Nonsense

eat Nonsense價錢: $98/ $88/ $148/ $248/ $5x好味程度: 4.3/5服務🍴: 4/5環境🗾: 3.7/5性價比🥢: 4/5回頭率😚: 4/5-係土瓜灣的呢間小餐館已經開業一段時間，但都係近呢幾個月先開始做畫碟，仲要無額外消費，只需要滿足佢哋的最低消費便可😚呢個價錢有呢個心機的畫碟，超佛心！幾年前食過味道都唔錯，除左正常cafe的意粉，仲有佢哋招牌的煲仔飯，巴斯克等等。-🆗青芥末醬北海道唐揚魔鬼魚塊。唔係好習慣魔鬼魚嘅口感🤣有少少似炸魚，但比較脆口，好似有啲軟骨咁。但炸得ok，沙律醬有Wasabi會冇咁膩。-✅西班牙風乾火腿蜜瓜芝士沙律。大大碟，西班牙火腿比嘅份量完全冇手軟！鹹香鹹香加埋爽脆嘅生菜椰菜，一定唔會差😌-✅✅西班牙黑毛豬肋肉煲仔飯。好好食！用珍珠米做煲仔飯仍然保持到粒粒分明，甜豉油唔會太鹹，底部有飯焦🥰 重點係黑毛豬肋肉比得超多，舊舊都好有質感咬開，有啲似豬頸肉咁又爽又淋，容易咬開嘅。冇浸臭豬味，但食到少少肥美嘅肉香🤩-✅✅炸軟殼蟹海鮮芝士咖喱鍋。咖喱帶甜，質地濃稠，係有啲日式咖喱的感覺。上面芝士好多，足以拉絲。最好係好多海鮮，而無雪味☺️🦐

「Nonsense」位於土瓜灣超人氣西日餐廳，主打世一日式煲仔飯和巴斯克蛋糕，食過嘅客人都一定會回頭包括我，每晚人氣爆燈，晚市可以做到兩轉枱，到九點仍然有客人排隊，可想言之有多受歡迎👍👍今日和朋友特別嚟食晚餐，當然為咗煲仔飯而來，仲有佢哋研究咗好耐，最新推出咗新甜品「U型麻糬拿破崙」，仲要有我最鍾意嘅開心果口味，唔係唔試呀嘛😊😊▪️黑松露蘑菇湯新鮮即打，松露蘑菇味道超濃，入口Creamy濃香，仍然食到粒粒蘑菇，夠晒足料▪️西班牙風乾火腿蜜瓜芝士沙律沙律菜新鮮，配合蜜瓜、西班牙火腿和芝士，再加上甜酸的醬汁的沙律醬汁，味道鹹甜鹹甜的組合，好開胃▪️澳洲和牛封門柳大啡菇超高質的牛肉，生熟程度剛好入口牛味超濃，口感軟腍，加上大啡菇配合燒汁已經夠晒惹味，撈埋蘭王蛋黃一齊食，加倍滑溜味道提升至另一層次▪️ 黑松露薯條去到邊度都要食薯條，粗薯條新鮮即炸，熱辣辣外脆內軟，沾上薯條最佳拍檔黑松露醬和茄汁，一條一條食唔停口▪️西班牙黑毛豬肋肉日式煲仔飯全晚最期待嘅主角出場，每枱必點當然絕對唔會令你失望，新鮮滾熱辣，一打開煲蓋香氣撲鼻，撈勻晒所有食材加上甜醬油，黑毛豬肉爽口彈牙夠晒入味，加上香菇和吸收晒所有精華嘅醬油

於區內甚有名氣，其中軟心芝士蛋糕更是非常受歡迎的食品之一。不論鹹食定甜品亦同樣精彩，可謂性價比極高，值得支持。參巴辣蝦醬牛舌 ($88)牛舌爽彈，加上香辣惹味的參巴辣蝦醬，帶有濃厚風味，越吃越開胃。澳洲和牛封門柳.大啡菇 ($168)和牛封門柳軟腍，肉汁豐盈，牛味香濃，進食時蘸蛋汁，更添加細滑質感。龍蝦尾海膽汁扁意粉 ($238)海膽鮮甜，龍蝦尾爽口，扁意粉非常掛汁，口感creamy，加上三文魚籽，頗有層次。Rum葡萄巴斯克軟心芝士蛋糕(開心果雪糕) ($58)可配搭法式焦糖燉蛋 或 自選雪糕一客，畫碟精緻搶眼，影相及打卡一流，無論慶祝生日或紀念日都很合適！芝士蛋糕中間部分略帶軟心，入口有濃郁酒香，軟滑濕潤且不甜膩。Rose Latte ($42)芳香撲鼻，味道浪漫而甜蜜，風味優雅。

之前試過佢哋嘅巴斯克蛋糕😋 一直念念不忘好想再食😆 今次直接到訪佢哋係宋皇台嘅堂食店❤️ 除咗預訂佢哋勁靚嘅甜品畫碟，仲試埋佢哋勁出名嘅煲仔飯👍 超滿足嘅一餐😚 主食首選日式煲仔飯😍 㨂咗配蒲燒鰻魚✅ 煲仔飯採用珍珠米製作，食落粒粒分明有嚼感👍 配埋鰻魚燒汁甜甜地好惹味😚 鰻魚焦香滿溢，軟嫩可口，好高質❤️ 另外㨂咗一份燒澳洲和牛封門柳配白松露薯角😋 封門柳火喉控制得好理想👍 食落軟嫩腍身，充滿牛肉嘅香🌟 配埋蛋黃汁一齊食勁滑勁嫩❤️ 薯角新鮮炸起，熱辣辣卜卜脆😆 好香口大滿足😎 甜品㨂咗一客佢哋新推出嘅草莓拿破崙🥰 畫碟係Chiikawa😍 真係勁靚勁有心機🤗 見到都心花怒放🤩 拿破崙層次十足，鬆化可口😋 加埋香滑嘅忌廉同埋鮮甜嘅草莓，真係完美享受❣️ 另外當然唔少得主角巴斯克蛋糕🤗 㨂咗幾特別嘅伯爵茶吉士流心口味😋 食落軟滑細膩，吉士流心甜美迷人😚 伯爵茶嘅甘醇令整體不會太漏🌟 每次食都好滿意👍 飲品㨂咗一杯Rose Latte 同埋Green Apple Honey❤️ 前者醇香順滑，玫瑰嘅幽香令人迷戀☺️ 後者好清新解暑，夏日必點之作✅ 

之前已經分別喺社交媒體網站&同Openrice都見過呢間Nonsense，畫碟真係好靚，所以Book 左母親節前一日同媽媽預祝。Whatsapp booking 時會講定有最低消費先可以要求畫碟。由於全家都比較細食，睇完Menu 覺得未必會叫到低消個額，所以冇要求畫碟，不過係可以免費寫字既。唔知係咪得當日先分左兩輪18:00/20:15，我地 book 左20:15，早到咗少少都已經準備好。睇完Menu自己scan QR code落單，野食等咗10分鐘左右都開始上，賣相同味道都係中上水平。最難得嘅係啲員工會周不時會過嚟加水，同埋其中一個有提我哋有啲甜品可能已經賣晒最好就落定單先，選擇叫起。講真，我覺得今時今日喺香港真係比較少餐廳有好嘅服務態度+食物好食係會令到我想再回訪，希望佢地可以keep 到個水平

土瓜灣呢間 nonsense 其實bookmark 左好耐，平日8點都係全場爆滿，人氣超旺～一定要提早預約因為只要提早預約就可以免費畫碟，到時點番個甜品就可以，今次畫左人氣公仔Labubu 同小八同框超靚～～～～🔸baileys 巴斯克軟心蛋糕 連埋原味口味有成20款，總有一款岩口味，揀左baileys甜酒都濃郁 ，另外仲可加埋焦糖布甸/雪糕係甜品畫碟上男女朋友/閨蜜慶生都真係無得輸ga喇🔸鵝肝和牛封門柳日式煲仔飯日式煲仔飯係店家招牌，約7成熟左右封門柳加埋入口即溶鵝肝滿滿油香，隨意加入附上甜醬油，係正ge!🔸龍蝦尾海膽汁扁意粉 喜歡食creamy 類意粉ge 推介埋呢款，大大條龍蝦尾熟度剛好ontop仲有味道甘甜海膽，而且亦加入魚子突顯整體鮮味🔸海苔單骨雞翼 海苔份量不手軟，味道正正常常！甜品、主食出色d🔸Mocktail Pink grapefruit guava lemonade 酸酸甜甜幾fresh，好岩夏天飲 另外都有cocktail，beer 選擇！

今日係我哋嘅結婚周年，想搵一間有特色嘅餐廳食飯，經朋友介紹，我哋就嚟咗呢度慶祝食飯。入面環境唔算大，坐位尚算舒適，呢度係用QR code落單，方便快捷。我哋點咗以下食物：-🔸海膽·濃蝦湯 $88味道濃郁，入口幼滑，龍蝦肉鮮甜，估唔到咁樣食海膽會更加突顯到海膽嘅鮮甜味，呢個湯非常好飲。🔸鵝肝·和牛封門柳·日式煲仔飯 $268鵝肝：鮮甜，口感棉密細緻。和牛封門柳：肉味濃郁，油脂分布均勻，肉質鮮嫩多肉汁，仲一啲都唔韌。米飯：粒粒分明，食物嘅油分滲入米飯之中，並加以甜豉油，所以食嘅時候唔覺鹹同埋唔覺膩，再以蛋黃撈飯，非常滋味，食到最底仲會有美味嘅飯焦，口感酥脆，略帶焦香味。🔸燒法式羊架配白松露薯角 $218羊架：肉質嫩滑，有少少羊膻味，肉汁緊緊鎖住，細緻遍布嘅油花燒熟後散發出牛油般嘅香氣，外皮微焦香脆。白松露薯角：薯角：炸到酥脆金黃，口感棉密，配上白松露濃郁嘅香味，更是美味嘅享受。燒粟米：帶有一點嘅焦香味，一啲都唔乾仲好清甜。🔸夏威夷果仁巴斯克軟心芝士蛋糕及開心果雪糕 $58夏威夷果仁巴克斯軟心芝士蛋糕：表層呈微焦狀態，但中心仍然保持軟心質地，入口即溶，芝士味濃郁，配上鹹香甘甜嘅夏威夷果仁味道

Nonsense @eat.nonsense 📍：香港土瓜灣北帝街143-155號順輝大廈地下4號舖🚗：宋皇臺地鐵D出口 步行8分鐘📞：+852 2806-3800💲：~HKD200/head for dinnerFood quality✔️：黑毛豬肋肉日式煲仔飯、開心果拿鐵、榴槤巴斯克軟心芝士蛋糕、小山園抹茶吉士流心芝士蛋糕👌🏼：芒果冰沙 總結：😋個人很喜歡嘅一間日式西餐 cp值頗高 推薦畀大家‼️😋佢啲巴斯克蛋糕🍰外賣非常抵食 堂食就正常cafe價 畫碟都好有心機 慶祝生日朋友嘅好選擇 榴槤同小山園抹茶都好好食 流心狀態一流 味道都好濃郁😋港式煲仔飯就食得多 日式真係冇咩點試過 今次試咗黑毛豬肋肉 不得不說做到有飯焦呢點都打唔少老店 同埋真係好食🤤豬肋肉都嫩滑多汁 撈埋蛋汁加焦香嘅飯粒好易入口😋開心果拿鐵都好飲 開心果味一湧而上簡直係開心果迷之選 🤔芒果冰沙都唔錯👍🏼🤔環境幾大間但冇咩裝修 不過食物質素好 我覺得頗抵食😨環境好暗 影相唔friendly 同埋與隔離枱距離有點近🥲

位於土瓜灣嘅Nonsense,佢哋嘅甜品畫碟真係超級靚呀😍靚到想將隻碟拎走😛今次我揀咗chiikawa小八加上牛奶妹呢個組合,畫得一模一樣好可愛啊🤩餐廳主打日式西餐,另外佢哋嘅巴斯克芝士蛋糕亦相當出名🍰自設芝士蛋糕工場每日新鮮制作,採低糖少甜的配方🫶🏻有28款口味選擇,好味到一試難忘🥰開心果拿破崙甜品畫碟用上開心果拿破崙,開心果味道濃郁💚入面仲有煙煙韌韌嘅麻糬🤩加上鬆脆嘅拿破崙,口感豐富🥳畫碟記得要提前預約啊,先可以畫到想要嘅公仔🫶🏻藍莓巴斯克軟心芝士蛋糕巴斯克芝士蛋糕有好多口味揀,揀咗藍莓口味🫐有新鮮嘅藍莓果肉及果醬🫐超軟心效果,芝士味濃郁🧀小山園焙茶巴斯克軟心芝士蛋糕另一款巴斯克芝士蛋糕揀咗小山園焙茶,焙茶味香濃🌱蛋糕資感軟滑🥰另外巴斯克芝士蛋糕會配上法式焦糖燉蛋或自選雪糕一客🍦龍蝦尾.海鮮.芝士咖喱鍋芝士咖喱鍋有邪惡嘅拉絲芝士🧀龍蝦啖啖肉,肉質彈牙,味道鮮甜🦞海鮮有蝦、青口、蜆肉、魷魚🦐🐙配上烤油餅,點埋咖喱一齊食好滋味😛黃金炸單骨雞翼充滿鹹蛋黃鹹香嘅黃金炸雞翼,外脆內嫩,雞肉嫩滑Juicy🐔黑松露白松露炸薯條香脆可口嘅炸薯條🍟配上黑松露白松露醬,相當滋味😛開心果 Latte散發

今天同小朋友過來慶生. 講真, 餐廳地點係有d 唔方便, 老公仲本話要俾心理準備自己, 個食物未必... 估唔到有驚喜, 6:30 黎都已經好爆多人... 大蝦意粉好creamy, 又有海鮮味, 唔會雪味個薯條好得!!! 炸得岩岩岩, 乾身, 溫度keep 得好耐. 又香口唔會油. 煲仔飯就一定要叫, 飯焦好香.. 我地食得好滿足.最正真係個畫碟, 好似, 好靚!!! 我地一家人都high 起來~~ 唯獨唔好要有min charge, 都要俾deposit. deposit,我覺得都ok 既, 因為地點問題, 會正常驚甩底. 大推!!!!

Happy Birthday 🎂🎂同人慶祝生日一點要花點心思，一直心儀#土瓜灣 @eat.nonsense ，佢地除左有名物日式煲仔飯、手工巴斯克之外，仲收埋左一位藝術家🧑‍🎨 佢地既生日畫碟可能稱得上全香港最有心思，最靚❣️仲要係免費🆓免費🆓免費🆓，當然一定有基本要求啦！詳情請看影片尾🌟🌟西班牙風乾火腿蜜瓜芝士沙律 $88🌟西班牙火腿配蜜瓜一直是絕配❣️加埋芝士就更豐富香口❗️🌟參巴辣蝦醬牛舌 $88🌟每次見到牛舌都不會錯過，第一次用參巴辣蝦醬，辣辣地又幾特別！🌟溫泉蛋芝士蟹肉焗大啡菇 $62🌟菇味夠濃，蛋汁同芝士溶合會特別香❤️🌟西班牙黑毛豬肋肉•日式煲仔飯 $148🌟招牌煲仔飯果然名不虛傳，煲仔飯焦剛剛好，飯粒粒分明，豬肋肉油香滲入飯內更加下一站吸引，豬肋肉份量都不少，二個人分享好合適‼️🌟炸軟殼蟹椰香喇沙扁意粉 $168🌟超巨型軟殼蟹，好厚肉‼️喇沙扁意有椰香但不會太咸，喜歡軟殼蟹的必選❗️❤️甜品畫碟❤️我選擇左芝麻巴斯克蛋糕配椰子雪糕 $58 ，芝麻味好香濃偏甘，係好真材實料的味道，必須讚美餐廳🍴畫碟實物比我提供的圖片靚出超多，好用心‼️📍Nonsense (土瓜灣)土瓜灣北帝街143-155

補祝細佬生日🎂佢鍾意食巴斯克芝士蛋糕呢間之前都有幫襯過，亦幾出名，今次回購試另一款口味口味花款超多，可以揀流心系列或軟心系列多款茶味：伯爵茶、烏龍茶、鐵觀音、玄米茶、抹茶🍵連咖啡、芝麻、鹹蛋黃、榴槤、酒味都有！▶️ 開心果巴斯克軟心芝士蛋糕 (5吋)加配開心果碎同果仁脆脆 (+$20)賣相靚仔，面頭勁多開心果仁💚切開feel到好軟心食落入口細緻順滑creamy😋有別於一般new york cheesecake開心果味極度濃郁，唔講以為攪入咗成罐開心果🤯面頭開心果仁同脆脆令口感更豐富，味道上又再nutty啲-冇話特別花巧有麻糬或餡料，但已經好出色，突顯到巴斯克蛋糕精髓🤌🏻細佬狂話好正好食😂要再幫襯試Oreo味用Keeta app買，折後$160～一個蛋糕切到5-6件，勁抵食！

之前土瓜灣食過呢間畫碟勁靚嘅多國菜餐廳，一試難忘，決定今日再嚟回味一翻。今次點咗呢到嘅招牌菜日式煲仔飯，另外當然唔小得一定一定要點甜品加畫碟，打卡真係靚到爆呀。U型開心果拿破崙：畫碟技術真係超高水準，今次畫左LABUBU同 Chiikawa ，畫得超級靚，顏色鮮艷，即刻要狂影相先得呀，隻碟畫得甘靚真係唔捨得食呀。拿破崙外層酥脆，開心果醬濃郁，食到內餡有驚喜，加入左麻糬，口感酥脆彈牙。松葉蟹甲羅盛. 海鮮. 日式煲仔飯：賣相勁靚，熱辣辣香噴噴，蟹殼內盛裝香濃蟹膏，蟹膏份量充足，仲有圓圓既蛋黃，配上日式甜豉，食落焦香酥脆，鮮味十足。黃金炸單骨雞翼：咸蛋香味勁濃郁，金黃鬆脆，單骨雞翼容易食，熱辣辣，肉質鮮嫩多汁，咸香味勁正。澳洲和牛封門柳. 大啡菇：和牛嫩滑多汁，大啡菇厚身，柔軟富彈性，口感豐富。避風塘北海道揚魷魚：避風塘酥脆香口，魷魚軟嫩爽彈，蒜香濃郁。Butterfly Peach：色彩繽紛，紫色漸變顏色好靚，桃味突出，清新香甜。Strawberry Smoothies：士多啤梨鮮味突出，口感順滑。

首先中肯地講句其實佢啲嘢食係好食嘅，尤其是啲意粉嘅味道都幾特別🍝但係當你食咗一個鐘左右佢就會係咁開始幫你執碟⋯起初都冇為意，但係負責人竟然出現講咗句「都差唔多啦喎？你哋仲有個甜品喎！」其實原本我地係一行5人嚟幫朋友慶祝生日，見佢畫碟啲好評好多，所以先揀呢間餐廳。但留意返啲好評好多話免費畫碟，其實有啲不盡不實，因為其實係要全枱每人消費最少$250先有呢個服務。不過佢都一早講好咗嘅，所以都冇覺得有問題。最大問題係負責人同店員趕客嘅態度真係令人有啲唔知點樣處理⋯🤢餐廳唔顧你幫朋友慶祝生日 踢爆驚喜 其實都好常見⋯ 不過咁冇禮貌咁趕客都真係少見。最正係 當佢終於上個甜品碟嘅時候，雖然心情已經比負責人搞到唔係幾好，但本身都仲讚佢畫得好靚，點知負責人嘅回應竟然係，「係呀，記得睇時間影相喎！」⋯真係全場靜曬🫠結論就係如果你係一兩個人嚟食餐飯，其實都冇乜所謂嘅。但係如果你係一大班人嚟慶祝/聚會，就真係唔建議啦！因為佢係唔會理你前菜主菜，會一次過上晒抌喺你面前，你食唔切佢仲會串你食得慢添！😀 希望如果都係諗住你慶祝生日嘅，你會睇到呢篇真實小小嘅食評啦🥲（就算你唔係嚟慶祝生日其實都會俾負責人影響心情，因為

叫咗兩個lunch set紫菜黑毛豚肉姜汁飯加大啡菇、大蝦蟹肉日式煲仔飯、另外加咗一份芝麻味芝士蛋糕，賣相好靚，味道係高質亦好足料～🍤好彈牙，啖啖蟹肉，啡茹好好味、豚肉好味！甜品芝麻味夠濃又唔會太甜，飲品少冰少甜做得到，抵讚呀！餐廳廁所乾淨，檯面乾爽，之前睇食評話冷氣直接吹到頭問題，由於樓底矮，店方加咗檔版改善，所以坐得舒服，店員都好熱心！會再有朋友幫襯～