農米莊 (豉油街)

Open Now

Now Closed

夜晚係豉油街搵食要趁早結果2個人晚餐時段都好難搵位見到呢間米線咁旺場就入去試下叫左兩款經典, 都係推介既 龍蝦雞湯米線 ($98) & 椰子雞湯米線 ($58)可能小妹之前都食過幾次龍蝦湯底, 同椰子湯底呢間2種湯都唔算好出色, 配料都係一般以椰子湯底黎講 $58蚊都算性價比高鐘意奶香味既朋友仔可以一試, 但係椰味就唔算濃, 所以都有少少失望相反龍蝦雞湯龍蝦味唔會好濃郁靠隻龍蝦黎食先有味... $98 蚊性價比較低, 要食龍蝦湯底的話會去返 "村親戚"個間食另外呢兩碗既雞都好實好鞋口可能係個別事件, 但係今餐食完, 米線D雞真係一D都唔吸引原本想叫蝦餅, 但係已經售罄, 結果轉左叫 爆芝松露墨魚餅 ($38)墨魚餅上面舖上黑松露, 味道唔算好出, 應該本身用既松露問題不過芝士+墨魚餅呢個配搭都好夾各位女士們雖則米線唔算太邪惡但呢碟小食偏油, 要做返咁上下運動黎消耗返啦~

今日晏晝有啲時間，見之前朋友帶過我嚟食一次，之後一直都念念不忘，所以又返轉頭再食多次啦！一入到舖，員工好快就幫手落單，今次依然都係揀咗呢碗懷舊藥膳雞湯米線，因為感覺真係好養生、好足料，無落味精可以飲哂嘅湯底，而家出街食真係唔係咁易搵！嗌咗野食無幾耐碗米線就送到啦！唔洗點等。午市包埋野飲total埋單都只係$50。呢個價錢，食到呢個質素嘅米線，抵！

食到一肚氣既一餐😤經過見到啲米線好似好吸引就打算試下見到門外有幾個人等緊 就入去收銀度拎飛點知個濃妝收銀呀婆已經好唔禮貌甘即刻叫我出返去我以為唔使拎飛 但過左一分鐘佢又拎張飛出黎比我 我唔係好理解點解當時唔可以比飛我（無客比緊錢）仲要用啲甘差既態度Ok fine 我照等 等左十分鐘到有得入我同男朋友兩個人同另外兩個人搭張4人枱因為我地兩個都有背包 個位置坐得好唔舒適 連對腳都周不時撞到對面到落餐時就係戲肉啦.......我地坐係收銀隔離 諗住叫個收銀落單第一次叫佢已經好唔耐煩甘叫我地等下 好多人我地都明白可能唔夠人手過左一陣再叫佢 佢終於肯幫我地落但！！！我地叫到一半有人黎比錢 個收銀就即刻唔聽我地講野 顧住收錢 收完錢我地繼續嗌 嗌嗌下又有人比錢 佢又係即刻唔理我地 如是者我地落左3-4次單都比人打斷 重複左落單步驟幾次...你收錢緊要我明白 截停一次半次都可以理解 但3-4次都係甘我真係接受唔到 係咪一直有人比錢就可以一直唔落單？ 係咪唔可以叫比錢既人等等？去到呢度其實我已經好想走 但男朋友唔想煩就照食我地等緊餐既時候見到對面個女仔果碗野有隻蟲..... 食慾已經大大減低到我地啲野

佢地既藥膳雞米線無得輸，又平又好食，d雞好滑又多肉🤤🤤個湯底既藥膳味又好出，仲有佢地既黑金雞翼超好食！隻隻都好入味，每次黎都一定要叫！仲有梛子雞米線都好正！

有兩間分店 不過重點推介都系旺角呢間天氣開始轉涼 比起一般米線 🍜呢間真係唔同，個雞雞湯底清既唔算好油所以飲哂都唔會好脹胃，反而有種暖入心既感覺！叫左招牌菜：懷舊藥膳雞湯米線雞肉都好嫩滑，另加蟲草花，食個米線都好似好養生甘！正所謂食療食得好，瘦腰無難度，最緊要說係識飲識食！再另外推介可以額外加呢個年糕芝士魚蛋，又有咬口又QQ，真系好好食😋價錢都好實惠，自選兩餸都係30幾蚊（因為第一款餸係送架），都算米線界抵食之選！環境系好貼合香港蝸居作風👍🏻

我好鍾意食米線，試過好多間唔同嘅米線，發現好味嘅米線實在係可遇不可求。朋友介紹旺角有間隱世小店，佢既湯底健康又美味，直程可以連湯都飲埋。主角到了！椰子雞湯米線，果然冇介紹錯，湯底好清甜，飲得出佢係冇加味精嘅。不過d雞就略嫌鞋左少少，唔夠嫩滑！另外嗌咗碗黑蒜雞湯米線，聽聞黑蒜有抗氧化成分，好健康㗎！個湯底好濃郁，好香好好味，d木耳腐皮豆卜索哂d味，好入味!!整體黎講都好唔錯，有機會再嚟試埋佢其他湯底。

兩個人食，嗌左藥膳雞米線，熱柚子蜜熱檸水野食嚟嘅速度都幾快👌🏻👌🏻個湯好好飲，配埋米線簡直一流，啲配菜好足料不過份量可以再多少少，咁樣於perfect一定會再食😋

不難發現各大社交媒體常常推出米線地圖、十大米線排行榜等，但這間以 “飲得嘅雞湯米線“ 卻未曾榜上有名。來到掃街聞名的旺角，這次一反傳統，光顧新寶戲院旁的農米莊。椰子雞湯米線．HK$58濃濃的椰子雞味籠罩整個小店，真係名不虛傳唷。menu 的九款雞湯米線，當然要嘗嘗這養顏首選的椰子雞湯米線。內有椰子絲、冬菇、雲耳、枝竹、豆卜、菜同雞肉等材料，湯底好清同椰孑味好重，真係令人一飲再飲。大大豌米線配多款食材，食極都食唔完咁，豆卜同雞肉吸收了椰子雞湯，口感提升不少。沒有添加味精的湯底，即使不斷飲都不口喝，確實好味。食米線，大家又多個選擇喇！

第一次寫食評，因為我食完見呢間野好多人排隊。以免大家再浪費時間，我浪費自己少少時間打個食評同提醒下大家。本身諗住食x仔米線，但都到左旺角，譚x度度都有，試下新野支持下啲小店仲好啦！最後見呢間野冇人排隊，又標榜可以飲哂啲湯的米線，即管試試佢啦。我地分別點左椰子雞湯米同麻辣鴨血雞湯米。上菜速度正常，大約十分鐘。賣相就麻麻，大大碗，車仔麵咁求其放啲餸上去咁。當然，我都係食碗米線啫，賣相都可以接受的。麻辣鴨血是正常的。雖然冇麻味，但都有辣味的。鴨血冇奇怪味，正常食得落口。雞肉算是滑，仲有幾粒冬菇。椰子雞就出哂事。湯好甜，係糖個種甜，飲完好口乾。椰子得碎。雞是滑的都。但食開米線的都知，湯是成碗野的精髓。就算啲雞幾好食，呢個椰子雞都唔值得試。最後埋單138，我俾左8蚊碎銀丫姐，佢收完叫我多謝佢碎銀都幫我收.....如果大家睇完都要黎食，記住帶定紙幣。

今次係第一次食農米莊 岩岩病好唔想食熱氣野 想食健康啲 見到呢個米線岩晒 我地嗌左椰子雞湯米線同藥膳米線 本身都鐘意食米線同飲湯 黎到先飲一啖湯 真係好香椰子味 好清甜 真係好鐘意！！！ 佢啲配料都多 有雲耳 腐竹 冬菇 生菜 同埋雞件 都好足料 雞件好淋身 米線就唔會淋又唔會斷晒咁 加埋啖湯食米線 真係好正 而藥膳果個都算重藥材味 飲落好養生 啲配料都係同椰子雞湯米線差不多 但就多左蟲草花 都一樣好味 除左米線都仲有其他小食 下次都可以試下啲小食同其他米線～

以前喺旺角返工，同事成日帶我嚟食雞湯米線。《農米莊》標榜不含味精的健康雞湯，係連湯都可以飲埋嘅雞湯米線。我記得之前食過嘅黑蒜雞湯米線、莞茜雞湯米線、椰子雞湯米線都好好味，個湯好濃郁、飲完唔會口乾，雞件又好滑。所以今次決定試個最貴(HK$98)、自己又未食過嘅『花膠雞湯米線』。個米線好足料，有蟲草花、杞子、蜜棗，雞件、花膠，冬菇、雲耳、支竹、豆卜、生菜等等。我睇個名以為個湯係“花膠雞湯”，但原來係“普通清雞湯”，有點失望🙈。但個湯其實清清地都好味嘅，飲完都唔會口乾。喺呢度食米線我覺得係唔需要嗌飲品，因為飲湯就得啦👍😎花膠幾大舊的，不過我覺得無咩味，雞件滑好味，整體而言係不錯的，但價錢始終唔平，下次都係食返其他HK$58嘅米線🙈

#農米莊 想試下其他湯底米線既朋友仔，呢間餐廳都系一個不錯既選擇，選擇多多之外，亦系健康之選！————–—————–—————–————–——#藥膳雞湯米線 $58想養生既話可以揀呢款，湯底有啖啖藥膳味道，用左杞子、蟲草花、雲耳同紅棗等材料製成，而雞件食落亦好嫩🐓🐓👍👍好味指數：8/10#椰子雞湯米線 $58🥥湯底用左椰子絲、雲耳同支竹等材料製成，湯底飲落鮮甜！好味指數：7.9/10#黑蒜雞湯米線 $59用左冬菇同豆卜等材料製成，黑蒜味道不大，湯底飲落反而有啲藥膳味道～好味指數：7.2/10抵食程度：8.1/10回頭度： 8.7/10——————————————————————📍地點：旺角豉油街68號地舖📞電話：23205890⏰營業時間：星期一至星期日 07:00-03:00#美食 #foodie#旺角美食 #米線 #mongkokfood #hongkong #food #foodssss___

自從我個增磅計劃開始左之後🤓🤓為咗強迫自己多d食野，而家我每日都規定自己去試新嘢👐🏻發掘多d我「一念起就會想進食」gei 味道。我勁鍾意飲湯，所以我係俾佢果句: 一碗你食完可以飲晒碗湯gei slogan 引左我入去。成間店都充滿住藥膳果個味，所以我念都無念就點左藥膳雞(蛋白質)米線✌🏻 🙋🏻‍♀️總結: 1.好味，因為佢真係好好藥膳呀。2.雞肉份量好足，好滑。3.個湯係飲完返到屋企都唔覺口渴。🤦🏻‍♀️BUT: 座位我就略嫌佢太窄，手踭頂手踭咁。

每次經過都人很多，所以找個機會午餐時間和同事去試一試這家農米莊藥膳米線。宣傳標榜無味精藥膳湯底，感覺比一般的養身健康米線本身沒什麼特別，和連鎖的一樣沒咬口。湯底可能因為沒下味精或過份調味的原因，藥膳味略淡，吃完不會口乾口渴。

米線嘅愛好者一定要嚟呢度食平時食米線一定食麻辣、酸辣湯底等呢間米線舖呢選擇有好多唔同湯底選擇全部可以飲埋嘅~雞湯米線售價由5x元~7x元以上，比起平常的米線係較貴，但這個價錢能喝上靚湯、食到米線，更有這麼多配料，算是抵食！如果想平食，亦可挑選自選配料米線，價錢由30元起。今次已經係第二次嚟食㗎啦上次呢就試過佢個椰子雞湯同埋藥膳湯底咁如果呢兩隻比較呢我就比較鍾意用膳湯底初頭第一啖會有比較強嘅中藥但係越嚟越入味係出面比較小見今次就係食下午茶米線大約30蚊左右啦但係個湯底係雞湯嘅都可以飲曬佢😄