麵屋一平安 (Closed)

星期六的午市套餐，先來個熊本拉麵，再來個滑旦朱扒飯，另一客要了牛柳粒，還有餐飲，麺及飯是細版的，非常足夠好飽，可以再來試食其他配搭，這個地區，這個價格抵食，味道也不錯

食左軟殼蟹拉面同博多豬拉面，首先面既質量實在令人失望，吃出來的是在759買的拉面的味道，食材不能算很糟糕，但令人感覺不值。豬肉和軟殼蟹味道尚可，牛舌味道尚可，炸雞偏硬。 不會推介別人，同樣價錢能有更好的選擇。

門口餐牌寫住 288 二人晚餐包兩主食、兩小食同埋兩杯飲品，一開始覺得都好似幾抵，衰肚餓又唔睇清楚，入到去認真睇 menu 先見到好多較吸引嘅 choices 都有細字寫要額外加錢，咁既然都坐低咗，就決定落單試下啦。於是第一個主食—拉麵好快就上枱喇。飲咗啖湯覺得味道都幾濃厚，不過一夾麵就出事喇⋯ 因為佢嘅拉麵係一隻「即食」感好重嘅幼麵，至於叉燒雖然有四塊，但完全係考驗師傅刀功嘅極限，紙咁薄啊陰公。其他配料都只係一般水平。第二個主食加咗 20 蚊叫咗個鰻魚飯，其實現場睇個賣相已經唔係好吸引，鰻魚食落去就好似係已經燒好嘅鰻魚冷藏完再返熱咁，完全食唔到鰻魚應有嘅香味。最後係兩樣小食，其中一款係三文魚刺身，雖然見到較遠嗰兩嚿似係腩，但都係得面嗰層係肥，而且食落係油膩感重嘅，唔係令人回味無窮嘅肥美；前面嗰三嚿就係 super model⋯⋯ 另一款小食又加咗 15 蚊叫呢個半熟牛肉刷身，em，其實睇落都唔算半熟，味道都係一般。幫襯嗰陣其實都唔算好多枱客，但幾個侍應真係吹水打牙骹多過做緊嘢，就連嗌埋單都舉咗好耐手先有人應⋯⋯

這晚和美女建築師創作完，時候也不早，不想去得遠，就在附近和兩個朋友一行四人一齊食個晚飯來到這間門口，再看看菜色都幾吸引，就決定一試看了一會發現這個二人套餐性價比也不錯 ($288兩位)我們選了:軟殼蟹拉麵 (要+$10), 特製博多豬骨湯拉麵小食要了炸雞+魚生飲品選了凍檸茶和熱檸茶先來的是魚生，每塊都又厚又軟腍，味道新鮮可口，相當好口感炸雞也不錯，外脆內軟特製博多豬骨湯拉麵豬骨湯夠香濃，肉都軟滑鬆化，味道恰到好處麵條有質素，夠爽滑軟殼蟹拉麵，雖然加了$10也算物有所值，軟殼蟹夠大隻，真是有成隻，可口，軟硬適中，醬汁濃郁豐富好味的一餐，下次再來可考慮enocre

原來除咗卡啦OK之外， 而家仲有食肆係可以一面聽歌一面食嘢。位於尖沙嘴美麗華商場內一間居酒屋都有雙重享受。細細間而且款式唔算太多， 但質素卻能保持到一定水準，尤其係那份燒牛舌實在很美味；再加上兩次星期六去都能享受到現場音樂伴奏，以及仲有歌手即時演唱，實在無可批評。價錢方面只是比一般稍貴一啲也值得。

食物垃圾，服務不知所謂。首先不停叫人換枱，再者又落錯單。豬骨湯淡而無味。比起以前日本人做的一平安簡直是兩回事。伙記態度差。就算附近沒有選擇強烈建議各位千祈唔好再去

lunch set都幾抵，有個 ramen + snack + 飲品。博多拉麵，湯底濃 濃到 feel 到 d 骨膠原好黏嘴唇，麵身係幼麵所以好褂湯，又夠熱，好食。D肉 又soft又入味。仲有粒鶉春蛋 ^^加埋 tagoyaki ... 食完好飽。tagoyaki就正常la, 唔係特別多陷料。不過都幾好食。

雖然麵屋一平安係主打拉麵，但我認為佢嘅豬腩飯先係隱藏美食～xxxxxxxxxxxxxxxxxxxxxxxxxxxxxx我叫呢個午餐就係拉麵同飯都有嘅迷你版～$68豬腩經過炆煮之後，所有油脂都煮走晒（我好怕一般油淋淋嘅腩肉），腩肉入口即溶，精華喺晒個汁度，記得叫佢多汁～加埋半隻糖心蛋仲有蔥花撈飯真係一流！拉麵揀左熊本豬骨湯拉麵～濃濃既豬骨湯加埋蔥花同木耳絲，湯濃而不膩 ，叉燒瘦肉多，肉質厚實，呢兩個孖寶好正，一餐晏可以有兩個選擇～xxxxxxxxxxxxxxxxxxxxxxxxxxxxxx

裝修過後，再度幫襯麵屋一平安。環境比以前睇落更大同更光猛，坐得舒服。一坐低，店員會為你遞上熱水。呢度有名食拉麵，不過是日想試其他。點了一客壽司，唔係傳統壽司，係用左牛油果黎整。牛油果口感香滑，配上三文魚同吞拿魚一齊食，口感好襯。炒麵賣相唔太靚，不過炒得香，醬汁濃郁，每條油麵都充滿著醬汁，很開胃。蔥花燒牛舌最鍾意食燒牛舌，燒得非常惹味，牛舌有口感有𡁻頭但係唔會過硬。加幾滴檸檬汁，可以消膩。呢度有啤酒有清酒，同三五知己可以慢慢坐低傾計食野，店員不會比白眼，而且仲會替你加水，推介。

星期日放假行街，經過麵屋一平安門口女朋友已經俾佢門口個menu吸引左，但係個陣都只係6點鐘所以決定行多陣先再返去食。到7點半咁上下返返去，好彩唔洗等位，直接安排坐係吧枱。研究完個餐牌一輪，最終決定嗌左一飯一麵兩個小食同兩杯飲品。女朋友嗌左個鹿兒島A4和牛丼🐮，感覺上不過不先，同一般牛柳粒分別不大。而我就叫左個名古屋辛味拉麵🍜，個辣味肉碎味道還可以，但係塊叉燒稍嫌肥左d同埋個湯底味唔夠濃。日式燒餅個汁略嫌甜左d🍹，但整體味道還好。日式煎餃味道都ok嘅，裡面有d蔬菜，感覺無咁膩。女朋友叫左杯益力多菠蘿，而我就叫左益力多橙，覺得益力多味唔夠，可以落多少少就好啦😅😅。

2017年6月14日 (星期三) 6:00pm 店內裝潢以時尚樸實為本，感覺舒適和優閑。 環境光亮整潔，餐具乾淨。 不用等位 人數：2人 HK$326 滑蛋豬扒飯 - 豬扒熱騰騰，外層脆口，內層肉嫩。蛋漿金黃，配合洋蔥絲一起吃，爽口香滑，而珍珠米飯質亦軟綿綿。整體來說，味道很好，如果碗內多些醬汁的話，令濕潤度提高，便會更美味！【推介之選】❤❤❤ 炸雞 - 即叫即炸，脆卜卜，雞肉鮮味，實屬惹味小食。【推介之選】❤❤❤ 蔥花牛舌 - 當侍應生奉上時，香味撲鼻 ，連隔鄰桌的食客也說：很香。但是一吃之下，牛舌煎得靭了，味道立即減分。 熱奶茶 - 對於日本餐廳來說，奶茶竟然沖調得濃滑，是本人意料之外。因為市面上的日式奶茶都是清淡為主，不會感到濃郁的。【推介之選】❤❤❤ 芒果益力多梳打 - 味道酸酸的，沒帶有益力多的香，覺得一般而已，有些失望。《 餐 牌 》：

今日繼續係尖沙咀尋找抵食日本餐，由於又係見客嘅關係又出到尖沙咀搵食！13:45上到去唔駛等就即刻有位，午餐選擇又算多，套餐有拉麵又有飯加埋都只不過係$100左右，最啱我依d月底先出糧嘅窮人😭😭由於個人比較貪心，所以簡左迷你拉麵同迷你牛舌飯套餐，跟餐仲有味噌湯同熱飲。迷你拉麵個東京醬油湯底比我想像中出色，平時食開一係太咸一係太淡。估唔到依個好鮮甜而且食唔出有味精，唔係講笑，依個清清地嘅湯係我人生中唯一一個會食完個拉麵仲會飲哂d湯！ 牛舌食得出佢係即叫即整，雖然佢係我食完個拉麵隔一陣先再上，食得出牛舌好juicy不過切得超薄😂

好耐之前幫襯過，印象是很不俗，想不到今次再去，竟然差咁多？我們兩個人，晚上八點去到，成間店得三個客，感覺古怪？後來入嘅客多是自由行，更怪，但食店始終講求食物，所以沒理會環境，叫了一個二人set，包兩碗拉麵及兩碟小食，麵，一般，跟food court、茶餐廳質素相若，伴著湯麵的筍(我是因為筍才叫拉麵)竟然是腥的太失望！湯底味道十分一般，不是難食，但一定唔係好味 最難以接受是嗰碟帶子炒雜菇，帶子好像柴皮，難以入口，雜菇太䶢而另一碟鐵板豆腐也十分䶢，但豆腐嫩滑，算是成晚最好味的一碟，成個set加埋一成三嚿幾水，超級唔值，諗住影低個menu放上嚟，但周圍都揾唔到，明明㸃菜時見過，諗住揾侍應攞，但就算成間店空nel nel都找不到一個侍應理我，我咪諗住行去令一桌拿，因為成間店真係無人，最後都係找不到，我就到門口reception 拿，因為reception 都係無人，典知，一拿便被一個女侍應從遠處罵過來，說我不能拿reception 的menu，我沒誇張，是真的罵出來，她說這是lunch menu，我問她為什麼要這樣沒禮貌，她說這是午餐餐牌，但也不用罵吧？她死死氣半瞇著眼道歉，當然態度是極差，我

麵家一平安初初很有日本 feel，拉麵感覺頗正宗，樓上舖那家店還有很多日本人光顧。後來分店一多，好像不再走正宗路線。不過食物質素也不俗，價錢亦合理。熊本熊拉麵造型可愛，味道一般。

叫左二人餐，包拉麵兩碗、小食兩個、飲品兩杯，嘩，都幾多。平時食拉麵通常只有叉燒，今次有軟殼蟹（加$10）就試試，軟殼蟹成隻，不過要食得快因爲會浸林。另外個拉麵就普通九州拉麵 type  ，麵有啲林，可能要食小食先，所以浸左拉麵一陣。兩個拉麵嘅湯都唔太咸。個煎豆腐真係好多，以為得兩三舊，豆腐好軟，配醬油煎好入咪，不過略油。炸雞又係大大舊即炸，雞肉滑，正，但真係要飲杯檸檬茶消消滯。日本侍應served我地。如果唔係搭檯有返啲「空間」嘅話好似返左日本咁