初廚 (Closed)

堅尼地城嘅初廚餐廳，夜晚食雞煲，但午市有台式日式韓式飯餐。我點咗滷肉飯餐，小食係酒浸溏心蛋，可選前菜小番茄。味道唔錯，米飯都係台式米，滷肉唔會太肥，啱啱好。餐廳環境舒適，服務態度好，而且價錢平靚正，午市套餐價錢亦相宜。下次都想試下其他口味，朋友食咗海南雞飯都話好食。

有排經常去堅尼地城，發現開咗呢間初廚，唔只有日韓台便當，夜晚仲有雞煲同烤魚😯 不過暫時都淨係食過啲套餐，套餐包一個餐前小食同熱飲～ (最一開始仲可以自選小食，不過之後改咗)之前仲買過佢哋嘅外賣，個外賣袋（見圖8)都幾靚，仲可以重用😛•🥢 芝麻香油手撕雞 配蔥油拌麵 $56+2手撕雞好滑，份量都唔少，而且麻油味好香🤩不過食落有少少太油，但有大量青瓜絲都可以中和返啲油膩感～ 本身呢個餐係配飯，但我就轉咗做蔥油拌麵，點知拌麵係烏冬嚟😂 配蔥油有啲怪🥲 另外配咗一小碗椰子雞湯，味道幾清，唔係味精湯，都幾好飲😋•🥢 去骨海南雞(油飯) $56因為雞嘅質素都幾唔錯，再試埋海南雞，海南雞去骨都去得幾乾淨，雞肉好滑，唔會太肥👍🏼雞件本身嘅調味就唔太夠，但點埋黑醬油、醉辣汁、薑蓉就無問題；油飯就無出面見到咁黃，應該無落黃薑粉，就咁睇就同白飯分別不大，但食落油香味都幾夠，有啲鹹味，飯粒大致都粒粒分明，但煮得唔太均勻，有啲會太腍🙈 同樣配一小碗椰子雞湯～•🥢 台鐵排骨配糖心蛋飯 $52🥢 宮崎南蠻炸雞排丼 $52呢兩款都係炸物，但炸物真係有啲失望，排骨同炸雞炸完堂食都係腍，唔係脆🥲 但排骨有滷水味，調味係唔

早幾日呢間食雞煲都覺得唔錯今日心思思再去，見佢原來有重慶烤魚食， 問夥記話係用江團魚，未試過又試下啦！ 一上枱嗰陣椒香味聞到成個醒曬 魚肉肉質細膩入味，啖啖肉冇細骨，個汁麻辣鮮香，控制得好好 食得好過癮 食完整個凍冰冰嘅檸檬愛玉甜品，個仲感覺舒服到暈

西環新開！ 惹味雞煲！滋味小龍蝦！ 同同事聚餐揀左西環呢間新開既餐廳，試左雞煲小龍蝦 同甜品都好出色！安格斯肥牛啲色好靚！ 肉質好高級！雞煲夠晒惹味！食完雞煲加湯打邊爐！配菜都十分新鮮！另外試左個小龍蝦都好滋味！入晒味！甜品方面食左個冰粉！好適合夏天既甜品！更加岩晒濃味雞煲後黎個清爽甜品！環境雖細 但勝在舒適！服務一流！ 雖然非常忙碌 但都非常熱情！ 好親切！出菜既時間同速度都好好！價錢合理 非常值得一試！用餐期間都不斷見到有美食平台黎攞餐！因為見餐廳都有不同款既野食 韓式 台式 日式都有！

禮拜日同同事一齊出去食晚飯佢哋話西環新開左間雞煲 去試吓距離地鐵站都算近 唔使5分鐘入到去環境乾乾淨淨都唔算特別迫 坐得都舒服大熱天時好夠冷氣！講返嘢食先雞煲都OK嘅由於有同事唔食得辣 叫咗個BB辣對於我來講唔夠重口味不過都入味嘅食完雞煲就打邊爐去到後期個湯底唔係好夠味重口味人士記得問佢攞豉油😂打邊爐配料都新鮮 幾好食仲叫多咗個小龍蝦🦞都幾好食 入味食完主菜有甜品試咗個涼粉芋圓配花奶！好食！食飽買咗個外賣返屋企比屋企人見到除咗雞煲都仲有好多主菜有滷肉飯、海南雞飯、韓式炒粉絲、和風牛肉飯最後揀咗個韓式炒粉絲返到屋企試埋都幾好味值得一試嘅餐廳٩(˃̶͈̀௰˂̶͈́)و

今日朋友介紹我去西環食嘢，新開張東南亞菜式又有雞煲烤魚小龍蝦我哋訂咗張樓上房，介紹咗招牌雞煲俾我哋食同埋小龍蝦🦞雞煲肉質好嫩滑味道一流，係我食過咁多次嘅雞煲最好味，贈送左一份蔬菜🥬我哋嗌咗安格斯肥牛好有牛味份量好充足，炸腐皮好香口，叫咗金沙魚皮椒鹽豬手都好正，我哋食完老細仲送咗啲甜品同埋拼盤小食俾我哋老細真係好好人特別係小龍蝦值得推介好新鮮好好味！值得一試食過返尋味⋯堅尼地城B出口直行5分鐘到！

係網上平台 7:37落外賣自取，最後不停delay下 8:10 先有得拎明明餐廳唔係好多人，都係食緊雞煲，唔明點解咁都做唔切份量好少鹽酥雞併台灣腸飯，d餸好少4 小舊雞粒，香腸半條雞唔熱氣因為唔脆又香口又無味韓式炒粉絲一舊野咁，又係無味求祈落d麻油芝麻都會香既菜式都可以煮到咁有顏色但食落油滾粉絲咁好可惜食評唔比人打得太差而家改完唔知過唔過到骨總之食完今次應該唔會再有第二次我係openrice 睇食物相唔係咁，唔知係咪外賣先咁求祈失望

上個weekend朋友帶咗我去呢間餐廳食晚飯，雖然聽講係新開冇耐，但係個日一去到已經滿哂！！好彩有預先留位~因為我地比較多人，餐廳就安排咗我地坐樓上唯一一張大枱🤣感覺係普通小店居然搵到私房菜的私隱度🤣🤣🤣講野大聲啲都唔怕嘈親隔黎講吓嗌咗咩野食先~1. 小食拼盤 (醬油蘿蔔、小魚乾、冰梅車厘茄、滷花生)As a 餐前小食呢個凍盤係唔錯的，個人特別鐘意小魚乾，辣辣地好開胃🥹2. 鹽酥雞鹽酥雞好好食!!!!!!!!!一炸完即上，太肚餓一咬落去辣親個嘴😅外皮酥脆，入面嘅雞肉幾juicy👍🏻👍🏻3. 重慶香辣雞煲主角黎啦😍平時我係好少食雞煲因為唔鐘意成日食濃味野，但係呢個雞煲又ok wor唔會好咸😝個汁嘅麻辣程度亦啱啱好👍🏻雞肉都幾嫩滑，唯一係覺得隻雞可以再肥美啲🤣不過呢個價錢黎講已經物超所值👍🏻下次再試吓其他款嘅雞煲先~4. Binlo加湯打邊爐係常識啦，火鍋料方面最欣賞係手切安格斯肥牛，肉質軟稔有牛味，西班牙黑毛豬都好食☺️5. 五色冰粉最後我地嗌冰粉作結，呢類甜甜地又清爽嘅甜品好啱食完雞煲解膩👍🏻Overall我覺得呢間小店食物選擇好多元化，性價比高，會推介比港島西嘅街坊

難得在西區有咁高水準既雞煲火鍋店～👍🏻非常值得一試雞煲！😋態度服務態度非常好！雞煲味道適中牛肉亦非常嫩滑～飯後免費甜品（紅豆餅）亦非常美味！當我們想追加甜品時還免費供應外賣盒🥡給我們～

今日晏晝經過呢間新開既餐廳～ 堅尼地城一出直行過3條馬路就到 入面環境幾乾淨 坐得好舒服見到餐牌有台灣/ 日本/ 韓國野食 基本上你想食咩都有🤣🤣 lunch隔日黎食都唔會悶 咁我最後就揀左個韓國粉絲餐 包埋小食糖心蛋同杯凍檸茶 加埋咁多野都係$60蚊左右💰💰 大大份又好食 個粉絲炒得好香口 糖心蛋有流心 真係有驚喜 ～隔離枱叫左個日本飯 賣相都唔錯 見佢夜晚有雞煲同酸菜魚都好吸引 下次可以約埋幾個friend 雞煲打邊爐😋😋

入到去見到樓面係整齊乾淨嘅唔會話有反感同有油煙feel預算嘅話 如果唔係太大食其實一個人都係200蚊樓下(仲要食剩少少🤦🏻)食物方面味度係中上有嗌到一個魔鬼辣雞煲係過癮嘅不過真係食辣嘅就可能會唔夠喉 但可以叫店舖幫你加辣再上一個層次(๑•̀ㅂ•́)و✧最後就係要走芫荽 記住落單講埋

地鐵堅尼地城站exit B，直行就到，差唔多近海旁環境真舒服同好乾淨👍，服務態度好有禮貌👍，而且簡單介紹👍前菜(好鍾意個茄仔去咗皮食)主菜好吸引😍，我吔食辣試叫咗個魔鬼辣雞煲，味道一流💯，叫咗半隻感覺唔夠喉，食完又可以打邊爐，每碟細細但份量好足，個麻辣龍蝦嗰汁撈飯食，好有胃口😋😋，一流，用上珍珠米飲品由大廚自家調配，好用心💯，唔甜，我好喜歡3人食加埋一只係550元左右，吃得飽飽，值，平菜式仲有烤魚，燒烤食品，定餐，麻辣魚皮，樣樣都吸引，下次再嚟食

古早滷水溏心蛋🥚啱啱好，完美！檸檬愛玉份量足🍋啲嘢真係好好食！可惜係小店冇人知，希望多啲人認識！環境乾淨安靜！嗰度嘅嘢真係好抵食，服務員親切除咗有日本台灣韓國🇯🇵🇰🇷嘅菜式，仲有烤魚小龍蝦等等等等🦞🐟🦀🦑🦐🐙

話梅番茄：酸甜適中超好食🍅泡菜黑豚肉飯：用咗鐵碗好有韓國嘅感覺非常適合打卡，份量超足，多到食唔晒，成個套餐好平好抵，如果唔係因為佢係堅尼地城咁遠，佢應該係我嘅第一名餐廳，真係好抵，豚肉好香，泡菜唔會太辣剛剛好🫶🏻👍🏻雖然係小店但係嘢食好快煮好服務態度超好仲要送咗甜品俾我哋食添冇一樣嘢係唔好食呢間鋪真係CP值好高將我人生第一個食評獻俾佢為咗寫呢個comment download呢個app如果近堅尼地城真係好推介大家去食👍🏻👍🏻👍🏻