麵屋一平安 (Closed)

今晚參加了一個在美麗華商場內的品酒會。每逢品酒會過後，總喜歡在附近找間港式雲吞麵或日式拉麵來吃，中和一吓酒精。香港的人氣拉麵店大多數是豬骨湯底，個人之前在東京工作多年，比較鐘情於東京地道的醬油湯底拉麵，還記得幾年前在將軍澳吃過一平安的醬油拉麵，味道還可以，今晚就近近地決定吃美麗華商場內的拉麵一平安。座位較一般拉麵店寬敞，座得舒服。先來一杯日本Sapporo Beer!點了醬油拉麵$75，湯底清新，叉燒大片，還有我愛吃的竹筍夠多，讚!朋友點了特製醬油拉麵$85，除了叉燒外，有角煮，湯微辣，好味!希望在香港可有多點醬油湯底拉麵的美味拉麵店啊!

好飽，叫左個迷你飯加迷你麵加大既下午茶。今日去到，無咩人，正，最鍾意去無咩人既餐廳，可以靜心食個下午茶。我揀左B15,即係細熊本豬骨湯拉麵，加迷你滑蛋豬扒飯，但加左$10蚊加大，估唔到，原來加大，就等於正餐粉量。睇佢張相以為好細碗，今次真係叫多左。麵條就係機製面質地，硬身幼面，湯底就夠香同濃味，豬肉份量比較少，其他配菜就普通。一平安既特色嘢就係自己落手壓蒜蓉，新鮮壓出黎，辛辣度剛好中和湯底既濃厚味道。呢個係加分既地方。個滑蛋豬扒飯就有半塊豬扒既分量。加埋個麵經好夠，加埋餐飲就可以頂到過埋晚餐時間，真入宵夜。啱晒附近返夜既服務業員工。又唔多人，正！

今日約左朋友係佢公司附近食lunch，想坐得舒服啲又可以傾下計不太嘈…行行下見到一平安麵入面冇乜人，坐位又闊，決定食這間🤗午市套餐配套多樣選擇我們選擇熊本蒜油豬骨湯拉麵配迷你牛柳柆飯牛柳粒飯- 蒜片很香，迷你份量不算少，牛柳入味不過很韌，咬到牙都軟😒熊本蒜油豬骨湯拉麵配一平安炸雞平安炸雞- 炸得很香，外層脆卜卜，雞肉嫰滑很多汁😋熊本蒜油豬骨湯拉麵 - 湯底蒜香豬骨味濃，豬肉也夠腍滑，肥瘦適中，不過麵質不夠彈，本人不太喜歡😏

每個星期五…朋友突發約去尖沙嘴食飯…我都好頭痛…因為要搵到位又可以坐得耐嘅餐廳真係少之有少…我地一大班女仔想飲灶少少酒傾計…又唔想食二手煙….呢間最適合不過! 位於尖沙嘴美麗華2樓…麵屋一平安其實我最早係比佢d拉麵吸引…但慢慢發現…佢D小食都好好食…由其係串燒! 物真係點擺都正!簡單到一個大阪燒…我地都爭住影相!而佢D set唔係好貴…飽肚仲又野飲! 呢度仲可以叫啤酒,,,最適合我呢D好酒之人!服務質素都好好,,,但有D waiter係講英文…我第一下點餐都雞同鴨講左一餐先發現…

星期五晚尖沙咀通街都係人，要搵張枱食飯閒閒地等成粒鐘。好在醒目的我唸起美麗華廣場上面開左幾間餐廳。7.45pm上到去竟然無一間要等位，真好。可能人流少，餐廳直頭做減價。2人餐2百幾蚊，good餐廳主要食拉麵，拉麵質地有口感，湯底濃郁豬骨味，唔會好溜，豬軟骨入口即溶，最愛溫泉蛋流心感覺，非常好食。在尖沙咀星期五晚可以靜靜食一餐飯，唔會好迫又唔會比待應不停收餐趕客，真好。

星期六下午，一個人想食飯，又想飲杯coffee, 發現一平安的lunch set 竟然有coffee, 咁就入去試下啦！ 十年前左右，都去過佢尖東本店兩三次。以前學生年代，覺得$100 一個人好貴，雖然好味但唔拾得食。今日係近十年來第一次再食………有啲驚訝:又話係麪屋，但格局明明係居酒屋。食拉麪，但提供熱水既? (日本的做法係,提供冰水，香港好多小店都有follow)店員之間係講菲律賓話，與食客就講英文或廣東話 不論佢對象係本地人定外國人中，食物都應該要做好。我的 lunch set : 細熊本拉面+牛舌飯:一早講明係細麪，所以預左細碗。有一塊豬腩肉，偏肥。荀就偏咸。麪有咬感，不錯。但湯底好人造的感覺，而且唔濃，個人不太喜歡。牛舌飯，可能係我有錯誤的期待，以為日式牛舌就係好似燒牛舌咁。一來佢份量好少，得4-5塊左右。二來，佢係中式牛舌-----好厚、好堅韌。三來，牛舌的燒汁雖然好味，但飯面的汁呈啫喱狀，令我覺得食緊飛機餐。coffee : 意想不到，竟然飲到杯好coffee 。Cream milk 係自己加的。好香，無酸無苦。但要趁槷先好飯 服務方面係好既。菲籍店員好勤快，好有效率，亦

一個人帶住兩個細諗緊食咩好，行行下見有拉麵店，好似幾好食，一於試下先。因為已經5點，所以入面冇乜人，亦可以趕得切叫下午茶食，店員都幾細心介紹，最終叫左個7號餐（唔記得影餐牌）跟個炸八爪魚丸，加多份三文魚刺身，因為同小朋友一齊食，又冇朱古力果類，於是叫左杯士多啤梨益力多。個拉麵真係幾好食，湯底好濃郁，又唔會太鹹，幾足料。炸八爪魚丸唔錯，又唔會太乾身，幾香口，三文魚刺身都算新鮮，士多啤梨益力多不過不失。但冇得用eps比較唔方便

未去之前已经做定功课，知道这里的二人套餐抵食。订咗七点钟，限定只能坐一个半钟就要交枱，一路都唔觉得全院滿座。我们点了小吃边吃边等。串烧及芥末鱿鱼真的不錯。我特意点了劲辣海鲜拉面，失望，汤底鲜味欠奉，辣味不足，唔汤唔水。最主要面底太幼，汤汁掛不上去了，给人一种面还面，汤还汤的感觉。顺带一提椅子太矮了，坐到脚都痹！

依家只做拉麵很難做生意吧，見到好多捱到依家的拉麵店都變得多樣化。以前覺得一平安好日式，現在加多了點港式系統。$278 兩人餐加一，有兩個主食、兩個小食和兩杯飲品。有少許取巧，有一半食品都要再加錢食。軟殼蟹拉麵加$10，個combination 幾fresh，蟹ok大隻，喜歡多葱，不錯。order特製博多豬骨湯拉麵，但係黎左同個圖你兩回事，店員話係一樣，冇個個叉燒，點解唔講？湯底和麵都仲可以，叉燒一般，不夠入味，蛋太熟，末發揮到日本拉麵個種精神！炸雞都幾好食，皮脆肉嫩，份量正常。西京燒銀鱈魚加$15，魚好滑，煮得好食，但係薄切，好唔抵食。

嘩﹗又食？朝早十一點係屋企食個即食麵早餐，三點食個牛雜麵 lunch，三點半芝士紅白酒會，帶著微醉依家六點半再日本拉麵，勁呀﹗難得有緣碰上卡雲女神，美女相伴飽死都要一齊去啦，食完再孤身好下場，大埔飲酒﹗第一次黎，依舊研究下個 menu 先 ﹗都有多款拉麵同湯底選擇，仲有好多特式小食噃。拉麵大多以叉燒為主，睇相都好肥美厚切，唔知會否又係相片只供參考呢。木魚菠菜沙律，每位都會有既前菜，簡簡單單好味又開胃。冰凍清涼，淡醬油、木魚香、菠菜爽甜，good 呀。芝士蛋卷，朋友仔稱為必食之選，但個人對日式蛋卷有所保留，我一向不喜歡全熟蛋的呢。試一試，比較似甜品喎，厚厚微暖蛋皮捲著大量流心芝士，咸香中帶著濃濃甜味餘韻，唔難食。辣味拉麵，聞落好香噃，賣相好有中華 feel，中華拉麵乎？濃郁醬油味突出，亦揚溢著濃濃甜味，甜中又滲出微辣，味道不錯，好似台灣牛肉麵既味道，不過係超級濃郁版。麵質夠硬，我喜歡有趙口既麵條，而且掛湯力較腍麵強，最怕麵條又腍又濕又辣。配菜是椰菜、肉片，不禁想起上海菜回鍋肉。

我已經愛上了這裡，非常實惠價格，麵很好吃，服務態度真的太好，環境很舒適⋯⋯我愛....我愛.....麵屋一平安.....天天新鮮.....天天好吃.....一星期來一次

假日行完街街，又到了三點三要醫醫肚時間。走到美麗華2樓餐廳層看看有什麼發現...發現今個星期日真的特別反常，大部分餐廳的下午茶時間都不用等位。其實今天街上也不太擁擠，連逛街時等fitting room的情況都不多，奇怪得很，可能個個正在公園追玩Pokemon Go😂🙈看到一平安放在店前的大餐牌，下午茶拉麵套餐只是$60-70一個，抵食價錢，便鑽進去嘆個拉麵下午茶！一平安提供兩個下午茶餐牌，這個是正常份量的拉麵套餐，價錢較下面的拉麵套餐牌高點點，$65-80不等，跟餐還會配迷你沙津或迷你炸雞，再跟一杯飲品（咖啡或茶），或加錢轉其他特飲。熊本豬骨湯拉麵麵身幼細彈牙，有嚼勁豚肉湯底有陣陣濃郁的豬骨味，湯底面層油份不多，咸度也適中，不會吃完令人大灌清水叉燒較薄，脂肪比例不太平均，脂肪較多，多到有點覺得一路吃，它的肥膏一路溶化在湯裡😂迷你沙津雖叫迷你沙津但它的大小比我想像中大一點點，可能是我被它上面大大球薯仔沙津欺騙了😆😆沙津配料多，有沙津菜、粟米、車厘茄和青瓜，醬汁有點點黑醋配日式醬油味下午茶拉麵餐二號是心理上再比較經濟實惠的，價錢$62-65Step 1揀選一個細拉麵，再Step 2再揀個細

上次初一去了美麗華的大自然素食,今次就試了在它旁邊的這間日本菜館以日式拉麵店而言這間算是比較抵食的,最平的午市套餐只需70蚊就有一碗麵同一杯野飲(特色飲品要加錢),今次我地試左豬骨湯拉麵套餐同滑蛋豬排飯套餐感覺這碗滑蛋豬排飯既賣相有D似親子蛋飯,食落去味道唔錯,醬油沒有像其他拉麵館的那麼咸,雞蛋夠滑不老,豬排煮得比較淋,但肉身也挺彈牙可口,相當不錯豬骨湯拉麵方面也挺不錯,各種配菜的味道配合得幾好,就是湯底有點太咸,如果能像有些拉麵館的那樣能調較湯底濃度的話就更完美了這次試的東西不多,但感覺這家店的環境不錯,食品質素唔錯,上菜速度快,員工服務態度幾好就在這裡推薦一下了,喜歡食日本料理的朋友可以去試吓呢間性價比唔錯既拉麵店

行了這個商場多次, 都想試下這間麵屋, 今晚和另一半就來試下, 我們坐的是吧枱, 因為沒有其他空枱, 不過感覺幾有feel  我們看見二人餐十分抵食就試下. 只需$278, 可選擇兩款拉麵, 兩款特式小食及兩柸飲品   我們的兩款拉麵都是豬骨湯底, 湯底不太濃, 豚肉都算入味, 整體倘可以, 反而最有驚喜是鐵板牛柳粒, 入口熔化, 配上洋蔥一起食, 一個字 "正"  另一個小食就是炸八爪魚球, 食起來雖有點粉厚, 不過配汁搭救,  所以算很香口野味, 一客六粒, 真的夠侯  今晚真的食得太飽有柸飲品消化下都不錯.  我最後想講我柸ice coffee, 奶和糖漿分開上是最合我心水. 果然自己調味是最好 的

一直都鍾意食日式蛋包飯，日本好食的蛋包飯云云，但要係香港搵到好食的蛋包飯係有難度。尖沙咀麵屋一平安的蛋包飯值得推薦!座位舒服，日本餐廳的良好環境。炒飯蕃茄味濃，其中的雞肉份量適中，但雞肉略乾，蛋皮厚薄剛好，不是那種半熟蛋皮，伴碟的薯蓉沙律剛好去掉蛋包飯的膩滯感，沙律好讚！失色的是麵䜴湯味道太咸，但算多料。這個套餐約$80多元的價錢，是物有所值!