Video
6-min walk from Exit B, Kai Tak Station
continue reading
Telephone
57225079
Opening Hours
Today
12:00 - 22:00
Mon - Fri
12:00 - 22:00
Sat - Sun
11:30 - 22:00
Above information is for reference only. Please check details with the restaurant.
About Reward Scheme
Offers
自從啟德體育園及新商場The Twins雙子匯開幕，啟德最近成了不少港人的逛街吃飯的新蒲點，今次來到雙子匯1期崇光The Twins 1期逛街，晚飯時間選了「Nisugu」餐廳，店內主打西班牙日式Fusion菜，更有多款西班牙小食及雞尾酒等，而餐廳午市是cafe, 晚市是bar & restaurant🥂。店內裝修風格時尚又開揚，半開放式設計顯得環境寬闊舒適，餐廳位於商場高層，今次黃昏時段去到坐在餐廳戶外露天座位，剛剛好看到日落夕陽…太陽瞬間消失的美麗景色，而夜幕來臨…晚上更可以吹著微風飽覽啟德夜景，情調非常之浪漫，景色真的有滿滿的驚喜。【明太子忌廉菠菜大蝦意粉】(HK$178)意大利麵上鋪了一隻隻煎香了的蝦及三文魚籽，意大利粉用了墨汁製成，麵質煮得剛剛好，加上有很多明太子忌廉菠菜醬汁，醬汁味道很不錯，三文魚籽份量亦有不少，所以口腔充斥著不少鹹香味道。【油封鴨髀配鵝肝西班牙飯】(HK$228)（追加鵝肝1片 +＄68)西班牙飯上鋪上大大隻油封鴨髀，亦有鵝肝(追加多一塊)、鹹肉粒、洋蔥及沙律醬，鴨髀肉質結實味道適中，不會太腍或太實，西班牙飯亦粒粒分明，口感乾爽而且碟邊有不少飯焦，相信飯吸收了不多少精華，非常夠鹹香。【HOlL】(HK$138)搭配了gin酒、培茶、雲呢拿果醬、芒果蓉、檸檬汁和柚子蜂蜜，雲呢拿及gin酒味道都比較突出，清新易入口。【ASA】(HK$68)黑茶配搭西柚及白桃，入口黑茶味道突出, 而且有淡淡的西柚及白桃味道。【日式焙茶TIRAMISU】(HK$78)TIRAMISU甜品入口質地濕潤而軟滑，有濃郁的咖啡味及陣陣日式焙茶茶香，咖啡味偏濃一點，不算太甜。〔Nisugu〕🇭🇰香港九龍城啟德協調道12號雙子匯1期崇光啟德店食匯堂14樓1402號舖Shop 1402, 14/F, Restaurant Park, SOGO Kai Tak Store, Tower I, The Twins, 12 Concorde Road, Kai Tak, Hong Kong
continue reading
啟德體育館開咗之後好想同老公去行下,去咗雙子匯一期SOGO樓上一間西班牙餐廳食lunch,室內環境優雅,亦都可以揀室外享受一下陽光,渡過悠閒嘅下午！餐廳午市係cafe,主打日式同西餐套餐,晚市化身成 Bar & Restaurant！西式午餐B◆藜麥車厘茄沙律沙律菜同車厘茄都十分新鮮,加咗藜麥,有口感又爽脆,味道清新又健康！◆白酒煮大蜆 蜆肉大隻,每隻蜆都吸收咗酒嘅味道,鮮甜得嚟又帶有酒香！◆香蒜欖油大蝦扁意粉蝦肉彈牙,扁意粉軟硬度啱啱好,微辣加埋蒜香,非常香口惹味！ ◆Grill Pork Neck燒到金黃带焦香,肉質嫩滑可口,配上京蔥絲嘅些微辛辣味,再沾滿新鮮蛋黃,增添咗層次感！◆ Spanish Suckling Pig乳豬即叫即烤,散發誘人香氣,外皮非常香脆,肉質嫩滑,皮肉間油脂入口即融,配上清新蘋果蓉醬,中和口中嘅油膩感！◆Pistachio Cream Brûlée質感幼滑creamy,開心果香氣十足,焦糖鋪面,外脆內滑,口感好正,勁好味！🍹 AKA (Mocktail)色彩繽紛,口感清新,柚子同蔓越莓滲出陣陣果香！ 🍹KIKU (Cocktail)蘭姆酒、梨汁、青檸、蜜糖同梳打水混合中和咗酒嘅苦澀感,好易入口！
continue reading
OT完，想搵個舒服啲嘅地方休息吓，食啲嘢。所以去咗啟德雙子匯嘅Nisugu，貪佢有cocktail又有tapas，仲有個無敵靚景可以睇，望穿曬成個啟德。Nisugu表面上係西班牙餐廳，其實好有日式元素，例如Nisugu個名係日文直譯係”立即地”。餐廳定位方面，呢度午市係做Cafe，晚市就做Bar & Restaurant。蒜片欖油大蝦 $128用鍋上嘅蒜片大蝦，要小心熱🔥，蝦嘅份量都唔少，連埋蒜片欖油，都幾飽肚。紅蝦牛油果他他 $148相當出色嘅紅蝦同牛油果嘅結合。特別在佢碟嘅旁邊有柚子醬汁，係好特別嘅他他調味方式。火腿可樂餅 $58可樂餅就係有火腿芝士同薯仔等等嘅材料，一客有兩粒。Broken Egg 🍳 $98即係伊比利亞火腿配溫泉蛋薯絲，個人係幾鍾意呢道菜。首先整爛個溫泉蛋，之後脆脆嘅薯絲就可以點嚟食。Churros / Ice-cream $98呢個西班牙油炸鬼，係好傳統嘅style。熱辣辣嘅油炸鬼上面滿佈肉桂糖，加上朱古力醬同雲呢拿雪糕，係相當Heavy嘅甜品。日式焙茶Tiramisu $78叫返個日式甜品先。呢個日式焙茶Tiramisu，同時有焙茶味同咖啡味，雖然Creamy但唔會好膩，係幾好食嘅甜品。當然，面對咁靚嘅景色，我哋都叫咗一杯Cocktail同Mocktail。Uji $138呢杯Cocktail認真犀利，綠茶味嘅威士忌，有漸變效果，仲有個玻璃球喺杯度，用嚟搖嚇又得，飲又得。Aki $72相對上呢杯更抵飲嘅Mocktail，帶有焙茶同荔枝味，大大杯，幾夠飲。對住靚景，食啲小食，飲兩杯，一餐飯原來可以咁就得。
continue reading
適逢又到拍拖紀念日，今次揀咗啟德嘅新商場雙子匯的一間靚靚Fusion 餐廳Lunch Set 分咗日式同埋西式，前菜，小食、主菜可以自由配搭，非常有彈性我哋各自叫咗一個日式同西式嘅lunch set 香橙羅馬生菜沙律，沙律菜非常新鮮，咬落爽脆有汁白酒煮大蜆好清新，蜆肉彈牙主菜揀咗泡菜豬頸肉炒烏冬，豬頸肉好爽口，炒烏冬會有啲辣另外日式set 叫咗鰻魚玉子燒，大大塊鰻魚鋪喺甜甜地嘅玉照燒，淋上照燒汁好好味滑蛋壽喜燒豆腐係喺一塊塊嘅滑豆腐同滑蛋上淋上壽喜燒嘅醬汁，送飯食一流藜麥飯上鋪上三文魚子，食落有少少魚腥味，又有少少醬油嘅甜味，幾得意留心焦糖法式燉蛋西多士厚多士沾上滿滿嘅蛋汁令到塊多士好軟身落鑊煎，令到塊多士好濕潤，但多士邊有好脆口法式焦糖燉蛋醬鋪面，口感順滑Creamy，唔會太甜好好食開心果焦糖布丁布丁好Creamy ，開心果味唔算太出，但係面層嘅焦糖味好脆口
continue reading
位於雙子滙14樓嘅西班牙餐廳，有個超開揚嘅室外座位，景觀一流，無論日景或夜景都一樣咁靚。🥢紅蝦牛油果他他 $148外型好似蛋糕一般精緻，卜卜脆鹹鮮三文魚籽、爽口鮮甜紅蝦，再配合滑溜溜嘅牛油果他他，完全係食材本身嘅原味道，好味。🥢蕃茄酸種麵包$58大塊過手掌嘅酸種包，口感香脆，配上香草味濃郁而又酸爽清甜嘅蕃茄蓉，好夾。🥢黑毛豬火腿無花果沙律$118黑毛豬火腿口感煙韌，味鹹香，無花果清甜並配合奶香味濃郁嘅芝士碎，與新鮮沙律菜一齊食，惹味又清新。🥢明太子蟹肉玉子燒$128卜卜脆鹹鮮三文魚籽、滑溜鹹香明太子醬再加埋鮮甜蟹肉，與軟綿味香嘅玉子燒湊成好味搭檔。🥢西班牙青椒仔$68烤過嘅青椒仔味道濃郁，只係加咗少少鹽就能突出到青椒仔清甜嘅原味道。🍰開心果巴斯克蛋糕$78芝士味非常濃郁，但亦掩蓋唔到開心果嘅果仁味道，外面焦香厚實，內裡 軟綿濕潤又絲滑，高質。🍹Natsu$68(左)呢杯mocktail以熱情果、蜜糖及烏龍所混合而成，微甜，口感清新舒爽。🍸Hoji$138(右)呢杯cocktail帶着淡雅嘅焙茶香，同時亦帶馥郁嘅雲呢拿味，雖以Gin酒作基底，但絕對不搶喉，醇香順喉。上次朋友响呢喥食午餐，今次同我食晚餐，佢話各有特色，因為午市就好似Cafe咁，casual啲，而晚市就好似Bar & Restaurant咁，氣氛浪漫啲。
continue reading