農米莊 (豉油街)

Open Now

Now Closed

香港近年流行吃米線農米莊在尖沙咀和旺角均有分店主打不同口味的雞湯米線所有食物都是不含味精門外寫住「一碗可以連湯都飲晒嘅米線」外出食飯都可以食到健康的米線三大招牌：椰子雞湯米線、黑蒜雞湯米線和懷舊藥膳雞湯米線我今次試了養顏的椰子雞湯米線及黑蒜雞湯米線椰子雞湯米線湯底以鮮椰子熬製 所以湯底是奶白色的湯底味道不會很重不會過咸 反而帶點椰子的鮮甜味我喜歡食米線配上一小口湯米線配搭了不少配菜: 如椰子絲、冬菇、雲耳、枝竹、豆卜最喜歡豆卜完全吸曬湯底的精華主食以雞胸肉為主的雞件油脂較少肉質滑嫩感覺上好健康黑蒜雞湯米線配菜和椰子雞湯米線大致相同不同的只有湯底黑蒜的口味比較濃郁如果不喜歡椰子的甜味可以選黑蒜個人都覺得不錯米線之中 這家的價錢未算最平民可是份量十足 質素都不錯 性價比很高!

🐥農米莊🐥 有趣的名子，途經旺角想找點吃的 在旺角真的不難找。貴為不夜天的街道，宵夜時段真係好多選擇。行行下就見到呢間餐廳主打食雞 米線湯底亦係招牌養生，有藥膳湯底`椰子雞湯底`黑蒜湯底`芫茜湯底；辣既有酸辣雞湯底`麻辣雞湯底，真係好多選擇呢。唔食米線亦都有飯類`小食`湯飯`湯粉麵，應該點都會揀到一款岩自己。而呢度出夠食雞湯米線，我都唔錯過呢。藥膳雞湯底🐥🍜真係好有藥材煲雞湯既味道，真係好健康既感覺。而雞件滑滑 配上米線，真係好養生之選呢。黑蒜雞湯底🐥🍜黑蒜近幾年被推舉為健康食材，呢度又招牌健康之選 當然都要試試吧。黑蒜味唔會話特別重，亦唔會過油，都唔錯。..下次宵夜時段諗唔到食咩❓大概呢度會係其中一個好選擇。

旺角果然是不夜都市，星期五晚上9時，旺角的餐廳仍是高朋滿座，我跟朋友拖著疲累身軀走著找一個容身之所，最後見到農米家有兩個位子，便直衝入店。芫茜雞湯米線 賣相不討好，但芫戈茜很多，湯底有攪碎了的芫茜，但不知為何芫茜香味就是不重。 椰子雞湯米線湯很甜，滿滿的椰子香，雞也是滑滑的，但個人極討厭椰絲，稍為扣分吧！店內牆上寫著「一碗可以連湯都飲晒既米線」，我最喜歡食湯麵飲晒d湯,但每次都中伏，食完勁口渴。這次我也喝光光椰子雞湯，而且喝完沒有勁口渴，果真真材實料。

已經第二次到呢間食米線，今次係食午巿時段。我上次食藥膳湯底雞米線，實在太好食。所以今次都嚟試下。12:30 pm 見到有好多學生排隊，我哋去做啲嘢，1:30pm 返返去，有位。我叫左：喇沙雞米線，湯底好好味，其實好辣，我食辣限度只係食到十小，但太好味所以飲咗好多，一路食一路流汗，好在呢間餐廳有紙巾 ，如果唔係就好狼狽啦。老公叫左柚子豬軟骨米線，我覺得好味嘅不過配豬軟骨味道唔係咁夾。+2蚊柚子蜜總結嚟講，湯底係我食過咁多之中係好高分，雞肉都好高分，諗起都想再去。食完離開嗰時都有好多人排隊呀!

食得譚仔多， 有時都想試下其他米線。今日試左雞湯米線， 都有其他飯揀。雞湯米線個湯都夠雞味， 餐廳上菜都快， 味道都唔錯， 價錢都算平。但係米線大部份都係雞， 多啲選擇會好啲。飯偏硬， 要好大力咬， 小朋友最好唔好揀飯。

農米莊係一間隔一排就會心郁郁想去既餐廳通常哩類既餐廳都有一個必殺佢既必殺技就一定係佢既湯底啦！每次坐底都唔使諗，椰子雞湯米線湯底極濃椰子味，仲有少少椰子絲添飲落去就知冇味精，甜得黎唔會有膩既感覺配料都好足，除左木耳、豆卜仲有冬菇雞件都好嫩，食落冇雪味，每次一定會飲哂啲湯先滿足

係旺角同主人食晚飯同行街，比熱情既門口姐姐說服之下入黎試下   呢間鋪主打雞湯米線，有唔同既配料加，仲有好多小食，唔想食米線咁齋既話可以叫下。我地兩個人就叫左各自一碗米線，藥膳雞湯米線同芫茜雞湯米線，$58一碗。雖然小店好多人，但侍應同廚房都好有效率，好快就有得食。先黎既係主人既呢碗芫茜雞湯米線，真係成碗都係茜    聽佢講雞湯本身無好濃既芫茜味，雞件有五六件，算係大件。再黎就係肥鴿既藥膳雞湯米線，同樣都係唔算好重藥膳味 ，但雞湯底就好清，食完都唔會太口渴。配料好充足，除左雞件之外，仲有生菜、冬菇、紅棗、豆卜等等，其實食配料都飽左一半。但肥鴿呢碗既雞件比較多骨，同埋都唔係特別滑溜，影響口感。食落感覺上係配料仲好味過主要餸菜既雞 ，整體而言只係普通。小店既米線配搭有D都幾特別，係其他餐廳未見過既，例如椰子雞湯米線，龍蝦雞湯米線。但有時配料太多太特別就會比人喧賓奪主既感覺，正所謂妹仔大個主人婆。都有可能今次係肥鴿唔好彩食中多骨既雞件掛...總之呢餐只係一般，唔會吸引到想再ENCORE食多一次

今日早左收工，出旺角食飯，怕周圍都人多，經過見到呢間唔係好多人就入咗嚟食飯。入到餐廳，其實都幾迫，因為繁忙時間四人位要坐埋同一邊。本身想叫客船湯底，但見到隔離枱椰子雞湯好似好潤，所以我哋兩碗都叫咗椰子雞，本身想加配菜，但俾個店員說左加黑蒜雞翼。碗湯嚟到好香，我男朋友指明要食雞胸，唔知點解嚟咗隻雞比，我嗰碗就變咗雞胸。好無奈。只可交換吃。個湯底飲落去都幾甜，椰子味算重，碗湯唔係好多雞油。啲雞食落去啖啖肉，雞有雞味。嗱，不過呢個雞翼就令到我哋都好失望。個黑蒜味同個雞翼好似唔係好夾，同埋三隻雞翼有兩隻比較細隻。黑蒜味唔知點解會酸酸地，唔知係咪我味覺有問題。總結來講，個雞米線其實都算唔錯算平幾好味。完

今日一支公去旺角買games,見之前有朋友提過話依間嘢既米線幾好食，向我推介過，所以就特登去試下。入到間店，佢有普通四人台同卡位，個人就比較鐘意坐卡位多D。佢牆上貼左好圖米線既圖，如果唔知自己點既米線咩樣可以看黎參考下。佢都有好多唔同既米線同湯飯可以選擇。今次先試一個叫椰子雞湯米線：佢面頭有D白色既椰子粉，而本身個湯都幾濃椰子味，好甜好滑。隻雞既雞肉好嫩滑，雖一不足之處係隻雞既雞味唔夠重。佢標榜自己係唔用味精既。而本人食完佢D米線同飲埋佢D湯後，又真係唔覺得口渴，所以應該真係無加味精。到講下佢個份量，因為我食既依份係下午茶，份量唔算多,普通女孩子就應該夠飽，但如果係男人就比較勉強。睇返價錢，一個下午茶椰子雞湯米加凍檸茶要$50，都唔算便。

今晚終於食到前排排隊排到2046既農米莊！ 店面就普通一間米線🍜店啦，見大家講到咁鬼真材實料又健康，我同友人就試試佢啦。 我叫左椰子雞湯米線，朋友就叫左黑蒜雞湯米線，再另叫一碟開胃前菜凉拌青瓜。 青瓜喺常溫，一啲都唔凍，辣但唔酸，好似冇醋咁。椰子雞米線就甜，感覺好多椰子粉同糖。黑蒜就正常黑蒜味，冇乜特別。雞件真心好滑！ 推薦！但其餘配料就寒酸左啲，好少又細件。 服務態度一般，明明冇乜人，但啲侍應喺都要所有客逼埋前面啲枱，未食完就過黎話收野，失望。

農米莊幫襯過好多次， 佢招牌嗰三款米線， 我全部都好鍾意 有時去到幫襯決定揀邊一碗米線之前， 都會細心諗下究竟今日想食邊一款。 椰子雞湯比較heavy， 但係超香椰子味， 黑蒜香濃， 藥膳米線就更加係獨一無二好少喺其他餐廳食到雖然幫襯過好多次，但係今次就係第一次寫食評。 今次叫嘅係藥膳米線， 雞件依然係非常滑， 覺得仲滑過啲海南雞 藥膳配料一啲都唔馬虎， 有紅棗，超級多嘅杞子，蟲草花， 最正嘅係仲有川穹 中藥味超級濃， 標榜話係連湯都飲得埋嘅米線一啲都冇花㗎仲有就係佢開咗咁耐， 水準唔單止keep到， 我仲覺得越嚟越好食 次次去都好多人， 希望長做長有啦

8/10.大家，小心，🚨係度食米線會不知不覺咁飲晒d 湯底😨個人覺得肯定係香港最好味嘅湯底啊！😋平日經過旺角都會見到呢間米線特別多人排隊，lunch time 時學生哥都唔小就知好野。今日同friend 試左兩個米線，我食嘅係藥膳雞湯米線。湯底一黎就香噴噴好有藥材味，飲落帶點甜。。 超級好飲！碗裡面的材料都非常豐富！💯至於椰子雞都好好飲！兩個湯底都係小小甜底，好易入口，同埋不知不覺咁係咁飲🤦🏻‍♂️雞肉方面都幾滑，但係應該係分開煮，變左雞肉唔係好入味同埋有小小"雪"味，但係湯底做得咁出色都係低讚！👍🏻

天氣凍凍地, 最岩就緊係食返D熱辣辣既野...又想食米線, 又想飲湯, 行過呢間有D特色湯底米線既農米莊又唔使等位, 就入去試下啦墨魚餅, 新鮮炸出黎熱辣辣又脆卜卜...咬落去仲有粒粒墨魚, 配埋個甜酸汁,,唔錯唔錯最怕叫藥膳個湯淡到好似水咁...呢個藥膳湯藥材味做得岩岩好,,,飲落去唔會好似食中藥咁..仲有冬菇, 雲耳, 杞子,,仲有蟲草花做配菜..成個藥膳湯有藥材味得黎又帶點甜,,值得推介椰子雞湯米線裡面仲有冬菇, 雲耳, 豆卜, 支竹做配菜值得一讚既係佢唔係用鮮冬菇, 而係用乾既冬菇, 所以好香冬菇味碗米線一到緊係要試個湯先啦..個椰子雞湯飲落去同想像中有少少唔同因為飲開既椰子雞湯會有好清既椰子水味, 但呢個就飲落去有D椰槳既味道,,但整體都唔差既, 雞件都多肉同埋新鮮, 唔會有雪味, 同埋都幾滑意外發現心形冬菇

主打雞湯米線既#農米莊 有好多唔同款既養生湯底可以揀🤤---------------------------椰子雞湯米線 $58椰子雞湯呈奶白色 味道清甜💁🏽‍♀️不過就唔太飲到椰子味 同埋唔知係我果碗既問題定本身個湯底係咁 飲落有啲喇沙味 仲有少少辣 好在唔太濃味 飲完都唔會好口渴😌湯底都幾足料 有豆卜、腐竹、冬菇、雲耳、生菜 雞肉有五大舊 即使係雞胸都好嫩滑 另外要讚一讚啲米線好滑 稍嫌煮得過淋無乜咬勁🙈.總括黎講無論湯底同米線都整得唔錯 推介！重點係開到凌晨3點 宵夜唔錯👌🏻評分：8.5/10

仲記得我第一次黎食既時候係因為網上見到一個post話係連湯都飲哂既米線個陣我心諗 邊有咁誇呀？？！然後我食過一次之後就踏上左農米莊呢條無盡旅途了我有時會食下黑蒜雞湯米線但講到all time favourite一定係椰子雞湯米線個湯真係好creamy好鮮甜好好味一聞到就忍唔住要擺落口食左一啖忍唔住要一啖接一啖咁食食完d麵同餸都不哂d湯黎飲到無先可以停！所以黎親呢度食飯我都會同朋友講定 我係唔會等埋你個碗黎先開始架又或者係佢個碗黎先我就會逼佢開動唔會咁殘忍要佢等埋我個碗先食我真係等唔切啦朋友食到一半我已經literally食清光了PS: 餐廳既playlist好跳脫好random但我中意好岩90後聽haha