撈撈雞 (Closed)

其實撈撈雞都開咗一段時間🤔不過小編真係未試過，見到佢個學生餐幾抵，梗係即刻買嚟trytry佢啦😆同男小編一人拎住一杯嘢飲差啲冇手食，好彩收銀張枱有小小位for食客企住食😚老闆好好人仲好善談添😍學生餐 雞全翼×2 配菜×4 ($30)😋好味指數：(7.5/10)今次揀咗冷麵、花枝丸、魚腐同杏鮑菇😚貪佢夠飽肚呀嘛😆醬汁有3款😚▫️秘製泰辣汁 +$5▫️秘製鹽水汁▫️和風沙律汁愛辣嘅我地當然揀咗泰辣汁🌶食落去好惹味，酸酸辣辣咁😋叫咗小辣都覺得辣辣地，唔係好食得辣嘅朋友仔真係要小心啲🤔成個餐嘅份量都幾多😚由於雞肉係雞全翼，所以份量都好多，好似食極都食唔哂啲雞咁😆另外啲雞已經去咗骨，岩晒我地呢啲懶人🤣雞肉好嫩滑唔會韌，同埋食落都幾juicy😍花枝丸彈牙同杏鮑菇都好有咬口😜魚腐夠晒索汁😚冷麵既份量都十分之多，如果配料有冷麵一個人食嘅話一定夠飽😆.⭐溫馨小提示📌學生餐星期一至五供應(公眾假期除外)📌身穿校服或出示學生證

星期六下午，難得奶奶幫我地湊三隻小妖，同老公二人蛇出黎去行下，掃下街。臨走前老公話想買野返去比三隻小妖食，我地諗左一陣，又周圍行下睇下有咩係啱小朋友食，行下行下就兜左入有一大堆食店嘅位置（我都唔識形容啦，好似一大個圈咁，入面全部都係小食店），行到入去見到有台式鹽水雞買，就去睇下啦。我地決定叫2份，1份係雞胸肉，1份係雞脾肉，佢每份肉都配3款配菜嘅。雞脾肉配粟米芯，車厘茄，青瓜，鹽水汁。本身有辣汁嘅但我地要比小朋友食所以就叫左鹽水汁啦，雞脾肉好滑，個鹽水汁好惹味，又唔會話太咸，咁當然唔夠台灣嘅香，但都唔錯架啦，青瓜爽脆，車厘茄都新鮮。雞胸肉配芭樂，粟米芯，西蘭花。雞胸肉都煮得出奇地滑，唔係想像中嘅鞋烚烚，但當然比起雞脾就梗係雞脾再滑d啦。芭樂好香，完全令我諗起係台灣夜市掃街嘅感覺。西蘭花又唔會話烚到太淋，都仲有d咬口。估唔到呢間野又真係幾正，不過美中不足係呢度實在太迫啦，係等緊嘅時候比好多人推撞，不過都明白香港嘅土地問題，特別係葵涌廣場想做到美食商場咁。

又有最新葵廣資訊🤘🏿鹽水雞真係掃街必備!!!!!食過旺中個間都唔錯.掃街無意經過呢間撈撈雞.🐔雞全胸+麵+蘋果+大白菜 ($40)不過呢間唔簡單係佢個秘製醬汁🤤一定 一定 一定 係一定要嗌泰辣汁(+$5)🌶食得我好過癮 完全係出面食泰菜個種味道💓正唔正宗鹽水雞我就唔知 不過老闆話係突登買泰國辣粉放落去 真係巧惹味呢.雞全胸+青瓜+蜜瓜 ($38)雞肉好嫩係真 加水果係唔突兀仲要好清新都係真🌱認真 信我 要落蜜瓜！一定🍈

撈撈雞是賣台灣鹽水雞+配菜撈起來選了套餐C: 鹽水雞脾+麵+青瓜+金菇 & 小辣 ($40)選好後店員會把雞肉拆肉連配菜切細再撈起開放處理食材, 看到撈了很多醬, 好好吃~涼涼辣辣的, 很開胃, 吃完更餓XDD但小辣都很辣

同朋友行葵涌廣場行到好肚餓，見到有咁多小食都唔知食邊樣好，食完麻糬之後仲想食野 我地兩個都想食撈撈，朋友最後揀左撈撈雞。我唔太食得辣，朋友鍾意食雞胸，所以揀左雞胸+配菜3份，鹽水汁小辣($40)。見到佢地有好多配菜揀，仲有生果老闆非常有心機介紹唔同食材，特別推薦哈密瓜，結果我地聽老闆講，揀左雞脾菇、青瓜、同埋哈密瓜，撈完出黎俾我地想像既份量多雖然係即叫即撈，雞胸非常入味，一d都唔鞋，青瓜同雞脾菇新鮮爽口，個汁調得岩岩好，有味得黎又會食到新鮮配菜既味道，而夾哈密瓜真係老闆推介時所講：「超好味」！好彩聽左老闆講有嗌其實小辣對我黎講巳經好辣，但又忍唔住一路嗌好辣一路食喎老闆仲俾左泰辣汁我地試，朋友話好好味！老闆話每次煲個汁要煲2個鐘，而d雞，浸水浸熟，再浸過冰水後，原來會整起層皮刮走皮同肉中間個層肥膏難怪咁好味！佢地堅持用新鮮食材，一次唔會買好多，因為放得耐口感會唔同，所以哈密瓜會賣晒架！另外我見佢地有秋葵，番石榴，都幾特別，下次有機會要試下我地企左係鋪位較出僅有既空位一路食一路同老闆傾計，好欣賞佢地預備食物既用心，又咁有人情味咁同客人傾計分享，因為係香港真係愈來愈少了。

黎到葵芳shopping，呢到太多小食，所以通常都唔會食正餐，掃街已經夠飽，仲可以食到唔同既野食！第一站黎到撈撈雞，兩個人就揀咗個$45雞全脾加三個餸，另加$5 要咗個泰式小辣，餸既款唔多，落單個哥哥recommend 密瓜，但我地兩個都覺得密瓜甜既好似同辣既唔多夾，最終揀咗青瓜，番石榴，同埋花枝丸，無聽佢講要密瓜😂等咗幾分鐘左右撈撈雞就撈完啦，落單個哥哥好好人，話要送密瓜我地試下😍原來撈密瓜係好夾好好味架，好味過我地揀個三樣餸👍🏻撈撈雞味道係幾好，下次可能中辣更好味，不過份量較為少，如果多啲就覺得值好多！

朋友推介呢間鹽水雞有台灣味道...既然無得去台灣...一於黎試下啦...$45 雞脾肉配三菜 再加左$5 泰式辣汁..少辣！ 配菜既款唔多.. 我地揀左青瓜..番石榴同埋花枝魚！老阪推介我地食蜜瓜...我地都覺得好伏...最尾老阪都加埋我地一試.. 蜜瓜好甜... 一啲都唔伏...好夾呀同鹽水雞啲汁...反而雞脾肉有啲少...多啲就正！ 同台灣比..始終食材黎講係差啲..但啲汁真係可以媲美既... 蜜瓜真係值得推薦！

又是去葵涌廣場當吃貨，今次與朋友去了試試撈撈雞的鹽水雞。存在葵涌廣場賣鹽水雞的小食店都有數間，不過你問我那間最好吃，我也答不到，因為我還未嚐遍，哈哈。朋友愛吃鹽水雞主要因為它沒有骨，不用啃骨頭，方便多了。加上她喜愛吃#雞脾 肉，所以她選了雞全脾餐，我也跟她一樣。她選了青瓜，金菇，墨魚丸，我則選配蘋果，魚腐，粟米仔。雞脾肉果然嫩滑，且沒有多餘的油份，鹽水充分滲透雞肉裡，頗有鹹香滋味。如果怕太鹹的話不妨像我這樣吃，加入脆甜的蘋果和粟米仔，甜甜鹹鹹挺開胃的。不過魚腐吸收力太強，味道變得有點偏鹹。朋友說她的墨魚蠻彈牙，青瓜爽脆新鮮，都不錯呢。

至從係台灣食過鹽水雞後就愛上了平時行葵芳都係食開地下嗰間見二樓都有間鹽水雞加上之前係Facebook 睇過介紹，今日得閒就過左來試下可能抱太大期望啦，有點失望$45 雞脾加三款配料 叫左小辣 鹽水汁雞肉好少，配菜好多，辣椒油，過辣但但鹽水汁幾好成碗野似食配菜多過肉，半隻雞脾份量都無等候時間約十分鐘，效率還可以以依個價錢來說略貴，不會再光顧

按照你間既餐 再自選配菜！ 而我揀jor 青瓜 番茄仔 雞比菇！ 推薦食泰色辣汁！ 好好味！ 辣得黎好惹味！而d 配菜都好新鮮. 唔會覺得係擺jor 好耐！ 至緊要係無骨！ 啖啖肉！ 好舒服！ 🌝🌝🌝

/小兔葵芳覓食記👫<撈撈雞>🐓雞脾肉+3餸($45)+額外加餸($6)▪️🙆🏻有雞胸/雞脾肉，諗住橫掂都係就揀雞脾肉會嫩滑d，撈過之後雞皮同雞肉大部分都甩開晒🤦🏽‍♀️👉🏾我覺得雞皮同肉要一齊食先夠嫩滑，肉質不算嚡但也不算嫩，普通。🌸配料揀左木耳，金菇，芋絲，額外加多款青瓜。👉🏾🤔我見人地話🍎係原個切架☝️想清爽少少，揀番d青瓜/芭樂/蘋果就啱la，我就揀左青瓜，口感好清爽👍👉🏾金菇，芋絲都係d嗦汁類，不過本身d配料係無調味，食落除左口感，都無乜味🙁我地揀左少辣鹽水汁，少少咸少少辣咁咋。👉🏾木耳就一大塊咁，幾豪爽wo😗口感又脆又爽。🙈不過配料多過雞肉好多，感覺上大碗但不太化算，而且勁似冷麵嘅碗醬版，我會寧願平平地食個冷麵過口癮就算數😂😎....#wwhkfood #uhkfood #hkfoodies #wwhkfood #hkig #hkeat #hkfood #hkfoodie #hkfoodie #foodie #foodies #foodiehk #foodieshk #instafood #foodielife #food #foodstagram #foodlov

繼續是係葵廣二樓搵食，今次我地來試試這間撈撈雞～佢地除了賣傳統台式鹽水雞外，仲可以選日式胡麻醬或者佢地推介的泰式酸辣口味。我地今次就揀左鹽水味，至於雞肉部份可選雞髀、雞翼或雞胸，因為無晒雞髀，所以我地就揀雞胸，另外自選的三款配料我地就選了木耳、芋絲同魚片。味道方便都ok的鹽水味咸咸地係幾夾的，肉質方面雞胸係無雞髀咁滑，但都唔算鞋而分量方面雞胸算是比較多肉的，加埋配料都夠點下肚～價錢$40一份中規中矩，喜歡食鹽水雞的話可以試試，我地下次會有興趣試試佢推介的泰式酸辣味，聽講酸辣加蘋果青瓜都不錯的～

食完2樣野仲有d餓，決定去食個鹽水雞先。因為上星期响台灣先食得嗰1次，完全唔夠喉…鋪頭得2個人，1個响入面煮緊野，另1個就响出面拆緊雞，唔得閒落單住，排緊頭位但我聽到附近間鋪叫緊我no., 唯有掉低個銀包响櫃面然後好厚面皮咁叫排後面嗰個幫我睇住一陣飲住杯沙冰等多陣終於落單啦，要左個全脾餐連3配菜，要鹽水汁＆小辣，外賣（因為想減又要食，所以決定去完葵廣後就花45分鐘行返屋企）一路行一路開餐啦，個賣相都唔錯，睇落好吸引，即刻食舊雞先……第1感覺係d肉好淋，第2感覺係偏咸好明顯d雞脾煮過火而且浸得太耐啦……青瓜，木耳，杏鮑菇好爽口，但d汁唔杰又唔辣，配菜幾乎索唔到又沾唔上d汁，可能改要泰辣汁中辣可能會好味d雖然撈撈雞既服務同念頭幾好，真係睇住佢地即時人手拆d雞肉出黎，但都要好味先得架… 而且價錢真係幾貴，1隻脾加3款配菜就45蚊啦，加多10蚊8蚊其實我可以响茶記食個好味既海南雞飯餐啦…我未必會再幫襯，但都希望佢地可以改善下啦

以雞肉為主的小食是最大賣點今次我試左蘋果+青瓜+金菇 鹽水唔辣 $45 評分：6/10味道其實不算特別可能係因為鹽水味，本身就不會太重味。所以我比較建議食辣口味多啲！佢有點似手撕雞 ，而且都係凍食。但佢特別在於好似撈麵咁配有唔同嘅料去配搭，包括有蘋果、青瓜、蟹柳、秋葵等等。

呢幾年葵廣唔單止愈來愈多靚衫，更加有唔少出色嘅小食店進駐，本人住得遠，已經有段時間無嚟，完全唔知二樓有個area，集中開咗好多小食店，大嘆走寳。唔緊，有胃唔怕遲，只係花多眼亂，唔知點揀好，好彩姐妹想食雞，target立即清晰好多。呢度40蚊可以揀一雞三餸一汁，本人不嬲只食雞胸唔食雞脾(俾娘親話好鬼豬)，所以揀咗雞胸。餸都有好多選擇，有蘋果石榴青瓜之類，我地最後揀咗花枝丸竽絲同鮑魚菇。因為本人喉嚨痛，汁就揀左望落似最清淡嘅沙律汁本來無乜太大期望，以為同屋企整嘅奄雞差唔多。結果大出意料之外，因為實在太好味啦！雞胸嘅質地唔會太鞋，仲非常之入味添。三樣餸都好好食，竽絲同鮑魚菇涼涼地好爽口，食起嚟好過癮。個汁酸酸地，同凍食亦都好夾呢！唯一嘅缺點係雞皮太多，唔小心食咗幾塊雞皮(不過都好食嘅)，食完個盒有好多雞皮，好彩雞肉都唔少，算抵食嘅，下次嚟會再食~