農米莊 (豉油街)

Open Now

Now Closed

昨日宵夜時段來到旺角 收工諗住搵啲嘢醫肚 由於之前曾經去到尖沙咀農米莊食嘢 覺得 啲嘢食同服務態度都唔錯所以就直接入咗去 旺角裝修畀尖沙咀闊落 而且餐牌種類比較多 尖沙咀冇咁多小食睇到眼花繚亂 一個menu有三十幾款小食 主'食就有十幾款 都係以雞湯為主 我哋個叫咗一款 米線 分別係 黑蒜雞湯底米線同四寶米線加一份雞件 黑蒜湯底 黑蒜同雞嘅味非常夾 而且雞肉嫩滑 另外四寶 分別係龍蝦丸貢丸墨魚丸 同埋魚蛋口感一般蛋雞湯味非常 雞湯味非常濃郁這次和朋友沒有吃小食是因為那些小食大部分都是辣的因為朋友完全唔食得辣 所以冇機會試這裏的服務態度一般人手比較少 我去到嘅時間只有兩個人做到非常踢腳而且客人越夜越多 但這裏的位置 有卡位算闊落坐得比較舒服整體上評分都算中上不上尖沙咀

呢間餐廳係旺角新寶戲院旁邊，位置方面，亦唔洗等位！呢間餐廳標榜藥膳米線，其實我本身就麻麻，但女朋友好想食，唯有焗住要同佢一齊食🤷🏻‍♂️🐔芫荽雞湯米線 - $58👉🏾超重芫荽味，成碗都係芫荽，所以鍾意食芫荽嘅朋友必定要食呢碗👉🏾食得出雞味，但肉質好冰鮮雞嘅感覺👉🏾份量亦唔算好足，男仔未必夠食🍲藥膳雞湯米線 - $58👉🏾食材相當豐富，而且的確有啲藥材味，入口味道還可以，追求健康嘅朋友可以一試總括黎講，呢個價錢算係有啲貴，但味道唔算非常好，所以都係食一次就算

我同女朋友都好鍾意食米線，經常都會去好出名嘅嗰間譚X食，不過再好食食得多都會厭，所以今次就轉下口味，試吓呢間聲稱湯底都可以飲晒嘅米線。餐廳面積唔大，座位都比較擠迫，拉開椅子想坐低嘅時候都好容易會整到地氈而跌親，要格外小心。有一個職員好抵讚，佢見到有個客係拎拐杖，所以都安排一個闊落啲既卡位比佢坐。但有另外一個職員態度就比較差，佢見到有一台年青客人食完，就話外邊有人等位，想佢哋快啲離開，我就覺得咁樣唔係好禮貌。食物方面，我叫咗一個最多人食嘅懷舊藥膳雞湯米線，女朋友就叫左一個麻辣雞湯米線。女朋友好慘，佢個碗好多都係骨，而我個碗就好多都係雞肉😂雞肉係滑嘅，亦都有雞味，但我就覺得個湯底好淡，可能健康嘅藥膳都係咁卦😂

行到嚟旺角唔知食乜，突然間諗起朋友以前有推介過呢間農米莊，話佢嘅湯底唔係一般嘅味精湯，仲係可以成碗飲晒既。見到佢價錢又唔貴，一於同男朋友試下！室內裝修就不過不失，不過座位好擠迫，而且拉椅子嘅時候好容易會kick到地氈，所以要好小心。而且店員態度都唔係咁好，我嘅右手邊坐咗一台年輕人，佢哋食完之後店員就即刻趕佢哋走，話出面有好多人等位，我就覺得咁樣好冇禮貌😥講返食物男朋友叫咗個懷舊藥膳雞湯米線，無辣不歡的我就叫咗個麻辣雞湯米線，男朋友話佢嗰個味道比較淡，而我嘅麻辣雞湯米線就冇乜特別，不過啲雞係好滑既。我見我男朋友果碗同坐我對面果2個女仔嘅米線啲雞都係好多肉，而我嗰碗就好多骨😓所以我覺得呢間米線真係好普通。

一般後生仔女出街食米線，多去《譚仔》或是《南記》。之前聽過新寶戲院樓下，有家《農米莊》好食的，尤其椰子雞湯米線為鎮店之寶。米線種類繁多，性價比都算高留意米線份量都幾多，毋須點客小食也飽。飲品選擇頗多，但熱飲只加$4、凍飲$8、特飲$12，好似米線配紅豆冰都不過份椰子雞湯米線 $58滿滿都是椰子湯香味，確是一碗可飲的湯。配料都相當豐富，豆卜、雲耳、支竹等，為米線添上色彩雞件都夠足料，似乎許多雞翼且雞件吸收椰子湯味，相當可口。黑蒜雞湯米線 $59同樣地，配料和雞件多多，尤其生菜，夠健康。黑蒜湯底夠養生，雞件經時間浸淫，都有陣黑蒜味以前食黑蒜多配拉麵，這次配米線有種新鮮感；況且米線煮得彈牙，值得下次Encore

星期六中午想食碗麵🍜,咁就試下🐔🍜店舖細細但都坐滿不少人。叫了個藥膳雞湯米🥣,餸豐富嘅有,蟲草花,雞件,紅棗,紀子,當歸,可惜雞沒有雞味湯底又不夠熱,個藥膳湯有當歸味及紅棗味,道味常可接受。

星期日晚上我跟媽媽外出覓食，來到想試很久的農米莊食米線。時間已經是八點幾差不多九點，餐廳九成滿。我們被安排坐在唯一有空位的卡位，坐了一會卻發現頭頂的冷氣機經常向著我們噴煙冒的水氣，還吹著頭頂，難怪沒有人坐由於冷風不斷吹著頭頂很不舒服，我們要求調位，幸好剛有客人用膳完畢離開，我們要求下某男職員也樂意幫我們調位。我要了一碗可以說是招牌的椰子雞湯米線($58)。很香的椰子味，湯面的白色是椰絲，或者說是椰子粉末，加強椰子的味道。飲下去有點香香甜甜的椰子味，跟米線一起食讓人不自覺飲了很多。米線裡面有些不同的配料，例如有冬菇仔，枝竹等，還有當然是雞件，不過就沒有甚麼特別，湯底比較吸引。媽媽見我要椰子雞湯，她就點了懷舊藥膳雞湯米線($58)。送上菜很香，吃下去更香濃，有藥材味，卻容易入口，頗有驚喜。兩碗米線份量普通，男仔或者肚餓的就未必夠飽。我們還點了一客小食。太極鴛鴦皮蛋($25)就是有普通的黑色皮蛋，配黃色的皮蛋。皮蛋帶少許糖心，醬汁偏辣十分惹味，除了份量較少之外都不錯，可以試試。店鋪座位較逼，某中年服務員的態度和行為較差，也沒用甚麼禮貌。地方狹窄，我把電話放在單據上，那位店員沒有詢問，直接拿起

呢間農米莊我已經食咗好多次㗎啦😋😋😋😋第一次食係因為有一個好朋友介紹😆😆😆😆😆佢話呢度嘅椰子雞湯真係好好飲😃😃😃😃嚟過呢度咁多次都試咗好多唔同款🙆🏻🙆🏻🙆🏻🙆🏻🦞但係我最鍾意嘅係藥膳雞湯米線😍😍😍😍😍因為佢個藥膳湯真係好正😋😋😋😋😋唔會太濃濃到好似中藥咁但係藥膳味都好濃好香佢個湯底係真係好足料㗎👍🏻👍🏻👍🏻👍🏻👍🏻同埋飲落唔係好覺落咗好多味精啲雞都好嫩滑😋😋😋😋😋之前都有嚟試過呢度嘅黑蒜雞翼幾特別平時好小食黑蒜嘅嘢食呢度嘅黑蒜雞翼都幾好食同埋隻雞翼都大大隻💕💕💕💕

📍農米莊 重視養生嘅我平時搵嘢食都要一啲時間，今日就試咗旺角嘅椰子雞湯米線、藥膳雞湯米線。呢間大部份嘅嘢都係雞嘅配搭，有飯有小食選擇，平時都幾多人閒日都坐滿晒人。✅聲稱冇味精，成碗湯可以飲晒、唔太覺✅雞係滑嘅，有雞味✅ 招牌椰子雞湯甜甜地，個人比較喜歡飲藥膳雞湯✅好足料啲米線,大大碗🚫食完我又唔覺得啲湯冇落味精，個人麻麻哋椰子雞湯甜左d,但小編嘅男朋友就覺得藥膳雞湯同啲米線嘅質感非常正！個人口味不同啦！人均消費：$60好味指數： 1️⃣2️⃣3️⃣4️⃣5️⃣6️⃣6.5/10分回頭率：66.66%地址：農米莊 (旺角)旺角豉油街68號地舖

「農米莊」是同事介紹的麵食店，主打雞湯米線。翻看餐牌，只是雞湯系列的麵食已有九款。小編要了一碗「椰子雞湯米線」，麵食以農米雞件、椰子絲、冬菇、雲耳、支竹、豆卜及時菜製作。先唊一口淡白色的椰子雞湯，鹹鮮的雞湯中輕泛一份清幽的椰子香氣，食感溫和。農米雞件是主打素材，雖然份量稍嫌不足，但品質對辦，味鮮香滑。同事要了一碗「懷舊藥膳雞湯米線」，配料多了杞子、紅棗、川穹及蟲草花等藥膳食材。與「椰子雞湯米線」相比，湯頭那份 (藥膳) 氣味濃烈得多，收先聲奪人之效，有機會再來試試。整體而言，小編對「農米莊」的雞湯米線評價正面，可以一試。

一直經過此店都想試，今日終於一嘗夙願，叫左個外面少有既芫茜雞米線。店面地方窄，唔合適大份人士同有小朋友既家庭，但係旺角食野係咁上下。上菜速度快。米線一黎我呢個湯怪急不及待試下個湯。店家標籤湯底無味精，啲膳稿雜誌話可以成碗飲（其實一丁湯底夠大把人成碗隊啦），Well，我只可以講就算無味精都一定有增鮮劑啊雞粉you name it。因為個湯絕對唔係搵雞煲出黎既味。明既，用真雞湯成本咁乸脷工夫又多，就算一個位一個鐘返到4桌都冇用啦。之不過明買明賣，有味精有咩所謂，譚仔南記都可以咁好生意。但你唔係，唔可以話自己係。撇除呢點，湯底晚顏色同隱若既芫茜味很點題。雞件有5、6件，驟眼睇好多，塊頭亦不少，但暗藏殺機。姑勿論有4件都冇乜肉全骨，可能我時運差。有肉果兩件一咬落去，碎骨黎既？可能咁樣好咬口啲？亦提醒大家係旺角鬧市內亦不忘慢食文化，足見店家用心良苦。雞乃是主角，但味道不夠。加$6既菜心份量算ok。配料方面，有生菜3條、冬菰4舊、豆卜3舊、蔥一羹、芫茜若干。冬菰香。麵底份量不算太多。男士陪女友黎食恐怕要靠小食打底。米線索價$58，菜心加$6，加埋一$70落樓。實在唔明連杯水都冇點解要加一。性價比欠

第二次來食…，今次帶埋太太一起品嘗。店內依然常滿食客！！！！！我食椰子雞湯米線$58我太太食 柚子豬軟骨米線+鸭血 $49+12份量好多，湯底味道足夠！ 雖然全店滿座，但上菜速度其快！落單後只需4-5分鐘就有得食！ 清桌也好快手！店舖座位算舒適。沒有很迫的感覺。 種種加起 有80分以上！

麻辣雞湯米線($49)主打健康養生雞湯米線，強調所有食物不含味精。好多款湯底可以選擇，例如黑蒜、藥膳、椰子、喇沙等等。無辣不歡的我就揀左麻辣，味道不過不失，由於無得揀辣度，味道偏辣。以雞胸肉為主，尚算嫩滑，雞味十足，油脂較少，但係小心有碎骨。

食得太多油膩野想食得健康d，健康得黎又唔想咁dry，可以黎呢度試下，小編比佢門口寫住嘅一句吸引左入去食：「一碗可以連湯都飲晒嘅米線」。----------😋椰子雞湯米線 $58係呢度招牌米線之一，飲第一啖嘅時候已經有驚喜，椰子湯清甜，有陣陣椰子香，唔油膩真係可以飲哂個湯，飲完又唔會口渴，可以話係真材實料。個雞就正正常常，唔係太突出。除左雞就仲有其他配菜，有冬菇、雪耳、枝竹、豆卜。如果想食多d餸，可以另外可以再加餸，價錢係$6/$8/$12，今次小編加左貢丸，幾彈牙唔錯。----------🔎農米莊🚩旺角豉油街68號地舖🚩尖沙咀厚福街2號地舖

今日放工已經好攰，係旺角諗住求其搵d野食下，我叫左碗黑蒜雞湯米線，1分鐘都唔洗就出左黎，心諗：嘩！好快喎，正！但上到枱完全聞唔到黑蒜味，一夾d米線散既，又無味，d雞骨又好碎，但見佢無乜油就算啦，照食。最慘係個員工係隔離好嘈，好似要做戲比我睇咁，其實我放工都攰，唔想再聽你自言自語講你返工有幾辛苦！搞到我食完都即走，坐多秒都唔想。