日和号壽司料理 (Closed)

今日去MegaBox睇戲，睇戲前梗係搵嘢醫肚啦！通常我哋都會去10樓food court睇吓有咩食，今次就入咗去一間食日本嘢嘅餐廳。我哋叫咗壽司，串燒，同埋炸物。最先嚟嘅係蟹子壽司，食落去都新鮮彈牙，紫菜亦都唔會話林，幾滿意！跟住嚟嘅就係吞拿魚、三文魚、貝類三食同埋火炙三味。咁多件壽司🍣味道其實都叫中規中矩，係件飯比較細少少！跟住來的係燒雞翼同埋燒牛舌，燒雞翼就比較大真雪味，同埋雞翼都比較薄身，應該係原本比較細隻，所以切開嘅時候就變咗好薄，雖然有另外調味，但係都唔能夠遮掩嗰陣雪味，比較一般。牛舌方面就做得好好啦，牛味相當濃郁，無牛蘇味，而燒嘅時間亦都啱啱好。全晚最失望嘅就係吉列炸蠔，一上枱就見到其實炸燶晒，亦都萎縮左好明顯炸嘅時間太耐！雖然下一次想食日本野嘅時候我都會再戰，但只會選擇性叫某啲食物就算啦！

「日和號」是一家用卡通做主題的和式料理店，每幾個月都會轉換卡通主題，而每次來到也會被其裝潢所吸引除了主題外，餐廳環境也不錯，燈光明亮面積亦大，所次每次到來都充滿期待至於食物方面，這裡的水準不算最高，但一直也很不錯，特別是豚肉生蠔泡菜鍋定食，滿足份量的蔬菜，配以豚肉及生蠔的鮮甜，是我們同事們的至愛之處然後近日天氣太熱，一般都只會點高菜雞扒飯，又或者是粒粒角切魚生飯或火炙松葉蟹三文魚飯，刺身十分新鮮，推薦給喜歡食日式料理的朋友

講真，呢個價錢係megabox食飯可以有更好嘅選擇。我見佢裝修係干物妹，好可愛就入左來食飯。😋😋😋😋😋食物😋😋😋😋😋#1001 蟹籽沙律 $58 沙律方面普普通通正正常常，蟹籽蟹柳就比較少，同埋講話要少醬都有做到，唔錯！#1011 味付拼盤 $48螺肉：係大粒嘅，味道同爭鮮一樣。八爪魚：都係大粒，味道中規中矩。中華沙律：有怪味，同廚房提出左，對方回應話係今日先開嘅，咁我覺得係同我平時食開嘅中華沙律味唔同。#2016 芝士焗蠔 $48蠔偏細，有酸味，芝士入面有生洋蔥。#3002 三文魚刺身 $54差唔多都有八達通嘅size，好厚身，但略嫌沒什麼鮮味。#4009 鰻魚手卷 $28鰻魚沒有鰻魚味，鬆散，不好吃。#5012 蔥燒牛肉拉麵 $68餐單上寫牛肉，但真身係肥牛，有點取巧。拉麵有嚼口，一般般。🗣🗣🗣🗣🗣服務🗣🗣🗣🗣🗣在門口的時候沒有人接待，減分！場內基本上都是年輕的男生，較沒有經驗，但服務態度禮貌，會主動問有冇需要。🏠🏠🏠🏠🏠環境🏠🏠🏠🏠🏠干物妹x列車的佈置，可以因為環境來試下，但可以不可再，要改善食物質素！

經開依間位於Megabox既日本餐廳就入去試下，好大間 好多座位 坐得鬆動舒服！叫左個刺身船再加D壽司小食同熟食隻刺身船勁大隻 我地四個人系食吾哂 好多款式 份量亦都好多 味道新鮮 夠凍！

一家三口第一次光顧，但肯定不會再來。點了石鍋豚肉豬骨湯讚岐烏冬，問她們可否轉做蕃茄湯，她們回覆說可以，加10元。我們說好，並且在點餐紙上寫明要轉做蕃茄湯。餐來了，沒有轉做蕃茄湯，便和職員再說一次，並且有手寫單做證明。職員立即拿走單，並加上10元，但烏冬卻不換走。等了數分鐘，只好叫另一位（穿黑衫的）職員，告訴她情況，她怱怱地拿走烏冬。我和先生的餐到了，吃著吃著，過了十五分鐘。可是烏冬仍未到，再問職員，她走往廚房，回來說，現在做給你們。又十分鐘後，烏冬終於到了，卻仍然是豬⻣湯。兒子等了一小時，所以我們無奈地不再換，唯有照要那豬骨湯。說明，之前的職員們只會怱忙改單收人錢，卻沒有認真為我們跟進，更忘記了下單，而之後，為我們漏了單而追單的職員又沒有細心看單。口味人人不同，我們點了飲品，全部不能飲完。不論吃的喝的都超級甜。超差的服務，超無奈的經歷。

食左呢間野起碼5~6年呢間野唔知點解每隔幾個月就會門面侍應全部換人既其實間野已經愈黎愈少人食野食唔差但配套太差 日本野最緊要係杯茶呢度永遠都唔會夠熱 有時直情係凍既 唔信可以去試下由其是今次轉左好似家庭式經營咁收銀位有個類似老細既呀伯 新黎完全咩都唔知咁跟住兩個男侍應 應該係佢個仔定親戚黎大聲大氣 拎野又大大力放 唔講以為佢貼錢俾我食無野做果時又大大聲傾計 好似地盤佬收工7-11吹水咁 無見過會有日本餐廳有咁離譜情況出現~如果想體驗仲劣過澳牛既服務可以去試下

星期六嚟到呢間餐廳，見到餐廳主要用日本動漫作為主題，同時亦都吸引到一家大細同埋情侶一齊進餐。本身諗住睇戲前搵啲嘢食咁就求其搵間餐廳食。但係嚟到啲嘢食有驚喜，竟然味道唔錯，同埋好過爭鮮！魚生同埋火炙三文魚腩分量唔算太多但係都幾好味。之後叫咗個燒三文魚骨小食，發現同餐牌個份相差好遠。餐牌有六舊，嚟到得三舊，味道不過不失唔算太好食同埋肉唔多比較普通。有啲失望。不過出整體而言，呢間餐廳嘅性價比都唔錯，再嚟會再食嘅。

食物照片很吸引所以坐下, 但裏面的侍應完全唔似侍應, 感覺像臨時工, 問佢問題完全答唔到, 態度不是10分友善, 其中一個仲突然對其他同事起飛腳, 根本不在工作的狀態.. 食物質素只屬於中下, 叫了一板海膽, 壽司都不算10分新鮮, 唔推薦再嚟

Megabox的餐廳選擇不多大多集中在10樓Foodcourt的範圍日和号是主打有動漫主題的日本餐廳平日晚上在餐廳用餐的客人不多可能megabox本身平日的人流已不算多一入座見到隔離枱的原條鰻魚飯好似好吸引鰻魚的份量又很大就跟左人地叫食物上枱才知道中伏了從沒有試過質素這樣差的鰻魚飯以熱鍋上的飯我期望飯應該要比較乾身及會有少少飯焦吧現實是不但整個飯都是比較濕 什至帶點軟爛鰻魚味道清淡即使是原條的份量 都不能補救味道很差的印象這家餐廳真是可一不可再!

order咗刺身, 燒牛舌, 叉燒 拉麵 ,牛肉鍋刺身入面嘅生蠔得開水味,完全冇蠔嘅鮮味. 海膽刺身 一陣 霉味，一啲都唔爽唔新鮮。 牛肉喎啲菜太甜， 娃娃菜太老 。牛舌硬到冇朋友。 仲要收我加一，茶水每位三蚊。 啲 waiter waitress完全喺度發夢，唔知做緊乜。 完全充滿絕望嘅一餐

一個推一個  冇人答到問題 答又答錯問：啤酒係支裝定罐裝？第一位侍應 唔出聲 搵人幫手第二、三位侍應黎到問：啤酒係支裝定罐裝？答：um... 係沖出黎問：😳 姐係生啤？答：應該係要一杯 唔該 點知黎到 一個杯加罐啤酒🤷🏼‍♂️

之前同朋友溜完冰 就諗住同朋友去食個宵夜啦見到個日和號有半價優惠好似幾抵仲要自己入去，無人帶位 個女經理企係門口挽手機 都算啦 填完野食想比單人 個個“侍應”都傾計 舉左5分鐘 個經理就用住手機行埋黎係我手扯走我張單，之後繼續低頭。本來服務差 就期待食物 點知張櫈有隻小強壽司最重要係刺身 我點左3份三文魚 三份都比個師傅連到爛哂…都算 啲飯仲硬到X街 失望軍艦嘅紫菜仲惗過舊三文魚最嬲就係 最後埋單收左我地茶錢但全程無人比過茶我地。

掋食之選推介🤑🤑🤑其實我都幾鍾意食日本🇯🇵野，當諗唔到食咩時，都係會不自覺入咗去日本餐廳。係呢個限定時段內真係好抵食。⏰逢星期一至五，11:30-12:45離座或13:45-14:30入座，就可以有選擇8款優惠套餐供應，仲送熱飲或汽水。 ————————————————————————🧡火灸三文魚加州卷配烏冬（$45）以為份量會好少，點知都食唔哂呀。薄薄的火灸三文魚，配上味道較清的加州卷真係絕配。以為係淨烏冬，點知有幾片肥牛，都幾好。👍🏻👍🏻👍🏻 我好喜歡飲呢款熱飲，菊花🌼薑蜜。飲完有小小辣，但會暖粒粒，好養生咁。

我們一家常去mega box, 因為真的很kids friendly!如果諗唔到食咩好，好大機會我們便會去了日和號，因為食物價值合理而且味道也有一定保障！日和號的裝潢以列車為主題，定期會有不同的主題，但今期的動漫人物我就不太認識。帶小火子外出用餐，會開始留意兒童餐，因為比較適合小朋友又很便宜，這裡的兒童餐只需$48，更有我愛的章魚小丸子，我便不客氣地把小丸子據為己有啦！至於我們還點了海膽炒飯，這個是每次必點，除了是飽肚之選外，用料也很足，有海膽，蟹籽，八爪魚，無飯不歡的人一定要試試。另外，生蠔䐁肉泡菜鍋也值得推介，$98滿滿的一鍋，湯底不錯而且有很多蔬菜，蔬菜在甜甜的湯底下煮過變得更鮮甜，出外用餐也總要有些蔬菜啊！

九龍灣係商廈和工廠區，午餐普遍偏貴。我今和同事去日和號食lunch，點了一客壽司刺身定食，有沙律、魚生、壽司，仲有個細牛肉烏冬，味道都ok算合格，份量都夠食。我見同事既鰻魚飯都好吸引，下次有機會試下先。