農米莊 (豉油街)

Open Now

Now Closed

🍲黑蒜雞湯米線+黑椒牛肉丸($67)(🍚6/10）米線份量充足，聞到好大陣黑蒜味飲落濃郁，更加無口渴既感覺，但對於一般偏愛清淡湯底既朋友黎講可能會覺得咸咗少少🤏。雞件方面咬落質感唔錯夠鮮嫩，牛丸就比較普通，無咩黑椒味(可能因為被黑蒜湯既味道覆蓋)，建議可以試下其他餸。🥢喇沙雞湯米線+鮮竹龍蝦卷($69)(🍚6.5/10）喇沙味道都尚算足夠但湯底比較稀，同坊間喇沙湯底相比較遜色，呢個湯底反而適合中意比較清淡既朋友。加配既鮮竹龍蝦卷就值得推介一下！新鮮炸起咬落爽脆味道香口但略嫌份量比較少，只有一條龍蝦卷切成三小舊。🍗黑金雞翼(三隻)($28)(🍚5/10）主要味道來自雞翼上既黑蒜汁但無咩黑蒜味，醬汁質感有d似蠔油，比較適合喜歡濃味既朋友但不驚喜，雞翼本身無醃製過所以咬落唔太入味。🌽烤香甜粟米($20)(🍚4/10）黎到既時候熱辣辣，應該係即燒既，但略嫌椒鹽味唔夠，而且燒得比較乾身，食落都無個種清甜多汁既感覺。總括黎講如果食厭咗一般米線，又想試下比較健康既湯底，可以嘗試吓呢間餐廳，之前我地仲試過椰子雞湯米線，味道更好！

A healthy style noodle 好足料架有唒藥材U can also drink the soup which is not included MSG I like it , good try 今日食咗個白切雞藥膳米線係真係有幾時同冬蟲草好似係 不過份量有少少少但係勝在冇味精同埋啲雞都幾滑 清清淡淡好健康唔會話太油膩 相信下次都會再試

難得happy Friday，當然要同朋友行下街shopping😆， 係旺角，食肆選擇真係包羅萬有，最後同朋友揀左「農米莊」食米線😋，入座時只係6點半，但餐廳已坐滿一大半的座位，相信湯底一定1️⃣花膠雞湯米線（跟農米雞件）（至尊養顏）⭐️「花膠」相信這是這碗花膠米線米線的精華所在，椰絲香甜亦不會搶去雞湯的原味，雞件細滑不肥膩，讚👍🏻，再飲啖花膠湯😍一個字「正」2️⃣椰子雞湯米線（跟農米雞件）⭐️ 湯底較清甜，不會太咸，喜歡清淡的朋友絕對可以一試🥰

週末去到旺角嘅橫街窄巷，間間餐廳都見到大排長龍，太肚餓唔想排隊就去左食呢間米線舖～叫左個喇沙雞湯米線，正正常常，仲覺得佢個喇沙湯唔夠濃，唔夠正宗，啲雞都唔錯嘅～唔會好老，肉質還好，另外仲叫左黑金雞翼，皮蛋同青瓜，最令人驚喜嘅係個雞翼！好入味，係我同朋友一致認同最好食嘅小食～另外青瓜就唔夠入味，唔太夠辣，個皮蛋都係一樣，麻麻地，但雞翼係可以encore的～

本人對於藥膳雞湯米線一路以來一看到便會着燈了一樣衝入去幫襯。長此以來10多年來已經幫襯大大小小數十間。這一間絕對是掛羊頭賣狗肉的。為什麼我會這樣說呢因為所有藥膳或者花雕都有香濃的藥膳味道衝入鼻子的，常常都是當歸味道，但是這裏的雞湯絕對只是鹽跟水溝埋的狀態。那些所謂的農米雞，其實只是一些品質OK的白切雞，在煮熟湯之後分開擺上去。整體來說服務不錯嘢飲亦OK但是這是一間你絕對不會返頭再幫襯的所謂藥膳雞湯米線。

成日都食呢間餐廳，佢喺旺角同尖沙咀都有分店，所以我去旺角同尖沙咀嘅時候都成日去食。不過感覺上旺角分店嘅份量會比較大碗，米線多啲，食得飽啲。椰子雞湯米線 $58今次揀左椰子雞湯。入面有農米雞件、木耳、支竹、冬菇、豆卜、椰絲同埋菜，好多野食。個椰子雞湯有好濃嘅椰奶味，甜甜地，好好飲，令到我雖然明知椰奶會好肥，但都忍唔住飲曬。同埋我覺得農米雞件佢地好多時都會比雞髀嘅位置，所以啲肉好滑，好好食。朋友就叫左芫荽雞湯米線，但因為我唔食芫荽，所以我唔試佢呢碗啦。

一直都好鐘意佢嘅椰子雞湯米線🤤但今次食個湯有D唔夠熱搞到有點失望，希望只係一時失準🥺🥢椰子雞湯米線($58)一如以往，個湯好香椰子味，D椰子絲真係令個味道提升咗一個層次，雞件好滑(˶‾᷄ ⁻̫ ‾᷅˵)不過今次個湯唔夠熱，只係暖，明顯豆卜未淥熟，仲係好硬(;´༎ຶД༎ຶ`)對我同男朋友嚟講，唔夠熱係死症(;´༎ຶД༎ຶ`)但以前食都唔係咁，所以我想俾多次機會佢🙈米線煮得略為偏淋，如果硬身返少少應該會更好～🥢黃金炸蠔($38)炸蠔有4件，蠔仔比較細隻，炸衣好厚。🥢黑金雞翼3隻($28)黑金係指黑蒜，好耐之前試過就咁食食黑蒜，味道係偏甜嘅蒜味，比起食生蒜好受好多🤣呢個雞翼個調味食得出有黑蒜味但調味後鹹味重咗，變咗有D似蠔油雞翼，味道尚算唔錯，可以一試～

上次介紹過呢個冇味精雞湯🤩啲湯可以飲到尾 就俾佢吸引左入去試下！！今次喺旺角見到分店再次入去享受一下~今次自己叫咗一個麻辣雞件米線 中辣🤩個人本身比較食得辣 覺得啱啱好唔會影響到雞湯本身嘅鮮味 反而令到湯底先得來多咗一返四川風味~~由於麻辣味比較突出鍾意麻辣嘅你一定唔可以錯過❣️至於雞件方面分量十足☺️ 每碗米線至少有六至八切件嘅size嘅雞件 所以絕對足夠一個人正常嘅食量 睇落去雞件骨嘅側邊帶有少鮮紅色 最初以為唔熟 但原來係啱啱好🧐 而且最值得讚嘅係雞件肉質鮮嫩😮一啲都唔鞋而且雞香味濃 食唔停口！！已經係第二次光顧 嚟緊仲會成為我反工嘅十大飯堂之一~~最後都係飲到一滴不留😂

藥膳雞推薦‼️店內有多款湯底可以選擇我揀左藥膳雞試 個湯底真係好正飲落唔會好似中藥 但個感覺係好養生甘🤣而且無味精 飲完都唔會好口渴同啲🐔雞件都好滑而且小食種類眾多 足有三十幾款可以揀最吸引既係尖椒皮蛋 流心皮蛋真係好正尖椒味都好香 encore之選另外椰子雞湯米線，黑蒜雞湯米線都好吸引仲有特色既龍蝦雞湯米線或花膠雞湯米線款式真係好多選擇 下次真係要試埋店舖地方不大 光顧既客人都好多所以通常都要等位同坐位都比較迫！

無意經過呢間鋪就俾佢個menu 吸引左入去見佢有好多款唔同口味既米線可以揀又大大隻字寫住無味精連湯都可以飲埋於是就試下啦一入到鋪座位係比較迫 無辦法香港地既通病落左單五分鐘左右野食就到藥膳雞米線份量都幾多下豆卜,冬菇仔,蟲草,紅棗,支竹,雞件,杞子,雲耳每款餸都有三四舊飲啖湯發現湯頭偏淡味 可能無落味道既關係飲完真係唔會口渴雞件唔會好肥 肉質嫩滑其他餸不過不失米線份量偏多 女仔食可能要少米線已經夠飽整體來說 午餐$50 左右既價錢已經有咁既質素性價比算高 不妨一試

第一次寫食評 因為真係唔掂 雞湯好似水咁淡 米線食落淡茂茂 鴨血無味 啲雞無肉 小食多油麻辣湯都係好淡 得少少辣 但係辣得來淡 總之就唔好食 啲送唔多 鴨血+12 得兩舊，餐廳貼左好多剪報 話湯都可以飲埋，但係啲湯真係好唔掂

Open rice內9百幾張照片竟然被遺漏左好味的炸紫薯餅，今天再度品嚐真的不錯啊！試著好幾款米綫，始終都是花膠雞最．最．最好味囉！芫茜果款有特式，藥膳養生、椰子香。不過坐位較窄，但服務人員態度友善。值得向大家推薦一下。

從來冇諗過夜晚堂食咁耐先會開返。上一次夜晚食堂食，唔記得咗係幾時lu☹️呢晚好特別，再次黎呢間農米莊開餐已經係9:30pm🤫honey 拎住兩包重重大環保袋😕好彩有卡位坐，個位鬆動啲好坐啲🤗我叫左一杯涼粉紅豆冰，藥膳雞米線（入邊有好多粒紅棗杞子湯頭飲落好藥材味）另外，普通版的雞湯飯，呢個湯頭好明顯只有淡淡的雞味，下次嚟食揀返返「椰子嗰個雞湯米線」，椰子🥥加雞湯頭鮮甜好多，覺得果個普通版雞湯飯好普通，價錢又唔平伏了吧⋯⋯可能係我連踩做野十多小時工作，一時眼花花叫錯左了吧。好在味道是正常，係我覺得價錢與味道不符正比。兩個人食，埋單好似$130？整體來講，藥膳為標題主打，一碗平均$58起錶米線，加埋切鷄，我覺得價錢會貴左小小，下次再試旺角其他食店多謝honey請我食晚飯🥣

去開旺角成日行完波鞋街買野都唔知食咩而每次如果最後都係諗唔到都係會黎農米莊解決一直都對農米莊好高既評價之前係好鍾意叫佢普通個雞湯米線不過最近先開始試佢個椰子雞湯系列第一次食就愛上左個種鮮甜!!!椰子既鮮甜加上雞湯🐔好甜呀!個湯好飲,個雞肉都唔弱架個雞件肉係冇骨而且勁嫩滑17:30過黎食仲趕到午市時間 有打折同埋野飲跟$4️⃣6️⃣ 椰子雞湯米線 湯甜 配料多 份量大份夠我拎返屋企食多一餐💜下午茶過黎食野會再跟埋野飲 咁都幾抵每張枱都有隔板都幾乾淨

好耐之前食過一次農米莊，但冇咩印象味道係點樣，咁岩經過見到，就入去再試一次。懷舊藥膳雞湯米線 ($58)米線跟既餸好豐富，有雞.冬菇.雲耳.杞子.紅棗.川芎.蟲草花.時菜.豆卜.支竹，每樣有2-3舊，基本上唔洗俾錢加餸都夠食，不過配料就冇咩味。雞有6舊，部位都幾平均，一半脾肉一半胸肉，嫩滑有雞味，冇雪味，不過肉質就同一般餐廳一樣鬆散冇咬口，應該係飼料雞。湯底味道唔會死咸，食完唔覺得口渴，如果藥膳味濃郁一d 會更好。米線份量好多，細食既朋友可以叫少米。 7分龍蝦雞湯米線 ($98)龍蝦雞湯米線跟既餸菜同藥膳雞湯米線大同小異，唯獨多左半隻龍蝦，大約手掌長，肉唔多，本身對呢個價錢既龍蝦冇咩期望，但估唔到肉質又幾彈牙，有鮮味，比想像中好。湯底係西式龍蝦湯混合雞湯味，味道ok。 7分總體而言：味道：不過不失，難令人有深刻印象，但唔落味精值得欣賞性價比：份量同價錢成正比，抵食！服務：為顧客著想，會建議坐較涼位置環境：坐位舒服，不過枱面有油漬湯汁