飲品前菜係中華沙律 有少少粟米 番茄仔同蟹柳 中華沙律係咩味相信大家都知 所以唔喺度介紹啦粒粒角切魚生丼 都算幾多魚生 一上枱幾滿 有三文魚 吞拿魚 八爪魚 甜蛋 仲有好多飛魚子添 見到都開心🤤 魚生唔算係好新鮮嗰啲 但係絕對食得過 魚生種類咁多真係幾難得 成個感覺係幾抵食嘅 價錢相宜👍🏻餐飲都有好多可以選擇 有得揀汽水同凍飲添 比較特別嘅有柚子玫瑰花同菊花薑蜜值得一提 餐廳經常會同不同嘅動漫做crossover 檯檯凳凳都會有嗰啲主角㗎 鍾意動漫嘅朋友可以去打吓卡😺